لـــ نــ د نــ
مساءك ورد يا أجمل و أروع من ورود الكون
مسائي غربتي بديره بها المخمور والساقي
كأن البرد في لندن يطول ليله المغبون
و أحس الحزن يتسلل من الشباك لأعماقي
تعبت أساير ركاب الشتا والشارع المجنون
بعالم غير عالمنا ويخلف هقوة الهاقي
وعجزت أفهم ..أو أتفهم ..ولكن أسمع المضمون
أبنثر لك حروفي شعر وأدونها على أوراقي
ترى لا زاراني طيفك بوحشة ليلي المسكون
أضمه حيل بجفوني و أحسه داخل أحداقي
ولا من قال ضايقتك ..أردد لا تخاف تمون
أبيك أكثر تلامسني وأبطفي منك أشواقي
بحس بهمي يتساقط من غصون العنا ويهون
علىّ البعد و الغربة و أجدد فيك ميثاقي
أمانه كل ما جتني من الضيقة أسى و طعون
تعال الحق عليّ تكفى مدام أن الغلا باقي
مساءك ورد يا أجمل و أروع من ورود الكون
ومسائي فيك يتناسى غثى المخمور والساقي
فيصل العدواني
معـ حبيـ ظلـ القمر
المفضلات