بسم الله الرحمن الرحيم
السلام عليكم أخواني وأخواتي...,
أنا بسأل سؤالين لكل سؤال منها 3 إختيارات و أنتبهوا لأن أسئلة الشباب بروح وأسئلة البنات بروح وطبعا هذي أسئلة غير حقيقية لكن أرجوكم أرجوكم أرجوكم و أرجوكم للمرة الرابعة يلا لا تزعلون أرجوكم المرة الخامسة أريد الأجوبة بكل صرااااااااااحة!!!!!!!
الأسئلة عبارة عن :
الشباب ( البنات نزلو تحت شوي وأقروا الفقرة الخاصة بكم ) :
حط في بالك أحلى فلم أكشن شفته أو أحلى أنيمي فيه أكشن شفته المهم انه انيمي او فلم او مسلسلة او مانجا Bla Bla Bla , المهم ,. و شوف البطل اللي انت تحلم تكون مكانه , خلاص؟ وصلت الفكرة في ذهنك؟؟؟ روح جاوب على الأسئلة ألحين..........
البنات ( الشباب صعدوا فوق شوي وأقروا الفقرة الخاصة بكم ) :
حطي في بالك أحلى فلم رومانسي شفتيه أو أحلى أنيمي فيه رومانسية شفتيه المهم انه انيمي او فلم او مسلسلة او مانجا Bla Bla Bla , المهم , و شوفي البطلة اللي انتي تحلمين تكونين مكانها , خلاص؟ وصلت الفكرة في قلبك؟؟؟ روحي جاوبي على الأسئلة ألحين......
اوكي
السؤال الأول للشباب:
بطلة الفلم او حبيبتك او صديقتك او اللي بقلبك خطفها الوحش الشرير , وقالك : يا ( أنت ) ! اليوم راح أقضي عليك وأنهيك من العالم و................(( تعرفون كلام الأشرار الفاضي )) , إذا تبي حبيبتك حط السكين بعيونك و بعدين طلعه وحطه بقلبك !!! ولك وعد مني أهدها بعد ما تموت!!!!!!
يا دورك يا قوي يا شهم!!! إختر مصيرك:
1- شوف السكين بيدي! وأنا حاطه بعيني الثنتين بعد!! بس تطلق سراحها!!!!
2- من دون ما احطه بعيوني احطه بعيونك! " يعني تبي تقاتله" ( وانت على دراية تامة انك ما تقدر عليه وانك راح تموت انت وحبيبتك!!)
3-أذبحها! مالي شغل فيها! و تاخذ قشك و تقب!!!
السؤال الأول للبنات:
خطفك الوحش الشرير! ووصل بطلك! شتقولينله؟ ( رجاءا أقري الفقرة اللي فوق شوي وبناءا عليها جاوبي ) :
1- حبيبي ! روح وخله يذبحني!!! بس لا تنساني! روح! رووووووووح! و بعدين......
2-أنا أقولك هدني أحسن لك ولا أخلي ( بطلك ) يبط عيونك! ( وانتي على دراية تامة انك انتي وحبيبك رحتوا فيها!!)
3- بط عينك!! ( مخاطبة بطلك ) أقولك بط عينك لا أيي أبطها بأيدي!!!!!!!
السؤال الثاني للشباب :
أنت و حبيبتك في حديقة كلها ورود و العصافير تغرد و الجو عسل والريحة حلوة!!! وانت وياها تتمشون, وتيي فجأة تقولك : أنا أبي أقولك شي! وترد عليها : قولي وانا اعطيك اللي تبينه! و اهي تقول : انا اكتشفت ان انا ما احبك!! ولا اقدر اكمل وياك!! و اكتشفت ان حبي الحقيقي اهو ( عدوك اللي انت قاتلته آلاف المرات وما بقت علة فيك من كثر ما تنقذها منك !!!) شنو ترد عليها؟
1- " تبتسم ابتسامة تعبر عن رضاك وتقول " انا اظن ان ماكو نصيب و تروح ومن داخل قلبك انت سعيد لها و انت مليان حزن
2- هل هذا جزاي بعد اللي انا سويتلك ياه؟ روحي الله يسامحك!!
3- تسبها سب الدنيا وتطلع سيفك الي حميتها فيه طول هالسنين و
السؤال الثاني للبنات :
" نفس السالفة اللي فوق لكن اهو يقولك انا ما احبك " :
1- تموتين بكي و تطيحين على الأرض و بعدين تقولين روووح!
2- تطيحين غشيانة ولما تقومين تلقين روحك على فراشك ويمك رسالة " اسف "!!
3- تسبينه و تطقينه طراقات و تخمشينه و تصارخييين اااااااااااااااااااااااااااااااااااااه!!! بعدين تروحين تنتحرين!
يلا نشوف منو الأعضاء الشباب الشهام والأقوياء و الشجعان و منو الخوافين
و نشوف البنات
لكن أرجوكم أجوبة صريحة حتى نستمتع
وانا عن نفسي:
السؤال الاول اخذ الجواب الثاني
السؤال الثاني اخذ هم الجواب الثاني
و شكرا و لا تنسون الردود
المفضلات