قبل أسافر كنت جالس في زمان الانتظار
أرتشف هم المكان وكل همي حاجتين
كنت خايف من يباس وكنت خايف من خضار
كنت أخاف أنك تجين وكنت أخاف إنك ماتجين
لــــــين شــــفتك مــن ورا بنيــان صالات المطــــــــار
مقبل من كثر شوقك كنت أشوفك تركض
مرة ركضك يمين ونظرة عيونك يســـــــار
ومرة ركضك يسار ونظرة عيونك يميـــــــــن
تايه.. ما كنك إلا ضحكه وسط انكسار
ساكتةما كنك إلا دمعه فيهــــــا حنيـــن
خايف.. وجل. حزين يعني كنت باختصار
تشرح لكل جاهل معنى كلمة عاشقين
بعدها جيتك ودار بيني وبينك الحوار
من كفوفي دمعتين ومن كفوفك دمعتين
وأذكر إني رحت قبل أبدي لك أي اعتذار
رحت حتى قبل أطيب خاطرك بكلمتين
لكن إنت عارف زين واللي صار صار
سامحني واذكرني قد منت تقدر
اذكرني لا انتهت للشمس رحله مع نهار
واذكرني لا صحى للصبح ورد الياسمين
واذكرني لا لمحت في ليالي البرد نار
واذكرني لا سمعت للمطر صوت حزين
وش بقى فيني
يا اللي خذيت الروح
وش بقى فيني ما خذيت
زايل كل الجروح
ودمعتي فارقت عيني
الحزن كله يروح
وفرحتي لحظة تجيني
يا اللي خذيت وش بقى فيني
غير الشعر و وحشة سنيني
وجروحٍ ماضيه تناديني
يا اللي خذيت القلب
والحب وكل ما كتب
فيك يواسيني
ما أظن أنساك
وأنتي ما أظن تنساني
أموت أنا بفرقاك
يا ليتك تحسّني
وش له أعيش
إذا خذيت الروح
وش بقى فيني
واتمنى عجبكم ..
كتكوتة البحرين
منقوووووووول للافادة




اضافة رد مع اقتباس


المفضلات