مشكله مشكله شو الحل؟

[زمـرد]

سلالاللم عليكم
انزين اعرف انه هذي مب صفحه ((من هواه المشاكل))ولا ((انا عندي مشكله))
بس انا((عندي مشكله)) يمكن تكون بسيطه بس بالنسبه لي نو نو نو نووو

الزبده
الزبده ذابت






قصدي الزبده في الثلاجه مجمده ما طلعتها اليوم الصبح









الزبده<<<<ياااااذي الزبده

خلاص ولا يهمكم

المربى





اليوم صارت هواشه بين ربيعاتي الثنيتن
بتقولو وشوو دخلنا نحن؟
عيل انا ليش متعبه عمري ومسويه موضوع حق لعب يعني
هي بسيطه بس انا ماعرفت شو اسوي

اسمعوا

وحده بسميها -س-
والثانيه-ص-
معادله استوت


ص اتصلت ل س وقال لها تعالي :باجر بدري ضرووري عشان تفهميني رياضيات<<س شاطره في الرياضيات واليوم كان الامتحان
س قالت لها مااقدر اجي بدري وجابت لها درزن اعذار
ص قالت لا بلييييييييز تعالي ساعه 7 ونص الصبح
س اقتنعت وقالت يمكن البنيه تحتاج شرح لكم من درس
جت س بدري ودقت ل ص قالت لها بتيين ولا لااا قالت ص بيي بعد نص ساعه
مررت ساعه الا ربع
اتصلت ص قالت انتي وين يا س
قالت س لا تكلميني مره ثانيه انتي كل مره تسوين فيني هالحركه(( ص دايما لتقول ل س انتظريني في المكان الفلاني و س تتريا ساااعه كامله وتدق حقها وتقولها ان شاء الله بيي لحظه يعني هذي مب اول مره ))

الزبده
الزبده في السندويش



انا الحين طايحه
احب اتمشى ويا الثنتين وس ماتكلم ص وص ماتكلم س
انزين انا شو اسوي يعني
اروح ويا هذي ولا هذي
س مابتكلم ص الا لو اعتذرت لها
ص طبعها كيرلس
وس عنيده
وانا بينهم
ياللهوووول

يمكن تشوفون السالفه سخيفه بس انا صدق ملعوزه

شو حلولكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اطنش السالفه
ولا خليني تيكت ايزي وت ايفر
ولا احاول اصلح بينهم وهذا مستحيل
ولا خلي كل وحده بحالها
ولا ما اكلمهم الثنتين ولا كيف؟!!
حتى حطيت لكم لكل جمله تعبير عشان اللي مايفهم بالكلام يفهم بالتعابير

[jo_diamond]

السلام عليكم اختي زمرد

بصراحة ..اختك او صديقتك ( ص) لو انا محل س ..اعتبرها ما هي صديقة بحق و حقيقي لسببين رئيسين :-
1- انها مصلحجية ( اتصلت بـ س في الوقت الضائع قبل وقت الامتحان تبي س تدرسها ..فكان على س ان تقول لها بكل جدية : كان معكِ طول الفصل ان تسأليني عن اي شئ لكن بهذا الوقت ( قبل الامتحان او قبل بيوم حتى من الامتحان ) تقول لها انا لا اصنع المعجزات .
و هذه عادة سيئة متواجدة لدى كثير من الزميلات بالدراسة للاسف .

2- ان ص : لا تحترم الوقت و بالتالي لا تحترم اي شخص حتى لو تعتبره صديق او قريب و تتأخر عليه ..فوق ما هي محتاجة س تتأخر عليها !!
بنظري هذه قلة ذوق و عدم شعور بالمسؤولية خاصة انها تكرر هالتصرف كما قلتي " اي من عادتها التأخر عن مواعيدها " ..مش عارفة بصراحة كيف س مستحملاها على هذه الأخلاق و التصرفات .

بنظري يا زمرد : على ص ان تعرف خطأها منكِ كما وضحت لكِ و لكن بأسلوب هادئ طبعا و بينك و بينها ..و ان عليها ان تعتذر لــ س ان ارادتها ان تبقى صديقتها لأنها هي من اخطأ بحقها مرتين كما ترين .

و انصحيها ان تدرس اولا بأول ..و اخبري س ان لا تتشدد ان اعتذرت ص لها
و ان اعادت ص الكرة مرة اخرى ..فهذا يعني انها تقضي على تلك الصداقة بيدها مرة اخرى ..و علموها احترام الوقت و المواعيد بأن تبكر في الاستيقاظ و ترتيب امورها قبل بليلة او بوقت ..الخ

هذا ما لدي و اتطلع لجديدك اختي و اشكرك يا زمرد على حرصك ع التوفيق بين س و ص حقيقة ..يا هيك الصحوبية يا بلا

بالمناسبة اسلوبك شيق بالكتابة
لك أجمل تحية
اختك في الله
ديموند

[خالتكم مزينه]

ههههههههههههههههههههههه

ازين حل تطنشينهم الثنتين ولا تعاملينهم وكأن ماصار شي

وبالطريق حاولي تصلحين بينهم لان مافي شي مستحيل

وبالتوفيق..

[خالتكم مزينه]

بالمناسبة اسلوبك شيق بالكتابة

بهذي صدقت ماشاء الله عليها مواضيعها رهيبه لازم تخلصينها ماتقدرين تاجلين

[جيرايا]

أختي زمرد ويين صارت الزبدة.... لسى في الثلاجة..

أوووووو غيرتيها مربى.... برضوا حلوى...

اسمعيني انزين... اوكي..

أول شيء تروحي حق ص وتجلسي وياها على انفراد وتوضحي لها الامر.. وتقولي حقها ترين أنا لي فتره ما طلعت وقاعده في البيت ولاني عارفه ويش اسوي أبغى اطلع وياك بس ما اقدر لأني ما اقدر اسيب صديقتي الغالية س وإذا كنت تمونين عليها عاد قولي لها بكل شفافية إنت غلطانه البنت جات لك وانتظرت وانت سحبت عليها ويش ذا التصرف ترين ما هو بزين.. وحاولي في اقناعها انها تتراجع .. يمكن تكون متضايقة وحسسيها بمدى حبك لها... وان شاء الله تنجح..

بعدين تمرين على س .... والله بتتعبين... بس من أجل الصحبة ... نسوي اللي ما يسّوا وتحاولين تكلمينها (( هي شكلها طيبه وحبوبه خصوصاً انها اعتذرت من ص وقت ما طلبت منها تداوم بدري وبعدين حست بالذنب وداومت بدري والله انها طيبه ))... إنه إذا جات ص تعتذر انها تقبل اهتذارها وبكذا تكون انحلت المشكلة..


بس



ضاع عليك اسبوع وما طلعتِ...
والزبدة ساحت وراحت فيها..

والمربى خلصت... ههههههه



أخوك....... جيرايا

[زمـرد]

اوكيك تسلمو
حلولكم منطقيه
بس تدرون انا طنشتهم اليوم
اصلا ص غايبه

بحاول في الوقت القريب