آه يا خمري اللون
ياللي من فرط الرمان خدودك اخذت لها لون
آه يا اسمر اللون
ياللي من اداهم البيداء حرير راسك اخذ له لون
آه يا عسلي اللون
ياللي من جرة عسل صافي عيونك اخذت لها لون
آه يا غصن البان
ياللي من غصن خيزران قوامك صرت فيه أنا حيران
آه أنا حيران
ياللي من حيرتي بفراقك قلبي صار لك عطشان
آه يا قلبي العطشان
ياللي بجفا غيابك صبحت أنا بدموعي ظمئآن
آه يادمع العين
ياللي من ظلم هجره انسكبتي لي شلال ريان
آه يا كاس الزين
ياللي بعيني هويتك وسقيتني مر الحرمان
آه يالحرمان
ياللي بكاس هواك صرت على شبابي ندمان
آه أنا ندمان
ياللي بخسارة قربك وعمري صبحت أنا حزنان
آه أنا حزنان
ياللي سنين عمري ضاعت بعشق انسان
آه يا هالانسان
ياللي اريد من بعادك يساعدني على النسيان




اضافة رد مع اقتباس


المفضلات