•●ҳ¦[ . روح . خ ـله . ينفـ ع ـك . هـذاك . اللي . خ ـذاك . ]¦ҳ●•

[واحد من الشباب]

::

السلامـ عليكمـ ورحمه الله وبركاته ..

شحالكمـ الطيبين ؟ عساكمـ بخير يا وجوه الخير ..

يالله والله صار لي زمااااان من آخر خاطره لي ..

وطبعا كالعاده كل يوم اقول باجر بكتبها .. اما اليوم

قلت مافي باجر .. خلاص همومي واحزاني وصلوا اعلى مرتبه عندي

ولو ان الوقت متأخر يعني انا توني كاتبها وعلى طول بانشرها لكمـ ..

بس ماقدر اتحمل اكثر من الهمومـ .. من كل صوب .. عذاااب حالي والله ..

هذي الخاطره اللي صج تعبر عن احاسيسي .. والله احس القلم ينزف وانا اكتبها لكمـ ..

اذا انا بروحي نزفت شلون القلم يعني ؟ .. توني كاتبها لكمـ .. قبل شوي .. بديت فيها الساعه 12

وخلصت الساعه 1 .. يعني ساعه كامله قعدت عليها .. المهمـ .. ما اطول عليكمـ .. اتمنى تعجبكمـ وتنال على رضاكمـ ..

::

الا يا نفس يكفي عذاب يكفي خضوع :: ارفعي يا نفس راسك واجفي من جفاك

الا يا قلب خلك مكانك وانسى الرجوع :: انساه يا قلب واسكب ماضيه من دماك

هلت دموعي وصارت بالحشا ينبوع :: تسقي الضميان اللي نسى لوعه شقاك

خلاص يا بحري اغرقت العين بالدموع :: ما عاش يا جفني منهو بيوم بكاك

هذي جوارحي انا عانت بوسط الضلوع :: وما مشت الا بدرب الشقى والهلاك

ابكي وانوح من اصحاب(ن) لي ربوع :: ومحد(ن) سمع ياعين سوى ربك في سماك

شفتي وشلون ؟ هذا جزى اللي يطوع :: مرخصه نفسك تحسبين دمعك شفاك

كفايه يا دمع لا تصير بالعين طموع :: خذت حقك واكثر جفني من حقك عطاك

طفيت اماني الامل طفيت كل الشموع :: وصرت تجول بالعين من فجرك لي عشاك

اشكي واحكي بعالي الصوت مسموع :: روح يا خاين العشره روح الله معاك

يا عسى وقتك مع غيري يلوع :: روح خله ينفعك هذاك اللي خذاك

عزي نفسك يا نفس وخلي يوفك مرفوع :: وانسي هذاك اللي قدر بيوم ينساك

::

وسلامتكمـ

::

[اسيرة الليل]

ما اعرف شو اقولك اخوي..بس الصراحة وايد اثرت فيني كلماتك..

احساس رائع واختيارك للكلمات اروووع...مشكور اخوي عليها ...لا عدمانك..

وتسلم يمناك..

[خالتكم مزينه]

جميييل..

وبالتوفيق..

وبانتظار جديدك..

[أوراق الـــورد]

أهـلين..
كيفو شاعرنا..؟إن شا الله بخير..؟
_______________________

القصيدة حلوة كثير..
كلماتها والمعاني اللي بترسمها..
كمان اللون الموسيقي اللي بتتميز بو ..
كل هي الامور خلتها محبببةبنفس القراء..
نالت إعجابي..
لك شكري عليها..
وننتظر جديدك بشوق..

:::
:
أوراق الورد
_________________________

[بحرينية كووول]

شكرا ...^ــ^

[~*ظل القمر*~]

السلامـ عليكمـ ورحمه الله وبركاته ..

شحالكمـ الطيبين ؟ عساكمـ بخير يا وجوه الخير

وعليكم السلام والرحمه

بخير جعلك بخير
\
/
\
/
\



ابكي وانوح من اصحاب(ن) لي ربوع :: ومحد(ن) سمع ياعين سوى ربك في سماك

شفتي وشلون ؟ هذا جزى اللي يطوع :: مرخصه نفسك تحسبين دمعك شفاك

كفايه يا دمع لا تصير بالعين طموع :: خذت حقك واكثر جفني من حقك عطاك



تسلم يمينك و صح لسانك
كلمات واسلوب يجنن

يعطيك العافيه
والله يبعد عنك الهموم يارب

مع حبي..ظل القمر

[Angel De]

مشكوووور يالغالي انا اول مرة ادخل هذا القسم


لأني لو اظل دائما ادخلة يمكن اموت من الي فيني


ومشكوووور على القصيدة الرائعة<---تراني كنت بصير لما قريتها

[squal]

هلا!!!!!

أولا يعطيك العافية..
تفاجأت بموضوعك!

توني منتبه عليه!

عموما شدتني كلمات وايد وحسيتها غريبه..

قلت مافي باجر .. خلاص همومي واحزاني وصلوا اعلى مرتبه عندي

شدعوه؟
اللي يقرا هالكلام يقول انك مُغرم ؟؟؟

بس ماقدر اتحمل اكثر من الهمومـ .. من كل صوب .. عذاااب حالي والله ..

اوه..واحدوووو؟؟؟؟

هذي الخاطره اللي صج تعبر عن احاسيسي .. والله احس القلم ينزف وانا اكتبها لكمـ ..

....

شفتي وشلون ؟ هذا جزى اللي يطوع :: مرخصه نفسك تحسبين دمعك شفاك

....
واحدوو !!
انا قريتها كلها وحسيت تناقض او ان ماتناسبك..

يعني لو كاتبها لمجرد ان خطرت الكلمات في بالك وقلت جذي في المقدمه كان اهون

من ان تقول المقدمه هذي واللي تدل ان انت عايش قصة او شيء من هالقبيل!!!!

انا للحين مو مصدق..
وسوري على هالرد.. بس انا صريح واعذرني على هالصراحه..ترا للحين متفاجىء..

بس والله مجرد رايي ولانك اخوي الصغير..لازم كنت ادخل واقول رايي بكل صراحه..

ماعرف شقول اكثر..

مشكور ويعطيك العافية على الكلمات..اللي ودي توضح لي وتقول انها مجرد بنات افكارك مو شي ثاني..

[انسان فقط]

السلام عليكم اشحالك يا واحد من الشباب
المفروض تغير اسمك لواحد من الشعراء
بس ليج الحزن والهم انا الصراحة قريت البيت الأول بس لأني ما أحب البيوت والكلام الحزين انتظر منك كلام مفرح المرة الياية
أتريَ ها
مع تحياتي

[UAELASS]

ماشالله عليك عيني عليك بارده ..

تسلم أخو عهالفن الراقي ...

[Queen of billiards]

يعطيك العافيه أخوي عالقصيدة المعبرة و الأكثر من رائعه ..
على أحر من الجمر .. أنتظر جديدك ..

Queen of billiards..

[Asmarino]

heyy

ya 5abeeby hawenha tehoon


bas sara7a 3ajabni osloobak


mashkoor ya al7abeeb


with love ..
Asmarino

[عذبة الاحساس]

واحد ..

كيف حال الغالي .. ؟؟

خاطرتك من جد حزينه .. يا خي تفاءل وابتسم للحياة وراح تبتسم لك .. ولا انا غلطانه ...

//
اتابع سبيسك اول بأول ويعجبني بجد ..

[blue lover.lee]

...روعـــــــه .... ماشاء الله عليـــــــك

تسلم اخوي ....

واقوول ::

مبروووك فوز الريــان ..يستحقون الكأس ...

شكلك رياني ::!!!!!

والنعم واللـــــــه

تحياتي
blue lover.lee

[واحد من الشباب]

::

السلام عليكم جميعا ..

ما تتصورون شقد فرحتي اول شي بالردود .. والتثبيت !

والله شرف صراحه ماعرف شاعلق عليكم ..

المهمـ ..

نبتدي : ..

× أسيرة الليل ×

هلا اختي ..

مافي داعي تقولين شي ^_^ .. احيانا يكون الصمت افضل كلام ممكن ينقال ..

تسلمين والله ردج الرائع .. .. والحمد لله اني وفقت في الاختيار ..

العفو .. واكيد ماراح اعدمكمـ دامـ انتوا ما تعدموني من ردودكم

::

[واحد من الشباب]

::

× خالتكم مزينه ×

هلا خالتي .. وينج زمان عنج .. ما تمرين و لاتسلمين ولا شي ..

عاش من شافج والله ..

و ردج الجميل ^_^ .. الله يوفق الجميع انشالله ..

واكيد الجديد قريب ..

يعطيج الف عافيه عـ الرد .. لا وتحرمينا من طلتج

::

[واحد من الشباب]

::

× أوراق الـــورد ×

اهلينات ..

الحمد لله طيب .. وكيف مراقبتنا النشيطه الحبوبه

تسلمين والله ردج الاحلى .. والله انا مستحي منج ماعرف شاقول لج

الحمد لله انه حاز على اعجابج .. واعجاب الاعضاء ..

هذا المهمـ والاهمـ ..

ولك عفوي بعد ..

وانشالله ابشري بالجديد .. ما يصير خاطرج الا طيب ..

وتسلمين على المرور والرد .. والتثبيت .. لا عدمناج

::

[واحد من الشباب]

::

× بحرينية كووول ×

عفوا

::

[واحد من الشباب]

::

× ~*ظل القمر*~ ×

الله يسلمج .. وصح بدنج يالغلا ..

تسلمين والله ردج اللي يجنن ^_^ عيبتني الوانه ..

الله يعافيج .. وانشالله يارب آمين ..

ويعطيج الف عافيه ظل القمر على الرد ^_^ تشرفنا بالمرور والله ..

لا تحرمينا من مرورج وردودج وتواصلج

::

[واحد من الشباب]

::

× Angel De ×

العفو يالغالي والله .. وانشالله مب اخر مره ^_^ ..

اسمالله عليك من طاري الموت لا تقول كذا ..

لا حياة مع اليأس حاول تتغلب على اللي فيك .. مثلي يعني

العفو اخوي ردك الاروع .. و شبتصير ؟

وتسلم على مرورك وردك .. لا عدمناك

::