ادخلي وشاركيـــنا بأحلامك ( كتاب مفتوح للأحلام)
هاي حبيباتي بنوتات مكسات العسولات
جاتني هاذي الفكرة وأنا على السرير أبغى أنام أصلا أحلى الأفكار تجيكي وقت النوم
أكيد كل بنوتة حلوة عندها أحلام من صغرها تكون خيالية وممكن تتغير الأحلام فترة المراهقة لأحلام ممكن
تتحقق علشان كذا حبيت إنو كل بنات مكسات يشاركوني ويكتبوا أحلامهم ماذا تودين أن تصبحي في المستقبل ؟؟
أطلقي العنان لأحلامك وأمنياتك مهما كانت مستحيلة حيجي اليوم إلي تصير فيها حقيقة لو أصيريتي وجاهدتي عشان تحققيها ..
أما لو أحبطتي نفسك وقلتي مستحيل أسير كذا مستحيل إنو يتحقق الحلم ..
أنا عن نفسي أتمنيت من صغري أكون دكتورة ناجحة وهاذا حلم كل البنات الصغار حتى لوتلاحظوا
لو تسألوا أي طفلة صغيرة تقوليلها إيش نفسك تسيري لمن تكبري تقولك دكتورة خخخخخخخ
كل الناس بتسير دكاترة خخخخخخخخخخخ
بس حسيت إنو الحلم كبر معيا وأثناء فترة المتوسط حسيت إنو ماكانت درجاتي تأهلني أكون دكتورة
لأنو كنت أجيب 95 قلت لو في المتوسط كذا أجل بالثنوي وهيا أصعب إيش حجيب ولا في كلية الطب
شكلي حجيب مقبول ..
بس أصريت على حلمي وحطيتوا في بالي وشديت حيلي والحمد لله نجحت من أولى ثنوي بنسبة 99
ودخلت علمي وبإذن الله ربي يوفقني وأجيب مية بالمية ثانية ثانوي أدعولي
وربي يوفق جميع بنات مكسات ..
ثرثارة صح خخخخخخخخخخ
ما أطول عليكم الكلام بس حابة من كل بنت تدخل هاذا الموضوع تقول إيش حلمها وإيش نفسها
تكون بالمستقبل ونخلي هاذا الموضوع كتاب مفتوح بيننا
وبعدين إيش ورانا خلينا نحلم الأحلام ببلاش
خلاص تعبت من كثرة الكلام جاء دوركم
اضافة رد مع اقتباس
المفضلات