حسايف كيف صـــــار الحب في دنيا الشقا معــــــــدوم
حسايف وين راح الحب حسايف وين ودانـــــي
اذا باقي بهدنيـــا ســواليف وبقايا علــــــــــــــــــــوم
أنا برجــوك تتركها ولا تزود بها أحـــــــزانــي
حبيبي وش يقــول اللي حياته كلبوها همــــــــــــــــوم
سكن في داخله طفل (ن) يتيم ومــــات وحداني
تعودنــا على الغربة وكل اللي جرى مقســــــــــــــــوم
دخيل الحب وأيامـــك دخــيـلك لا تحـــــــــــراني
عذاب الحــب كوم وما حصل لي في هواكــم كـــــــــوم
تشوف أحــزان هالعالم تراهــــا ربع ماجــانـي
ألـــوم الوقت وأيامــه حبيبي مايفيـــــــد اللــــــــــــوم
رضيت بواقعــي هذا رضيت بكل حــــرمـــــاني
الا ياحظــــي العاثر الا ياحظـــــــــي المشـــــــــــــؤوم
علامــك والزمــن ضدي وقفت بصف عــدوانـي
نسيتي يالحبيبــه أو تناسيتي ياعـــــــــيب الشـــــــوم
يهـون الحب كيـف يهون يا أول وآخر أوطاني
تأكــــد ماسكن غيرك ترى في قلبــــي المهمـــــــــوم
ولا غيرك أسولف له عن اهمومي وأشجــــاني
حسايف وش بقا غير الجــروح وعـــزة المحشــــــــــوم
حسايف وين راح الحب حسايف وين ودانــــــي
اضافة رد مع اقتباس
المفضلات