موضوع اعجبنى ونقلته لكم بما انه يتكلم عن طلال الرشيــــــــــــــد الله يرحمه
كلنا نذكر ذلك اليوم الذي غيب فيه الغدر أمير العشق
طلال الرشيد
ولم تذهب بعد صورته وهو محمول على الأكتاف
ليغيب للأبد عن أعيننا التي ألفت رؤياه.. وآذاننا التي عشقت شعره
.
.
.
.
ليــت ربـــي مــا كتـبـ لحــــــــــظـــة وداع
لاا فـــراق ولا دمـــــــوع ولا ضيــــــــــــاع
وليـــت كــل النــاس خــــل مع خلــــــــيـل
وكل مــا قيـل النهـايه بين الاحباب الرحيل
قـــــلت : احبـــــــه حيــــــــل حيـــــــــــل ..
في الماضي القريب تحقق حلم "الملتاع"طلال الرشيد الله يرحمه
بفتح قناة "فواصل"
ومن أجمل برامج القناة برنامج " آخر الليل"
موعد البرنامج:
يوم الاربعـاء
الســاعة 10 - 1
تقديم:
الصحفي أحمد الفهيد
قبل فترة كانت اعلانات البرنامج تشير الى أن الضيف هو :
نــواف طـلال عبــد العـزيــر الرشيــــــد
والمؤلم لما تشوف البرنامج ولقاء نواف بن طلال
تحس انك تطالع للأمير طلال الرشيد
يشبه له لحد كبير بالشكل وحركاته ولفتاته
أغلب أسئلة المذيع لنواف كانت عن والده الله يرحمه
وأول سؤال له كان: كيف تلقيت خبر الوفاة؟
نواف: كنت معاه ولما قربنا لمنطقة الخطر طلب مني الوالد الرجوع
وقلت له انا أبي أكون معاك لكن هو مارضى وقال للي
كانوا معانا خلو نواف يرجع ورجعت وما رجع هو..
" هاللقطه كانت مؤثرة كثير ونواف كان باين عليه ان العبره خانقته
وكل شوي يتنهد
وكان بالحلقه عدد من الاتصالات
ومنها اتصال من "السامر"
السامر:انا وطلال تربنيا سوى..وأحبه كثير
وأحبك يانواف من حبي لأبوك الله يرحمه
نواف: الله يطول بعمرك وأنا مستحيل أنسى وقفتك معاي
والمذيع سأل السامر :سمعنا انك ماعاد تسمح بان أغانيك تغنى؟
السامر: ايه نعم حتى طلبت من الفنانيين الي معاهم قصايدي
انهم مايغنوها ويتنازلون عنها..لأن بالأخير الأغاني محرمه شرعا
وأنا ما حبيت أستمر بهالشي..ولأنه ماينفعنا الا صالح أعمالنا
وأتمنى ان الشعراء يحذون نفس الطريق هذا..
المذيع لنواف: اكثر شي يحرص عليه الوالــد معاك؟
نواف: الصلاة وتعاملي مع النـــــــاس
المذيع :هل تفتقد الوالد؟
نواف: بالتأكيد أنا كنت أقول للوالد كل شي..
وكل لحظه أحتاج فيها لأبوي
بعد كذا عرضت مشاهد من أمسية طلال الرشيد الله يرحمه
في أمسيـــــــــة الامارات
وبعدها
المذيع : انت لحد الان وانت تحب تقنص
ماخفت من القنــص؟
نواف :: هــذا قـــدر والموت يجي وانت في فراشك
وانا مؤمن بالقــدر .
جا اتصــال مـــــن الشيـخ "زامـل الجربــا"
قال انا كني اشوف طلال
نفس الاسلوب والشخصيـه
ومن خلف ما مات
]
بعدين تكلم عن طلال اللله يرحمه ..
بعد المكالمه
المذيع: نواف كيف بدا يكتب شعـر؟
نواف: من كنت صغير وانا فيني ميول شعريه واكتب في بعض الاحيان
بس لانشغـالي بدراستي
المذيع:اقرب قصيــدة للـوالد الي نفسك؟
نواف: قصيدة اللقب ( الملتاع )
*جاهم تصـال من الاميـــر خالد بن سعود بن عبدالله ..
قال نواف غالي علينا وهذا الشبل من ذاك الأسـد
رئيس قنـاة فـواصـلخالد المطيري سأله:
سر حبك للطيــور؟
نواف: الطيور هي الهـامي في الشعــر
سؤال:أقرب طبر لك؟
طيري مسميه ملتــاع وهوا اقرب طير لي
والوالد الله يرحمه كان عنده طير مسميه :نواف
* ومن أكثر الاتصالات المؤثرة
اتصال هادي الجفناوي (احد الصحفيين بفواصل)
وكان هذا كلامه:
"انا فقدت اغلـى اثنيــن الوالد وطلال الرشيــد وكلهم من القنــص
ويعلم الله اني اغلي طلال الرشيد من غلاوة ابوي ويمكن اعلى
وهوا يتكلم فيه العبررره
ويقول انا كانت عندي امسيه في حايل وقلت قصيدة لطلال
وانا اقولها بكيت ولاقدرت اكملها
وقال لو تموت يااحمد ماراح اقول القصيدة ولا نص بيت
وقال انا مانسيت طلال عشان اتذكره دايم في بالي
الله يرحــــــــــــمه"
هذه مرثية اعجبتني حبيت اضيفها
تفتّق الشعر تالي ليل عن عبره
واكتظّ حزني وضجّ الدمع باهدابي
وجيت اتهادى بقلبٍ خاصمه صبره
.وجرحٍ نزفني يشابه طعنة أصحابي
طلال مامات دام صدورنا قبره
.بين المحاني يعيش...وفزّ ياترابي
بغيت أصيحه وخانت هقوتي نبره
.بغيت أعزّي..وعانق صوتي حرابي
يالموت-واستغفر الله-آآآآآه..ياكبره
لوّك تريثت فادوا دونه أحبـــــابي
عذراً..يانواف..لاتنشد وش الدبره؟!
يممت وجهي دعاء..وأسهرت محرابي
كسر "الطنايا" تمادى ياصعب جبره
.وكلّ(ن) يتمتم:أكيد غيابه غيابي
من عقب يمناه كلٍ يحتقر شبره..
.من أكبر القوم لين توصّل أترابي
الكون عقبه تقمّص دور هالأبره
وحاولت أشيل القصيد وخانن نصابي
طلال..لو مات يبقى قلبنا قبره
أقول: (مـ آآآآآآت) ..وتلعثم غيمة أسرابي
كان فيه طلبات كثيره بتمديد البرنامج
ونواف وعد بعدم غيابه وانه راح يكون متواجد على طول
والله يرحم الملتاع ويسكنه فسيح جناته ويجمعه
مع نواف وكل من حبه بالفردوس الأعلى
اللهم آمين
المفضلات