(هابي فلنتين) ورحمتة وبركاته !!!
مقدما للحين ما دخلنا شهر فبراير بس يلا ..
V A L E N T I N E
هابي فلنتين عليكم كلكم وكل عام وأنتم بخير مقدما
طبعاً كلكم تعرفون وشهي (هابي فلنتين) هذي اللي يسمونه (عيد الحب) او (عيد العشاق)
والناس يلبسون (ثور) أقصد لون أحمر وبالتحديد يكون بتاريخ فبراير 14 بسم النبي حارصكم.
يقولون .. هذا واحد سمع عن عيد الحب .. راح يفصل لعياله ثياب لونها أحمر
عشان تسذا أنا موضوعي أخذ اللون الأحمر .. احتفااااال بالفلنتين وعيد الحب !!
قصتي بهاليوم فبراير 14 المبارك على المسلمين وما جاروهم !!
طبعاً حالي حال كثير من هالأوادم أحتفل بهاليوم .. أروح للسوق وأشتري كل شي أحمر .. فستان..جزمة (وانتم بكرامه)..شنطة..بكلة..عباة حمرا..وبوشية وبرقع !! (خبركم لزوم هاليوم الفظيل !)...
وان كان بقى دراهم أشتري عدسات حمرا..لازم طقوس هاليوم اصير حمرا بحمرا..(كني داخلة حلبة ثيـران !!!)
هالشي مايعوقني .. الأسواق والمحلات والمجمعات الله يكثر من أمثالهم ذاك اليوم حالفين ذيك الأيمان انهم ما يبيعون غير لون أحمر .. تشجيع لمواهب الشعب !
المهم ....
صحيت الصبح ذاك اليوم الموافق فبراير 14 وانا كلي حمرا بحمرا .. جلست بالصالة اتحرى أهلي نتبادل التباريك بعيد العشاق.
أول من شافني جالسه بالصاله أخوي الكبير .. هو يوم شافني
قال (بسم الله ...اعوذ بكلمات الله التامات من شر ما خلق ..وش ذا يا بنت!!!)
قلت وانا فاكه الكشره (Happy Valentine)
ماوعيت غير كككككككككفففف لفحني بجبهتي ..
وراح وتركني وانا أقول : وش سويت وربي ماسبيته
المهم .... الجبهه رجعت مكانها بحمد الله ...
وبرضواااا جلست بالصاله ...
عاد الحين من شافني ... جدتي شهينـاز <<<< هذي كيف اقولها Happy Valentine
المهم قلت لها (كل عام وانت بألف حب وعشق يا جدتي)
استغــربت
قلت (يا جده اليوم عيد الحب ويسمونه بالعنقلينزي فالنتين)
انا بس قلت (فالنتين !!!!!!) وكنّ ركبها جني أحمر <<<<<حتى هو معيّد ابن اللذينا
قربت مني وشدتني من اذني ودتني لغرفتها...!!!
قالت (انا صحيح ما اعرف اقرى ولا أكتب .. لكني عالمه بأمور ديني ..وانتم يالجامعيين تجهلون أتفه الأمور عن دينكم)
استغربت وش تقصد
اعطتني ورقه وقالت (هذي الورقه اعطانياها عمك ..اقريها عشان تعرفين وشهو عيد البعارين ومنهو الماخوذ فلنتين)
فقرأت لها ما يلي :
http://us.f1.yahoofs.com/groups/g_89...68iU.A8ykOp9IW
خجلت من نفسي أن أكون قد نلت شهادات (دنيوية) ولم أنل شهادات (دينية) !!
خجلت من جدتي الأمية !
ركضنا وراء الغرب بدعوى الحضارة !!
فسحقاً لهم وللحضارة العقيمــه !!!
نسأل الله تعالى أن يحفظ المسلمين من مضلات الفتن وأن يقيهم شرور أنفسهم ومكر أعدائهم إنه سميع مجيب .
القصة من وحي خيالي..فقط لأيصال رسالتي.
يلا باي
المفضلات