مسرحية والبطل فيها يموت
خط كاتبها سطوره في سكوت
وارتفع عنها الستار
وابتدا أول مشاهدها ..
غبار ... عتمه ..
موسيقى ترتجف حزنٍ
وحيده تشكي الظلمه
حبيبه تكتب رسايلها
وترسم قلبها رسمه
تنادي بلوعة قلبها المجروح
خلٍ سلبها عقلها والروح
في هالحظه يدخل ابوها
شافها ... انزعج
بان في عيونه غضب
سألها .. ليش الحزن
واليوم عرسك
وابن عمك عندنا
قالت يبه ..
انكسر قلبي وماتت بسمتي فيني
وصار الحزن عنواني وتكويني
وشلون ابفرح
وانت الموت تسقيني
قال اسكتي
يا بنت .. هذه رغبتي
رغبة عمك المرحوم
تكوني عروس لولده المحروم
قالت يبه .. ماني هدوم
تفصلون وتلبسون
قال اسكتي هذي ماهي علوم
مالنا ومال الحكي الفاضي لزوم
اليوم عرسك ..
مانبي الليله خصوم
يخرج ابوها
ويسدل المسرح ستاره
ويبتدي ثاني المشاهد
وقلبها باقي يعاند
يتبع.....



اضافة رد مع اقتباس

المفضلات