ســـــلااااامـ عليـــــكمـ .. كيفكـوون وش مسـووين .. وحشتــوونــآآ ياجمـآعــه ..
وياجماعة الخير هذا الموضوع وضع للأستفاادهـ وان شاللـه تعـم الفائده على الجميع .. << اي هيـّـن بيستفيدون منك ياأميـرووهـ .. <
هذي سالوفه عن بعض المواقف الي صاارت لبعض اخويااي في زماان اول ( يعني مب الحين << - قل والله ).. وحبيت اذكرها لكم هنا ..
وان شاللـه تونسكم وتوسع صدوركم ..
وياللـه نبلش في السالووفاات المحرجه
( الســـالـوفـه الأولـــى )
واحد من الشباب وهو رفيقي الله لايفشلنا راح يم كودو اللي بالرياض على طفرته , دخل الرجال للمطعم وهو مشخص وطلب له وجبة <<< وطبعاً الله يخلي الصور اللي في المنيو والا كان دج ... طـلـّع الرجال بوكه علشان يحاسب وطبعاً يشوف الحساب على الشاشه قدامه يعني الى هالحين مايحتاج للكلام , بعد ماحاسب قال له المحاسب الفلبيني كلام بالانقليزي يقول هو اني مافهمت وش يقصد بس قعدت اناظره شوي وجت في بالي كلمة ((no)) وقلتها واللي شجعني اني اتـبـيثر انه كان جنبي واحد شكله فاهم ومابغيت اطلع متخلف قدامه , يوم رديت على الفلبيني قام وتكلم مره ثانيه بكلام انقليزي وطبعاً مافهمته ولكن اخذتني العزه بالاثم وقلت بكل هدوء وانا اهز راسي ((no )) للمره الثانيه .يوم دريت بزرت عيون المحاسب ( بزرت = طلعت من محلها ويقال ايضاً ظهرت )
ودريت اني جبت العيد لأن الرجال اللي جنبي قعد يضحك بلاه عرف ان ماعندي سالفه الموهييم^ـ^.. استسلمت للامر الواقع وسألت الرجال قلت له : وش يقول هالفلبيني دبّره تكفا ! قال الرجال : انه قال لك في المره الاولى تبي الطلب محلي قلت لا . قال تبيه خارجي قلت له لا !!! والفلبيني دج مايدري وين تبي طلبك فيه ......
( الســالــووفـه الثـانـيــه )
هذا بعد واحد صحبي انتو ماتعرفوهوش <<< وش يبي عادل امام
راح هالرجال يقدم على كلية الملك فهد الامنيه ويوم سلم ملفه للضابط اللي على الكاونتر اخذ الضابط ملفه وقال تفضل استرح شوي بس الين نسوي لك ( تست ) يقصد اختبار مبدئي , رد عليه ابو الشباب وهو حاطاً يده على بطنه "لا والله مفطر الله يعافيك !!" <<< يحسبه يقصد نسوي لك خبز توست ..
( الســالــوفـه الثـالثـه )
خابر اني طولت عليكم وفقعت روسكم بالدندره بس خذو هالخفافيه .. بس هذا عاد دلخ مره ولاتامن انه قروي اول مره يطب الرياض , المهم دخل احد المطاعم المشهوره وبينما هو قاعداً يـفـنـك دق عليه واحداً من ربعه قال وينك فيه ؟ قال انا في مطعم ثمانيه وثمانين خويه استغرب لانه من اهل الرياض ولاقد سمع بها المطعم !! المهم يوم تـبـيّـنـت الامور صار يتعشى في ماكدونالدز .....
ولو تكرمتم اي واحد او وحدهـ فيكم ان كان له او لها موقف مماثل يسدحه لنا هنا ..
واذا ماييقدر يسدحه لنا لأنه ثقيل أو مب راضي يجي .. ترا ماعندي مانع افزع لك عليه .. << بدا يهذري
ولا تبخلوون بدلاختكم .. ....
فتكون بالعافيه ..
المفضلات