ياسعود قلبى كلما جيت ابنهاه
عيا يطيع الشور واهمل جوابـه
*****************************
لا قلت درب الحب وش لك بممشاه
تراه مابه غير هم.....وكأبـه
*****************************
لا بد ما يسقيك مره....وبلواه
ويجرعك لوعه.....وحسرة صبابه
*****************************
اوقعك فى حبه وخـــلاك تقفـاه
وطــواك طيات الورق فى كتابه
*****************************
يضحك ويدله وانت تبكى لفرقاه
ينام وانت ساهرٍ....من صوابـه
*****************************
ياقلب طال البين يكفى تمنـاه
اللى على الكفين ينقش خضابـه
*****************************
حاول مع الايام تدله وتنســاه
اللى نهب هوجاس فكرك...نهابه
*****************************
ما تتعض ياقلب غيرك وش اغواه
ويش احرمه نــومه وضحكات نابه
*****************************
ترى الهوى والحب هذى سـواياه
من جــربه ملزوم يلقى عذابه
*****************************
يقوله اللى ما تهنا بدنيــاه
جرحه يشيله مدهٍ ما حكــا بـه
*****************************
المر شربه والتوجد وقول...اه
محروم من زاده ورشفة شرابــه
وسلامتكم؛؛
________________________________
المفضلات