::
السلام عليكم جميعا ^_^
شحالكم شباب ؟ شمسويين ؟
عساكم طيبين ^_+ ؟
يووه من زمان ما كتبت شي هني ^^"
واليوم جبت لكم قصيدة .. توني مخلصها فرش
بس ما عدلتها كلش >_< الوزن فيها ضعيف واايد
يمكن لاني ركزت اكثر عـ الاستعاره ^^؛ والله ما يندرى
المهم .. تقريبا استغرقت مني ساعتين وانا اكتبها
اخليكم معاها :
::
حسبت الحب يرفق بقلوب الصغار :: واثر الحب ذيب ما يعرف يراعي
ما يهمه صغار كنا ولا كبار :: اكبر همومه يجرح الجفن الدماعي
جيت للقلم وعينته لحبي مستشار :: وسألته كيف الغدر بالقلب طماعي ؟
قام يتلعثم وظل محتار :: حاول يبري الجرح وماستطاعي
ماحسبت الزمن للقلب غيار :: ولا حسبت الحب للروح نزاعي
وما حسبت الوافي ينقلب غدار :: ويصبح ذيب وللغدر تباعي
كنت افتكر اني لقلبه جار :: وكنت احسبه يفداني للنخاعي
كنت احسبني العالي بالادوار :: مادريت الغدر لقلوب البشر زراعي
جيته احسبه شايل الورد اسفار :: واثره جمر على الغدر ولاعي
هذي آخرتها ؟ هذي آخر المشوار :: تجازي الوفا غدر وتلوي ذراعي ؟
غلاك ما تعرفه ؟! اللي بدمي سار :: ليمن طروه فز القلب مرتاعي
اجيك حامل اشواقي لك تذكار :: بين رمشك وعينك قلبي انا ضاعي
نبض خافقي للضلوع كسار :: والله يجيك القلب طاير لولا الاضلاعي
من يمسك القلب اللي باسبابك طار :: من يمنعه يكون لامرك خضاعي
ياكثر مبكاك دمع التمساح المنهار :: توني دريت الذهب مو كل لماعي
كنت احسبك وافي وتكتم الاسرار :: وحسبتك الابهام بعد الارباعي
كنت اتصورك لي شمس النهار :: وكنت احسبك معدل الاوضاعي
واثرك سواد يطفي كل الانوار :: وتحول العسل سم لساعي
وانا اللي عليك من حالي اغار :: ولا اطري بحر الهجر والوداعي
انا ما غصبتك تحبني بالاجبار :: وقلبي غصبني احبك وباع الاسناعي
سرى وقتي وصار الذي صار :: لو علي انا سمت القلب بياعي
يحبك ذليل بدون اختيار :: وانا اغصبه عالكره والالتياعي
ماقول غير الله يعين الصبار :: وابرحل مثل رحيلك وانصب شراعي
اببحر في هموم مالها اعذار :: واودع امواجك ولو القلب ماطاعي
يجازيك ربي عالم الاقدار :: رب غفور للذنب شفاعي
::
وسلامتكم
::
المفضلات