مشاهدة النتائج 1 الى 11 من 11

المواضيع: غشيم في المغازل

  1. #1

    غشيم في المغازل

    السلام عليكم ورحمة الله وبركاته
    القصة طويله بس حلوة وفلللللللللللله
    ملاحظة :
    لاتنسى تربط بطنك قبل ما تقرأ حرف منها لأنك بتتفقع من الضحك
    الجزء الأول :

    قصة غشيم في المغازل
    المهم وانا في عز النوم والسعابيل والا فجئه .. رن التلفون
    وطبعا تلفوننا شايل ابوي منه كل الارقام مو مخلي الا رقمين التسعه والثمانيه يعني مالك الا تدق على الشرطه والا الدفاع المدني وغيره مافيه .
    المهم اني رفعت السماعه واقول نعم الا وذاك الصوت الي يرد الرووووح .. صوت بنت .. واخوكم اذا سمع صوت بنت اوجعه بطنه وانواع الاسهال .. قالت : الوووو .
    انا ماعاد عرفت وش اقول انشلت براطمي وطلعت كني ياسر عرفات ..
    ال ال ال ال لوووووووووووووو ..
    قالت : مين معاي .. ؟؟
    قلت : معاك انا .. (( صراحه جواب يدل على ذكائك .. !! ))
    وهي الي تضحك .. وانا قلبي احسه مو طبيعي قالبها سامري وتستنزل عندي الكبد والبنكرياس انواع الربكه ..
    وقالت لي : سوسو موجوده ؟؟
    قلت لها : ما ينفع طوطو .. ؟؟
    قالت : مين طوطو ؟؟
    قلت : هذا اسم الدلع حق الطاووس الي هو انا . !! وضحكت المره الثانيه على التوالي ..
    وقالت : يؤ يؤ شكلي غلطانه .. اسفه .
    قلت لها : لا عادي .. لا شكر على واجب (( دايم اسمع هالكلمه .. وجالس احتري الفرصه اني اقولها ..!! )) وقفلت السماعه
    تصدقون .. ما ادري وش صار فيني .. حسيت بشعقريره في جسمي .. وان افرازات الخشم عندي زادت .. وان ودي اروح انبطح في الحوش واكتب قصيده هجائيه .. لا يكون هذا هو الحب الي يقولون ..
    (( نعن ابو الحب الي تعرفه يا الضفدع ..!! )) عاد انا ماني متعود على البنات .. لان ما شاء الله بيتنا فيه خمسطعشر رجال اللي هم انا واخواني وابوي وامي .. (( الله يخلف على ابوك واميمتك هذا وانت اكبر اخوانك عليه العوض ومنه العوض ..))
    المهم .. يعني انا واخواني ما شفنا بنت ابد .. وهذا الي سبب لنا عقده تسمى العقده الفيسلوجيه ..(( من وين جت ذي ..!!)) المهم .. اني قررت اني اتعرررف على بناااات .. بس فيه مشكله وحده الي هي اني مااا عندي اسلوووب ابد .. (( يعني وقفت على الاسلوب نعن ابوك انت عندك الف مشكله مو مشكله بس .. واهمها مشكلت وجهك الي كنه لوحة انتبه امامك نقطة تفتيش ..!!)) الوكااد اني ماالقيت قدامي الااا وااحد من العيال اسمه عبدوووش .. معروووف ان البنات ما يعوقون معااه .. واناا اللي اللقط مفتاح سياارتي واروووح له .. اني رحت لعبدوووش .. وعلمته بووضعي وان امنيتي في الحيااة اتعرف على بنت قبل ما اموووت ..
    (( اخسسس يا الشاايب ..!!))
    فقال لي : السالفه بسيطه ..اذا بغيت البنت تحبك حسسهااا انهاا احسن وحده في العالم ..
    قلت له : يعني كيف ..يعني .. يعني كيف .. يعني اقولهااا انتي احسن من مرادووونا ...!!
    وهو اللي يرفسني برجله في بطني ..
    وقال لي : انت ثوووور .. وش دخل مرادووونا يا الغبي ..!! اناا قصدي انك تحسسهاا بانوثتهااا وان ماافيه بنت غيرهاا في العالم ..
    قلت له : برررضه ما فهمت .. يعني تبيني اذبح كل البنات واخليهاا لحالهااا..!! وهو اللي يموه علي برجله ويمحطني بيده على جبهتي ...
    وقال لي : شوف انت حماار وما راح تفهم الا بالدرووس العمليه .. ويطلع جواله ويدق ..
    وقال لي : شووف اناا هاللحين باكلم وحده وتعلم ..
    قلت له : طيب .... وكلم
    وقال : هلاا حياتي هلاا عمري هلاا روووحي انا لؤي حبيبك ومجنوونك .. (( الحمد لله على العقل .. نعن ابووك وين لؤي معه .. والله لو اشوف وجهه في احسن الاحوااال بعد ما اعطيه غير اسم جعفر .. قال ايش قال لؤي ..!!)) وقام يقول لها انا احبك وامووت فيك .. اناا بدوونك مثل البيت بدون حااره .. مثل التلفووون بدوون حراااره .. مثل السوووق بدون سياااره .. اناا البنزين وانتي الشراره .. انا الشارع وانتي الانااره .. انا الرومانسيه وانتي الاثاااره .. اناا مبنى التجاره العالمي وانتي الطياره .. (( قسم بالله اني بغيت اضمه وابووسه يوم سمعت كلاامه ..حسيت بشعووور غريب ..نعن ابليسه لو يكلم جداار كااان ذااب ))
    المهم .. انه خلص المكالمه .. والتفت لي وقال لي .. يالله دووورك .. باعطيك رقم بنت وكلمهااا .. وقوول
    لها نفس كلامي ...
    قلت له بكل خجل : طيب .. وهو الي يدق على بنت ويعطيني الجوال عشان اكلمها .. وانا اللي اقول الووووو .. ويوم سمعت الصوت .. ضاااااعت علووومي .. ونسيت كل الكلام ..
    وقلت لها : بابا فين ..!! وما حسيت الاا بذيك الجزمه اللي لاازقه في مقفاااي ..
    وقال لي : قوووول نفس الكلام الي قلته يا الثووور .. واناا اللي اقووول لها : هلا حياتي هلا رووحي هلا تعالي ..
    قالت : طيب وبعدين ..
    قلت : انا بدونك مثل الكيبوورد بدون فاره .. مثل التقاطع بدون اشاره .. مثل الحماار بدوون حمااره .. مثل السلطه بدون خياره .. انا محتررررف وانتي نظام الاعاره .. اناا الولاعه وانتي السجااره .. انا الددسن وانتي الغماره .. اناا الصرصوووور وانتي البياره ..
    انااا طوووط طوووط طوووط .. قفلت الخط في وجهي .
    قال عبدووووش : وش فيك ؟؟
    قلت له : لا ابد الخط مشغوول ..!! (( ما يعرف يصررف ابدا ..!! ))وما دريت الا وعبدوش مطلع لووح فيه مسامير ودبجني فيه اللين قلت للعنز يا خاله ..
    المهم .. اني رجعت للبيت ودماني تصب وماليه وجه من كثر الطق اللي جاني من عبدووش
    لدرجة ان اللي يشوفني ما يعرفني طالع كني مسابقة .. من صاحب هذه الصوره .. اللي يحطونها في المجلات .. وانا الي ادخل البيت بشويش عشان ما يشوفني احد .. واطلع غرفتي واسكر الباب وانام .. وفي عز النووم .. دق جرس التلفون .. وارفع السماعه .. الا هي نفس البنت اللي كلمتني اول مرره ..
    قلت : نعم
    قالت : سوسو موجوده ؟؟؟
    قلت لها : شوفي بيتنا كله شباب وما فيه احد يبدا اسمه بحرف السين انا واخواني كلنا اسمنا خالد وما فيه الا اخوي الصغير فهد هو اللي اسمه نايف ونناديه عبدالرحمن (( وش عنده عادل امام ..!!)) والبنت كرتها ضحكه ..
    وقالت : ما شاء الله دمك خفيف .. (( هي تحسبني استهبل ما درت اني دلخ من جد ))
    وقلت لها : شكرا (( مسوي اسلوب ..!!))
    وسالتني البنت وش تسوي هاللحين ..؟؟
    قلت لها : والله كنت نايم
    قالت : يؤ يؤ تنام في الليل ..!!
    اجل متى انام ..؟؟
    قالت : لا انا انام في النهار واسهر في الليل
    قلت : ليش الاخت بووووومه ..؟؟
    قالت : لا بس الليل وقت الرومانسيه .. انت تعرف الرومانسيه ؟؟
    قلت لها : لا والله ما اعرف بنات انا ..!! (( مسوي فيها فاهم .. !!)) وسالتني ..
    انت وش اسمك ؟؟
    قلت لها : مصيول
    قالت : وش معناه ؟؟
    قلت : لها هذا اسم كلب كان عند جدي وسماني ابوي عليه لاني اشبهه .. وسالتها وانتي وش اسمك ..
    قالت : داليداا ..
    قلت لها : انا ابي اعرف اسمك مو بعيارتك ..!!
    قالت : هذا اسمي . (( هذوللي البنات تساها وش اسمك .. تقول رهف والا شوق والا افنان ولوو عذري بس من جنبها ..!! )) سوييت فيها اسلوب وقلت لها اني حبيت وحده بس انتهى هالحب لان اللي حبيتها خانتني ..
    قالت لي : من حبيت ..؟؟
    قلت لها : حبيت عنز جيراننا .. بس انها خانتني مع تيس سوري عشان له قذله ..!!
    المهم ان البنت قالت لي : اوكي اكلمك بكره لان امي تناديني
    قلت : مو مشكله .. وتطورت العلاقه وصرنا نكلم بعض كل يوم وانا انقلب حالي .. ولاحظو اهلي اني تغيرت .. يعني نكون جالسين على الغدا والا العشا وانا ما اكل .. سارح وانغف ..
    وبعض المرات انسى اصبعي داخل خشمي ولاحظو اهلي اني صرت مؤدب واقرا واجد .. وانا اقرا عشان اعرف كلام جديد في الحب تلقاني اقرا كتب الشعر والحب والطبخ ..(( لا تستغربون لان كتب الطبخ اتعلم منهاا كلام حلو بعد مثل : يا عسل يا حليب يا قشطه يا كريم كراميل ..!!))
    ترقبوا الجزء الثاني
    أرجوا التعليق
    منقوووووووووووووووووووووووووووووووووول
    تحياتي
    كازوزا
    attachment
    attachment
    attachment
    ****يكفي إني من نجد تعلمت إن الخضوع لغير ربي مذله *****


  2. ...

  3. #2
    هههههههههههههههههههههههههههههههههههههههههههه...


    رووووووعة .....
    ههههههههههههههههههههههههههههههههههههههههههه....


    ما توقف ... كمله ... smile
    attachment

    attachment

  4. #3
    ههههههههههههههههههههههههههه
    بصرلحة الموضوع جنان........واتمنى انك تكملة .......... يلاباي
    *** ((!!!!!!!!!!!! every night i want sleep i can't stop dreamig abut you)) ***
    wink * redface * gooood
    cute-evel_494@hotmail.com

  5. #4
    هههههههههههههههههههههه

    مشكوووووووووووووور على الموضوع الراااااااائع
    رئيس عصابة مملكة المصممين الراحل cool
    3j47i1thqmwp
    zb8bqjspa966

  6. #5
    ههههههههههههههههههههههههههه
    بصرhحة الموضوع جنان...
    eu867997

  7. #6
    هههههههههههههههههههههههههههههههههههههههههههههههههه هههه

    الله يصيب شيطانك روعة مررررررررررررررررررررررررررررة

    تجنن وخطيرة

    نستنى التكملة ابشوف طوطو ويش سوى
    نــــادي أصدقاء جدة التطوعي

  8. #7
    ههههههههههههههههههههههههههههه خطيييره ونستنى الجزء الثاني على احر من الجمر
    attachment

    مشكووره يا احلى دلووعه ونص على احلى تووقيع

    attachment

    مييغسي حبيبة قلبي الدلع كله على الاهداء الروعه مثللك

  9. #8
    هههههههههههههههههههههههه هذا زيي ما يفهم في البنات ههههههههههههه


    مرة حلو هههههههههههههههههههههههههههههه بس ياخي كمل

    مشكوووووووور



  10. #9

  11. #10
    مشكووور اخوي ..

    فريت راسي من الضحك خخخخخخخخخ ..

    ننتظر التكمله ..

  12. #11

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter