السلام عليكم..
يمكن موضوعي غريب..بس انا عندي مشكلة..عرضتهال قبل كدة على شيخ قال لي اني ما تبت توبة نصوح!!
انا كنت اسوي بعض الأخطاء و بطلتها الحمدلله..لكن بلاقي نفسي اكررها نفسها..مع اني لما سبتها آذيت اشخاص انا احبهم و ضغطت على قلبي كتير مرة..و كنت واثقة انه انشالله ربنا حيعوضني خير..بس بألقى نفسي ارجع و اكرر نفس الغلط و انا باردة يعني ما ارجع احس بالذنب تاني غير بعد اسبوع او شي زي كدة..استغفر كتير فوقتها بس استمر فيها..و ارجع ابطلها بعد اسبوع او اكتر!!
مثال بسيط..انا سبت المنتدى فترة عشن ربنا عشن اهلي مو راضين..بس اهو رجعت تاني!!المنتدى مو حرام بس عقوق والديني حرام..و اشياء كتيرة تانية صعبة اشرحها..المشكلة اني تقريبا الوحيدة الي التزمت بين صحباتي هم بيساعدوني بس بيشوفوني مطوعة بزيادة مع اني عادية جدا..و انا لما اشوفهم مرة فالتين احس انه الي بسويه و لا شي....ما اعرف اشوف انها مشكلة مرة كبيرة انا احتاج تعويض ربنا..في موضوع باطلبه من اول و اخاف ان الذنوب الي بسويها تكون سبب ان ربنا يحرمني او يزعل مني و مايسعدني دنيا و لا اخرة..صحيح اني برجع استغفر بس ابغا اقطع امعصية من جذورها..مني قادرة الا يجي يوم اضعف فيه!!
احتاج احد يساعدني و يكون سبب بعد ربنا انه يثبت ايماني او يشجعني..ابغا نصيحة اشخاص عاشو تجربتي..و لو كنتو حتقولو اني ما تبت من قلبي ف لا تكتبو شي احسن..لانو حيجيني احباط..بس اتمنى فعلا القى احد يساعدني..
المفضلات