مشاهدة النتائج 1 الى 12 من 12
  1. #1

    تحقيق أو نبذه او قصه غرورها خلاه يحبهااااااااااااااااااااااااااااااااا

    مرحبا انا توني مسجله في المنتدى وقلت اني اقولكم قصه واقعيه وصارت لشخص........ بسم لله الرحمن الرحيم.................. نبدأ.... القصه تحكى عن بنت في الثاني ثانوي اسمها ( ريما) كانت انسانه عايشه حياتها يعني منسمه<<<(حلو التعبير ابصراحه) يعني مو منسمه لدرجه التنسيم والدلاخه لا يعني عاديه ماهمها الآ الاغاني والبنات وصديقاتها والروحات والجيات وتوسيعت الصدر والمدرسه والابله الفلانيه وش سوت والعلانيه وش حطت وكانت مغرررره علي الشباب بشكل يعني ماتعطي وجهه بس سب وتهزئ وكان لريما صديقات امل وهديل هم اعز اعز صديقاتها في المدرسه وفي البيت يعني من هم نونو ويوم من الايام دق جوال ريما فجاه الساعه 2 ونص بالليل وكان يوم الخميس.. ريما شافت رقم غريب قالت في نفسها: اووف من ذا من فجر لله يدق خليني احطه سايلنت واخليه ... بس اخاف تطلع هديل دقت من تلفون اختها الكبيره عشان يمكن جوالها انقطع عشان الاحد الاتماني ريما : نعم...<<<<<<<<( رقم غريب تقوله نعم رقم تعرفه ألو) حركات البنيه المتصل المعفن:الو ريما: اظن اني قت نعم خير وش تبي..<<( البنت حماقيه وبسرعه تعصب) المتصل: وش فيكي معصبه لاتاكليني بس الناس تقول الو اهيلن مو علي طول نعم خير وش تبي انتي وشو عربجيه..؟؟ ريما: اسمع انت محد طلب رايك فيني تسمع انت وجهك اخلص وش تبي مني فاضيه لك المتصل : اقول انتي شكل تشقين وجهه الشباب شق ريما: مني فاضيه اكثر كلام معاك اوكيه يالله باااااااي وصار كل يوم هالشخص مزعجهاوجايب لريم الصمرقع ومطفش عيشتها مع انها ماترد عليه ابدا اما نووو في وجهه او ماترد<<<<( ماعندها وقت للشكال ذي) وبعد اسبوعين انقطع هذا المزعج الي كان يزعج ريما. ريما مااهتمت له اصلآ فجأه يوم الثلاثاء بالعصر الساعه 4 دق رقم غريب ريما امسكت الجوال وتنحت ياحوووول ماخلصنا من ذاك الاهبل جانا ذا يووه خليني ارد وانا ساكته واشوف وش يبي ذا وإذا شنب اقفل السماعه وطناش لما يطفش هذا شخص (غير الي كلمها ذيك المره يعني غيره.)....... ريما.....<<(ساكته) المتصل : الووووو الوووووو ريما قالت في نفسها: ذا صوت زي البنت بس شكله انه ولد يستهبل خليني ارد واشوووف<<<( ياحبها للقافه وطواله اللسان هالبنت ) ريما: الوو ايوه نعم المتصل: هلا قلبي وش لونك....... ريما: :conf <<(متنحه ) ريما في قلبها: يؤؤؤؤؤ ياحوول وبعدين صدق زي ماقالت هدول اللقافه شينه وش اسوي بذا الحين المتصل: الو الو وش فيكي بسم لله عليك ريما : <<(معصبه وواصل اللميت حقها) : اسمع انت وربي مني فاضيه لك تسمع فاهم ولاتدق مره ثانيه لايصير شي مايعجبك يالله باااي ويوم من الايام في المدرسه وبالفسحه ريما مع هدوول وامولي ريما: تدررون امس دق واحد علي حسبته بنت طلع ولد شكله يستهبل ياشين الاستهبال علي العيال بااايخ<<<( اعذرونا ياشباب ترا البنت ماتواطنكم بعيشه لله) هدول: ياشيخه العيال نصهم إهبال آآخ لو اني عندك ذاك اليوم كان مسحت بوجهه امه البلاط ناس قليله حيا<<(مسويه رامبو هي وراسها) امل : اقول انتي وهي يعني مسوين شي يالله بس بطلو هرج ولا يكثر تراها صفرت وانتو تتميلحون يالله خلينا نصف احسن من العيال والهبال حقهم وبعد مارجعت ريما من البيت , ريما علي طول ماعندها وقت حتى تسلم علي امها آنجلا <<( اسم شغالتهم المصون)
    ريما: آنجلااااااااااااااااااااااااااااااااااااااا وين الغدا ها لايكون ماخلص وربي ازنطكي اذا ماخلص
    آنجلا وهي معصبه: إيش في انتا ياريما انا في استنا بابا انتا واخوا انتا يعني انتا بس في اكل
    ريما وهي مكشره: اقوال اسمعي ياام السان حطي وبلاكثره كلام وبابا الحين بيجي يعني ماتعرفين انه بيجي الحين يالله حطيه ونواف الحين بيجي من الروضه بس الطريق زحمه حطي وانطمي
    آانجلا<<<( تقرقر تسبسب بالفلبيني)
    0


  2. ...

  3. #2
    الجزء الثاني ...



    ريما: تدرين ياآنجلا <<( طاحه يدها علي كتف آنجلا ومتكيه) ودي اتعلم لغتكم عشان اعرف وش تهذرين انتي وهالراس حطيه وانتي انسانه محترمه احسن لك
    ابلعت ريما وزطت وسدت جوع بطنها وراحت تنخمد وهي حاطه راسها علي السرير وتبي تاخذ القيلوله وشوي...
    (علموه اني احبه قلوله ليش الهجر...) <<نغمه الجوال
    ريما: ياحوول وش يبي ذا خليني ارد واوقفه عند حده يؤؤ علينا نشبلي نشبه
    ريما وهي معصبه وبدون توقف: نعم خير وش تبي انا ماقلت لاتدق علي مره ثانيه ماتسمع انت ولا تستهبل يااخينا
    المتصل:هههههههههههههههههههههههههههههههههههههههه ياحبي للبنات الحماقيات يازينهم يجنينون
    ريما: تحبهم ماتحبهم ماهمني تسمع انت وجهك اخلص وش تبي
    المتصل : يعني قلت اسمع صوتك الي زي النونو ياقلبووووووووووسي
    ملاحظه هامه جدآ... ريما صوتها زي الورعان
    ولما تقلدهم يطلع يجنننن
    ريما: نعم وشوووو ورعان ؟؟ ورعان الي يشيلون راسك ذا الفاضي يالله اقلب وجهك <<<(اسلوبها عربجي مع الشباب اعوذ بالله)
    المتصل : وشو اقلب وجهي وربي صوتك نونو بالله كم عمرك انتي
    ريما: اقول تراك زودتها وشو كم عمري انت شكلك يبغالك تفله في نص وجهك علشان تتادب ياقليل الحيا احترم نفسك اوكيه يالله ضف ....
    طوت طوت طوت<<(قفلت السماعه)
    وكل دقيقه إلا هو داق و وريما خلاص لازم اخليه يوقف عند حده )فكرت ريما الحبيبه وقالت في نفسها خليني ادق علي هديل
    دقت ريما عليها
    هدوول: هلاااااااااااااااااا ولله
    ريما: هلا يالكمخه<<(عادي ميانه مافيها شي)
    هديل: ها وش تبين
    ريما: وجع بسم لله جايه اسمع صوتك الجذاب <<( تستهبل)
    هديل: خخخخخخخخخخخخخخ ريما اخلصي وش عندك لاتتميلحين
    ريما: ياحبي لكي ياقلبي يابعدي
    هديل :هههههههههههههههههههههههههههههههههههههههه ياحبي لهبالك هلا
    ريما: هدولي
    هديل:هااااا
    ريما: في واحد مزعجني الي قلتلك عنه بالمدرسه وش رايك احول لكي اياه وتهزئينه
    هديل : شوفي ياقلبوو تقدير لكي ولاان كل اخوانك طاسين ويدرسون برا يعني كل اخ في ديره وان انتي قاعده في البيت مع امك وابوك واخوك الضغنون الورع ذا خلاص ابهزئه<<<( لازم المقدمات الي ماله داعي)
    ريما: ياقلبوو اموووواح علي هالخشم الي زي بيدنجانه مقليه
    هديل : خخخخخخخخخخخخخخخخ يالله حولي تراني فاضيه الحين
    ريما: اووكيشن خليه يدق واحولك بس لااوصيك بالتهزيئ ها يعني ابغاكي شديده يابعد مصاريني انتي
    هديل: عشان مصارينك اسوي كل شي يابعدي
    وسكرت ريما من هديل وشوي يدق الاخ المزعج ذا وتحوله علي طول الي هديل
    0

  4. #3
    الجزء الثالث..




    هديل قبل لاترد: احم احم <<(تضبط الصوت عشان يطلع رزه ويصلح للتهزئ)

    هديل: الووو<<<( انسانه عادي تقول الو لكل من هب ودب )
    المتصل:؟؟؟؟؟؟؟؟؟
    هديل: الوووووووو انت هيه
    المتصل: وين ذيك الي ردت علي
    هديل : اي ذيك
    المتصل: هذيك الي صوتها زي النونو ياقلبي
    هديل: مافي الا انا وهذا رقمي انا وش تبي انت
    المتصل: نصاابه عطيني ذيك ياويل قلبي منها الحماقيه ذيك
    هديل: اقولك هذي انا اخلص وش تبي
    المتصل: اقول وش جابك انتي يامايعه الي ذيك الحماقيه الي صوتها يوووووه يسطل
    هديل:<<<( تحطكت)
    المتصل: انتي هيه وين ذيك بالله ابغى اكلمها
    هديل: اقول لاتكثر هرج وش تبي تدق عليها وتزعجها
    المتصل: ولله ماازعجها انا دايم ادق عليها اوقات العصر والمغرب يعني مو ازعاج بس احب اسمع صوتها ياحبي للبنات الصغنونات المغرورات الي فيهم عصبيه وربي يجنووون
    هديل: انا ماطلبت رايك بصوتها ولا باسلوبها اقول للمره الاخير ابعد عنا احسن لك تسمع يالله ضف انت شكل الكلام ماينفع معك غبي باااي
    طوت طوت طوت......(سكرت السماعه)
    المتصل يقول في نفسه ( يازين ذيك البنيه هي وذاك الصوت والعصبيه الي فيها ياويلي انا ) <<<(مسوي العاشق الولهان)
    هديل دقت علي ريما
    ريما:هلاااا بشري
    هديل: وش هالمايص الي حولتيني اياه
    ريما :خخخخخخخخخخخخخخخخخخخ ليش؟؟؟
    هديل: وشو الي ليش يقعد يقول وين ذيك الي صوتها يجنن الحماقيه المغروره
    ريما: مين ذيك؟؟؟؟؟؟
    هديل: ياربي يالغباء الي فيكي يعني هو من كلم احد غيرك ها
    ريما: وش دراني ان يقصدني انا
    هديل: هههههههههههههههههه يقول انك مغروره
    ريما: انااااااااااااااااا؟؟؟!!!!!!
    هديل: ايه وش بلاك تنحتي يابعدي اي ولله صادق انتي مع الشباب جنيه حشا الي يشوف برائت وجهك مايقول ذا اسلوبك مع الشباب الي زي التماسيح
    ريما: هههههههههههههههههههههههههههههههههههههههههههههههههه ههههههههههههه ماعلي منه اي صح انا مع الشباب مغروره بس توني ماوريته شي من الغرور والجنيه
    هديل: اسمعي ريمووووو
    ريما: هلاقلبي آمري
    هديل: ذا شكله يستهبل ولاتردين عليه
    ريما: ابشري طال خشمك خخخخخخخخخخخخخخخخخخخخخخخخ
    هديل: خخخخخخخخخخخخخخخخخخخخخخخخخ
    هديل: لا ولله صدق اتكلم
    ريما : من قالك اني ابرد عليه يخسي المتخلف ذا
    هديل: ريمو
    ريما: هلا
    0

  5. #4
    الجزء الرابع..........





    هديل : من متى وهالمتخلف يدق عليكي وتردين عليه تهزئينه
    ريما: اممممممممممم من حوالي اسبوع واكثر ورديت عليه حوالي 3 مرات بالاسبوع ياشيخه كل يوم يدق وذا مارديت يعقد يدق لما يطفشني
    هديل: اها اوكيه ماعلي منه اسمعي
    ريما: هااا
    هديل: تطلعين معاي للمملكه اليووم؟؟
    ريما: اسأل ابي العزيز وارد لك خبر
    هديل: اوكيه سي يوو
    ريما: اوكيشن
    هديل : باااااايو
    ريما: بااااايو
    وفي المدرسه وكان يوم سبت كان حصه فراغ جالسه هديل وريما فوق الطاوله وامل علي الكرسي هديل قاعده تزط سنكرس وتسال ريموو
    هديل: ريمووو
    ريما: هلا
    هديل: ذاك المزعج مادق عليكي
    ريما: يووه لاتذكريني فيه طلع في راسي الشيب كل مااحط نو في وجهه يرجع يدق وكل ماارد عليه يدق تصدقين بعض الاحيان يدق اكثر من 14 مره
    هديل: كممممممممممممممممممممم؟؟
    ريما: وش فيكي تنحتي اي اكثر من 14 مره
    هديل: لاهذا الولد مو معقول ابدا
    امول : عن وشو تهذرون انتي وهي
    ريما: عن واحد مزعج كان يزعجني
    هديل: تخيلي ياامووول اني رديت عليه بعد ماحولت لي ريمو المكالمه يسال عنها
    امل: عن مين.....؟؟<<(الغباء دارج في الشله)
    هديل: جتنا الغبيه الثانيه عن مين يعني
    ريما: عني انا ياامول
    امول: اهاااا طيب طنشيه
    ريما: وربي اطنش بس اعوذ بالله يقهر
    امول: خلي ابوك يرد عليه
    هديل: وشوووووووو تستهبلين انتي وشو ابوها خير وحنا وين رحنا وطوالت السان ريما وين راحت
    ريما: اي صح ابخليه يعووف بنات خلق لله مايخسي اشاكله
    امل: اي صح حنااااااااااااااا قويات وماعلينا منه<<<( ياحليل المراهقه تخلي الشخص يتخيل انه سوبر مان فجاه)
    وصار هالشخص شغله الشاغل انه يسمع صوت ريما وصراخها وتاهزئها بس يبي يسمع صوتها حتي لو بس كلمه نعمممم الي دايم تقول ريما له
    صار ذا الشخص اذا ماسمع صوت هالبنيه ينجلط صار يدق عليها لمده اكثر شهر وهو علي ذي الحاله يااما ريما ماترد عليه او تحط له نو في وجهه او تازئه وتتوعد له وهو مره مبسووط بالشي الي تسويه ريما فيه اهم شي يسمع الصوت
    كان الشخص المزعج ذا دايم يكلم بنات وكان حلو مو مره يعني مملوح وكل البنات تحت سيطرته وكان اسمه (مشعل) عمره (24) ويوم من الايام راح عند خويه محمد
    محمد: هلااااااااااااا وينك( وهو قاعد يسلم عليه)
    مشعل: ولله مشاغل
    محمد: علينا يانصااب وينك الي اول نطلع كل يوم ونستانس وماتخلي مكان الي قاط وجهك فيه الحين صاير ماتطلع ابدا الا قليل
    0

  6. #5
    الجزءالخامس..............



    مشعل: آآآآآآآآه بس
    محمد: وش فيك
    مشعل: وحده يامحمد جابت لي الجنون
    محمد: نعم وشوووووووو مشعل الي كل البنات وراه المغرور الي اذا وحده ماجته تركها وسفها وحده تجننه ياكبرها عند ربي خير مين ذي
    مشعل: مادري
    محمد : نعمممممممممم وشو ماتعرفها
    مشعل : والله مااعرفها ولاهي تعرفني
    محمد: كيف يعني مني فاهم؟
    مشعل: زي ماقلتلك
    محمد: قلي السالفه من اول
    مشعل: شوف بندر عطاني رقمها( الي كان يزعج ريما قبل مشعل وقطع عنها)
    ومادري من وين جاب رقمها بس قالي انها مره قويه وانه ماقدر عليها وقال حاول معاها انت ومره دق عليها بندر قدامي سمعت صوتها مررره يجنن يامحمدصوتها مره نونو ياقلبوووسي ومغرررروره مررررره وماتعطي وجهه مع اني قلت لها اني معجب فيها بس مافي فايده وربي صار لي معاها شهر وهي ميبسه راسها
    محمد: طيب وبندر وش صار معه
    مشعل: هو قالي اول حاول معاها عشان تلين راسها معي بس انا طحت فيها
    محمد: طيب بندر يدري انك طايح فيها
    مشعل: قلتله
    محمد: وش قال ؟؟؟؟؟؟
    مشعل: ماقال شي وبعدين هو قطع عنها عشان هي ماترد عليه
    محمد: وليش ماتسوي زيه وتفك نفسك من ذي الورطه
    مشعل: ولله يامحمد ذي البنت الي كنت ادور عنها من زمان
    محمدك وشو بلا استهبال بس
    مشعل: ولله مااستهبل وبعدين ادمنت علي صوتها اذا ماسمعت صوتها ماادري احس شي ناقص وياحلو تهزئيها روبي يجننننن
    محمد: والبنات الثنيات الي تكلمه
    مشعل: يخسوووووووووووون ذولي مايسون شي عند ذيك المغروره ياويلي وربي ذي تاج راسهم وش تبي هذوليك قليلات حيا
    محمد: طيب انت انسى الموضوع الحين
    مشعل: ياربي مني قادر
    محمد: اسمع شيلنا من ذا الموضوع المهم تراني ابسافر للبحرين
    مشعل: وليش؟؟
    محمد: ابروح اهناك بنات علي كيفك وسنيما وياعمي تعرف المزاج انت
    مشعل: طيب انا ابروح عندي شغل الحين
    محمد: الحين جاي تقولي عن الي مجننتك وتبي تطس بس يعني
    مشعل: يااخي لما اخلص شغلي ابقعد علي حلقك وش تبي بعد
    محمد: طيب ادري انك بتنسانا بس ماعلينا
    محمد يسلم علي مشعل ومشعل طلع وراح ....................
    ويعد مامر شهر واكثر علي تاهزي ريما لمشعل وسبها له وعدم ردها لمكالمته
    قام مشعل دق علي زيد ولد خاله
    زيد: هلاااااااااااااااااااا ولله
    مشعل: هلا فيك
    زيد : وينك ماتدق يااخي
    مشعل: هذاني دقيت
    زيد: اي حط اعذار
    مشعل: وش مسوي بالكويت وش اخبار الكويت من دوني
    0

  7. #6
    الجزء السادس ............................




    (مشعل سعودي عايش بالكويت طول عمره وانولد اهناك وكان هناك الي ماكبر وتوظف بالسعوديه يعني كل اهله وعمامه بالكويت الا هو واخوه احمد المتزوج وعنده ولد صغير ومشعل ساكن عند اخوه ذا المتزوج)
    زيد: وربي ماتسوا البنات يسالون عنك وين ذا الي شعره طويل
    مشعل: هههههههههههههههههه قلهم خلاص مشعل لوحده ثانيه وبس
    زيد: وشوووووووووو افا في وحده ثانيه ومانقولنا
    مشعل: ها لا بس وحده احب اسمع صوتها يعني معجب بشخصيتها
    --------------------------------------------------------------------------------






    حبايبي انشالله تعجبكم القصه بس لها كماله طويله انشالله تعجبكم
    0

  8. #7
    thanxxxxعلى القصة الحلوة بانتظار التكملة
    *4GeT THe TiMeS u WaLKeD By* 4GeT THe TiMeS u MaDe Me CRy* 4GeT THe TiMe u HeLD My HaND *4GeT THe SWeeT THiNGS iF i CaN*I cAn No LoNgEr PrEtEnD*I GoTTa ReMeMBeR NoW uR JuST My FRieND.*disappointed
    0

  9. #8
    ابشري حبيبتي
    سعودية وأفتخر واللي موعاجبه ينتحر ويكتب على قبره منقهر اجيه يتحدى سعوديه ما يقدر
    0

  10. #9
    شكرررررررررررررررررا

    بلييييييييييييييز

    كملي القصة

    لاتطولين

    سلاااااااااااااام
    استغفر الله ... استغفر الله ... استغفر الله
    سبحان الله وبحمده ... سبحان الله العظيم
    اللهم صلِ وسلم على نبينا محمد وعلى آله وصحبه آجمعين
    2a68e0502b0651707dfd94f1b9968bd3
    YOU ARE WONDERFUL lollipop
    0

  11. #10
    مشكووره والله قصه حلووه وياليت تكملينها بسرعه انتظر التكمله
    0

  12. #11
    0

  13. #12
    0

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter