بسم الله الرحمن الرحيم
السلام عليكم ورحمة الله وبركاته
موضوعي اليم راح يكون عن ( ليش صرنا ناس مانعرف بعض)
أرجوكم إنو تتفهموا موقفي وتقرأوا كل سطر بحرفه
أنا الصراحة لي سنة وشوية في المنتدى ويعني ما كنت أفكه وأدخله
زي الحين زمان كان عادي هدوء ولا سب ولاشتم ولا مضاربات
طيب دخلت في الإجازة لاقية ملاهي
مو كأنه منتدى
استغربت وأدخل موضوع موضوع الأعضاء جافين مافيهم يكتبوا ردود
بس مواضيع على قول الأخ أحمد حلقة خضار وتتزاحم المواضيع وشي
طيب في الآونة الأخيرة بنستخدم مواضيع الغير حتى نحدث فيها مشاكل
نستدرج العدو ونبدأ مضاربات وصاحب الموضوع مسكين وشله ذنب
إنه موضوعه بيتحذف يا حرام
أقولكم شي ولا عمري حشوفه ومستحيل أحلم به
مضاربات وخلافات ونا بيتسجلوا في المنتدى بس كدا هبل
يضايقوا اللي بالمنتدى ليه كدا
ويجوا يستهبلوا على المواضيع
وفي ناس غرضهم لا بس يبغوا يلفتوا اننتباه ومو قصدهم شر
فلي نقصد بالناس خطأ وبعدين سب وألفاظ مستحيل أحد يقولها
ليه كدا فتلااقي الأعضاء طفشوا يبغوا يخرجوا من المنتدى وسابوه
وراحين على واحد ثاني وهما مايبغوا يسيبوا المنتدى
يعني حرام علينا نسوي اللي بنسويه ولمن أحد يقول قفلوا على الموضوع
نقفل على الموضوع خلاص مانفتحه ونجيب مشاكل ما نعرف ساسها من راصها
أنا منجد نظرتي للمنتدى اتحولت مو للمشرفين والمستشارين وللإدارة
حرام هما بيدأوا واجبهم على أكمل وجه ويبغوا للمنتدى أفضل شي
إحنا الأعضاء اللي بنتحكم بالمنتدى إحنا اللي بنعطيه المؤثراتت
إحنا وإحنا
بس ليه كدا بنعمل حتى ولو
فين الله والرسول راحوا
الله بيراقبنا من فوق سبع سماوات وحزين للي يشوفوه منى فساد وظلم
والرسول شوفوا كيف اتعذب في حياته عشان يوصلنا الرسالة وبرضو
بعد مماته وإحنا نقابله بدا الشي
أي ناس إحنا
والله العظيم شي يدمع له العيون
وتبكيله الجفون
ويعصر القلوب
منجد شي مو طبيعي أنا ماقدرت أستحمل وصابرة عشان الثانيين
فلو سمحتوا أقرأوا دا الموضوع وراجعوا نفسكم وشوفوا أغلاطكم
وأبدأوا صفحة جديدة ممكن أموت اليوم دحين بكرة بعد 100 سنة إيش
دراني لكن أهو أنا بلغتكم فاللهم إني بلغت اللهم فاشهد
ومعليش مو قصدي إهانة للأحد بس أبغ أحذركم وسامحوني على الإطالة
والله يهديكم ويكتب للجميع اللي فيه الخير
وشكرا..
سوهارا
المفضلات