:َ َ قطـر .. بعـيون قطـريــهـ من قلبـ .. َ َ:

[missme]

.
.
.
بكل فخر واعتزاز ..
اليوم يشرف اخي واحدوو ويشرفني ..
أن نطل عليكم بطله مختلفه ،،
وبقلم مختلف ..
ومن ومن وحي يوم لاينسـى ..


هو يوم استقلال دوله قطر ..



نعم هو كذلك ..

حيث استقلت قطر من اعدائها وخرجو من اراضيها .. وتركوها كي تتنفس الصعداء ..
وبفضل الله مازالت تتنفس الصعداء ومازالت في تطور ونهضه مستمرة ..

اصبحت قطر اسم عالمي .. اصبحت قطر وسام يضعه كل من يعيش على اراضيها ..فقط .. كي يقول : أنا أعيش هنا !

فبـدايـه ..

نحب أن نبارك لـ ..



لسمو الشيخ حمـد بن خليفة آل ثانـي .. امير وحافظ هذه الجوهرة قطر
و

للشيخ تميم بن حمد بن خليفه آل ثاني .. ولي العهد

ونبارك أيضا لكل قطري في هذا المنتدى .. ونقول : ارفعو راسكم يالشله القطريه الفلاوية انتو قطريين

ويشرفنا في هذه المناسبـه الغاليـهـ ..
أن نشارككم فرحتنا القطريـهـ ..

بروح قطريه ..


وهذه الجوله بتكون قطريه أصليـه

يعني بنراويكم الحياه القطريه .. وبعيون قطريه

لن ماظن حد بيحب أرضه بلا سبب .. الا بالنسبه لنا هنالك الف سبب

أكيد كل شخص يحب وطنه ..

لكن حبنا لقطر غير






وعشان نمشي بالموضوع عدل .. وماتتسائلون شنو هاي وشنو هاي وهالكلمة شنو معناها
يبت لكم قاموس المصطلحات القطريه

شنو؟=لماذا؟
شخبارك؟=كيف حالك ؟
بلفيت =يعني ان (وهالسمايل( ) ممكن يوضح قصد الكلمة )
جي=هكذا (الجيم تنطق نفس الـCh )
خراط = كذاب
كنديشن=مكيف
برده=ستارة
مسيد=مسجد
اكتاب=كتاب
اشيرة=شجرة
دريشه=نافذة
شفيك؟=ماذ بك؟
ريّال=رجل
مرَة=امرأه(تنطق جي Mara )
يبط الجبد=يقهر
أُوتي=مكواة
فر=ارم هذا .. ارم ذاك
قطوة=قطه
بعير=جمل
دري=درج
سيكل=دراجه
بطبطه=دراجه ناريه
النجيان+الطعس=كثبان رمليه (الجيم تنطق G)
يحفص=يفحط
جريده=صحيفه
غرشه=قنينه \قارورة
يبوق=حرامي (القاف تنطقG)
حرقات=أخطاء املائيه\لفظيه تموت من الضحك
يستعبط=يستهبل
مفهي =غبي


.
.

[واحد من الشباب]

الوو << تجربة اجوف ينفع المايك ولالا
بعد استلام المايك من مسموو راح نتحدث عن :

العمله القطريه

طبعا العمله عندنا تسمى ريال .. والريال يساوي 3,6 $
حبييت اراويكم اشكال هالعمله العجيبه ^^؛.. احس الالوان فاتحه تفتح النفس ^^؛مب قصدي حق البوق .. لا يعني لم الواحد ييمع وجي
اضغطو على العمله عشان تشوفونها من ورا













كلنا واحد

عندنا في قطر .. تصرفات مشتركـه .. لدرجه لو كان واحد في الشمال وواحد في الجنوب ..لكن التصرفات مشتركه 100%
وخل اعطيك كم مثال ..

الاكل <<اهم شي


ربيان وفلفل
بفك قطر ^^؛(بعض الناس يسمونه ربيان) معروف عندنا من يوم مانولدنا
ولحد الحين نحبـه .. والشي المشترك فيه ان لازم مع البفك فلفل
يعني نترسه فلفل وهكذا يحلو الاكل


شبس عمان ولبن
ها هاي !
عاد صج هاي بعد معروف من قلب .. وكل حد يحب لبن داندي او بالاحرى كما نسميه (لبن بو نص)
عاد شلون ناكله .. ننتف الجبس ونحطه داخل اللبن وناكله او ناس يسوون العكس يحطون اللبن داخل خريطه الجبس
وفي بعض الاحيان بعد اذا ما نطحن الجبس شنسوي ؟ ناكله مع عصير بو نص
نفس شركه لبن بونص بس عصاير ولسانا يستوي برتقالي

واخيرا ً ..

دفتر
هالدفتر مايبيعونه الا في قطر .. لنه خاص في الطلاب يعني .. بس يبيعونه عندنا في المكتبات وجي ..وكل الطلاب والطالبات يستخدمونه لعده اسباب اولا انه مجلد .. وثانيا سعره رمزي وعلى قده وثالثا موجود في كل مكان حتى في الدكان .. وماننسى أبدا ان من ورا الدفتر خريطه قطر موجوده


وينتقل المايك لـ مسموو

[missme]

.
.
أعتقد قربنا للنهايه صح واحدوو؟
بس قبل ماننهي الموضوع تذكرت شي ..
بما ان النظام في قطر ديموقراطي .. أيضا لازم شعبها يكون ديموقراطي
عشان جي قلنا بنصير احنا ديموقراطيين بعد وبناخذ راي شخصيات ديموقراطيه قصدي أعضاء
وبسألهم عن قطر .. لن احنا قلنا راينا وعبرنا .. فحلو بعد ناخذ راي غيرنا

وخلونا نبدأ بـ ..

سكـوال
وين تحب تروح في قطر ؟
الستي أفضل مجمع في قطر كلها
وليش احبه مايبيلها ذكاء كل شي يونس متجمع هناك
واهم شي السينما ^_^
استمتع لما اروح السينماا مع ربعي وبعد السينما نروح نتعشى في مطعم ماكدونالدز اللي يم السينما او ابلبيز
وحتى ستار بكس مانستغنى عنه لازم نقعد شوي هناك ونشرب كابتشينو الشراب الساخن المفضل عندي
وبعدين نرووووح على طووول صالة البلياردو في الطابق الارضي الفلاوي
او نروح نتسابق بالبطابط اللي جدام البوابة الرئيسية
صورة الدراجة:




وهمممممم
ايه تقريبا كل يمعه على الساعه خمس الصبح اروح الكورنيش..عجييييييييب
وزين حق المشي
وعاد كورنيشنا ماله مثيل فلاوي من قلب!!

إما عن حدايق ماصرت اروح من زمااان يعني
بس يعني بقولج اني كنت اروح حديقة البدع وحديقة دحل الحمام<< ذكريات ^_+



رانزي
ليش تحبين قطر ؟
ووين تحبين تروحين في قطر ؟


السـ^_^ـلام عليـ^_^ـكم ورحمة الله وبركاته
أخباركم؟^^ إن شاء الله بخير وصحة وسلامة

بدايةً أشكر أختي اللطيفة missme اللي أتاحت لنا هالفرصة بأن نكون جزء من موضوعها في ذكرى هالمناسبة العزيزة

صراحة ما أعرف من وين وشلون أبتدي؟ <<<خوش مقدمة
بس أتوقع مسمي تكفلت بالأساسيات

زين.. جنه مسمي من بين أسألتج ليش نحب بلدنا وجيه؟
هو شي طبيعي كل إنسان يحب بلاده ويعشقه ترابها^^ - حتى ولو كان شاطر مثلي أحياناً لما كنت أقول إن خاطري أهاجر وأعيش بمكان ذو طبيعة ريفية خلابة
بس الكلام شي والتجربة شي آخر
يعني مجرد غبت عن بلادي بضعة شهور وما استحملت الغربة مع إن تآلفت مع ناسها وتأقلمت في بيئتها نوعاً ما.
بس بديهي الوطن غير، والأهل والأصدقاء أكيد غير ومثل ما يقولون:
"الجنـة مـن غيـر نـاس ما تنـداس"


زين هاي كانت مقدمة قوقازية زغنونة^^
والحين بدخل للب المشاركة
وهي عن الأماكن المفضلة عندي ببلادي

- 1 -
الحدائـق
- البدع (أو الرميلة بس تعودت عالبدع ): حلوة
- حديقة الحيوان
- حديقة المطار: مال أول أيا عليها <<< أدري شالوها بس كنت أحبها

- 2 -
البحـر
- الكورنيش: شرح وحلو (بس فلة أول كان فيه بيتزا هت )
- سميسمه: ياه هاي أذكر رحته وأنا صغيرة - منطقة هادية وصافية
- الشمال: فلة بعد البحر هناك قبل كنا كذا عائلة وحتى أصدقاء العائلة نطلع طلعات جماعية حق البر والبحر ونخيم ونتسبح ونلعب ونشوي - أيام

- 3 -
الفنـادق
الفنادق ما أدخلها إلا لما نروح عرس
وأكثر فندق شفت منه هو الشيراتون وصج قديم بس حلو
خاصة القبة اللي بوسطه (الكافيه ما أدري مطعم^^) وأصانصيراته
غير هاي يمدحون interior الريتز وشاطيء الانتركونتيننتال


- 4 -
المطاعـم
- نادي الدوحة: واااي أكل هالنادي لذيذ
- Applebee's : أكثر مطعم نروح له عادةً وأكله وايد حلو
- كافيه Le Notre : أكله رائع وقعدته فلاوية


- 5 -
المجمعـات
- لاند مارك: أحبه لأنه هادي وملموم على بعضه^^ بس محلاته قليلة وسينماتهم طاحت من عيني من عقب ما ظهرت سينمات ستي سنتر
- الستي سنتر: زحمة وكبيــر +___+ أفلل شي فيه السينما
- المول: هم بعد هادي وحلو وفيه أشيا ما تكون موجودة بمكان ثاني

- 6 -
السينمـا

سيني سنتر: أحلى سينمات خاصة الفلاوية 1
سينما الخليج: تصدقون إنها بالمرتبة الثانية؟ حيث من حيث إنها وسيعة وشرحة حلوة لكن قديمة وأكثر وإزعاج
سينما المول: من زمان ما دخلت لا سينما المول أو لاند مارك - بس جنه المول أحسن وحتى مدخلها من بره أحلى

وبس^^

إن شاء الله مشاركتي المتواضعة كانت ok

وشكراً مسمي مرة ثانية

[missme]

آنجل بدون نقط

كلمنا عن الاماكن اللي تحب تروحها وا تقضي وقتك فيها ؟

اول شي ببده مـــع الفرجــان وبعطيكم بعض المعلومات عنـها ..

طبــعا اول شي فريــجنا
(الروضه او الثمامه )
هالمنقطه من مناطق الدوحه اليديده .. ويعني يمكن صارلها 15 سنه بسـ .. منطقه اكثر شي فيها عائلات ومافيها عمارات ابــد بس فيــها مجمعات سكنيه واايد فريجنا متروس انجليز .. واهم شي في الفريج الملعب الي قبـل كان شحلاته بس الحين راح فيهــا .. الدوحه كلها كانت اتيي عندنا وكسروا الملعب تكســير .. والفريج صار مثل كرنيش العالم كلها اتيي واتمشى حول الملعب
وبعد فريجنا مافيه محلات واايد يعني بس المحلات الي على طرج الوكره ودخل الفريج مافيه اله كم محــل .. وبالنسبه للشوارع فريجنا شوارعه حلوه ولهذا السبب الشباب استعملو الشوارع للسباق ..وفيه واايد مدارس وهالشي الي يسبب الزحمه عند دوار الكهربه .. ومدرسه ثنويه للبنات ومدرسه اعداديه للاولاد ومدرسه نموذجيه للاولاد ومدرسه ابتدائيه للبنات ومدرسه من اول لين رابع بعد للبنات .. واحلى شي في الفريج انه اغلب ربعي في المدرسه وياي في نفس الفريج ..

ثانيا فريجنا القديم الهلال
هالفريج مشهور بوكالت البيجــو وقريب من وكالة اللكزيس والتيوتا ..والفريج من داخل قديم ومكسر ورايح فيها الحمد لله افتكينا منه ...

ثالثا المطـار
هالفريج مشهور انه مكسر ورايح فيها وعدد المقيمين فيه اكثر من القطريين .. بس فيه واايد اشياء مهمه .. مثل المول .. شوب رايت .. شارع المطار التجاري .. مدرستنا .. وفيه وااايد مدارس بعد .. بس اهل اليهال الي في الفريج مخربينه شوي ... بس المحلات الي فيه و المراكز والمدارس هم الي خلو الفريج مشهور ..

رابعا الوكره
هالفريج قريب منه .. فريج هااادي ونظيف وكل شي فيه حلوو .. وفيه بحر الوكره وفيه نادي الوكره بعد .. وفيه مطاعم ومحلات حلوه ..

======================================
الحين بتكلم عن المجمــعات الي موجوده في قطــر ..

المجمــعات ..

المــول ..
.. اول مجمع تجاري ينفتح في قطر .. فيه كل شي سينما محلات مطاعم .. وقريب من بيتنا بعد .. بس مشكلته انه صغير ما ينفع حق الدواره فعشان جي نفضل الستي عليه لانه كبير ..

اللاند مارك
دخلته مره وحد في حياتي .. وفيه اشياء مهمه بس ما خذت فكره كبيره عنه

الســتي ...
لو دخلنت هالمجمع ما نطلع منه .كل شي موجود فيهـ السينما المطاعم المحلات وكل شي .. بس مشكلته زححححححمه .. بس والله فلله الدواره هنــاك ..

======================================
الحين السينمات الي في قطـر

طبعا فيه كم سينما بس حق الافلام الهنديه مثل سينما الامير وسينما الصناعيه وسينما الدوحه ...

واول سينما للافلام الانجليزيه هي سينمة الخلــيج صج انها كجره بس رخيصه .. وكبيره وتنفع تصير مسرح (مثل امس والي قبله عرضوا عليه مسرحيه ) طبعا احيانا نقعد على الكراسي وتطلع مكسوره وجي .. والكراسي صغيره .. امس رفيجي قلناله بتيي واينهالمسرحيه قال لا ما اقدر اقعد في الكرسي

سينما الستي والمول .. بالنسبه لي اوكي بس بعض الشباب يقولون انه ما يقدرون يقعدون في سينمة المول لانهم متان بس حقي انا اوكي ...

======================================
الاماكن الي نحب ندور فيـــها

فريجنا .. والدفنه .. كله السباب يحبون يروحون هناك ويقعدون يدورون وجي ..

======================================
المطاعم ..

المطاعم الي نروحها على حسب الميزانيه ..

اذا كنا مفلسين يمدحون الشوارمه والمعصره ..

امما اذا كنا في الستي وبطرانين .. فيه نانديز الي في الستي ..
وتشيليز الي في المول .. وبندروزا .. وفرايديز ..

بس اكثر المطاعم الي نروحها في الايام العاديه
اكثر شي كنتاكي وماكندولز وهارديز

======================================
البــحر
انا ما اروح وايد بس
اكثر بحر انروحه هو الساحل الغربي .. نقعد والشباب بتسبحون وانا لا لاني ما اعرف ... وبحر الوكره احيانا نروح هناك فلله بس الساحل احلى ..



واحدوو

سلامن عليهم جميعاً

يووه عاد والله مالقيتي الا هـ السؤال الحلو يا ماوسو

ليش احب قطر هممـ والله وهقتني

اصلا انا ماكنت بكتب بس تعرفونها الشريرة ماتخلي الواحد في حاله

المهمـز عاد طبعاً كله لعيون قسماً يهون << شدخل

اقول الله يخلي اوري بس الله يعينا مع الاسياد ..

المهمـز والله يعني سؤال غريبن عجيبن

وفي حد مايحب بلاده

تصدقون اتذكر يوم كنت صغير كنت صج ماداني قطر

مادري ليش يمكن مخي كان صغير وماكنت مستوعب

انها قطر !! << تخسبق مايعرف شيقول

لا والله صج .. حتى يوم كنا نسافر بعيد جيه شهرين يمكن ..

صج اشتاق لها بس ماعترف مادري ليش

عاد طبعاً الفلوس تغير نفوس << شدخل

لا يعني قصدي ان الواحد يتغير مع مرور السنين

وشوي شوي بديت احس بمعنى كوني " قطري "

يا الله والله شنو افتخر واعتز ببلادي .. شي يعني يفوووق الوصف

احس انها اغلى شي عندي والله من صجي

اقولكم الحين لو اسافر يومين بس والله اشتاق لها ..

واهم شي للناس اللي فيها والعمارات << يموت على الهندسه المعماريه
اففف والله يوم امشي هناك صوب الستي واجوف جيه عمارات شطوول قاعده تنبني

اشق الحلج يبيله تصوير والله

يعني مشالله احس نفسي انسان وطني نمبر ون

هو مب غرور بالنفس تقدرون تسمونه ثقه وحتى لو كان غرور ما اخجل منه

لانه غرور في حق بلادي وحبي لها او خلوني اقول عشقي لها :سعادة2 :

متيييم فيها يا عالم << الله يعين زوجتي علي بتقول هاي يحب قطر اكثر مني

لا والله صج كل ما اقرى شي فـ الجريدة ... اي تطوير اي شي .. صاير في قطر .. احس داخلي مادري شلون

ولا في مباراه خليجي 17 النهائي كنت فـ الملعب وجيه يوم دخل الشيخ حمد وقالوا النشيد

والله مادري شلون ياتني الصيحه من الوطنية الزايدة

والله العظيم ماتغشمر من صجي دموع الفرح .. صدقوني فـ التلفزيون يبين ممل بس والله لو تكونون هناك تحسون عدل !

ولا آخر بلنتي يوم فزنا .. عاد هناك الدموع اربع اربع على الخد ..

هههههه والله استينيت قمت الم ( احضن ) خوالي واصيح ومادري شاسوي ..

خلاص احس صج قلبي وقف << بخصوص كأني طلعت عن الموضوع

لا بس قصدي في لحظات وطنية يعني الواحد يفتخر فيها

والله اني احمد ربي كل يوم وليلة اللي خلقني قطري فخر ياناس فخر لي

وتدرون شنو وقت الوطنية القصوى عندي ؟؟! يوم اجوف في اي دوله اي بلده اي موقع او شي غير قطري وانذكر فيها اسم قطر بمدح ولو خفيف

يوو والله اسوي عرس ماخلي حد ماعزمه هههههه والله في منتديات جيه اذا اجوف شي عن قطر سيده اسجل

وعاد اقعد ابربر وقطر فيها كذا وكذا وكذا .. والله يصيرون كأنهم عايشين هناك صارلهم 50 سنه

ولا الانجليز .. يا الله والله يوم نسافر دول غربيه ويسألوني من وين واقول قطر ..

اذا جفت علامه تعجب فوق راسهم اسحب لي كرسي واقعد اهذر .. تعرفون الجزيرة ؟

هممـ انزين القطرية ؟ الحاصله على مركز من الـ 3 الاوائل في خدمه الـ5 نجوم

وعاد اذا ماعرفوا اقوم اشرح لهم والله مادري احس اني ابي اتكلم عن بلادي

مهما اقول ماراح اخلص طبعا لان باختصار كل واحد يحب بلاده ..

وطبعاً من جهتي ابارك لصاحب السمو امير دولة قطر الشيخ حمد بن خليفة آل ثاني حفظة الله ورعاه

وصاحب السمو ولي العهد الشيخ تميم بن حمد آل ثاني

بمناسبة عيد الاستقلال الوطني لـ قطر ارفعوا راسكم يالقطريين تستاهلونها والله

واهم شي اجازة الاحد << هاي اكبر همومه

ماطول عليكم هذاني قلت نبذتي وخلصت سوالفي < للحين مابدت يقص عليكم

وننتقل لـ ماوسو ^^



شكـرا ً .. واحدوو
وشكرا لكل اللي عطونا آرائهم .. ومن قلب يبي لنا عوده خل نفصفص كل كلمه

اي في شي ثاني بعد <<

خذت آراء أعضاء بعد عن قطر .. هم ماعايشين في قطر .. بس يعني خذت آراء وشنو يعرفون عن قطر وجي
فخلونا نقرا

أواب
بشكل عام دولة قطر من أجمل وأرقى الدول اللي عرفتها .. وبشكل شخصي أجد نفسي بأنها مناسبه لي .. لأن فيها منتزهات وأماكن وشواطئ غير طبيعية ، ولا أنسى بأن دولة قطر فيها الخير والبركة في تمسكها بالدين الإسلامي بنشر المساجد لآداء الصلوات وأيضاً جمعيات الخير والبر وأيضاً ظهور دعـاة متميّزين ، والكثير .. كما أن زيّها الرسمي لا يختلف عن الزيّ السعودي من ثوب و غـتـر !!

وبشكل اجتماعي فأجد أنها ممتعه .. لأن فيها أماكن تستحق الزيارة عليها ، مثل جزيرة النخيل اللي فيها منتزه وشاطئ يطل على البحر .. وأيضاً مجمع السيتي سنتر فأعجبني تصميمه وفخامته واتساعه للناس .. وأيضاً وجود الحدائق الجميلة والمنظمة .. وأيضاً وجود متحف قطر الوطني اللي يعبّر عن أصاله التـاريخ ^_^!

وهاي يامي يقول لنا عن حد من أهله زار قطر سابقا او بالاحرى دارس في قطر
Yami No YuGi
[ بالنسبة للدراسة كانت حلوه وكان المكان رايق له حتى المناهج عجبته
وكانت بسيطة بالنسبة له كان وده يكمل لكن اضطر انه يرجع ، الاماكن بقطر
كانت مثل ما يقول روعه يعني بالسعودية نادراً نلاقي مثلها خصوصا المجمعات
الي فيها سينما هذا غير موجود الا بكم مكان ينعدون على الاصابع ، الجو غير جونا اكيد بكثير ،، وانطباعه بخصوص الاشخاص الي قابلهم مره يعني اخلاق
ما شاءَ الله عليهم على العين والراس ^_^ .. ]

[missme]

واخير ..

أظن خلاص قربنا نخلص <<

يلا في النهايه شوفو هذي المواقع لعل وعسى تونسكم وتفيدكم اكثر وأكثر .. لن ترى الموضوع يمكن ولا شي ولا حتى ذرة بالنسبه للحقيقه :

مواقع قطريه :
وزارة الوقاف والشؤون الاسلاميه
معرض قطر للصور
الجمعيه القطريه للتصوير الضوئي
الالعاب الآسيويه 2006 -الدوحة-
اكاديميه التفوق الرياضي
هيئة السياحه
سوق الدوحة للأوراق الماليه
مركز الشفلح
نادي الطوابع والعملات

روابط مكساتيه :
بعدسـهـ قطريهـ مكساتيـهـ .. سترى [قطـر]
ჯ النهـضه العمـرانيه فـي قطـر ჯ
ჯ منـارة نـابضـة فـي قلـب قطـر - الـلـؤلـؤة ჯ

وهاي موضوع العام مال الاستقلال وكان من ابداع سكوال
«•¨*•.¸¸.»قطــر بين الماضــي والحاضــر «.¸¸.•*¨`•»



وفي الأخير ..
كل عام وقطر بالف خير ..

نحبك يا قطـــــــــــــــــرنا من الرويس لحـــــــــــــــــدود ســــــــــــــــلوى
محـــــــبتن تســـــمو في أقاصــــي الحشـــــــــــــــــــــا وكلنا ســـــــــوى
بصـــــوت واحـــــد رددنا "اللهم احفظ بو مشــــعل" يا خــالـــق الورى
في قلوبن تنبض بحبك وألسن تهتف باســــمك يا قطر .. يا أغلى ثرى

وبس .

وان شاء الله تكون رسالتي انا وواحدو اوصلت لكل قطري واوصلت لكل خليجي .. ولكل شخص بالعالم العربي والعالم ..
ونتمنى نشوفكم كلكم عندنا .. في بلدكم الثاني قطر
وخصوصا وقت الاسياد .. هاذي دعوة شخصيه لكم اعضاء مكسات دعوة لكم لحضور الاسياد من تاريخ1-12 لين 15-12 .. تنورون قطر والله
عندنا قطر تمتلي فيكم وتزدحم بس وانتو معانا كل شي يهون .. عادي لن انتو منا وفينا ..
ترى من صجي والله ماطنز .. لن عندنا قطر تمتلي بشخص عربي ولا بواحد ياباني يقول : كونيتشيواء !

ولو في أي استفسار او شي ماشيات لاتستحون

وقبل الختام <<الظاهر الختام بردين

حبيينا نعرف رايكم وبكل صراحه عن قطر يعني سواء باللي سمعتوه عن قطر
او زرتوها بنفسكم .. يعني لو كان شي ايجابي او سلبي .. نحب نسمع رايكم

وبس

لالا .. في شي بعد <<قلت لكم الختام ردين ماتصدقون

حبييت اشكر واحدوو واقوله ..
استمتعت كثيـرا بالعمل معك ..
والله يوفقك ان شاء الله .. وكل عام وانت بخير

يلا مع السلامه

[واحد من الشباب]

لحظة لحظة تعالوا وين رايحين يعني بس مسموو تختم وانا لا
طبعاً نشكركم على قراءة الموضوع المتواضع مني ومن مسموو

وشرفنا مروركم وطلتكم على الموضوع .. حتى لو بس داخلين تزيدون الزوار عادي
واكيد بعد انا اقول حق مسموو ان شرفني الشغل وياها

وان شالله ماتكون المره الاخيرة ^^ مشالله عليها يعني تحسونها مثابره من قلب
كل يوم مطرشتلي شي .. وخنسوي هاي وخنضيف هاي .. لا اله الله الله

والله احيي فيج هـ الشي يا مسموو وفعلا اسعدني وشرفني العمل وياج
صج تخصبقنا والوقت - والاتصال - ماكانوا بعد في صالحنا ..

بس مثل ما يقولون يد وحده ماتصفق << شدخل
لا يعني قصدي في الاتحاد قوه << بعد شدخل
المهم عاد افهموها

ويالله بس شناطر انت
ايه انت ياللي تقرا شناطر يالله اجوف روح اضغط رد على الموضوع
ولا اقولك عشان ما تتعب اضغط هني .. يبتها لك شورت كت



ويالله بانتظار مروركم
مع السلامه^^

[missme]

هي هي هي !

يقولون في استعراض عالكورنيش

افاا كنا بنروح الستي .. بس اخوي قالي هزا الحجي ن في استعراض
فبطلنا .. ورحنا نشوف العرضه .. بس شكلهم للحين مابدو

خخ خاطري اشوفه ..ان شاء الله يعرضونه عالتلفزيون

اقول بكرة كلكم غيبو اجازة من عندي

وكل عام وكل اعضاء مكسات وبالاخص القطريين واهم بخير ..


.
.
ترى لي الف عودة لن في وايد اشياء ابي اعلق عليهـا .. وخصوصا هاي اللي فوقي ورده المحمص

يلا في أمان الله ..

[squal]

يعطيج العافية اختي missme وتسلمين على الموضوع

وكل عام وقطر بألف خير ^_^

[هزيـم الرعـد]

.



وعليكم السلام ورحمة الله وبركاته


..
..
..
..
..

لحظة لحظة شوي ..




هيه هيه

كل عام وانتم وقطر بألف خير



وألف شكر لكم على الموضوع الروعة

تنسيق وابداع ولا أروع

عاد اذا فيه تفحيط قولوا لي اجيكم

الهايلوكس مولع .. بس يبي بنزين

[ البنزين ] .. عندكم بترول او ديتول يمكن

<< خلك على جنب بس

بس انا ضاعت الرياضيات معي

حنا الدولار عندنا يعني 3.75 ريال

من الأكثر .. انتم والا احنا

-------

سؤال : .. [ اشدخل ] .. وش يعني
ما حطيتوها بالقامووس

-------

لكم كل المحبة والتقدير

والـــــف شكل على الموضوع

ودمتــــــم كمــــا تحــــبون









.

[chandy]

حبيينا نعرف رايكم وبكل صراحه عن قطر يعني سواء باللي سمعتوه عن قطر
او زرتوها بنفسكم .. يعني لو كان شي ايجابي او سلبي .. نحب نسمع رايكم

بالنسبة لي قطر من احلى الدول الي زرتها
اهلها طيبين والله يوفقهم
واللهجه القطرية حلوة
واحب جبس فونزيس وبفك قطر
ومافيها سلبيات


تسلموووون على الموضوع الكشخه من قلب ^_*
يعطيكم الف عافية على هالمجهود

[Grave diggeR]

.
.
.
بكل فخر واعتزاز ..
اليوم يشرف اخي واحدوو ويشرفني ..
أن نطل عليكم بطله مختلفه ،،
وبقلم مختلف ..
ومن ومن وحي يوم لاينسـى ..


هو يوم استقلال دوله قطر ..

ألف ألف مبرووووك ... يا بختكم<<<حسوود

وجعله ينعاد عليكم وأنتم سالمين أن شاء الله

ويشرفنا في هذه المناسبـه الغاليـهـ ..
أن نشارككم فرحتنا القطريـهـ ..

بروح قطريه ..


وهذه الجوله بتكون قطريه أصليـه

يعني بنراويكم الحياه القطريه .. وبعيون قطريه

لن ماظن حد بيحب أرضه بلا سبب .. الا بالنسبه لنا هنالك الف سبب

أكيد كل شخص يحب وطنه ..

لكن حبنا لقطر غير

... بصراحه أنتوا بهلكلمات خليتوا الواحد يحسدكم على حبكم ... وأنا والله ما حصلي الشرف أني
أزورها مع انها قريبه منا ...(طريق سلوى) ... يمكن بعضكم يعرفه

...........................................

بالنسبه للقاموس والله أنتوا تتشابهون مع مناطقنا بكلمات كثيرة ... نص كلامكم زينا

مثـــــلاً<<<بدا يتفلسف

شنو؟=لماذا؟

شسمه؟=لماذا

شخبارك؟=كيف حالك ؟

كذلك نحنـ

بلفيت =يعني ان (وهالسمايل( ) ممكن يوضح قصد الكلمة )

أول مرة أسمعها

جي=هكذا (الجيم تنطق نفس الـCh )

ننطقها شذي=هكذا

خراط = كذاب

نقولها شذاب CH

كنديشن=مكيف

القدماء عندنا يسمونه كنديشن؟؟ مدري وشعرفهم

برده=ستارة

نفسنا....

مسيد=مسجد

كذلك نحن

اكتاب=كتاب

بعد نفسكم

اشيرة=شجرة

كذلـــك

دريشه=نافذة

كذلك<<لازقين فيكم
شفيك؟=ماذ بك؟
ريّال=رجل
مرَة=امرأه(تنطق جي Mara )

نفسكـــــم ....

أُوتي=مكواة
فر=ارم هذا .. ارم ذاك

أول مرة أسمع فيها؟

قطوة=قطه
بعير=جمل
دري=درج
سيكل=دراجه

نفسكم بس البعير نقوله جمل

بطبطه=دراجه ناريه
النجيان+الطعس=كثبان رمليه (الجيم تنطق G)

غريبه الكلمااات

يحفص=يفحط

ههه أحنا عندنا يحفص يتحرك كثير
جريده=صحيفه
غرشه=قنينه \قارورة

يبوق=حرامي (القاف تنطقG)

مثل ما تقول قلم = يبوق

حرقات=أخطاء املائيه\لفظيه تموت من الضحك

ههههههههههههههه ما عندنا هالكلمه

يستعبط=يستهبل

ما نقول يستعبط .. نقوله .....(ح م ا ...) كملوا الباقي


وأخيرا أقولكم كل عام وأنتوا بخير وعساكم من عووادة ... بس موب المفروض يأخرون الأجازة شوي
عشان عيد الأستقلال <<أطلع منهااااا



.. تحياتي

[missme]

ههاي انا غايبه اليوم <<امانه احلفي مستحيل اصدق

يعطيج العافية اختي missme وتسلمين على الموضوع

وكل عام وقطر بألف خير ^_^

الله يعافيـك سكـوال ..
نورت والله
وانت بالف خير

[Yami No YuGi]

ايش هازا

لازم برب مو مثل قبل

السلام عليكم ورحمة الله وبركاته ..

شخباركم ان شاءَ الله تمام قطريين

قبلكم انتو ولو الحين

الف مبروك لصاحب السمو .. ولشعب قطر اجمع ^.^

الحين انتو الف مبروك لكم

يبت لكم قاموس المصطلحات القطريه

ونصها نقولها

خذت آراء أعضاء بعد عن قطر .. هم ماعايشين في قطر .. بس يعني خذت آراء وشنو يعرفون عن قطر وجي

وهاي يامي يقول لنا عن حد من أهله زار قطر سابقا او بالاحرى دارس في قطر

هع هع هع !!

لم قلت له عن هالموضوع ، استانس يقول ( يا سلام ، اشتهرت بسرعه ) مستانس يفكر اذاعة
تلفزيون هو !!

مسمو × واحدوو

يعطيكم الف عافية على هذا المجهود الجميل ., صراحةً
ما توقعة قطر بهذا الجمال صراحة توقعتها ولا شي تقريباً
السموحة على الصراحة يعني

بس لازم ازور قطر بعد ثالث ، بس ابي مرشد سياحي

وكل عام وانتم بخير ^

وإن شاءَ الله نشوف المزيد من الجمـــال ^.^

[أواب]

السـلام عليـكم ورحـمه الله وبركـاته ،،

missme & واحد من الشباب
كيف حالكم ؟ إن شاء الله كلكم بخير !!

عيني عليكم بـاردة على هذا الجهد الجبّار والكبير اللي قدمتوه .. وفعلاً إبداع تتشكرون عليه ^^

الموضوع فـلااااوي على الآخر .. خاصه انه بأقـلام قطريه وبأصاله قطريه نـادرة وبروح قطريه مميّزة .. بارك الله فيكم على حسن تعاونكم وعلى تألقكم لهذا الموضوع بإشراقتكم الرائعه .. والله يحفظكم ^_^



عاااشت قطر دولة زاهرة وحافلة .. فعلاً إنجـازات وأعمـال لإرتقاء دولة القطر إلى المعالي في إعدادها وتشكيلها ، والله يحفظ لكم قطر ويخليها لكم !

يـبـيـله تـعلـيق ^__~

الصراحه أنا مازرت قطر .. لكن عندي ربع ( أصدقاء ) من دولة قطر استمرت صداقتنا لأكثر من 3 سنوات تقريباً .. فهم كانوا دائماً يخبروني عن قطر وخاصه عن " دوحـه الحـب " <---- على قولتهم ^^ واحساسي وحبي لقطر هو حبي لشعبها ولأهلهـا .. وكنت دائماً أزور بعض المواقع القطريه عشان أشوف المناظر الطبيعية لقطر ، وحبيت الـكورنيش وحبيت فندق ريتز كارلتون خاصه انه يقابل الكورنيش وحبيت منتزه جزيرة النخيل فكان ستايله جداً خيالي .. وحبيت مجمع السيتي سنتر يعني شي فـلاااوي بفخامته وفي مناطق كثيرة حبيتها ، وإن شاء الله أزور قطر في يوم من الأيام ^_^!

وهذه الجوله بتكون قطريه أصليـه

يعني بنراويكم الحياه القطريه .. وبعيون قطريه

لن ماظن حد بيحب أرضه بلا سبب .. الا بالنسبه لنا هنالك الف سبب

أكيد كل شخص يحب وطنه ..

لكن حبنا لقطر غير

يــلا تفضلوا .. أكيد راح نستمتع بهالجـولة عــدل مب جي ؟ ^^

وعشان نمشي بالموضوع عدل .. وماتتسائلون شنو هاي وشنو هاي وهالكلمة شنو معناها
يبت لكم قاموس المصطلحات القطريه

حـركـات بـركـات

عـاد تصدقون اني كنت عارف معانيهم كلهم .. والفضل يرجع لربعي القطريين <---- خبرة 3 سنـوات !

وبعض هالمصطلحات أهـل الخلـيج بشكل عام يقولـونها ^^

قـطـر الغاليـه

العمله القطريه

طبعا العمله عندنا تسمى ريال .. والريال يساوي 3,6 $

عــدل مثل العملة السعودية وبنفس قيمتها .. وعلى ما أظن أنها مثل العملة الإماراتية ولكن تسمى عندهم " بالدرهم "

أما عن شكل الريالات طالعه كشـخه خاصه في اسلوب الزخرفه ونوع الخط ^_^!

ربيان وفلفل
بفك قطر ^^؛(بعض الناس يسمونه ربيان) معروف عندنا من يوم مانولدنا
ولحد الحين نحبـه .. والشي المشترك فيه ان لازم مع البفك فلفل
يعني نترسه فلفل وهكذا يحلو الاكل

عاد صج وناااسه خاصه اذا كان هالأكل أو هالشي عزيز وله ذكرى طيبة في قلبك ^^

أما عن الفلفل فأنا ما أحب آكل الشي الحـاار .. لأني أتبع قاعده " خلك كوول على طول "

وذكرتني بأخوي الصغير فهو يحب الأكل الحـاار وكل يوم يشتري شبس ويترسه شطه وفلفل حـااار ...



سـكــوال

وهمممممم
ايه تقريبا كل يمعه على الساعه خمس الصبح اروح الكورنيش..عجييييييييب
وزين حق المشي
وعاد كورنيشنا ماله مثيل فلاوي من قلب!!

اووه عاد لا تخبرني عن الكورنيش .. خاصه في منظر شكله في موعد اشراقه الشمس ، عاد خيااالي ^_^

لكن اللي ماحبيته في الكورنيش اسلوب الشباب .. يعني لو حصلت مبـاراة بين الغرافة VS الريّان ، وفـاز الغرافه <--- غــرفاوي حتى النـخاع ^^!

عاد تشوف الكورنيش متروس سيارات عشان فوز الغرافه الفـلاااوي <--- جي أدلـعه ^^

رانـزي

يعني مجرد غبت عن بلادي بضعة شهور وما استحملت الغربة مع إن تآلفت مع ناسها وتأقلمت في بيئتها نوعاً ما.
بس بديهي الوطن غير، والأهل والأصدقاء أكيد غير ومثل ما يقولون:
"الجنـة مـن غيـر نـاس ما تنـداس"

كـلامج ذهب .. فعلاً الواحد لو يغيب عن ديرته وأهله وأصدقائه يحس بشي ناقص ، حباً وإخلاصاً للوطن !!

وهالشي جربته لما سافرت لأمريكـا وتركيـا .. وخـلاص بطـلت أفكر بأني أهاجر من الـديره ^_^!

ونتمنى نشوفكم كلكم عندنا .. في بلدكم الثاني قطر
وخصوصا وقت الاسياد .. هاذي دعوة شخصيه لكم اعضاء مكسات دعوة لكم لحضور الاسياد من تاريخ1-12 لين 15-12 .. تنورون قطر والله
عندنا قطر تمتلي فيكم وتزدحم بس وانتو معانا كل شي يهون .. عادي لن انتو منا وفينا ..
ترى من صجي والله ماطنز .. لن عندنا قطر تمتلي بشخص عربي ولا بواحد ياباني يقول : كونيتشيواء !

إن شاء الله ^^

وأتوقع ان دورة الألومبيـاد راح تكون في الـدوحـه .. وإن شاء الله راح تكون فرصه طيبة بأننا نزورها ^_^

منـتزه جـزيـرة النـخيل



رمضانيـات قـطـر

خـلاص كلها أيام ويطل علينا رمضان ! .. عاد شي عجيب لما أشوف أهل قطر على الــ TV في برامجهم وفوازيرهم لرمضان خاصه في برنامج " رمضانيات " اللي صار له تقريباً سنتين أو أكثر .. يعني صج وناااسه عالآخر .. حتى فـرحه عيد الفطر أذكر ان كان هنـاك فعاليات وأفراح تقام في الـدوحـه ^__~

فبارك الله فيكم .. والله يعطيكم العافيه على عطاءكم ! .. وفعلاً استمتعت بهذا الموضوع لدولة قطر الغاليه اللي لها رمز وعنوان ومكان في قلوب المسلمين ^_^ .. وبالنسبة للمواقع فكـلها حفظتهم في المفضلة .. وبحط بعض الصور في المجلد السياحي حقي .. وتسلمون على موضوعكم الفـلااوي وعااشت قطر .. والله يحفظكم ويخليكم ، وتأكدوا بأننا كلنا مسرورين بهذا الجهد الطيب اللي قدمتموه يا أبناء قطر وراح يكون رمزاً وفخراً لكم على عطاءكم .. وتأكدوا بأننا نترقب جديد مواضيعكم المبدعه .. ونشوفكم على خير ~__^

ســلام ،

[missme]

هزيم الرعد
خخ ترى في نقطه في ردك رايحه عاليمين

هيه هيه

العيد فرحه هيه هيه هيه .. واجمل فرحه هيه هيه هيه
غنو معاي غنو ..غنو
أولو معاي أولو.. ألو
اهلا اهلا بالعيد .. مرحب مرحب بالعيد
<<اقول الاخت فيج شي ؟
خخ لا بس هاي الاغنيه كل يحطونها يوم العيد الصبح

كل عام وانتم وقطر بألف خير

وانت بالفـ خير وبصحه وسلامـه

عاد اذا فيه تفحيط قولوا لي اجيكم

خخخخخ
اي امس يقولون كان في عاد اليوم مادري

[ البنزين ] .. عندكم بترول او ديتول يمكن

لا شدعوة ديتول ؟ لكس احسن
خخ لا انسميه بترول

حنا الدولار عندنا يعني 3.75 ريال

خليتني اشك في مالنا 6 ولا 60 بس اظن 6
لا انتو اكثر اكيد .. يعني 1×3،75

سؤال : .. [ اشدخل ] .. وش يعني

خخ يعني -اش جاب هذا في هذا-
على سبيل المثال :
الشخص الاول: ماعندي ورقه عطوني قلم
الشخص الثاني: اشدخل
يعني الحين ماعندك ورقه وتقول تبي قلم شدخل

ما حطيتوها بالقامووس

اي لن هالكلمات عالسريع مطلعيهنم .. اصلا في واايد كلمات ووايد الفاظ راحو عن البال

لكم كل المحبة والتقدير

والـــــف شكل على الموضوع

العفـو
ولك ايضا الف شكر على المشاركه الطيبـهـ ..

[missme]

جاني

بالنسبة لي قطر من احلى الدول الي زرتها

شهادة نعتز فيهـا

واللهجه القطرية حلوة

شدراج

واحب جبس فونزيس

عاد هاي مب قطري

وبفك قطر

خخ اي

تسلموووون على الموضوع الكشخه من قلب ^_*
يعطيكم الف عافية على هالمجهود

الله يسلمـج ويعافيج
وتسلمين عالمرور

[هزيـم الرعـد]

هزيم الرعد

لا فيها مدة شوي [ هزيـــــم الرعــــــد ] جي

خخ ترى في نقطه في ردك رايحه عاليمين

انا حطيتها علشان يصير ردي كبير

خخخخخخخخخخخخخخ

العيد فرحه هيه هيه هيه .. واجمل فرحه هيه هيه هيه
غنو معاي غنو ..غنو
أولو معاي أولو.. ألو
اهلا اهلا بالعيد .. مرحب مرحب بالعيد
<<اقول الاخت فيج شي ؟
خخ لا بس هاي الاغنيه كل يحطونها يوم العيد الصبح

ههههههه عيد والا حفلة << بايخه

وانت بالفـ خير وبصحه وسلامـه

يسلمك ربي ^^

خخخخخ
اي امس يقولون كان في عاد اليوم مادري

24 ساعة مستعد ..
بس قولوا اي شارع وانا امسكه تنطيل

لا شدعوة ديتول ؟ لكس احسن
خخ لا انسميه بترول

زين مو فيري << قديمة

لوووووووووووولز

خليتني اشك في مالنا 6 ولا 60 بس اظن 6
لا انتو اكثر اكيد .. يعني 1×3،75

لا على قولة [ مستر ازغواي ] 3.60

خخ يعني -اش جاب هذا في هذا-
على سبيل المثال :
الشخص الاول: ماعندي ورقه عطوني قلم
الشخص الثاني: ادشخخخل

هههههههههههههه .. ليه متى العشاء << اشدخل

حلوة البدلية

[ ادشخخخل ] << جديدة هذي خخخخخ

يعني الحين ماعندك ورقه وتقول تبي قلم شدخل

تيب لو معه قلم وين بيكتب ؟ بالورقة اكيد << اتعب يا شييييخ

اي لن هالكلمات عالسريع مطلعيهنم .. اصلا في واايد كلمات ووايد الفاظ راحو عن البال

اهاااا

العفـو
ولك ايضا الف شكر على المشاركه الطيبـهـ ..

العفو .. وكل سنة وانتم طيبين

[missme]

Grave diggeR

... بصراحه أنتوا بهلكلمات خليتوا الواحد يحسدكم على حبكم

وأنا والله ما حصلي الشرف أني
أزورها مع انها قريبه منا ...(طريق سلوى) ... يمكن بعضكم يعرفه

لا ان شاء الله يحصل شرف .. لن ترا بس 3 او 4 ساعات من بيتنا لين الحسى ^^؛
اي وترى سلوى كل حد يعرفـهـ .. لازم نمر بيه

مثـــــلاً<<<بدا يتفلسف

لا عادي عشان نتعلم بعد احنا

أول مرة أسمعها

مانقولها واايد لن هي حلوة بللفظ ماتنفع واايد بالكتابه الا ساعات يعني

نقولها شذاب CH

^^بعد احنا نقول جذاب .. نفسكم
لكن ساعات خراط اكثر

القدماء عندنا يسمونه كنديشن؟؟ مدري وشعرفهم

خخ الظاهر دارسين انجليزي قبل

أول مرة أسمع فيها؟

^^اذا قصدك فر .. هاي ساعات نقولها في كل شي يعني نقول فر القناه (بدل غير القناة) يعني صج نطلع كلمات ونحطها في موقع غلط لكن نتعود فتصير كلمه معروفه
و (اوتي) بعد هاي دايما نقولها

نفسكم بس البعير نقوله جمل

انا يوم كنت صغيرة كنت اقول جمل .. اخواني كانو يقولون لي: انتي عربية ؟
لا هنديه
خخ لا بس يعني تعودنا على بعير .. بس بعد في ناس يقولون جمل .. خخ ابله العربي بس

ههه أحنا عندنا يحفص يتحرك كثير

بس نفس الشي
يعني مب اللي يفحط يتحرك واايد ويدور على نفسه جنه دوده شايفه نفسها
جي عني

وأخيرا أقولكم كل عام وأنتوا بخير وعساكم من عووادة ... بس موب المفروض يأخرون الأجازة شوي
عشان عيد الأستقلال

اي هم عطونا يوم واحد وانا بعد عطيت نفسي يوم واحد زياده
لن يعني اعتقد اكتفينا الخميس والجمعه والسبت والاحد .. اظن خلاص المدرسه اشتاقت وحنت

خخ ام عشان الاستقلال يعطون كل الخليج اجازة فله

* الخط من قلب تعب عيني وطلع روحها .. اضطريت انسخ الرد للورد خخ يلا معليه نسويها في غيرنا

[missme]

أواب

كيف حالكم ؟ إن شاء الله كلكم بخير !!

الحمدلله .. بخير وبصحه وعافيه

عيني عليكم بـاردة على هذا الجهد الجبّار والكبير اللي قدمتوه .. وفعلاً إبداع تتشكرون عليه ^^

العفو .. فهذا واجب علينـا ..

وحبيت مجمع السيتي سنتر يعني شي فـلاااوي بفخامته

اي وفيه كل شي تتوقعه

وإن شاء الله أزور قطر في يوم من الأيام ^_^!

ان شاء الله

يــلا تفضلوا .. أكيد راح نستمتع بهالجـولة عــدل مب جي ؟ ^^

اي اظن جي

عـاد تصدقون اني كنت عارف معانيهم كلهم .. والفضل يرجع لربعي القطريين <---- خبرة 3 سنـوات !

حلو عيل
يعني مانضطر نترجم لم نكتب رد او شي ماشيات

وبعض هالمصطلحات أهـل الخلـيج بشكل عام يقولـونها ^^

اي تقريبا اغلبيتها

وذكرتني بأخوي الصغير فهو يحب الأكل الحـاار وكل يوم يشتري شبس ويترسه شطه وفلفل حـااار ...

هههه اي صح ترى احنا مانسميه شطه نسميه قرشه فلفل او فلفل بس مع ان مكتوب على القرشه شطه

فبارك الله فيكم .. والله يعطيكم العافيه على عطاءكم ! .. وفعلاً استمتعت بهذا الموضوع لدولة قطر الغاليه اللي لها رمز وعنوان ومكان في قلوب المسلمين ^_^ .. وبالنسبة للمواقع فكـلها حفظتهم في المفضلة .. وبحط بعض الصور في المجلد السياحي حقي .. وتسلمون على موضوعكم الفـلااوي وعااشت قطر .. والله يحفظكم ويخليكم ، وتأكدوا بأننا كلنا مسرورين بهذا الجهد الطيب اللي قدمتموه يا أبناء قطر وراح يكون رمزاً وفخراً لكم على عطاءكم .. وتأكدوا بأننا نترقب جديد مواضيعكم المبدعه .. ونشوفكم على خير ~__^

الله يعافيك
وبصراحه هاي شهاده لازم نبروزها
فمعرفتك عن قطر جدا رائـعه وان شاء الله يوم من الايام تزورهـا .. وتستمتـع .. بالكورنيش
وبكل مكان ودك تروحـه ولو احتجت شي احنا في الخدمـهـ ..

[missme]

هزيم الرعد

لا فيها مدة شوي [ هزيـــــم الرعــــــد ] جي

كله واحد

انا حطيتها علشان يصير ردي كبير

انزين على الاقل جام لونت النقطه اللي فوق واللي تحت.. حرام جي ..تمميز عنصري

24 ساعة مستعد ..
بس قولوا اي شارع وانا امسكه تنطيل

الكورنيش .. -على حسب علمي-

لا على قولة [ مستر ازغواي ] 3.60

ومن هاي

[ ادشخخخل ] << جديدة هذي خخخخخ

خخ هاي يسمونها حرقه
<<يلا خل اخلص الرد بروح اعدلها

تيب لو معه قلم وين بيكتب ؟ بالورقة اكيد

سحر سبحان الله