يا هوه يا كشخـه دموعـك زادتـك عنـدي وقـار
أدخل على الله من دمـوع العيـن و اللـي صبهـا
تعال و أضحك و اترك العالم ورى سـور و جـدار
و ان سالت الدمعه من عيونـك غصيبـه .. غبهـا
تكفـى فديتـك .. قـل لدمعـك لا يزيـد الأنهمـار
تراه يجرحنـي و لـو طـاول ضلوعـي .. شبهـا
خـل البكـاء لعيونـي الثنتيـن و أشعلهـا شـرار
و ان كانها ما ترضي غـرورك .. تعـال و عبهـا
حرام تبكي و انت في قلبـي لـك أقمـار و مـدار
و أغصان روحي كل ما ذعـذع نسيمـك .. هبهـا
في كل حاجه لي قرار .. الا انت مالـي بـك قـرار
أفرغت لك قطعة من اقصـى الـروح محـد ٍ طبهـا
غصب ٍ على قلبي .. بلا تفكيـر و بـدون اختيـار
أصبحت تسكن داخل ضلوعـي كـذا .. مـن ربهـا
فأن شفت روحي تنتظر لقياك .. و تمـوت أنتظـار
خذهـا بيدهـا و اقفـل عيونـك علـيّ و خبـهـا
ما اعاد ابي من لذة الدنيـا .. بيـاض و لا سمـار
غير أنت يا أخـر مـن تعـدى فالحـدود و نبهـا
شلت البيارق .. و انتزعت الفوز .. و أجتحت الديار
و العالـم اللـي تنتحـل فعلـك خفـوقـي كبـهـا
أغليك من قلبي و أحبك و أعتـرف سـر و جهـار
و محبتك تكبـر و يصغـر مـن ظلمـك و سبهـا
هاك المشاعـر و القصايـد و الموانـي و المنـار
و الروح و ايتام الخفـوق اللـي تشوفـه .. ربهـا
تدري من المسكين في هالكون كلـه .. بأختصـار:
اللي تحبه روحك العذبـه .. و هـو مـا حبهـا!!
اضافة رد مع اقتباس
المفضلات