%&%& نهــــاية حب&%&%

[لحن الفراق]

أحياناً..
نحب ناس و هم ما يدرون..
و لما يدرون..
كنهم ما دروا..
ساعتها نحتار..
ما ندري كيف نتصرف..
حبهم ش نسوي فيه؟؟
إحساسنا كيف نبديه؟؟

نفكر ننسى ..
لكن صعب..
ما نقدر..
الحب أقوى...
ف كل لحظه نعيشه ..

و يراودنا الهم ..
كيف نقابلهم..
و هم يدرون..
كيف نكتم؟؟
المصيبه ما نقدر ..
الحب توه انولد..
و بدا يكبر..
تونا حسينا فيه..
الحب..
صار يملكنا..

وإن بغينا..
نتجاهل إحساسنا..
ما قوينا..
إن تجاهلنا الحب..
الشوق يفضحنا..
يبان ف عيونّا..

نفكر ف الرحيل..
يمكن الرحيل يشغلنا..
و يلهينا..
و لكن وين..
بنهرب من شعورنا وين؟؟
كيف و الحب صار يملكنا؟؟
حتى لو رحلنا..
عشان نتحاشاهم و ما نشوفهم.
الرحيل ..
بيزيد الحب..
و بيضاعف الشوق
ألف مره..

و تمر الأيام..
بطيئة و ثقيله..
و ف يوم..
فجأة نشوفهم..
و لما نشوفهم ..
ما نعرف..
يا ترى شو المفروض؟؟
نحزن و لا نفرح؟؟
يا ترى نكلمهم؟؟
و لا أحسن نتجاهلهم..
و يقطع تفكيرنا..
تلاقي العيون..
فجأة..
غصب عنا..
الحب يطغى بحضوره..
و تتسارع نبضات القلب..
و نحسه يضخ الدم
ف الشرايين أضعاف..
و نحس العروق..
خلاص..
بتتفجر..
و نحس بلهفه تذبح..
و يبان الشوق ف عيونا..
شوق يفضح..
و دمعه تحترق ف العين..
ما تنزل..
و تسري فينا رجفه..
زلـــــــــــزال ف الجسد يعترينا..
من قوته يهز الروح وياه..
و نحاول نقاوم..
نقاوم إحساس..
يتفجر فينا..
و يذبح..
فوضى تدب فينا..
ولا نقدر..
ولا نعرف كيف نرتبها..
تتجمد الحروف ع شفاهنا..
و نحن نشوفهم..
نشوفهم كيف يسولفون..
و يضحكون..
نسرح فيهم ..
و هم جدامنا..
و صوتهم يرن ف مسامعنا..
و إن كلمنا حد..
جوابنا واحد..
شو؟ ها ... هيه..
صح.. ندري..
نشوفهم و بداخلنا نار تحرقنا..
نار شابه من يوم حبيناهم ..
ويوم شفناهم زادت..
نحس بالحراره تخنقنا..
و نعرق..
يسألنا حد..
شفيك يا فلان.. حران؟؟
لا شوي بردان..
يمكن المكيف خربان..
نخربط بالحجي..
و لا ندري ش نقول..
نسينا الكلام و حروفه..

و فذات الوقت..
هم ..
مثل الصخر جامدين..
يطالعونّا ينظرات..
بارده..
ما فيها ذرة إحساس..
يسولفون و يضحكون..
و حنا و لا ع البال..
هم يتصرفون مثل ما يبون..
بالضبط.. كنهم ما يدرون..

و نحس بالفرق
بين إحساسنا و جمودهم ..
ياللـــــــــــــــــه..
كيف هالإحساس يذبح..

ينتهي اللقا بينا..
و تمر الأيام..
و نغرق ف حيرتنا زياده..
نشكي شجون ..
آلامها تذبح..
أبد ما تهون..
نعيش حلم..
يتحول ألم..
لما نتذكر إنه..
مجرد وهم..
و نبدا مشوار عذاب..
عذاب نحس به كل لحظه..
لما كل نبضه ف قلوبنا
تنبض بالحب..
تضخ العذاب
و تحسسنا بالألم..
و تذوقنا طعم المراره ..
ما نتحمل العذاب..
و نبجي بغزاره..
يجافينا النوم..
و نسهر ليالي..
نفكر بالقلب و اختياره..
يا ترى صح؟؟
يعني غلطنا يوم حبيناهم؟؟
لا ما غلطنا..
نحن يوم حبينا..
الحب كان غصب عنا..
ما حبينا بكيفنا..

نتساءل..
يا ترى اللي حبيناهم..
ليش ما حبونّا؟
يحبون غيرنا؟؟
يمكن..
شي جايز..
و لا يا ترى..
نحن ما نهمهم؟؟
أو يمكن..
هم اصلا بدون إحساس..
ما يعرفون الحب و لا معناه..
يمكن ما فهمونّا عدل..
ولاّ معقوله..
يتعمدون التجاهل؟
يمكن...
ما ندري..

ويوم بعد يوم..
الحب يكبر..
و العذاب يكبر..
و الهم وياهم يكبر..
الألم ف كل دقيقه يذبح..
البسمه ماتت..
و الضحكه مع فرحتها غابت..
و هم بعدهم..
كنهم ما دروا..

و بعد التفكير..
نقرر..
لازم انحط حد..
هالعذاب لازم ينتهي..
هالحب بننهيه..
بنجتله..
بنجتل إحساسنا..
خلاص..
ما بنحبهم زياده..

و تمر علينا ليله ..
كنها دهر..
و نحن نمحي ذكراهم..
و نجتل إحساسنا..
و نجتل الحب..
و نبجي ع اللي صار..
ولما غافلنا الفجر..
و طغى ع الليل بحضوره..
مات الحب..
جتلناه..
خلاص ..
ما عدنا نحس فيه..
ما عدنا نتعذب و لا نسهر..
تحررنا من الهم..
و ارتحنا..
توقف الدمع و انهماره..
و القلب..
صار ينبض بشكل طبيعي..
بس يضخ الدم ف شرايينّا..
بمعدل طبيعي..

أخيراً..
مات الحب..
و انتهى العذاب..
وارتسمت البسمة..
و ضحكتنا زلزلت ف الكون..
أخيراً سمعناها..
و ارتحنا..
يــا ســـــلام..
ما في أحلى من الراحه..

وتمر الأيام..
و بعد مده..
يوا..
اللي حبيناهم يوا..
و لأول مره..
نحن ..
نقابلهم بكل برود..
بدون حب ..
بدون لهفة..
بدون دمعه تحترق ف العين..
بدون إحساس يذبح..
بدون شوق يفضح..
بدون رجفة
ولا خوف
ولا حيره..

وهم ..
لأول مره..
نشوفهم مثل ما كنا نبي..
نشوفهم و هم يبينون لنا شي واحد ..
إنهم يدرون بالحب..
و يحسون فيه ..
و يبونه..
يـــــاللــــــــــــــه ..
توهم دروا!!
توهم يحسون!!
هم وين و نحن وين..
و بسرعه..
ندور ف القلب..
نفتش ف إحساسنا..
ندور ع الحب..
نبي نعطيهم..
و لكن ..
الحب مـــــــات ..
و إحساسه مات وياه..

نبتسملهم بعذوبه..
و نكلمهم بكل براءه..
و نعتذر..
للأسف ييتوا متأخر..
الحب ما عاد موجود..
الحب مات..
و خلص حداده..

[كناري الجنوب]

.


هنا صرخت .... لحن الفراق


صرخة أنثى



صرخة ألم




بنبرة حادة جداً



أخرجت كل مكونات نفسها



ورسمت الجنون


جنون الحب بقلم ... لحن الفراق



وأعتلت الشموخ



الذي زاد بها شموخاً



كم هو صعباً أن يتجاهلنا من نحبه



كم هو صعب أن نتودد له



ونشعر بالألم لوحدنا




أيتها العاشقه




المحلقه في فضاء الغرام



أيتها الصادقة البريئه



ايتها القوية الجرئيه



قد أعجبني تصرفك وحنكتك




فماذا نريد بمن يتجاهلونا



ولا يعرفون معنى الحب مجرد أسمه فقط




أهزوجتك كانت بالنسبة لي




كمن وضع النقاط على الحروف



كانت في صميم القلب




إنها معاناة المحبين المخلصين




ليت كل من لا يعرف الحب أن يتصفح موضوعك





لكي يشعر بألم الآخرين بسببه





لعله ينطق بالحب والصدق في حبه




ويتأبط المصداقية لأنهاء حبه نهاية سعيدة ترضي الله





ويسجن بالشوق ويعرف التضحيه





سلمتي أيتها القيثارة




الصادحة بأوتار الشجن والأسى




حقاً لقد أعجبت بسحر قلمك



وهالني أبداعك




تقبلي خالص شكري وتقديري



ودمتي بود

الكناري

[القلب المغرم]

ايتها اللحن الحزين

سطوركـ داعبت إحساسي
وشاطر قلمكـ نبضي
وهمسـات حبكـ سحرت وجداني
شعرت بأني العاشقه
الهاربه من سجن القبيله
لتلتقي حبيبها بين غصينات الشجـر
وعلى ضفاف صفحات القمـر
هنـاك بوح يتفجـر
كجمـال حرفكـ..
وعمق إحساسكـ ..
مـا رأيت

لحن الفراق

تقبلي جزيــل شكري لنزفكـ الراقي
وإلى الأمــام دوماً عزيزتي