مشاهدة النتائج 1 الى 5 من 5
  1. #1

    بدر حكيم بطل العالم في الونج اليفن

    احب احكي لكم قصة بطولة العالم اللي حصلت في فرنسا... حصلت تصفيات في المملكةفي كل من جدة والرياض والشرقية ..وتاهل اثنين من كل منطقة ليتجمعو في جدة للعب نهائيات المملكة ... والحمد لله حصل على المركز الاول اخوي علاء وانا حصلت على الثاني بعد مباراة مررررة صعبة كنت احتاج فيها الفوز فقط على مشترك اسمو ميدو( طبعا المشتركين يعرفون بNICK NAME )وليس بالاسم الحقيقي ,وكان يكفيه التعادل.. بس اتوفقت وفزت 1\0 وتأهلنا انا وعلاء من المملكة لنمثل المملكة ..وعلى فكرة..حصلت تصفيات في لبنان بس ما كان في مشتركين عشان كدا تأهل ميدو معانا ممثل ثالث لانه ثالث المملكة...و كان سفرنا على حساب الشركات( ليبتون ،تويوتا، FERRARI.. AMD) ....اكل، شرب،تذاكر سفر على الخطوط الاماراتية ،اقامة
    ....المهم سافرنا اول يوم الى دبي قعدنا يوم هناك وثاني يوم كملنا رحلتنا الى فرنسا للعب بطولة العالم ......
    كان اول يوم تمرين وتعارف،صار الكل يلعب مع بعض،طبعا محد يلعب بالخطة اللي يتميز فيها عشان لا تنكشف والمباريات كانت استعراضية بعض الشي.........لعبت مع اكثر من واحد ...طبعا كل لاعب معلق كرتID فيها اسمه والدولة...في نفس اليوم (يوم التمارين) لعبت مع المرشح الاول وبطل فرنسا الفرنسيMITO وكان معاه اثنين من فرنسا
    SAM SAM،SUB ...المهم لعبت مع ميتو الفرنسي وفاز عليا وانا بصراحةما لعبت بفريقي ولا بخطتي ..في نفس الوقت لعب الممثل الثالث ميدو مع الفرنسي SUB وفاز الفرنسي .........
    ثاني يوم كان يوم القرعة،للاسف كان ملعوب فيها بشكل غريب، المجموعة الاولى كانت:
    1:MITO
    2:SAM SAM
    3:بدر حكيم(انا)
    4:ميدو ثالث المملكة(متاهل باسم لبنان)
    5:لاعب سويسري
    وقتها فهمنا ليش طلبو مننا الفرنسيين اللعب معنا يوم التمرين.. بعد ما لعبو معنا راحو نسقو جدول المباريات مع اللجنة المنظمة(الفرنسية طبعا) هم عاملين حساب ان هم الاثنين حيتاهلو على حسابنا انا وميدو والسويسري
    النظام كان مع كل لاعب تلعب مبارايتين(يعني انا لعبت 8 مباريات في المجموعة).....لعبت مع MITO اول مواجهه وتعادلنا 1\1 في المبارايتين انا كانت ليا النتيجة ايجابية عكسه تماما لأنه ما اتوقع اني اتعادل معاه،كمان كان الأعلام والجمهور والمعلق كلهم معاه ،وفي نفس الوقت كان بيلعب ميدو مع SAMSAM وفاز الفرنسي في المباريتين ..
    بعدها لعبت مع SAMSAM(((( بطل البطولة)))) ،فزت انا في مباراة وفاز هو في الثانية...بعدها لعبت مع ميدو وفزت في المباريتين(المفروض انو الفرنسيين يلعبو مع بعض بس اعترضو وماكانو يبغو يلعبوضد بعض)(يبغو يلعبو اخر مواجهة عشان اللي يحتاج نقاط يعطيله هيا الثاني....وجا القرار من اللجنةانو لازم يلعبو مع بعض...
    SAMSAM كان يحتاج فوز واحد بس عشان يتأهل وفاز على صاحبه MITO،وفي الباراة الثانية بانت الفضيحة...SAMSAM اعطى المباراة 6-0 لصالح MITO
    في الجولة الاخيرة لعبت انا ضد السويسري وفزت في المواجهة..وبعدها لعب ميدو ضد MITO الفرنسي..فاز الفرنسي في المبارايتين واصبح عنده 17 نقطة(متساويين في النقاط)...لكن للاسف كان يفرق عني ب6 اهداف،طبعا اللي اخذها من SAM SAM ...واحتشد الاعلام والمصورين والتلفزيون لتهنئة الفرنسيين بالتاهل
    .......الحمد لله اننا كنا مصورين المباراة 6\0 فيديو ..وقدمنا الشريط للجنة، وجا القرار بلعب مباريتين انا وMITO طبعا الاعصاب متوترة.. لكن الحمدلله فزت انا المباراة المباراة الاولى 2-1 والثانية 3-1
    وقتها حصلت ضجة العلامية كبيرة بسبب خروج المرشح الاول وبطل فرنساعلى يد السعودي بدر حكيم
    بكدا تاهلنا انا وSAMSAM ....((((واحب اشكر ميدو لأنه عطاني المواجهة في اخر الوقت لأن التعادل يخرجنا سوا (1\0)،(1\0)
    وفي المجموعة الثامنة تأهل علاء بالمركز الاول من مجموعته بلغاري وانجليزي والماني بدون هزيمة وتعادل واحد (ماشاء الله)..بطل المملكة بحق وحقيقي
    نتكلم عن الدور الثاني (دور ال16) ..كان دور ال16 نظام مجموعات مثل نظام بطولة اوروبا..
    اعتقد ان الفرنسيين كملو تلاعبهم ...للاسف انا وعلاء في مجموعة وحدة معانا ماليزي و صيني .... وجات المجموعة على هذا الترتيب:الصيني ..علاء...بدر..الماليزي وبكدا انا خرجت وعلاء كمل المشوار
    تأهل لدور ال8 وقابل الصيني الثاني (من كل دولة لاعبين ما عدا فرنسا 3 بحكم انها البلد المستضيف)
    للاسف كانت المواجهة بين الصيني وعلاء بنظام الذهاب والاياب يعني الهدف بهدفين..المباراة الاولىكانت في ارض الصيني وانتهت 0-0 والثانية في ارض علاء وانتهت 1-1 ..اذن تاهل الصيني بفارق الاهداف وحصل علاء على المركز الخامس عالميا ...واذا حبيتو تشوفو التصنيف ادخلو موقع بطولة العالم للالعاب الاللكترونية..www.esworldcup.com
    في شيء احب اني ابلغكم هو ...كاس العالم بيلعبو بالبرو ايفولوشن سوكر لان الويننج اليفين ما يوصل اوروبا ..بس المشكلة انا النسخة الاوروبية تختلف فيها طاقات الاعبين عن اللي عندنا في السعودية ..يعني مثلا فرنسا مبااالغيييين جدا في قوتها ..وانا جبت نسخة من فرنسا وقارنتها بنسختنا لقيتها نفسها بس الاختلاف في طاقات اللاعبين (فرنسا فقط)حتى الفريق البرازيلي كان يلعب بالويننج بفريق هولندا لكن لما شاف فرنسا وقوتها...حول على فرنسا صار اغلب اللاعبين يلعبو بفرنسا..المشكلة اني واخوي كنا ناخذ هولندا ولو اخذنا فرنسا كان فيه كلام ثاني
    (فرنسا مثل منتخب المغرب في ويننج اليفين 7 ريلودد..اذا ما جربتو هذا المنتخب جربوه)...............................بعد
    البطولة رحنا ديزني يوم كامل على حساب الشركات ..وبعدها رجعنا قعدنا في دبي يوم .......
    الحمد لله كانت ايام ماراح ننساها

    منقول ...!
    وبدر حكيم أخو صاحبي
    attachment


  2. ...

  3. #2



    ما شاء الله عليه ..eek


    عيني عليه بارده...smile

    اووووووووووف حتى في اللعب في تناذل وتلاعب من المنسقين..mad

    بس الله موفقنه في اللعب..asian

    وخلهم ينقهروون..devious

    ورافع راس بلاده...

    ما شاء الله في كذا عربي مشارك في البطوله...ربي يوفقهم كلهم..

    ومشكووووووووور اخوي على الموضوع الحلو...cool


    حبيت اسهل على القراء لو ماكان في مانع عند اخوي..

    لنكات مباشره..

    المجموعات..

    http://www.eswc-live.com/?c=competit...dule=3&type=PO

    المجموعات الاخيره
    http://www.eswc-live.com/?c=competit...dule=4&type=PO

    الفاينال..

    http://www.eswc-live.com/?c=competit...dule=5&type=SE

    وسلامتكم..
    اخر تعديل كان بواسطة » BaNzAi في يوم » 14-07-2006 عند الساعة » 12:50


    40cc3c6dcd

    ZaRaK! kEnPacHi

    f444b7475f


  4. #3

  5. #4

  6. #5

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter