معاناتي مع اول ثانوي

[pirate_sma]

بسم الله الرحمن الرحيم

تعلن شركة الاتصالات عن عدم مسؤليتها اذا وصل الفاتورة فوق الــ 1000 ريال بعد قراءة هذه القصة



الشخصيات الاساسيه : انا , ابو خلف , ابو عنبس , ابو جعفر

نبذه عن القصة :

هذه القصة عن ايام سعيدة في اول ثانوي وهي ممتعة وكيف كانت معانتنا وطبعا القصة راح تكون باللغة القصيمنجيه يعني حاولو تفهمونها واح يكون توضيح لبعض الكلمات ولل معلوميه هذي القصة حقيقيه بس فيها بعض التحريف لان مالها داعي تشوفون فضايحنا وارجوووووووو رجاء خاص انها تعجبكم وشكرا


يالله نبدا :


القصة :

الجزء الاول =======<>

اول يوم في الدراسة :

الساعة 6:59صباحا

انا : طوووووط طووووط الو ابو خلف يالله تاخرنا عن المدرسة هذا وهو اول يوم الله يستر
ابو خلف : طيب طيب والله يا انت غثيث
انا : اقول لا يكثر يالله لا انت ووجهك لا تقول انك ما رحت وجبت العيال
ابوخلف : اي عيال انت اول واحد ابمره لانك جنب بيتنا يا غبي
انا : تكفى ابو خلف ادعس انا عند باب السيا.......... طوط طوط طوط طوط <<<< سكر السمعة بوجهي

بعد عشر دقايق يعني الساعة 7:09 صباحا

طلع ابو خلف ....


انا : بدري انت وخشك حتى ما غسلت وجهك انت ووجهك
ابو خلف : اقول اركب وانت ساكت ترى النفسية زفت
انا : لا انا الحين اللى مغلط زين يالبعير


ركبنا السيارة ...... ووصلنا المدرسة

انا :ابو خلف وين العيال لا يكون رايحين المدرسة
ابو خلف : يووووووووووووووه اقول وش ناسي اثري ناسي العيال

<< وتجينا النعله اللى من برى وهي بوجه ابو خلف حتى انها طبعت رقم 44 بخده

وابو خلف التفت على طول من الهبله

ابو عنبس : يالبعير يوم انك جاحدنا ليه ؟
ابو خلف : والله اني ناسيكم .
ابوعنبس : اول مره اشوف بعير ينسى والله انك حالة شاذة
ابو خلف : اقول الخلاء بس ترانا مبكرين مره اللى يشوفنا يقول اننا مفطرين وتونا نجي
ابو عنبس : اقول قوه نقوم ابو جعفر تراه نايم بالسيارة
انا : صباح الخير
ابو عنبس : قرصووووني معك يحليله شكله توه قايم
انا : لا عاد وشلون ما دريت صراحة اني توي قايم
ابو عنبس : واضح اصلا
انا : وشلون ؟
ابو عنبس : لانك شكلك توك عاض المخدة والدليل انه فيه قطن على وجهك
انا : يهب عليك ليكون انت المحقق ابو عنبس
ابوعنبس : الا انا هو
<< ما ندري الا ذاك اللى يصوت : يا عيال انتكم من حقين المدرسة
قلنا : ايه
قال : ادخلو انا اتفاهم معكم
ابو خلف : طيب بس ابقوم ابو جعفر واجي
الرجال : وينه
ابو خلف : نايم بالسيارة
الرجال : ما شاء الله طلبه متميزين جديدين
انا : ما تدري انا اخذ نسبة ثالث متوسط 95% <<<<<<<< ما يدري انها 65%
الرجال : واضح ادخلو بس جاين الساعة 7:30 ومتميزين ايه هين المهم تعالو لمكتبي
ابو عنبس :وين مكتبك
الرجال : اول ما تدخلون من البوابة تلقون مكتب المدير على جنب
انا اقول للعيال : طلع المدير الحين يبي يعطينا الملفات حقاتنا
ابو عنبس : والله لو يعطينا الملفات لاحب راسه على الاقل نفتك
انا : اقول عيال قوه نقوم ابو جعفر ونروح
ابو عنبس : يالله


>> قومنا ابو جعفر ورحنا لم الليث الابيض (( المدير ))

دخلنا المدرسة ووجهنا لم الليث الابيض

دخلنا

اول ما دخلنا لقنا ملفات على الطاولة ابو عنبس مبسوط انا عادي ولا شيء ابو خلف ولا جاب خبر ابو سليمان يبي الماصه علشان ينام

ابوعنبس الملقوف : معقوله هذي ملفاتنا
الليث الابيض : لا هذي ناس مميزين مثلكم توهم يقدمون
ابو عنبس يقولي على شوي شوي : والله القهر
الليث الابيض : وش اساميكم من اليسار الى اليمين
اول واحد ابو عنبس
ابو عنبس : اسمي ابو عنبس عبدالله العساف
انا : القرصان المشاغب بن عبدالله الخليفة
ابوخلف : ابو خلف خليفة الخليفة
وابو خلف اللى يلفع ابو جعفر علشان يقوم <<< الولد ذا حتى وهو واقف ينام
انهبل ابو جعفر وهو يقول : وش السالفة
الليث الابيض :هذا وش فيه
انا : لا عادي استاذ هذا اذا بغى يجي المدرسة يوجهونه اهله المدرسة وهو يروح دايركت
الليث الابيض : وش اسمك
ابو سليمان : ابو جعفر سليمان البشري

بعد محاضرة دامة ساعة الا ربع طبعنا ابو عنبس قاعد يغني وانا اطقطق اصابعي مليون مره من القهر حتى اصابع رجليني وابو خلف يفكر وين يروح اليوم وابو جعفر ما لها داعي اقول نايم


المهم اخذنا الكتب على الساعة 9:15
طبعا الناس اخذه قبلنا من زمان



رحنا الفصل كل اللى فيه اكثر حلبات حقين ثلاث متوسط وكلهم جايبين الماصات عند السبورة وفيه عيال عادين يعني زكرت






طبعا اول ما دخلنا ما فيه مدرسين ابو عنبس راح لربعة وانا بجنبه وابو خلف جنبي وابو جعفر بالربعة الثانية علشان ينام طبعا


الفصل يخذ اربعة وره هذا احسن شيء

طبعا كل ما يدخل مدرس يبدا يهدد
العيال منتبهين وانا ووليد نلعب طاخ وابو خلف قاعد يشخمط على الماصة وابو جعفر من يوم ما دخلنا وهو نايم


المدرس : ........................
<<<<<<<<<<<<<<<اووووووووووووووووه تعبت وانا اكتب اكملكم بكرا


علموني رائيكم بالقصة اذا بغيتو اكملها والا لا

تحيات اخوكم

[GLOW]pirate_sma[/GLOW]

[gogetta ssj1]

هههههههههههههههههههههههههههههههههههههههههههههههههه هههههههههههههههه
حلوووووووووووووووووووووووووووة القصة
ليييييييس كملها
ومشكور على الموضوع

[UCHIHA FAMILE]

هههههههههههههههههههههههه

والله إنكم تضحكونوووون مرة

ههههههههههههههه

والله إني فطست من الضحك

لا الي محلي القصة اللغة القصمنجية

لا وبعد إنكم إنقهرتم إنكم ما أخذتم ملفاتكم من الليث الأبيض


مشكووووووووووووووووووووووووووووووووووووووووووووووو وووووووووووووووور أخوي على الموضوع

[pirate_sma]

التكمله ان شاء الله بكرى

ومن جد بتضحك

[UCHIHA FAMILE]

لا يابو

كمل الحين

انا متحمس

[pirate_sma]

مستعجل على رزقك ليش انا حاطها اجزاء

وانا بصراحة تعبت من الكتابه

[UCHIHA FAMILE]

خلاص أجل

بكره

المهم لازم تكلمها

[pirate_sma]

ابشر من عيوني

[sad tears]

معاناتك؟؟

والله يا حرام المدرسة والليث الأبيض والمدرسين هم اللي عانوا منك انت واصحابك..>>الله يخلف

المهم كمل بس يا ليت تصحي هالنايم بقوة لأنه نرفزني ودي أعطيه كف على وجهه يصحيه

يسلمو ..

[pirate_sma]

ابشري


وان شاء الله كل يوم انزل جزء

ومشكووووور لمروركم يا اعزائي

[Itache Uchiha]

لووووووووووووووووووووول

[EISQ]

هههههههههههههههههههههه
القصه مره ضحك...

يلايتك مكمله ..

[pirate_sma]

ان شاء الله مثل هذا الوقت ابنزل الجزء الثالث

[pirate_sma]

الجزء الثاني






الاستاذ : هيه انتم ياللى ورى

انا :هلا يا استاذ

الاستاذ : انا اتكلم وجع
انا : استاذ انت بس تهدد
الاستاذ : والله انك قليل ادب , اطلع برى يالله قوم
انا : ايه والله اني قليل ادب ما اعرفله ابد خاصتا امرؤ القيس عجزت احفظ الاشعار حقاته
الاستاذ وهو معصب بقوة علي : اطلع لابو معاذ بسرعة <<<< ابو معاذ هو نفسه الليث الابيض
انا : وش دعوة يابو فلان قبست
>> والطلاب مسكو ضحك على الاستاذ
الاستاذ يوم ضحكو العيال وهو اللى يجرني الى برى وقالي : ابو معاذ يالله لا اشوف رقعت وجهك <<< رقعت وجهك = خشتك

>>> نزلت لليث الابيض كان هو بالدور الارضي واول ثانوي بالدور الثاني

طقيت الباب : طق طق طق بالخير ابو معاذ
الليث الابيض : هلا
انا : ابو معاذ الاستاذ طردني
الليث الابيض : وش انت مسوي ؟
انا : والله ما ادري قبس علينا انا والعيال وطردني انا الحالي
الليث الابيض : اكيد ما طردك الا مسوي شئ
وانا اقول بنفسي : شكلي داخل على الــ F B Scool<<<<<<< F B Scool =F B I يبي يحقق معي الله يعين
الليث الابيض : وش انت مسوي
انا : ما ادري
الليث الابيض : هذا اول يوم طرك اجل الايام الجايه كل يوم تتجين وتقول الاستاذ طردني
انا ابرر موقفي : لا هذا الاستاذ طردني بدون سبب
الليث الابيض : رح للاستاذ وقول له يجي
انا: طيب
>> وانا بالطريق لقيت احد اخوياي بالمتوسطة قعدت اسولف معه وجحدت المدير


طلع الليث الابيض وشافني

الليث الابيض : القرصان ما رحت تنادي المدرس
انا : لا نسيت
الليث الابيض : رح بسرعة والا ابوقفك الى اخر اليوم
انا : طيب طيب

>> التفت على خويي وقلتله : تامرني بشيء
خويي : سلامك

>> دعست الى المدرس طقيت باب الفصل

انا : استاذ المدير يبك بسرعة والا يبي يوقفني بالصالة
الاستاذ وهو يناظر الطلاب : شوي واجي
<< وخلي واحد عريف علشان ما يطلعون

واول ما طلع المدرس من الفصل دخلت الفصل ورحت لم ابو عنبس

ابو عنبس: ههههههههههههههههه كرشك المدير
انا : تقدر تقول
ابو خلف : تبي ننزل ونكفخه
انا : اقول اهجد خل عنك الهيط
ابو خلف : كيفك
انا : اقول لا يكثر
قلت للعيال : خل نطلع برى الفصل
قالوا : يالله
>>> يوم جينا نطلع قال العريف : لو سمحت ممنوع تطلع

ابو خلف : اقول ظف وجهك لا أفقع وجهك
العريف : اقولك ممنوع انا العريف
ابو عنبس : وين يا ابو شايفنا مبزرة عريف اقلب وجهك
العريف : اذا طلعتو ابسجل اساميكم
انا : اعلى ما بخيلك اركبه وخر

>> طلعنا انا وابو عنبس وابو خلف برى قعدنا نشوف االى رايح والجاي بالسييب

شفت الليث الابيض يشوفني ويشر يقول تعال

وانا اغّز على نفسي لقيته يهز راسه

والعيال يصفقون ويضحكون

وانا اقول : الله يعين على المحاضرة

ابو عنبس: اذا صار شيء علمني
انا : اوكي
ابو خلف : معي شيء تلعب فيه بوقت المحاضرة ههههههههههه
انا : وش هو ؟
ابو خلف وهو يعطين قلم ضغاط : خذ ضغّط فيه الى ما يخلص المحاضرة
انا : المهم عيال اذا نمت بالمحاضرة قولوا نبي نوديه المستشفى شكله اغمى عليه
ابو خلف : حنا وش دخلنا
انا : شف ياشر لكم بعد ههههههههههههههههه
ابو عنبس : الله يعين الحين لازم احضر اغاني اغنيها على مابال يخلص المحاضرة
انا : اقول يالله نروح

>> اول ما دخلنا الليث الابيض : ليش طالعين برى وانت يالقرصان وراك ما جيت
انا : انت ما قلتلي تعال قلت رح خل الاستاذ يجي بس
الليث الابيض : وانتم
ابو خلف : استاذ طلعنا نغير جو
الليث الابيض : انتم يالاثنين وقفوا بالصاله وانت يالقرصان اقعد ابيك
العيال وهم طالعين يقولون لي باذني : انت اسمع المحاضرة باي
انا بصوت عالي : اوريكم يالجحيد اسمعو معي ما ابي اسمع الحالي
يضحكون وهم يطلعون

الليث الابيض : انت وش قايل للمدرس
انا : انا ما قلت شيء انا مؤدب
الليث الابيض : ليش تستهبل على مدرسك
انا : ما استهبلت هو قالي والله انك قليل ادب يعني اسكت ما اقول شيء
الليث الابيض : وانت وش رديت عليه
انا : قلت له : ايه والله اني قليل ادب ما اعرفله ابد خاصتا امرؤ القيس عجزت احفظ الاشعار حقاته
قام يعطيني المحاضرة وانا متلطم وفي روايه متلثم الى ما خلص والي خلك واقف بالصاله يومين
يوم طلعت ابو عنبس قام يضحك وانا اقول : الله يقلعك

بعد سبوع عطونا الجداول المهم الاستاذ اللى صار بيننا وبينهم مشاكل صار ما يدرسنا وانا مبسوط

>>>>> بعد شهر بدات احداث القصة كانت اول زبنه او هجة او نحشه كان يوم اربعاء وعندنا الضب ابو ريان استاذ التاريخ <<<<<< هذا الاستاذ اذا احد بعده يطرده وحنا مخططين للنحشة واو الزبنة واننا نهج بدرس الاخير ومزبطين كل شيء مع العريف انه يحضرنا احنا الاربعة


تم التجهيز اخذنا اسجادات الفسحة الثانيه كان المقصف برى وجدعنا السجادات برى المدرسة علشان الدرس الاخير نزبن وخلينا كتابين علشان ما يشك فينا الاملط (( وكيل ثاني وثالث وسمي بالملط لانه يحلق شنبه ولحيته )) المهم جاء الوقت المناسب بعد الدرس السادس يطلعون حقين الشرعي واحنا نبي نزبن معهم وزبطين الوضع وفيه حقين الشرعي نعرفهم يحطوننا معهم طردنا ابو ريان وحنا حاطين الكتابين بالمغاسل علشان نخذها وننزل نصلى ونطلع

يوم سلم الامام طلعنا مع الزحمة وبعض الطلاب الله يجزاهم خير يغطون علينا اول ما طلعنا من البوابه اخذنا الكتب واحنا رايحين السيارة جاء واحد وقال لنا :........................



<<<<<<<<<<<<<< اكمل بكرى

ياترى وش راح يكووووووووون ومين اللى وقفنا تشوفون بكرى

ابغى اشوف ارائكم

[sad tears]

انا : والله ما ادري قبس علينا انا والعيال وطردني انا الحالي]

ما معنى : قبس

ابو خلف : معي شيء تلعب فيه بوقت المحاضرة ههههههههههه
انا : وش هو ؟
ابو خلف وهو يعطين قلم ضغاط : خذ ضغّط فيه الى ما يخلص المحاضرة

والله فكره هههههه

>> وانا بالطريق لقيت احد اخوياي بالمتوسطة قعدت اسولف معه وجحدت المدير

>> اول ما دخلنا الليث الابيض : ليش طالعين برى وانت يالقرصان وراك ما جيت
انا : انت ما قلتلي تعال قلت رح خل الاستاذ يجي بس

والله انك قوي

مانت بهين ... يلا نستنا النهاية الله يرجك انت وقصتك الطويييييله هذي ترى إذا جات الفاتورة برسلها لك

[UCHIHA FAMILE]

والله إنك فلة يا ولد


مع أبو معاذ بعد تهبيل

و بعدين الليث الأبيض كان عادي عنده تتلطم عنده في المكتب ؟؟؟


و يا ريت تكمل

[miss-moon]

والله شكل الليث الأبيض حبوب بقوووه لو اني منه كان سويت سويت وماخليت شي الا وسويته فيييييييك ياشقي

[pirate_sma]

ما معنى : قبس

معنى قبس باللغة القصمنجية = عصّب

والله انك قوي

شكرا

مانت بهين ... يلا نستنا النهاية الله يرجك انت وقصتك الطويييييله هذي ترى إذا جات الفاتورة برسلها لك

اذا جت الفاتور ترى ما راح اسددها يعني تعطيني والا ما تعطيني

[pirate_sma]

والله إنك فلة يا ولد مع أبو معاذ بعد تهبيل

ايه الى الحييين ما جاء الاملط و دراكولا

و بعدين الليث الأبيض كان عادي عنده تتلطم عنده في المكتب ؟؟؟

ما لها داعي اقولك قصتي معه كامل يعني كل شوي يقول : فك اللطمة
انا افكها ثلاث ثواني وارجعها
ومن بعد دقيقة :فك اللطمة
وانا ثلاث ثواني ارجعها
وعلى هالموال

تروح ثلاث اجزاء علشان اللطمة وعلى فكرة ابقولكم شيء مو بالقصة ويمكن احطها

ابوعنبس بالمدرسة يسمونه ابو لطمة من اول ما يلبس الشماغ يتلطم



وابشر ابكملها بكرى ان شاء الله


وارجو ما تاخذونفكره عني او عن العيال

لان فيه اشياء مو صدق يعني كاتبها من راسي

[pirate_sma]

والله شكل الليث الأبيض حبوب بقوووه لو اني منه كان سويت سويت وماخليت شي الا وسويته فيييييييك ياشقي

بالحقيقة عسل ولكنه ما يطلعك على طول يعني مثل ما قلتلكم FBSchool

انت لو تكونين مكانه كا طلع فيك الشيب

لانه مو بس حنا كذا فيه ناس مديعين الدراسه واللى جابها