أهلا بكل عضوات مكسات
اليوم حبيت اكتب هالموضوع قلت نتعلم من بعض او نستفيد من بعض بطريقة وضع المكياج ..
المهم فكرة الموضوع دا انه كل وحدة فينا تقلنا الوان وطريقة وضع مكياجها المعتاد
وبإمكانكم تقدمو بعض النصائح من خلال تصويركم لوضع مكياجكم ..
رح ابدأ انا في الاول :
عادة انا احط الالوان الفاتحة لانها تناسب عمري .. واحط الماكياج بحيث انه تطلع النتيجة شكل طفولي وبريء..
المهم ..
بالنسبة لظل العيون (eye shadow ) احط لون بمبا ( زهري ) فاتح او ازرق فاتح او بنفسجي فاتح ..كلها الوان فاتحة.. ويكون فيهم شوية بريق .. واذا حبيت احط لون غامق او فاقع شوية احطه مع واحد من التلاتة الالوان اللي قلتهم في الاول على خط العين بس..واحط عند الجفن الاسفل برضو من نفس اللون خط رفيع .. بالنسبة للكحل احطه على الجفن اللي تحت في آخره تقريبا .. واحيانا اسوي خط ابيض تحت الحواجب .. بالنسبة للرموش .. ما احط ماسكارا .. احط جل خاص للرموش وعنده فرشة خاصة بيها .. يعني الفرق الوحيد بينه وبين الماسكارا انه مافي لون .. لانه والحمد لله عيوني ممسكرة خلقة ههههههههه مو محتاجة شي يكثفها ..
هادي العيون ..
جينا للخدود ..
اجيب روج ( حمرة ) لونه بمبا ( زهري ) غامق
معليش جبت صورة هيلاري عشان احدد المكان اللي على الخدود
ههههه معليش الصورة صارت تضحك شوية
المهم
واحطه عالمكان المحدد في الصورة باتجاه الاذن ..
لمن تسوي كدة حتطلع خدودك كأنه وحدة مكسوووووووفة بعدين اجيب بودرة واحطها على وجهي كله عشان الوانه تتقارب على بعض لانه صارت كل حتة بلون
و بالنسبة للشفايف ..
الشفايف لازم تخلي فيها شفافية .. يكون لونها قريب من لون الشفة الطبيعية ويكون لماع ..
يعني بإمكانك تستخدمي ( Lip gloss )
وبس ..
مكياج بناتي وبسيط ..
يللا لا تعتبروها فهمنة وللا شي تاني ..
انا كتبت الموضوع دا عشان نتعلم من بعض ولو عندي اخطاء بالمكياج بإمكانكم تصوبولي هيية ..
يللا ناطرة الردود
المفضلات