أول شي / أعلان تجاري ( مثل قناة الmbcمايمدي البرنامج يحمسك الا وقاطعينه )
للبيع /يوجد ضب سعودي, للبيع, ويبلغ من العمر 6 شهور, يدلعه صاحبه ب(بيبي فيس)..اللون/ أبيض . متعلم على الذهاب لوحده ألى دورة المياه , لديه غيره شديدة, فأذا كان صاحبه ( بنوته), فنحن نضمن تقديم هذا الضب الحماية الكامله لها من المعاكسين ...
يأتي مع الضب هدية/ شنطة صغيرة+ حجار بطارية مقاس AAA
والان ندخل للموضوع
هذا موضوع, واحد كاتبه, ورد عليه عدد كبير من البنات ,,, وبصراحه بعض الردود تخليني اسأل نفسي
( وش قصة البنات والصرصور ) هل حصلت حرب بين الأثنين في قديم الزمان ومازالت أحداثها ساريه الى الان
أترككم مع الموضوع ,
سابقا كنا نعرف أن الفأر يخيف المرأة( وطلع لنا ماهو ألعن من الفأر)..
زوجتي يجن جنونها إذا شاهدت هذه الحشرة
وتقول ثعبان أو عقرب مايهمني...لكن هذا غير
ثم إحدى بناتي على نفس المنوال ويكاد عقلها يفر من مكانه كلما رأت هذه الحشرة
كل محاولاتي في إقناعهن أن ضرر هذه الحشرة أقل بكثير من رهبتهن فشلت
أخذتها( الحشرة) بين يدي ووضعتها على كل مكان من جسدي وحتى عيني لأثبت لهن أن ليس لها ضرر كبير مباشر
ومافيه فايده
كشته جميلة ورائعة قلبوها النسوان علينا حالة طوارئ بسبب هذا الصرصور.
أريد أن أفهم لماذا؟
وكيف أقنعهن أو أقتنع أنا ؟
أحتاج لأرائكم بارك الله فيكم.
وهذي ردود بعض البنات عليه / هههه لايفوتكم رد بنت مصرقعه من جد
والله يا أخي أنا بعد ما أعرف السبب.. أنا يكاد يغمي علي اذا شفته ... وما أمشي على مكان مشى به ... ولله الحمد صار لي سنين ما أشوفه الا بالصدفه في دعايات التلفزيون ( اللهم لك الحمد)..
ما أدري ليش أخاف منه يمكن عشان فيه رجول كثيره وشنب كبير وشكله بشع .. يع...
ما اقدر اكتب والله اني خفت.. السموحه
سؤال ؟ كيف تمسكه بإيدك وتحطه على ويهك وجسمك ياأخي؟ ما خفت يجيك مرض والا حساسيه؟؟؟؟؟؟؟
وهذا رد اللي بعده
يخخخخخخخ
بصراحه عندي اشوف اسد ولا صرصور
اجتمع الخوف والقرف والكره لهالكائن المقزز
بقولك عن موقف بايخ صارلي بسبب هالصرصور الله يخسه
باختبار نهائي قبل اتخرج وبأحدى القاعات
ربي قردني اجلس جنب الجدار بالركن الأخير
وطبعا منهمكه بالحل وعصر مخي لعل وعسى اقدر اجاوب
الا واشوف هالشي البني اللي معدي من عند رجولي بسرعة البرق
واضرب بالصوت واترك ورقتي واوقف بنص القاعه بعيده عن طاولتي
والمراقبه علينا دكتوره مصريه جن جنونها يابت ؤؤعدي ماينفعش كده
وانا احلف ماارجع مكاني لين يشوفون لهم صرفه ولولا الحياء كان ذبحتني كانت مررررررررره حاقده وفعلاً دعسته برجلها يخ
والنحيسه ماشالته ضل طول الوقت قدامي وانا احل مفغوص واحشاءه الداخليه متناثره امامي
وماصدقت بس يعدي نص الوقت الا واسلم ورقتي واطلع
بجد مستحيل انسى هالموقف
بصراحة هو مقزز ومقرف ومرتبط بالأماكن القذرة ..
ولأن حساسية الرجل تجاه هذه الأشياء أقل , تكون النتيجته انه أقل اشمئزاز ..
أنا أقرف منه , لكني أستطيع أن أطيل النظر فيه , لا يهمني ذلك ,وهوعلى فكرة أعمى ,,
ومما يهون علي أمره ايضا ً , أنني أتذكر اولئك الذين يصنعون منه أشهى الأطباق ..!!!!
واللي بعده
انا الصراحه مايهمني دام المسافات بيننا بعيده
بل بالعكس استغل خوف البنات منه بشكل فضييع ؛) وآخر استغلال كان قبل أسبوع ..
بالجامعه
كانت المحاضره طويله وممله والدكتوره مطوّله والجو هااادي
وانا طفشانه ..فقط بصوت واطي للطالبه اللي قدامي (تحت الكرسي صرصور)
صار فيلم كوميدي رااائع ..وضاع وقت المحاضره بمحاولة الدكتوره إقناع البنات بعدم وجوده مع انها واقفه عند الباب
واللي بعدها
كل الكائنات ماعندى معاها مشاكل
الا الحشرات عموما اولها الصرصار شكله يقرفني .. وعلى طاري المواقف الطريفه .. كنا بالسياره ا نا واحدى الزميلات وشويا السيارة تروح يمين يسار .. شفيكي يا فلانه فيه شي يمشي بالارض وتوقف السياره وتطل تحت .. وصراااااااااااخ صرصور ونطلع من السياره ويجون المرور ليش السياره واقفه هنا مو مكان باركنق ((يبني فيه صرصار )) طيب روحي سيارتك وديها مكان ثاني .. مستحيل تركب وفيه صرصور ومسكين الشرطي قعد يدور عليه بالسياره ((يمسكه متلبس)) مفيش حاقه ياهانم خدي السياره وروحي.. طبعا لاننا مو متاكدين وماندري طلع ولا لاء قفلنا السياره ورجعنا بتكسي
واللي بعدها .
أنا لو أشوف خشته الله يكرمكم استفرغ بدون مقدمات
يقولون في بلاد شرق آسيا
يسونه سلطة ويقرمشونه مسلوق أو مشوي
تخيل يطفح بشنباته في القدر
وعععععععععععععع
واللي بعدها
بصراحة هذا الموضوع محتاج مبيد حشري وقوي بعد وإلا وجود صورة لهذا الكائن وبهالحجم أيش معناها ؟؟
في هذا الموضوع ظهر لنا أن هناك من يظن أن قرون الأستشعار هي شارب لهذا الكائن ، بعدين أخي الكريم ليش مصمم على أقناع أهلك أنهم يستمتعوا بوجود هالكائن !!
أظن سبب التقزز من هذا الكائن أنه يوجد في الأماكن القذرة ولأنه يتحرك بسرعة ..
OoOoOoO
أضيف معلومات عن هذا الكائن لي فترة قرأتها ما أدري بالضبط هي كامله وإلا تحرفت في ذاكرتي ..
1 _ مقاومة هذا الكائن تعتبر من أعلى المعدلات وأظن ما أذكر يجي في المرتبه الثالثة بعد العقرب وسمك القرش ( ياليت أحد يأكد هالمعلومة ) ..
2 _ هناك أحجام كبيرة منه بحجم اليد في أفريقيا أو غابات الأمازون ..
واللي بعدها
انا أقرف فقط ماأخاف
2 _ هناك أحجام كبيرة منه بحجم اليد في أفريقيا أو غابات الأمازون . . يععع
واللي بعدها
الصراصير عندي عادي
لكن أموت مئة مرة ولااشوف وزغ ....هاذي اللي فعلاً شكلها مقزز
واللي بعدها
السلام عليكم ورحمة الله وبركاته
أخوي بارك الله فيك
قرأت موضوعك -اللي سبب لي أنواع القشعريرات- وحسيت في أسباب ما أحد خكى عنها
في نظري أساس إحساس المرأة -والرجل كذلك مع فارق "المقدار"- تجاه هذا المخلوق المقزز هو "القرف" ... الاشمئزاز من منظره ولونه وأماكن تواجده والمواد اللي يقتات عليها
بعد كذا يجي إحساس الخوف .. مو من الكائن نفسه بل من "ملامسته" للإنسان أو اقترابه منه ... عشان كذا أعتقد الخوف من الأنواع اللي تطير من الصراصير أشد من الخوف من غيرها
بحكي لك موقف حصل لي
أنا كغيري من الناس أكرهه وأشمئز منه ... لكن تضاعف هذا الإحساس وصارت تصيبني قشعريرة بمجرد تذكر الموقف أو رؤية الصراصير بعد ما مشى هذا القذر على ساقي قبل عدة سنوات
بعد هذا الموقف أنا خلاص .. يومها أصلاً حسيت نفسي بطلع من جلدي من شدة الاشمئزاز والهلع ... ماني متخيلة إن هذا الخسيس مسويها فعلاً وماشي على رجلي
من بعدها وأنا أتجنن من الصراصير والفيران والوزغات ... وكل الحشرات والزواحف
وهذا ما يمنع وجود ناس تخاف من هذي المخلوقات خوف مرضي
وحدة من صاحباتي عندها فوبيا من الصراصير ... فوبيا حقيقية ... لدرجة ممكن يغمى عليها لو يلحقها أحد بصرصور
ودايماً تشوف كوابيس "أبطالها" صراصير . .. وتصحى من النوم متكدرة ... وممكن تبكي بعد
بس من جد ... قراءتي للموضوع والردود عليه سببت لي قشعريرات واشمئزاز ... خاصة الردود اللي تتكلم ن عادات الأكل في بعض البلدان
يااااااااااااااااااااااااااااااااااااااااااع
آسفة أخوي ... وآسفة للجميع على كثرة الحكي
أختكم: نون
والان /
وش رأي أخواتي وكل أنثى في منتدى مكسات , في هذا المخلوق ...؟؟؟؟
.
المفضلات