و بــحــبــك يا أمريــكــا
السلام عليكم و رحمة الله و بركاته
عنوان غريب من مواطن عربى و عنوان مستفز لكل مواطن عربى .
انا عارف انه مستفذ بس قبل اى خناقة او اى كلام تعالوا نشوف ها اقول ايه
الاول من اسبوع كنت اسير مع احد اصدقائى و كالعادة نتكلم كلام فى السياسة
و بدأ كالمعتاد يلعن و يسب فى امريكا و اللى جابوا امريكا على الامريكان على حكومتها
و انا كنت اشاركه بعض من هذا لكن فجأة قفز على خاطرى سؤال سرعان ما انطلق إلى لسانى لأجد نفسى اقول له لماذا تكره امريكا ؟؟؟
تعجب قائلا : لما تفعله بالعرب حرب بالعراق و تدعيم للهبابة اللى اسمها اسرائيل و واخدها بلطجة ؟؟؟
قلت له : يا ابنى لو انت فاكر ان امريكا هدفها انها تموت العرب زى ما بيتقال تبقى مش فاهم حاجة امريكا ها تخسر كتير لو العرب ماتوا هى تريد ان تستعبد العرب تجلعهم عبيد لها و تستغلهم و تجعلهم يعملون لصالحها كما حصل ايام حفر قناة السويس و الذى فعلوه الانجليزى فى المصريين .... هذا ما تريده امريكا ان تفعله بس بطريقة مختلفة ... و بعدين تعالى هنا
المعونة اللى بتنزلك بتيجى من امريكا ... الكمبيوتر اللى بتشتغل عليه صناعة امريكية .... اللبس اللى انت بتلبسه قطن مصرى لكن صناعة امريكى ..... يارجل دا حتى الافلام الحلوة اللى بتتفرج عليها صناعة امريكا ... الاجهزة اللى بتشتغل فى البلد داخل فيها التكنولوجيا الامريكى ..... دا حتى الدواء اللى بيكون سبب فى شفائك صناعة امريكى ..... دا حتى اللى ربنا بيفتح عليه و يغتنى يقولك اول حاجة اروح امريكا اتفسح .. قولى انت بقى حاجة واحدة اخترعوها العرب فى المائة عام الاخيرة ..... ولا حاجة هى حاجة وحدة بس اللى العرب اخترعوها هى انك تسوق الهبل على الشيطنة او تعيش دور العباطة ....
شوف يا ابنى اذا ما كنتش ناوى تتحرك و تخترع و تحط راسك براس امريكا
يبقى قدامك حاجة من اثنين .
يا تعيش و تخترع و تجتهد و تبقى راسك براس امريكا و وقتها تضرب فيها و تلعن فيها زى ما انت عاوز و تقول يلعن ابوكى يا امريكا
يا تعيش عبد و تحت سيطرة امريكا و اوعى اسمعك تقول بكرهك يا امريكا لانها هى ها تبقى صاحبة الفضل عليك و لو انكرت كده تبقى ناكر لفضلها .
قولى انت ها تقول بحبك يا خالتي امريكا ولا ناوى تقول بكره ابوكى يا امريكا ؟؟؟
اضافة رد مع اقتباس
Thanx A Lot Farosha
.. محزن ..
..
..
..
المفضلات