تخيلوا لوالحريم بيسوقن أكييييييد اشكالهم تحفة صح

[JaGueR_FA]

تـــــــــــــــــــخيــــــــــــــــلوا لشاعر المبدع / ياسر التويجري



تخيلوا لو الحريم بيسوقن***** ونلقى لهن في كل شارع طرايف
تلقى العجايز في الشوارع يدورن****** وسيارة الإسعاف ترقب حتايف
وليا تأخرن دقايق يصيحن *****ثم ركبوا فوق المواتر ولايف
قامت تكبس لك بالأنوار ياهن بين *****أخوياك وصرت محرج وخايف
وتخيلوا لو ذات يوم يمرن *****عليك دوريات والجمس طايف
ويوم طرحوه يصير موقفك محزن***** تلقى العجوز مكلبشه ياحسايف
وتلقى البني في كل جلسة يتكن***** طقه بلوت ومعهن الكيف كايف
هذي تبى تحكم وهذي تبى صن *****والبيت ضايع دون طبخ و غرايف
يالي ذنوبك فوق رأسك يحنن****** إلي في قلبك طلعتها الشفايف
أنظارنا من فوق ذكرك يشوحن *****نشوف شيء ما تشوفه ياهايف
حق المرأة يا شيخ تلعب على من***** خبلان حنا ولا ويش أنت شايف
وين أنت عن صوت الأرامل ينوحن ***** وين أنت عن حق المرأة في الوظايف
وين أنت عن جملة بنات يضيعن***** وين أنت يا راعي العلوم النصايف
لو هي بيديكم كان قلتم يغنن *****لكن صدمتم في الجبال النوايف
من دونهن حنا و في بقلوبنا هن***** الطاهرات الساجدات العفايف
والمسألة لا صارت لحقت شرفهن***** يروح فيها يا زلفى طوايف
هذا كلامي وأسمعه زين وأذعن *****قلته ولا ني من تواليه خايف
قلته وباقف وأرفع الصوت وأعلن *****إرادة الأمة على لسان نايف
مهو تخلف لا رفضنا يسوقن****** رأس التخلف لا تركنا العطايف

[MOONWALKER]

هع....

في رحلة لي مع أحد زملائي لدولة الأمارات العربية المتحده, كنا ماشين في طريقنا مع سواق الليموزين. ولما أخذنا المسار الأيمن عشان ننعطف يمين من عند الأشاره كانت فيه لامبورجيني ( ياويل قلبي ) تمشي جنب سيارتنا .... ومادرينا الا فووووووووووووووو دخلت اللامبورغيني في طريق سيارتنا . والله ستر والا كان الهندي مسجون مليون سنه لين يسدد فلوس اللامبورجيني. مع أن الخطاء كان مئه بالمئه على صاحب اللامبورجيني.... ولما سقطنا عليه وصرنا جنبه ... نزلنا أحنا الثلاثه انا والسواق وصاحبي الزجاج وطلعنا ايدينا نبغى نتخانق احنا وياه ومادرينا الا

7
7
7
نظرة ريمية عسلية على لون السيارة, يالبى قلبي عليها وقعدت البنيه تطالع فينا مخترعه من أشكالنا أحنا والهندي. كأنها تقول وش ذا الوحوش

أخذنا نأشر بأيدينا معليش معليش اسفين....!!


ههههههههههه

لكن ترى فيه بنات سعوديات يسوقن سواقه يحبها قلبك...وانا خالاتي الكبيرات في قريتهن بالقصيم يسوقن دينا وددسن ..

الموضوع مشربك وانا اخوك . وان شاالله لي رجعه

[MOoOoON14]

احم احم فديتنا الاماراتيااااات عســــــل ...


شو سالفتكم ويا سواقة الحريم ؟؟؟؟


احسن سووووووووواقه وافضلهاااااااااا


ماعلى البنات كلااام خصوصا اذا كانوا امـــــاراتـــــياااتـــــــــــ

[سفاحة الامارات]

صح السانج ..فديت بنات الامارات ماعليهن كلام ..

وانتو اشوف كل المواضيع ضدنا ..حشى شوي شوي علينا ..

سواقتنا احلى من سواقتكم ..

ع بالكم نحنا دوم طايحين ف المستشفيات ..

ف مرات يقهرون البنات ..<<مرررررررررات ..

يسلموو ع المووضوع ..

[Warm Heart]

سلام عليكم

انا اسوق و امطلعه الليسن ( رخصة السواقه ) من سنتين

بس شكلي مب تحفه ولا شي

خخخخخخخخخخخ

ما فيها شي, عنا في الإمارات عادي

يسلمووو عالموضوع

[JaGueR_FA]

شكرا على الردود الأكثر من رائعه وسواقة بنات الإمارات ماعليها كلام بس أنا أقصد سواقة بنات السعودية الي ممنوعين منها .

[**الـــوحـــش**]

ياو ياو ياو ياو.

انا عندي تعليق بسيط قد كده على سواقة البنات السعوديات ابغا اختصرها في عدة نقاط.

1_ هادي عادى لسه ما تعودنا عليها انو البنت تسوق .

2_ احنا في زمن كثر فيه الفساد.

3_ لو البنات يسوقو رايح تصير مشاكل مالها اول ولا ثاني .

4_ معظم الشباب رايحين يشتغلو في المرور عشان البنات.

5_ الشي المضحك انو رايح تسير مسابقات في السيارات بين الشباب والبنات.

6_ البعض يقول انا واثق في امي او اختي او زوجتي........... الخ.

7_ ارد عليه صح انو الواحد يوثق في اهلو بس كيف ترضى يتعرضو للمعاكسات والمضايقات وقد توصل الى

الإغتصاب.

اخيرآ_ يقول المثل ( ابعد عن الشر وغنيلو ).

هادى هو تعليقي على الموضوع قد يعجب منهو البعض وقد لا يعجب وفي النهاية هذه مجرد تعليقات.

[MOoOoON14]

بعدين انا عندي سؤال ...


اذا ماكنتوا ترضون ان بنات بلادكم يسوقون سيايير عيل كيف ترضوون انهم يطلعون عالتلفزيون ؟؟


لاشيله ولا عبااااه ؟؟؟ اسمحولي يعني يابنات بس انا صدق هالسؤال محيرني...

[MOONWALKER]

MOoOoON14 لكل شعب ثقافته الخاصه به ....!!

وقضية أن السماح للمرأة بالقيادة خطاء أم صواب فهذا أمر لن أناقشك به هنا, حتى لانفسد على أخينا موضوعه ..!!

وأعود وأكرر لدينا ثقافتنا الأجتماعيه مثلنا مثل ماللأخرين ثقافتهم ومبادئهم وعاداتهم وتقاليدهم الخاصه بهم .


وأن كنت طالبه لنقاش أكثر تركيزا وتغطيه للموضوع فأرحب بذالك أختي ..!


ملاحظه/ لم أدلل في كلامي عن قائدة اللامبورجيني أنها أماراتيه. وحتى لو لم يكن هذا, ففتيات الأمارات مثلهن مثل أي أمرأة أخرى بالعالم. ( لها سلبياتها في القيادة)


.

[ساحرة السماء الفضية]

لووووووووووووووول

كل هالقصيدة الطويلة عشان الحريم ما يسوقون سيارات !!!!!

نحن بالامارات ما عمرنا سمعنا انه صار مشاكل من سياقة البنات للسيارات

بل العكس تمام

الاحصائيات تقول ان الشباب هم اكثر متسببي الحوادث وزحمة الطرق وان اكثرهم متهور بالسياقة

انتهى ........

[MOoOoON14]

كليتنا اخوووي Moonwalker والله ماكنت اقصد ان بناتكم هب حلوااات سوري والله ...

ولاكنت اقصد ان افكاركم فيها شي والله بس هاي كلمات عاديه انا اشووف ماغلطت عليكم ...لانكم انتوا دووم

ضد البناات مايستوي جي صح؟؟؟والله سوري يمكن انت فاهم غلط او انا كاتبه غلط ...بس انا ماكنت اقصد

اغلط عليكم والله وسووووري اذا بدر مني شي بس كل وااحد وطريقة تفكيره ورااايه..

وآآآآآآآآآآآآآسفه اذا حد فهم كلامي غلط..

[@ mimi @]

مرحبا

نحن في بلادنا عادي لو البنات قادوا السيارة و أنا أقودها ^_^

و شكرا على الموضوع

سلاااااااااااااااااام

mimi

[Warm Heart]

ملاحظه/ لم أدلل في كلامي عن قائدة اللامبورجيني أنها أماراتيه. وحتى لو لم يكن هذا, ففتيات الأمارات مثلهن مثل أي أمرأة أخرى بالعالم. ( لها سلبياتها في القيادة)

ابصراحه ابصراحه

انا اقول ان المرأة إذا كانت مضطره تاخذ الليسن , اما إذا كان بسبب الدلع ولا المظاهر فلا

يعني انا بالنسبه لي ما كنت ابا آخذ الليسن

لكني مضطره آخذه لأن الأهل تعبو من وراي في توصيلي من إماره لين إماره ثانيه و بشكل يومي و فترات مختلفه

فهم الي أصرو علي اني آخذ الليسن عشان اخفف عنهم التعب

الاحصائيات تقول ان الشباب هم اكثر متسببي الحوادث وزحمة الطرق وان اكثرهم متهور بالسياقة

يث يث يث

و الشباب ما شا الله عليهم دوم مستعيلين

وخوي ما شا الله عليه إذا ما طفّش كل الي جدامه و خلاهم يمشون على سيد اليمين ما يكون اخوي

ما يخلي سياره في حالها الله يهديه

الله يحفظهم من كل شر لأهلهم و يوصلهم لبيتهم سالمين

[اليـــــاقوتــة]

السلام عليكم ورحمة الله وبركاته


هههههههههههههههههههههههههههههههههههه

هههههههههههههههههههههههههههههههههههه

ذبحتوني من الضحك

ماادري شسالفة كل ماادخل موضوع أشوف الأعضاء يغيرون السالفة !!!

المهم السواقة حرية شخصية وبعض البنات تضطر الله يعنهن

وفي أسباب أخرى .. مش لازم نتكلم عنها

لأن موضوع الأخ بعيد كل البعد عن الكلام هذا .. هذا قسم المرح والاصدقاء!!

ولو كنا بالقسم العام كان قلنا ماعليه نناقش ليش لا !

So take it easy

يا عزيزي

وشكرا يا فواز 2007 على الموضوع .. القصيدة تضحك فعلاً

ونقول لكل اللي يسوق في التأني السلامة وفي العجلة الندامة

مع السلامة وسوري على المداخلة <<< اقول قلبي ويهج

[MOONWALKER]

يابنات, والله لكن التقدير والأحترام. وانا رأيي عن قيادة المرأة ماتصدقونه لو تسمعونه, وأعتقد انه مو مع المعارضين ومو مع المؤيدين على الأطلاق . وأعتقد رأيي من رأي السواد الأعظم للشعب السعودي.

ومثل ماقالت أختنا الياقوته. نتمنى يكون النقاش في موضوع خاص بالعام, حتى مانخرب على أخونا موضوعه .

لكن ردي كان على السؤال اللي أنكتب كعنوان للموضوع. أقروا العنوان وأقروا مداخلتي .


أعتذر لكل أنثى استائت من كلامي, وأعتذر من كل أخت أعتقدت أني شديت عليها بالكلام وخاصه أختنا قمر14 .

وأعتذر عن أي شي تبونه .أهم شي ماأحد يزعل من moon . الحمدلله لي 3 سنوات في المنتدى, ومافي يوم حاولت أني أزعل أحد .أو أخليه ياخذ بخاطره مني


محبتي وأحترامي للجميع وتحية خاصه للأخت موون14 على رفيع أخلاقها

[JaGueR_FA]

شكرا على الردود والتفاعل مع الموضوع وعلى العموم نتقبل وجهات النظر ولكن شكلكم مافهمتوني
انا ماأقصد على سواقة بنات الإمارات ولكن أقصد سواقة بنات السعودية وانا من المعارضين لسواقة البنات لأنهم ماسلموا من المشاكل وهم ما ساقوا فكيف إذا ساقوا
وسلامتكم

[Warm Heart]

أعتذر لكل أنثى استائت من كلامي, وأعتذر من كل أخت أعتقدت أني شديت عليها بالكلام وخاصه أختنا قمر14 .

يؤ يؤ يؤ

ما لاحظت ان في حد زعل من الموجودين

لأن الكل اتكلم بشكل عام

كلها وجهات نظر ما اتغير شي

وعلى العموم نتقبل وجهات النظر ولكن شكلكم مافهمتوني

صح كلها وجهات نظر و محد جبر حد على شي







و السموحه على التدخل

[خفيفه الروح]

ههههههههههههههههههههههههههههههههههه..........


بس انا اايد سواقه الحريم........


ويسلمو على الموضوع...........