بنت الناس طلعت عني اشاعه
وزادت عليها بعض من هالبهارات
قالت ترى خوان كله طماعه
وأنا الذي كل كلي براءات
قالت ترى مليت منه بساعه
ماكنها كانت تبي مني نظرات
قالت عنيد وكل فكره بشاعه
بو جدك ترى ابليس مامات
قالت عديم احساس وهذي طباعه
ماكنها نامت على صدري ساعات
قالت ترى مشتق منه الافاعه
الحيه اللي لدغها صدق بسكات
قالت غشيم الحب يرضع رضاعه
تكفين ياللي تعرفي منه لمحات
قالت ترى أهله شكوله القطاعه
رغم انني صارف عليها ريالات
قالت ترى كل حكيه طباعه
هي ألفت عني حكايه وروايات
قالت كلام صعب والله سماعه
الله يحرمها ظلاله وجنات
قالت كلام يشبع اللي جواعه
بس اذكروا الله على كل ما فات
قالت وقالت بس كله اشاعه
والله يسامح من سمعها بإنصات
المفضلات