مشاهدة النتائج 1 الى 6 من 6
  1. #1

    غمزه أسئلة بدون أجوبة ؟!

    بسم الله الرحمن الرحيم

    السلام عليكم ورحمة الله وبركاته

    { أسئلة بدون أجوبة } معقووووووووول ؟؟


    1- ليش عارضات الأزياء نحيفات ؟؟

    * يعني المليانين ما ينفعون ؟؟ و شو اللي يضمن إنه الملابس تطلع أحلى عالبنت النحيفه ؟؟

    2- ليش البنات يشترون ملابسهم من أرخص المحلات و لما حد يسألهم عن المكان يقولون من السيتي سنتر و من أرقى المحلات؟؟

    * يعني إذا كان اللبس رخيص ما يستر و لا يغطي ؟؟ و الا ما يصير نسميه لبس؟؟

    3- ليش الدول العربيه ما تصنع سيارات ؟؟

    * يعني نحن دولنا بس اتطلع بترول بس ما تعرف وين اتحطه ؟؟؟ و الا شي مستحيل نصنع سيارات ؟

    4- ليش الإنسان لما يفكر يحك راسه ؟؟؟

    * يمكن الشخص اللي جنبه يفكر شعره مقمل او فيه قشره << خخخخخ قمة النذالة و التفكير الغلط

    5- ليش البنات يحاولون يسوون رياضة عشان مقاسهم يصغر و يلبسون قياس أصغر ؟؟

    6- ليش الشباب يسيرون يتمرنون حديد عشان تصيرلهم عضلات و يلبسون قميص مقاسه أكبر؟؟

    * الشغلتين فيهم تناقض بصراحه ؟؟

    7- ليش الواحد لما يكون عزابي يتمنى يتزوج و يلعن حظه العاثر لانه ما تزوج ؟؟

    8- و ليش لما يتزوج يلعن الساعه اللي اتزوج فيها و يقول يا ريتني كنت عزابي و مب وراي هالهموم ؟؟

    9- ليش كل بنت ما يعيبها شعرها ؟؟ اللي شعرها مجعد و كيرلي اتحاول اتسشوره و تخليه مالس و اللي شعرها مالس و ناعم اتروح تسويه مجعد ، و اللي شعرها اشقر توح تصبغه اسود و اللي شعرها اسود تصبغه اشقر ؟؟

    * يعني محد في هالعالم عايبنه شكله و مقتنع فيه ؟؟؟ و الا المظاهر صارت تلعب دور؟

    10- ليش البنات صاروا يقلدون الأولاد ( بعض البنات و لا اقصد كلهم ) في لبسهم و شعرهم ، و بعض الأولاد صاروا يقلدون البنات في ملابسهم و يطولون شعرهم ؟

    11- ليش لما نمشي في الشارع ما نعرف هالشخص لو كان مسلم او غير مسلم ؟؟

    * أكيد الواحد بينخدع و ما بيعرف من كثر السلاسل و الشعر الطويل و مسوين الهوايل!!

    12- ليش البنات يقولون : يا ريتني كنت ولد عشان اتخلوني اطلع و ما تتصلون فيني كل ساعه ؟

    * أنا أول مره أسمع لو حد سأل عنج أو اتطمن عليج تتضايقين ؟؟؟

    13- ليش الواحد في المطعم ياكل بشوكة و سكين ؟؟ و لما يرجع البيت يقعد يتضارب ويا الأكل كأنه مش ماكل من قرن كامل !؟؟

    14- ليش الإتيكيت إنه لما نكون ضيوف و نشرب العصير لازم نخلي شوي من العصير !!؟؟

    * هو مب حاطينه عشان نشربه ؟؟ و شو فيها لو شربناه كله ، يعني أهل البيت بيظنون إنه مش شاربين عصير في حياتنا ؟ أو بيستانسون لانه العصير عيبنا ؟؟

    15- ليش لما نطلع في العزايم ناكل نتفة او نتفتين و نقول شبعنا ؟و هناكي لازم لنا جدر (قدر) او جدرين عشان نشبع ؟

    16- ليش لما الناس يزورون حد يقولون لأولادهم اقعدوا مؤدبين و لا تسوون شي و لا تخربون ؟؟ يعني هم في بيتهم الأصلي عادي يخربون و يسوون اللي يبونه ؟؟

    17- ليش لما نرقد نطفي الليت (الضوء) ؟؟

    18- ليش الناس يحطون ستاره في بيتهم ؟؟ و ليش الخيمه ما نحط لها ستاره ؟؟

    19- ليش الواحد أول ما يقوم من النوم يرفع إيده فوق ؟؟؟

    * يعني لازم نفتح إيدنا و نرفعهن مثل الشمس المشرقه ؟؟

    20- ليش الواحد لما ياكل وايد و يحس انه ثقل وايد في الأكل يمسك بطنه ؟؟

    *يعني لو مسكنا بطنا بيخف الوجع و الا الكرش رح يصغر ؟؟

    21- البحر شو لونه أزرق و الا شفاف؟؟؟

    *يمكن الثنين ؟؟

    22- ليش شي ناس قاهريني ؟؟

    23- ليش تقرون موضوعي ؟؟

    24- ليش ليش ليش ليش ليش ليش ليش ليش ليش ليش ليش ليش ؟؟؟<<< ماتت البنت هههههههه خخخخ

    أبدا باستقبال التعليقات و الإنتقادات

    دمتم بخير

    حورية دبي


  2. ...

  3. #2
    هههههههههههههههههههههههههههههه
    ليش كتبت الموضوع؟ متوقعة ردود

    ليش الناس تقرا المواضيع من غير من تعلق ؟ يمكن ما عجبهم الموضوع

    مشكورة حورية دبي موضوع قمة ولو كان عندي وقت جان رديت على سؤال سؤال
    يعطيج العافية
    بس استغرب وين الردوووووووووووووووووووووووود

  4. #3
    مشكورة أختي حورية دبي على الموضوع القمة في الروعة....

    صحيح أنه كله ليش ليش ليش.. بس والله ما ادري ليش... هههههههه

    المهم ليش احنا نرد على موضوعك....

    ليش احنا دخلنا من الاصل.......

    ليش بعد ما دخانا قرينا الموضوع.....

    ليش بعد ما قرينا الموضوع ......... استانسنا.....

    بصراحة موضوع يجبرك على قراءته وعلى دخوله وعلى التأمل في كيفية كتابته...
    ومن الذوق والتقدير للقلم الجيد أن نرد عليه ونقول له سلمت يمناك أختي على هذه الكلمات والتساؤلات المحيرة والرائعة..

    اتمنى لك دوام التقدم والتوفيق.....

    أخوك......................
    جيرايا

  5. #4
    أغترح عليج ان تجوبي الاسألة بنفسج
    شكرا"
    attachment
    الصور المرفقة الصور المرفقة attachment 
    attachment
    اشكر اختي غدير المملوحة على تعديل التوقع smile

  6. #5

  7. #6

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter