Superman Returns هذا الصيف ^_^

[~فراشه~]

بسم الله الرحمن الرحيم

سلام عليكم جميعا ...



طبعا الكل يعرف الـ Super hero



أخو Batman & Spiderman ..

المهم ندخل في الموضوع..



اول فلم بدأوا فيه هو Superman The Movie سنة 1978وكان يمثل فيه Christopher Reeve..



Superman والمعروف ايضا بـ Man of steel (رجل الحديد) شخصية خيالية .. والذي أنشأ هذه الشخصية فنان اسمه Joe Shuter كندي الأصل والكاتب كان Jerry Siegel أمريكي الأصل, في سنة 1932 ..



كشخه معضل

ومن ثم تم بيعه لـ Detective Comics .. في سنة 1938 ظهر Superman في الأكشن كوميك.. فيما بعد, ظهر في عدة برامج ومنها الراديو وبرامج تلفزيونية وأفلام وجرائد وألالعاب الالكترونية..



وكما ذكر في الاكشن كوميك ان Superman ولد على كوكب Krypton وجاء الى الارض بالصاروخ من قبل والده (العالم) وذلك كان لحظات قبل ان يتدمر الكوكب الذي ولد فيه.. وقع الصاروخ على مزرعة زوجين, ووجدوا الزوجين هذا الطفل وقرروا ان يتبنوه.. عندما كبر الطفل اكتشف ان له قوات غير طبيعة ومختلفة عن باقي الرجال من سنة.. واستخدم هذه القوات لمساعدة الآخرين وحمايتهم من الاخطار.. ولبقاء هوية سّراً يعيش حياته طبيعيا تحت اسم Clark Kent ويمعل كصحفي لـ The Daily Star والذي تغير اسمه لاحقا الى The daily Planet ... يعمل Clark بجانب صحفية تدعى Lois Lane والذي هو مغرما بها .. ولقد تم زواجهما في الComics الحديثة..



قرر المخرج Bryan Singer القيام بهذا الفلم لانه كان من اشد المعجبين بهذه الشخصية الخيالية ..
طبعا انا قريت وايد اشياء عن هذا الفلم وانهم قالوا ان مستوى المشاهدين متدني ( يمكن تمللوا من الـ Super heros ) وكلف تصوير الفيلم أكثر من 200 مليون دولار .. يعني الله يعنهم .. مع اني تخيلته راح يحصل على جمهور كبير نفس باقي الافلام بس يمكن لان The pirates of the carbian راح ينزل الاسبوع الياي ويغلب عليه ..

الفلم..

بوستر الفلم:



نوع الفلم:

أكشن - مغامرات - خيالي

مدة الفلم:

ساعتين و 34 دقيقة

تقييم الرقابة :

PG-13 لمشاهد من العنف

المخرج:

Bryan Singer





الممثلون:



Brandon Routh بدور Clark Kent/Superman



Kate Bosworth بدور Lois Lane



James Marsden بدور Richard White



Kevin Spacey بدور Lex Luthor



Parker Posey بدور Kitty Kowalski


قصة الفلم:

بعد زيارة طويلة لبقايا كوكب krypton , قرر رجل الحديد Superman العودة الى كوكب الارض ليكون منقذ للناس مرة اخرى وليقوم بإسترجاع حبه lois Lane...


صور من الفلم:









وتم بحمدلله

[LIVESTRONG]

ساعتين ونصف

طووويل ولا يستاااهل

أصلن ماعجبني الفيلم بالمره

سبايدر مان أفضل وأحلى وأروع

يسلموو على التقرير

[MUMMY]

تقرير خنفشاري من قلب

ف اكيد اقول برب

لي رجعه بعد الصلاه

بعد الصلاه والصيانه

الله يغربل ابليسي كثير تقارير فاتتني ومن ضمنهم تقريرك الاخر بس ان شاء الله برد على اكثر

قدر من التقارير اليوم بس قلت خلي احجز ثاني مقعد في هذا الموضوع لاني من زمان لم ارد ردود

اولى دائما اكون اخر الواصلين <<< احس حالي كتبت قصه حياتي

نرجع للموضوع

سلام عليكم جميعا ...

وعليكم السلام

يا هلا والله ب فراشه

طبعا الكل يعرف الـ Super hero

انا لا ما اعرفه مين هذا <<<< عامل حاله دمه خفيف

أخو Batman & Spiderman

اخوهم والله انا الحين عرفت هل الخبريه يعني اخوهم من صج ولا هذه اشاعه <<<

اول فلم بدأوا فيه هو Superman The Movie سنة 1978وكان يمثل فيه Christopher Reeve

78 كان الوالد بعده ما متعرف على الوالده

Superman والمعروف ايضا بـ Man of steel (رجل الحديد) شخصية خيالية .. والذي أنشأ هذه الشخصية فنان اسمه Joe Shuter كندي الأصل والكاتب كان Jerry Siegel أمريكي الأصل, في سنة 1932 ..

اها اول مره اعرف مين هو الي انشأ شخيصه سوبر مان الشخصيه الخياليه المفضل لدي

كشخه معضل

نص نص

ومن ثم تم بيعه لـ Detective Comics .. في سنة 1938 ظهر Superman في الأكشن كوميك.. فيما بعد, ظهر في عدة برامج ومنها الراديو وبرامج تلفزيونية وأفلام وجرائد وألالعاب الالكترونية..

جيد

وكما ذكر في الاكشن كوميك ان Superman ولد على كوكب Krypton وجاء الى الارض بالصاروخ من قبل والده (العالم) وذلك كان لحظات قبل ان يتدمر الكوكب الذي ولد فيه.. وقع الصاروخ على مزرعة زوجين, ووجدوا الزوجين هذا الطفل وقرروا ان يتبنوه.. عندما كبر الطفل اكتشف ان له قوات غير طبيعة ومختلفة عن باقي الرجال من سنة.. واستخدم هذه القوات لمساعدة الآخرين وحمايتهم من الاخطار.. ولبقاء هوية سّراً يعيش حياته طبيعيا تحت اسم Clark Kent ويمعل كصحفي لـ The Daily Star والذي تغير اسمه لاحقا الى The daily Planet ... يعمل Clark بجانب صحفية تدعى Lois Lane والذي هو مغرما بها .. ولقد تم زواجهما في الComics الحديثة..

الكلام الي ب اللون البرتقالي احسه جرندايزر مب سوبر مان

قرر المخرج Bryan Singer القيام بهذا الفلم لانه كان من اشد المعجبين بهذه الشخصية الخيالية ..
طبعا انا قريت وايد اشياء عن هذا الفلم وانهم قالوا ان مستوى المشاهدين متدني ( يمكن تمللوا من الـ Super heros ) وكلف تصوير الفيلم أكثر من 200 مليون دولار .. يعني الله يعنهم .. مع اني تخيلته راح يحصل على جمهور كبير نفس باقي الافلام بس يمكن لان The pirates of the carbian راح ينزل الاسبوع الياي ويغلب عليه ..

200 مليون دولار شو اقول احسن شي اقول بدون تعليق قبل ما يصير بيا سكته قلبيه من المبلغ <<<

على اساس هو الي دافع المبلغ

بوستر ولا اروع الي مسويه فنان من قلب

مدة الفلم:

ساعتين و 34 دقيقة

يعني مستحيل اشوفه لاني اكون نايم ب نص الوقت

كثير طويل بس اشوفه يعني اشوفه

بعد زيارة طويلة لبقايا كوكب krypton , قرر رجل الحديد Superman العودة الى كوكب الارض ليكون منقذ للناس مرة اخرى وليقوم بإسترجاع حبه lois Lane

هلا بيه ينور الارض

و مشكوره فراشه على التقرير الخنفشاري المتعوب عليه و المرتب

و الى الامام دائما

و في انتظار تقريرك الخنفشاري القادم

في امان الله

[هاروهيكوشيكي]

السلام عليكم ~فراشه~

و مبروك على الوسام



أخيرا بعد أكثر من سنه على العطاء و المثابره <<<


و بالنسبه لي, أنا لست من المعجبين بشخصية سوبرمان و لكني مع هذا بأنتظار نزول هذا الفيلم خاصه أنه من أخراج Bryan Singer

أفضل أفضل شيء بهذا الفيلم أنه لايبدأ بشكل ممل من بداية القصه و الأول

قصدي أننا ماراح نشوف كلارك كينت يكتشف قدراته ويشتغل صحافي وبعدها يتعرف على لوويس لين و بعده يتعرف على المجرم

لا . . . القصه مختلفه كأنها تتمه , من دون المقدمات الممله . . . ما توافقين

بس هناك شيء واحد خيب أملي , و هو أن ليكس لوثر هو المجرم بهذا الفيلم
دائما هو المجرم , في الفيلم القديم , و في المسلسل التلفزيوني , حتى في الكرتون يكون موجود
ما عاد صارت
هو[GLOW] سوبرمان[/GLOW] ماله أعداء غيره <<<


المهم مشكوره فرووش على التقرير الرووعه تنسيقه عجيب ماشاء الله عليكِ

و Keep up the good work

[squal]

هااايووو فروووش

أول شي مبرووك على الوسام

هي هي هي!
.
.
ثاني شي انا مو من محبين سوبرمان

لكن لي عودة بعد مشاهدة الفيلم..اللي أمس شفت بوستره على انه بينعرض الاسبوع الياي...بنشوووووف عاد
.
.
برب

[Akatsuki Leader]

التقرييير رائع
الفلم نزل عندنا في امريكا بس ليل حين ما رحتلا
مشكووووووووره على التقرير الرائع
تحياتي

[~فراشه~]

LIVESTRONG

ساعتين ونصف

طووويل ولا يستاااهل

You never know till you see it

أصلن ماعجبني الفيلم بالمره

انت شفته علشان اتقول ما اعجبك..؟؟

سبايدر مان أفضل وأحلى وأروع

وجهة نظر وانا صج بعد احب سبايدر مان بس يعني كلهم نفس الشي عندي

يسلموو على التقرير

الله يسلمك وشكرا على مرورك ^_^

[~فراشه~]

MUMMY

تقرير خنفشاري من قلب

ماعندي خنافيش ..

بعد الصلاه والصيانه

الله يغربل ابليسي كثير تقارير فاتتني ومن ضمنهم تقريرك الاخر بس ان شاء الله برد على اكثر

قدر من التقارير اليوم

عادي خذ راحتك وانا بعد نفسك في وايد تقارير ابي ارد عليها وماعندي وقت

بس قلت خلي احجز ثاني مقعد في هذا الموضوع لاني من زمان لم ارد ردود

اولى دائما اكون اخر الواصلين <<< احس حالي كتبت قصه حياتي

زين عيل قدرت تحجز رد اول هالمره ^_^

نرجع للموضوع

يا هلا والله ب فراشه

هلا فيك

انا لا ما اعرفه مين هذا <<<< عامل حاله دمه خفيف

ههههههههههههههههههههه

اخوهم والله انا الحين عرفت هل الخبريه يعني اخوهم من صج ولا هذه اشاعه <<<

ويه انت وينك عن الدنيا ماتدري بشي..؟؟ شدعوه توك تدري انهم اخوان >>>

78 كان الوالد بعده ما متعرف على الوالده

هههههههههههه ان شاءلله قريب بيتعرف عليها

اها اول مره اعرف مين هو الي انشأ شخيصه سوبر مان الشخصيه الخياليه المفضل لدي

توك تقول ماتعرفه

نص نص

ايه يمكن انت معضل اكثر صح

الكلام الي ب اللون البرتقالي احسه جرندايزر مب سوبر مان

مال اول جراندايزر مب هو الي ياكل الحديد..؟ >>> ناسية

200 مليون دولار شو اقول احسن شي اقول بدون تعليق قبل ما يصير بيا سكته قلبيه من المبلغ <<<
على اساس هو الي دافع المبلغ

هههههههههههههه ايه يخبرك احنا انعرفك مليادير ماتوقعنا بتصرف هالكثر مره وحده

بوستر ولا اروع الي مسويه فنان من قلب

شكرا انا مسويته

يعني مستحيل اشوفه لاني اكون نايم ب نص الوقت

لا يمكن مع الاكشن تصحى شوي

كثير طويل بس اشوفه يعني اشوفه

ايه عفية عليك

هلا بيه ينور الارض

و مشكوره فراشه على التقرير الخنفشاري المتعوب عليه و المرتب
و الى الامام دائما

العفو اخوي وتسلم لي على مرورك الحلو ضحكتني ردودك

و في انتظار تقريرك الخنفشاري القادم

لا I think thats it for the summer لاني ماعندي وقت وان شاءلله قريب بنسافر

[~فراشه~]

هاروهيكوشيكي

السلام عليكم ~فراشه~

هلا وعليكم السلام هاروري

و مبروك على الوسام

اتصدق ماشفته الايوم شفت ردك ..
الله يبارك فيك فديتني كاشخه

أخيرا بعد أكثر من سنه على العطاء و المثابره <<<

ما سوينا شي

و بالنسبه لي, أنا لست من المعجبين بشخصية سوبرمان و لكني مع هذا بأنتظار نزول هذا الفيلم خاصه أنه من أخراج Bryan Singer

انا عادي بس اتذكر كنت اشوف الفلم القديم اكثر من مره... وبعد ابي اشوف هذا الفلم اذا نزل بالسينما مادري ليش..احسه الفلم بيكون حلو..

أفضل أفضل شيء بهذا الفيلم أنه لايبدأ بشكل ممل من بداية القصه و الأول

ايه لان اكيد الكل يعرف قصة سوبرمان

قصدي أننا ماراح نشوف كلارك كينت يكتشف قدراته ويشتغل صحافي وبعدها يتعرف على لوويس لين و بعده يتعرف على المجرم

ايه اف بيكون شي غير عن سبايدر مان وبات مان الي كان توهم في البداية ويكتشفون..

لا . . . القصه مختلفه كأنها تتمه , من دون المقدمات الممله . . . ما توافقين

أوافق قريتها كم تحليل للفلم

بس هناك شيء واحد خيب أملي , و هو أن ليكس لوثر هو المجرم بهذا الفيلم
دائما هو المجرم , في الفيلم القديم , و في المسلسل التلفزيوني , حتى في الكرتون يكون موجود
ما عاد صارت

ههههههههههههههههه
يمكن مايبون يخسرون على شخصيات مختلفة مع اني احس حلو ان شخصية وحده نفس بات مان عنده اكثر من اعداء الجوكر وفي بات مان Begins كان له عدو مختلف..

هو سوبرمان
ماله أعداء غيره <<<

لا الاخ مسالم

المهم مشكوره فرووش على التقرير الرووعه تنسيقه عجيب ماشاء الله عليكِ

العفو وتسلم لي على مرورك الحلو

و Keep up the good work

I'll try

[~فراشه~]

Squal

هااايووو فروووش

اهلين سكوال >>>>> عبدول وين..؟؟

أول شي مبرووك على الوسام

هي هي هي!

ههههههههههههههههه
الله يبارك فيك كلكم لاحظتوا الا انا

ثاني شي انا مو من محبين سوبرمان

بل كلكم ماتحبونه

شسوى لكم مسكين الحين هو ينقذ الناس من الاخطار

لكن لي عودة بعد مشاهدة الفيلم..اللي أمس شفت بوستره على انه بينعرض الاسبوع الياي...بنشوووووف عاد

صج..؟؟؟!! يالله ان شاءلله يعرضونه قبل ما اسافر

وننتظر عودتك

[~فراشه~]

Akatsuki Leader

التقرييير رائع
الفلم نزل عندنا في امريكا بس ليل حين ما رحتلا
مشكووووووووره على التقرير الرائع
تحياتي

روح شوفه وقول لنا رايك انا ماسمعت وايد ناس يمدحونه

وتسلم على مرورك ..

[ghada ouf]

رائع جداااااااااااااااااااااااا

[missme]

هعه
برد عالسريع .. لن الصور ماتطلع عندي .. الكمبيوتر خرف وقعد
بس مب مشلكه بتخيلهم

طبعا الكل يعرف الـ Super hero
أخو Batman & Spiderman ..

اي أكيد
هاي من اياام الطفولة واحنا نتابعهم كلهم

اول فلم بدأوا فيه هو Superman The Movie سنة 1978وكان يمثل فيه Christopher Reeve..

حراام .. اي والله .. بس هذي مشيئه الله

ومن ثم تم بيعه لـ Detective Comics .. في سنة 1938 ظهر Superman في الأكشن كوميك..

اي لاحظت انتشار كبير .. لهذي القصص ..

مع اني تخيلته راح يحصل على جمهور كبير نفس باقي الافلام بس يمكن لان The pirates of the carbian راح ينزل الاسبوع الياي ويغلب عليه ..

اي اتوقع

امم
يعني سوري ماعرفت ارد عدل ..
مادري من قلب خاطري ارد ..

بس يلا تخيلت الصور وكان شكلها

المهم تقرير شامل .. للفيلم بأكلمه
بصراحه عجبني والله
تسلمين فراشة ..

[yahya_no_1gamer]

this Move sucks and they destroyed the stroy of superman and I am really pissed off from that

[~فراشه~]

ghada ouf

رائع جداااااااااااااااااااااااا

شكرا على المرور ^_^

[LIVESTRONG]

أبشررررررررررركم

لقيت الفيلم dvd ومترجم بالسوق هع هع هع هع

بشوووفه وأقولكم

وبعطيكم مقااطع للفيلم

أنتظروني

[Colin Farrell]

مشكوره اختي فراشه على التقرير

ذكرتيني يوم كنت ياهل كنت احب اقرا مجلات وقصص سوبرمان

يالله بننتظر عرضه عندنا الاسبوع الياي

[blue angle]

السلام عليكم و رحمة الله و بركاته

طبعا الكل يعرف الـ Super hero



أخو Batman & Spiderman ..

طبعاً .. في حد ما يعرفه

اذكر انه شفت رسوم حقه هو و أخوانه

قرر المخرج Bryan Singer القيام بهذا الفلم لانه كان من اشد المعجبين بهذه الشخصية الخيالية ..
طبعا انا قريت وايد اشياء عن هذا الفلم وانهم قالوا ان مستوى المشاهدين متدني ( يمكن تمللوا من الـ Super heros ) وكلف تصوير الفيلم أكثر من 200 مليون دولار .. يعني الله يعنهم .. مع اني تخيلته راح يحصل على جمهور كبير نفس باقي الافلام بس يمكن لان The pirates of the carbian راح ينزل الاسبوع الياي ويغلب عليه ..

بالفعل .. مثل ما قلتي ان الناس تمللوا من الـ super heros ... و بالذات super man ... لأنه تم صناعة الكثير من الأفلام لهذا البطل .. و التي تحمل نفس القصة تقريباً كل مرة

قصة الفلم:

بعد زيارة طويلة لبقايا كوكب krypton , قرر رجل الحديد Superman العودة الى كوكب الارض ليكون منقذ للناس مرة اخرى وليقوم بإسترجاع حبه lois Lane...

القصة هـ المرة غير ... بس من كثر ما شفت أفلام لـ Super Man .. مو متشجعة اشوفه

يمكن من قبل super man تمكن من تملك قلوب الناس .. لكن الناس ملوا منه
.
.
تقرير حلوو و مفصل ^__^

يعطيج ألف عافية فراشـة

و ان شاء الله لي عودة اذا شفته

[Mexat Star]

السلام عليكم ورحمة الله وبركاته

~فراشه~

يسلمو على هالتقرير الحلو ياأحلى فراشه ..هذا أولاً ..
ثانياً .. بصراحه أنا ماني من محبين أفلام الأبطال الخارقين وماأدري أيش اسمهم ..
يعني بات مان ماشفت إلا جزء وحيد اللي موجوده فيه نيكول ..
وسبايدر مان ماشفت إلا الجزء الثاني بس علشان الكلام اللي طلع عليه وأظني ماكملته ..
وسوبر مان كنت أشف مقتطفات من المسلسل لكن هالجزء بعد احتمال كبير أشوفه ..
علشان بس Kate Bosworthيعني بصراحه هالممثله مبدعه للآخر وتمثيلها يعجبني..
وهاللي اسمه Brandon Routh ازعجونا وسيم .. وسيم.. وأنا أشوف أنه عادي وأقل من عادي بعد ..
يعني مايستاهل كل هالضجه.. بس هم أعرف مني أكيد ..
المشكله أنهم يقولون ماراح ينزلون الفلم بالأسواق إلا عام 2007 طيب ليش ؟؟

يعطيك ربي ألف ألف عافيه على التقرير الأكثر من روعه ..
وشكراً على المعلومات وعلى الصور الحلوه ..
تسلم هالأنامل الذهبيه يارب ..
لاخلا ولاعدم ..

ـتَحِيَاَتِيـ

[~فراشه~]

missme

هعه
برد عالسريع .. لن الصور ماتطلع عندي .. الكمبيوتر خرف وقعد
بس مب مشلكه بتخيلهم

شلون ماتطلع عندج..؟؟!! انا محملتهم من المنتدى بعد

اي أكيد
هاي من اياام الطفولة واحنا نتابعهم كلهم

حراام .. اي والله .. بس هذي مشيئه الله

انا عور قلبي يوم شفت قصته .. كانت زوجته وولده يتكلمون عنه مادري اعتقد على اوبرا او E! مب متذكره بس صج شوي واصيح معاهم وعلى مدحهم له صج عور قلبي...

امم
يعني سوري ماعرفت ارد عدل ..
مادري من قلب خاطري ارد ..

عادي اهم شي مريتي علينا

بس يلا تخيلت الصور وكان شكلها

مري مره ثانيه يمكن تطلع عندج

المهم تقرير شامل .. للفيلم بأكلمه
بصراحه عجبني والله
تسلمين فراشة ..

الله يسلمج وشكرا لج على مرورج الحلو ^_^