شخصيات أعجبتني كثيراً .. قل رأيك وأضف من عندك !!

[maou]

كورابيكا من القناص (لانه قوي ورومانسي وحليو )
كيو كان من فروت باسكت (لانه يجسد جوانب من شخصيتي شوي )
كواتر من الكاندام
ساسكي (لانه واييييييد واثق من نفسه وانا احب الواثقين من نفسهم )
وجواد من سلام دانك



اما عن هيسوكا ف اسمحلي اخوي لانه شخصيه فظيييييييييييعة في برودها القاتل
واغلب الشخصيات اللي حطيتها ما اعرفها ؟؟

[المقرقع]

لك كيف حالك مقرقع-سان .. ؟؟ منيح؟؟ .. الحمدلله .. اشتئنالك كتير كتير .....

أيه منيح اختي كانا-شان .. وانتي شو عامله ؟؟ منيحة ولا بطيخة ؟؟؟

جولد روجر "الله يسلمه".. مب فاضي .. مايبي يشوف أنمي ممل

مالك إلا اللي يقنعه .. بأنه أنمي مهب صاحي ..مثل ما أقنعته بـTsubasa chronicle
بالنسبة لي .. هذ أفضل من تسوباسا كرونيكل ..
لكن وييييييييييييييينه ؟؟؟؟؟؟
وينك يا حبيبنا جولد روجر ؟؟ إن شاء الله مو زعلان علينا خيوو ؟؟

على حسب أنت تكرهه ليش؟ انا احبه و ماحبه بعض الأحيان استانس لأني اصيح

لأنك تصيحيييين .. كذا تسانسين .. (( من جد عالم حواء ))
أجل راح يعجبك مرررررررررة ..
بالنسبة لي ما أحب المحزن .. مثلاً fruits basket .. ما عجبني بداً .. لأن المؤلف يحاول يصيحك بالقوة ..
كل واحد له ماضي مؤلم ويقطع القلب .. والبنت كأنها حوريه من الجنة من طيبتها وبراءتها ..
والأخوان الثلاثة طيبين معها ويعيشون معها ببراءة ((بنت مع أولاد وبراءة معهم !!!!!!!!!!!!؟؟؟ )) ..
في أي عالم يعيشون .. يعني قصة طفوووووووولية ..
blood+ القصة المحزنة محبوكة شوي .. ماهو مثل سخافة فروتز باسكت .. ومعقولة جداً .. محزنة بس ماهي طفولية ..
بس مشكلتي ما أحب المحزن "مو ليّه" .. إن شاء الله فهمتي ..
سؤال : هل أنتي من محبين فروتز باسكت ؟؟ إن كان نعم فالمعذرة على الكلام .. وإن كان لا .. فأنت ..

black blood brother:
فضي نفسك ساعتين .. وراح تلقين نفسك خلصتيه في أربع ساعات ..
إبدااااااع .. لأنه أكشن ودراما وتحدي ورسم جميل ..

get backer:
كمليه من عند اللي وقفتي عنده .. بس بإمكانك تخلين 26 ما تشوفينها .. لأنها فيها شوية حركات مالها داعي ..

inuyasha:
اخر حلقة 167 .. هذا اللي عندي واللي أعرفه ..

kiba:
الأنمي عادي جداً .. ومافيه أي نوع من أنواع الإشمئزاز والتخويف مثل التعذيب ..
وأقصد إنه مخلي أكثر من مدينة تتحارب مع بعضها .. والمعذرة .. اسحب كلمة محترمة .. لأنها عادية مقارنة بغيرها ..
الأنمي عادي جداً .. فيه أنميات ثانية عندك أولى واجد ..

xxxhloic:
المشكلة رسمهم تعبان .. هذه المشكلة الوحيدة .. يعني ما ينفع تشوفينه بعد أنمي رسمه صافي وإبداع ..
ولا راح تتحطمين ..
لكن الشخصيات حلوة ..

Air و full moon :
ماهم في خطتي الحالية ..

prince of tennis:
عندي احساس إنه جداً عادي ..

لا ون بيس مازلنا نتابع ..... تونا موصلين حلقة .... 165 يالله صبرك

أووووووووووووووووووووف ..
توك ما خلصتي شيء .. أنا أول بأول 286 ..
عموماً ون بيس في البداية ما كنت أقدر أطول وانا اشوفه .. كنت اصاب بالملل .. فأحول على أنمي ثاني ثم ارجع له ..
لكن بعد 200 .. تصير الأمور interesting .. جداً ممتعة .. خاصة إذا وصلوا water7 .. ماراح تقدرين توقفين ..
لكن تفاجات والله .. 165 .. أنا توقعتك إنك من اللي سبق الحلقات بمتابعة المانجا .. لأني أشوفك معجبة بهالأنمي ..

انزين عندك طريقة اقنع بها وحده من صديقاتي اتابع "ون بيس"؟؟؟؟ لأنها بصراحة مللتني ..

لاتلومينها .. الرسم ضعيف .. حتى انا كنت مقرر إني ما أشوفه .. لأن رسمهم بايخ حبتين .. بس شفت الكل يمدحه فشفته ..
عموما أنا أقنعت اثنين .. كيف ؟؟؟
واحد خليته يشوف من water7 .. مع أنه قال الرسم ماهو زين .. لكن صار يتابعه ..
والثاني شاف فلمه الرابع .. الرسم محترم في الافلام .. والقصة كانت حلوة .. وعجبه ..

Mihawk من ون بيس
شخصية رووووووعة .. كيف نسيته ..

انت لحد الحين ماتابعت death note والله حرام عليك .............

لا أبشرك .. الحين أول بأول .. الحلقة 9 ..
الأنمي روعة من ناحية التحدي بين إل ولايت .. يخليك تدخل جو ..
بس في بعض الأشياء ماعجبتني ..
أكيد مسألة إن الواحد يتحكم في لحظة الموت دمااار عقائدياً .. ومن أسوأ ماشفت من التخبط عقائدياً ..
لكن أقصد في القصة نفسها .. مثلاً :
- L المحقق المشهور في العالم يدخل في قاعة الاجتماعات فجأة عن طريق الاتصال عن بعد ..
ومع ذلك ما في أحد يعرف مكانه .. ولا يقدر يحدده .. وين ؟؟ العصر الحجري ؟؟
المشكلة أنه داخل في مكان اجتماع ومكان أمني وعسكري .. يعني هذا شيء سخيف أنهم يحددون موقعه إذا اتصل ..
حسب دراستي وتخصصي الوظيفي .. بما أنه متصل فبأمكانك تحدد مكانه .. وهذه البنتاجون ماتخلي أحد بحالة ..
- قبل ما يذبح البنت قالها أنا kira .. هذا غباء ماهو ذكاء ..
مايخاف إنها مزورة البطاقة .. أو إنها على الأقل ممكن تعمل أي شيء قبل لحظة موتها يثبت إنه كيرا ..
- حاط التلفزيون في كيسة البطاطس .. كيف يشوف ؟؟ .. مع يده .. له عيون في يده ؟؟؟ ...
ولا قاعد يحاول يشوف من على جمب .. أجل الكاميرا لازم تصيده .. أو على الأقل قوة ملاحظة L الذكي راح يصيده ..

طبعاً الأنمي بشكل عام ممتاز .. خاصة شخصية L .. مميزة جداً وجديدة من نوعها على مستوى لأنميات ..
لكن قصة تعتمد على اللغز والذكاء .. راح تضعف في عينك إذا صار فيها شوية غباء ..
لا تزعلييييييييييييين مني كانا-شان ..

ماتا نيه ..

[المقرقع]

kanna

بلاش تأفيش على الناس واستري عليهم .. الله يستر عليك ..
وأنا كنت جاي علشان أشوف إذا كان فيه رد جديد ..

لكن وماالوووه ..
راح نأفشك يوم من الأيام .. راح يكون يوم أسود عليك .. كاهاهاهاها (( هذا ضحكتي أجل )) ..

[المقرقع]

rukawa kaide
إبدااااااااااع ..
والله أحس إنك تعبت في تجميع الصور ..
ماقصرت أخوي .. أنت كدا ..

-فادي من سلام دانك :
شكله المفضل عندك ..
وصراحة شخصيته حلوة وتعجبني جداً .. مع إنه فيه ناس تكرهه ..

-سيتو كايبا :
شخصية حلوة .. وبعض الناس هنا معجبيييييين مووووووووت ..

-يامي يوغي:
مبدع ..

-تشاد من ميجامان محارب النت ..
شفت حلقة وحدة .. ما أعرفه زين .. لكن شكله إبداع ..

- بسام وياسين من كابتن ماجد:
شخصيتين مختلفات عن بعض بشكل كامل ..

-كورابكا :
ما قلت كورابيكا ..شكلك تتابعة بالدبلجة اليابانية ..

-هيتسوجايا تايتشيرو:
سلملي علييييييه ..

-هاتوري وكيو ويوكي سوما
شخصيات حلوة ..

-كيويا من اوران ..
عيه هدوء .. ابداع ..

-ايز و نارومي من سبيرال:
ما اعرفهم ..

-روي ماستانج من فل ميتل:
شخصية تستحق اعيد صورتها .. لأنها جديدة في الموضوع ورووووعة ..


وشكرا لك على الزيارة المبدعة ..
الله يخليك .. لاتقطعنا ..

[المقرقع]

Sun Princess
هلا ومرحب وهلا ..

لايت : من جد ذكي .. بس شايف نفسه حبتين .. بس يستاهل ..


ناروتو : روووعة .. ذكرناه أول ..

إدوارد :: منتهى الروعة .. وذكرناه أيضا ..

وشكرا على الزيارة ..

[المقرقع]

power rules
اهلا ومسهلا ..
ميجامان والفرعون : ياقوية ..

وشكرا على الزيارة ..

[المقرقع]

maou
يا أهلين ومرحبتين ومسهلتين ..
كورابيكا : من جد حلوة كلمة "حليو" .. أقول الله يستر ..

كيو كان : طيب .. وعصبي .. أهم شي لاتعصبين علي ..

كواتر من الكاندام : إبدااااع ..

ساسكي: من ناحية واثق .. فمعك حق ..

جواد : رووعة ..

هيسوكا : هذا يحبونه العيال مو البنات .. بس عندنا بنات هنا مجانين .. يحبون أسوأ منه: أكاباني .. طبعا أنا أحب شخصيته ..

وباقي الشخصيات تتعرفين عليها بعد إن شاء الله ..

وشكرا على الزيارة ..

[power rules]

power rules
اهلا ومسهلا ..
ميجامان والفرعون : ياقوية ..

وشكرا على الزيارة ..

امال انا ليه اسمي power rules ؟؟؟

بهزر بس

ا

[Darko0o]

السلام عليكم و رحمة الله و بركاته

كيف الحال يا أعضاء ..

بصراحة بصراحة اشتقت لكم ولمكساتو ...

الظاهر و الواضح انهم يريدونا نموت ونحن ندرس....ويدفنون الكتب معانا

الله ياخذ الدراسة و الامتحانات ...

عندي أشياء وايد لازم أتكلم عنها(أحداث أسبوعان)

ومبروك مبروك لأهل الإمارات بمناسبة عيد الإتحاد ال35 وأول عيد إتحاد تحت قيادة الشيخ خليفة...
كان إحتفال رائع قمنا به ...
(الحمدالله يت مناسبة عشان يعطونا إجازة)

و اليوم فظيت عشان أرد على الموضوع الي من زماااان مارديت علي..هو بصراحة كان عندي الوقت إني أشوف بعض المواضيع لكن ما في وقت للردود..(السموحة يا جماعة)

عندي شخصية واحدة أكتب عنها اليوم

وهو لايت من الإنمي death note
روح التحدي التي بداخله..وقبوله تحدي العضو L


أما عن الأعضاء kanna و_Esther_وقولد روجر وطبعا المقرقع أنا أحب أن أقرأ الشخصيات التي تضعونها و أحترمها كثيرا... وإسمحوا لي أن اسأل من هو زاراكي؟ومن أي إنمي هو؟ و هل يستحق هذا الإنمي المتابعة؟
أحب أن اسمع ردودكم...

بصراحة لازم أسير أدرس..

يالله تحياتي..

Darko0o

[Rin Rin]

امم مو فاهمة الموضوع كتير
يعني انا احكي شخصيات اعجبتني ؟؟

طيب اذا هيك انا رح احكي ^^

ريمي الفتى

شخصية قوية و بريئة

حسان "سلام دانك"

لأنه مرح

sailor moon

لأنها طيبة و حلوة وامورة

كينشن ^^

لأنه قوي و شجاع مع انه كان شرير بس عجبني كتير

ران و سينشي و هيجي
ران : لطيفة و امورة
سينشي:ذكي و ظريف بعض الشيء
هيجي:مرح و ذكي

جيم و جون سيلفر "جزيرة الكنز"

جيم فتي قوي و شجاع
سيلفر طيب و قوي

نوار "نوار"
فتاة مرحة و تشبة الصبيان لكنها رائعة

لين "ليدي ليدي"

فتاة بريئة و حياتها كانت قاسية بالنسبة لفتاة ما زالت في عمر السادسة لكنها صمدت و اعجبتني كثيرا

و ان شاء تكون فكرة الموضوع صح ^^
و لي عودة

[Sαrα]

السلام عليكم...

أهلاً أهلاً ...

يا مقرقع onii-sama وكانا_تشان و Golden roger

اشحالكم ؟ وشو أخباركم ؟

اشتقت للموضوع آسفه اتأخرت وايد عليكم وبالرد بعد ...

_ _ _ _ _ _ _ _ _ _ _ _ _ _ _ _

[GLOW][SHADOW]*المقرقع*[/SHADOW][/GLOW]

ohayo onii-sama

السجع حلو وعجيب شورايك تكون شاعر ...بيكون شعرك مشهور وايد...

وpeace maker وينك انت أنا الحين خلصته وهاالأنمي عجيب بس خساره وايد قصير هو يستاهل يكون أطول

لا وعنده فلم واحد بس أنا ما طالعته ....إنت شفته ولا؟

و ألحين خلصت أنمي ثاني و عجيب بعد البطله بنت و إسمها MADLAX

هاي البنت عجيبه و حلوه هي الشخصيه اللي عجبتني في ها الأنمي و إسم الرسوم على إسمها ....

و هاي صورتها ...

_ _ _ _ _ _ _ _ _ _ _ _ _ _ _ _


[GLOW][SHADOW]* Kanna*[/SHADOW][/GLOW]

ohayo Kanna-chan

هلا كانا شو أخبارك ؟ و اشحالج؟

اكتشاف بالفطره ولابالفطر (المشروم) خخخخخخخخخخ

ومنافسه حق زورو !! بنت تنافسه لا أنا أعارض بعدين بيحبها لا ما يستوي أغار...

وشو شو شو شو !!! إنت زوجته لا ياعيوني ما يصير ليش ....؟؟

ونحن بعد نحبه ما يصير تحجزيه حقج << - - - - مستوي كرسي في الطياره....

و لا أقول سيتو أحلى عنه على الأقل بالشكل بخلي زورو حقج مجرد شفقه عليك ....

و سيتو من زمان حقي ...

و أكابانه وين راح حرام عليج اتزوجتي زورو وخليتيه بروحه ...

خلاص أنا لقيت له عروس واللي بتكون زوجة أكابانه هي MADLAX

ليش ؟؟ لأنها مثله تذبح و تقتل اللي يوقف في طريقها على قولتها هي وأكابانه هذا

عملي شفتي ما يناسبوا بعض....

خخخخخخخخخخخخخخخخخخخخخخخخخخخخخخخخخخ

موتي قهر .....

_ _ _ _ _ _ _ _ _ _ _ _ _ _ _ _

[GLOW][SHADOW]*golden roger*[/SHADOW][/GLOW]

هلا روجر وينك من زمان محد ؟؟

المهم شو أخبارك إن شاء الله زين ...

و العفو لازم أحط صور ولا أخوي بيذبحني إذا ما حطيت صور أقصد المقرقع...

_ _ _ _ _ _ _ _ _ _ _ _ _ _ _ _


[GLOW][SHADOW] *Darko0o*[/SHADOW][/GLOW]

هلا أختي شو أخبارج ؟

شكراً على احترامج لشخصياتنا اللي نحبها ...مب مثل بعض الناس يقوموا يسبوا في اللي نحبهم

المهم...

أنا لاحظت انج راده في هالموضوع أكثر عن مره .....

وعن زاراكي هو أي شخصيه ؟!

غريبه ما تعرفيه لو فتحتي الموضوع من أول لعرفتيه ...

بس ما عليه بأجاوب على سؤالج ...

إسمه زاراكي كينباتشي ومن أنمي بليتش...

Zaraki Kenpachi

Bleach

و هاذي صورته



سبق اني حطيتها....

و هذا الأنمي روعه يستاهل إنج اتابعيه فهو أكشن و كوميدي و تراجيدي...

روعه بمعنى الكلمه ...

_ _ _ _ _ _ _ _ _ _ _ _ _ _ _ _

في النهايه أقول مع السلامه

[المقرقع]

عدد المتواجدون في هذا الموضوع » 2 , عدد الأعضاء » 2 , عدد الزوار » 0
المقرقع, **gold roger**

أفشتك يا جولد روجر ..

كاهاهاهاهاهاها ............

راح نخليك ترد بالقوة ...

[المقرقع]

power rules

تصدقين أني ما لاحظت هالشيء ..

عموما حياك الله

[**gold roger**]

انا ابرز الرد اللي اشطوله حرام عليك انتظر شوي...

[**gold roger**]

السلام عليكم ورحمة الله وبركاته...

اخبارك مقرقعنا انشالله بخير؟؟

اخبار الجــــــــمــــــــــــيـــــــــــــــــــــع؟

ماشالله عليكم انت وكانا ماخلتو انمي ماذكرتوه!!!!!
كأنكم بتغيرون الموضوع من "شخصيات اعجبتني"لــــ"انميات اعجبتني"
انا الصراحه اتملل من كثر هالانميات اللي ماتخلص بس طبعا احب اشوف الكشخه

بالنسبة لي .. هذ أفضل من تسوباسا كرونيكل ..

دامك قلتها اكيد انه افضل...بس انا مابي اتابع شي حاليا<-----"تقريبا متملل وابي اخلص اللي عندي
اول "

وينك يا حبيبنا جولد روجر ؟؟ إن شاء الله مو زعلان علينا خيوو ؟؟

هذا انا هنـــــــــــــــــــي بعد طول غياب....وماعاش اللي يزعل عليك اخوي...

black blood brother:
فضي نفسك ساعتين .. وراح تلقين نفسك خلصتيه في أربع ساعات ..
إبدااااااع .. لأنه أكشن ودراما وتحدي ورسم جميل ..

بصراحه ماتوقعته كشخه

المهم انت تابعت ديث نوت صح

محد يقدر ينكر ان هالانمي خطييييير بس كل نقاط الضعف اللي انت قلتها انا اتفق معاك 100%

ولا حركة التلفزيون اللي حاطه فالكيس

Darko0o

وعليكم السلام ورحمة الله وبركاته
اهلا وسهلا

والله يعين الكل على هالدراسه اللي ماتخلص

من هو زاراكي؟ومن أي إنمي هو؟ و هل يستحق هذا الإنمي المتابعة؟

الله يسلمك زاراكي من الانمي bleachوهو انمي مب بس يستحق المتابعه الا المتابعات"انا تابعت مرتين حاليا وفي مقاطع يمكن شفتها اكثر من 5 مرات "
والانمي خطيييييييير بكل معنى الكلمه

انصحك اتابعينه...والله يوفقك فدراستك

_Esther_

هلا والله اخبارك انتي؟؟بس ماظن انه في حد تأخر عالرد كثري

وهذا مب اهداء هذا اعتداء

اعتقد غطيت عليكم بالسجع

وتحيـــــــــــــاتي للجميع

معليه يالمقرقع تحط الحره فيني ها؟؟ماقدرت تصيد كانا وقمت علي

[المقرقع]

Darko0o
هلا وغلا باللي اختفى .. وراح من زمن هُـمّن لفى .. (( اكتشفت إني شاعر كدا ))
كيف الدراسة ؟؟ .. والله شكلك تكتب الرد وأنت جالس على الكتب بدل الكرسي ..
يالله .. اللـــــــــــــــــــــــــــــــه يوفقك ..

ومبروك مبروك لأهل الإمارات بمناسبة عيد الإتحاد ال35 وأول عيد إتحاد تحت قيادة الشيخ خليفة...
كان إحتفال رائع قمنا به ...
(الحمدالله يت مناسبة عشان يعطونا إجازة)

مبرووووووك .. (( وش القصة ؟؟ ))
بس فهمت إنه فيه إجازه .. مبرووووووووك ..

لايت : معليش .. سبقك واحد في ذكر شخصيته ..
لكن شخصيه إبداع ..

زراكي : ماقصرت إستر .. عطتك العلم .. والأنمي قوي جداً .. جداً .. جداً ..
بس خلك في دراسنك أحسن ..

وعموما شكرا على الزيارة الروعة ... وننتظر الزيارة الجاية ..

[**gold roger**]

عدد المتواجدون في هذا الموضوع » 2 , عدد الأعضاء » 2 , عدد الزوار » 0
**gold roger**, المقرقع

افشتك..
كاهاهاهاها..
للحين قاعد؟؟

[Darko0o]

السلام عليكم ورحمة الله وبركاته

ohio-gosimus......لكن المشكلة إن الحين في الليل

أخوي المقرقع

هلا وغلا باللي اختفى .. وراح من زمن هُـمّن لفى .. (( اكتشفت إني شاعر كدا ))

الحمدلله الشعراء يزدادون في المنتدى

كيف الدراسة ؟؟ .. والله شكلك تكتب الرد وأنت جالس على الكتب بدل الكرسي ..

الدراسة حالها..حالها ..الله لا يراويكم شو يسوون فينا كل الاساتذة يضاربون على أيام الإمتحانات و الكوزات..
لكن الحمدلله إني كاتب الرد وأنا جالس على الكرسي..

يالله .. اللـــــــــــــــــــــــــــــــه يوفقك ..

آآآآآآآآآآآآآآآآآآآآآآآآآمين

مبرووووووك .. (( وش القصة ؟؟ ))
بس فهمت إنه فيه إجازه .. مبرووووووووك ..

هو عيد الإتحاد دولة الإمارات العربية المتحدة وهو في كل يوم 2 ديسمبر ويقوم االشعب بالإحتفال يومان رسميا أما الثالث مرات على حسب بس الإزعاج في الشوارع واللعب بالسيارات هو أحلى شيء....أتمنى أنكم تشوفونه السنة القادمة...

لايت : معليش .. سبقك واحد في ذكر شخصيته ..

soooorrrrrryyyyyما كنت أعرف لأنني ما لحق أقرأ


زراكي : ماقصرت إستر .. عطتك العلم .. والأنمي قوي جداً .. جداً .. جداً ..

والله مشكورين وما قصرو..


بس خلك في دراسنك أحسن ..

لالالالالالالامو وقت الفراغ..

وعموما شكرا على الزيارة الروعة ...

العفو أخوي..

أخوي **gold roger**
اهلا وسهلا

أهلين و سهلين ومرحبتيييييييين

لكن لكن لكن أنا Darko0o هب Darko0oa يعني أخوي هب إختي!!!!!!!!!!!


والله يعين الكل على هالدراسه اللي ماتخلص

الله يعينا ويعين الجميع..(المهم ما ننقطع عن مكسات)

الله يسلمك زاراكي من الانمي bleachوهو انمي مب بس يستحق المتابعه الا المتابعات"انا تابعت مرتين حاليا وفي مقاطع يمكن شفتها اكثر من 5 مرات "
والانمي خطيييييييير بكل معنى الكلمه

مشكور أخوي وما قصرت

انصحك اتابعينه...والله يوفقك فدراستك

انشاء الله بتابعه..

أختي _Esther_

أولا قبل كل شيء أنا أخي و ليس أختي...الكل يقول لي إختي هب أخوي!!!!!

عموما المشكلة صورة Hony-senpai...

[COLOR="indigo"]هلا أختي شو أخبارج ؟

شكراً على احترامج لشخصياتنا اللي نحبها ...مب مثل بعض الناس يقوموا يسبوا في اللي نحبهم

المهم...

أنا لاحظت انج راده في هالموضوع أكثر عن مره .....

وعن زاراكي هو أي شخصيه ؟!

غريبه ما تعرفيه لو فتحتي الموضوع من أول لعرفتيه ...

بس ما عليه بأجاوب على سؤالج ...

إسمه زاراكي كينباتشي ومن أنمي بليتش...

Zaraki Kenpachi

Bleach


سبق اني حطيتها....

و هذا الأنمي روعه يستاهل إنج اتابعيه فهو أكشن و كوميدي و تراجيدي...

روعه بمعنى الكلمه ...


مشكوووووووووورة إختي و ما قصرت إنت و الأخ gold roger و الله يجزيكم ألف خير (تذكروا يوم تردون تقولون أخي Darko0o وليس اختي Darko0o)


الحمدلله خفت شوية الدراسة..


أقول للجميع أريقاتوغوسايمس (أعرف إن الإملاء في شوية أخطاء)

أسمع ردودكم..

تحياتي..

Darko0o

[المقرقع]

اسف ياجماعة راح أكمل الردود بعد يومين ..
عندي سفره إلى يوم الجمعة في الليل ..
قوميناساي ...

بس أهم شي لا تتهاوشون في غيابي .. (( أبو عيال ))

[guti]

1_ BAT MAN

2_ RORONO ZORO

3_ دوق فليد وتتسيا من جريت مازنجر