انا اول مرة اكتب هنا يا جماعة.......بس ارجو انكم تقروا موضوعي اللي في غاية الاهمية بالنسبة لي.....
ارجو اللي يقرا الموضوع يقراه كلمة كلمة عشان كل كلمة مشكلة في حد ذاتها......
الموضوع باختصار انا ليا صديق اسمه سعيد وهو صديقي من الطفولة...وبعدين من كام شهر بدأت تنتابه حاجات غريبة......
اول موقف لما كنت بكلمه فقاللي (معلش انا مش اسمي سعيد انا يعقوب)
افتكرته بيهزر..لكن فوجئت انه راح مجلس الحي وغير اسمه في الشهادة....دي حاجة
الحاجة التانية انه لما يلاقي اي فنان او شخصية مشهورة ومحبوبة يتقمص شخصيتها وبشكل ساذج ويتصل على كل صحابه عشان يباركوله بتحوله للشخصية الجديدة......
يعني مرة قاللي (شفت قد ايه خدت توقيعات من المعجبين!!) فقلتله (وانت ليك معجبين؟؟).....قاللي (ايه يابني مش انا حمادة هلال؟؟)...كل ده فاكره بيهزر..لكن بعد كده لقيت الحكاية جد......وجاب صورة لحمادة هلال ولزقها على وشه (وطبعا خرم مكان العنين عشان يشوف)وبقى ماشي كده في الشارع.....طبعا مفيش واحد عاقل يعمل كده.......
لما يلاقينا بقى بنحب واحد تاني ومشهور يبدأ يتقمص الشخصية التانية......
المفضلات