شهر العسل).....
ريم و خالد........
ريم كانت ناايمة و خالد كان نايم و بعد نص ساعة نشت ريم من الرقاد و قعدت على الشبرية و هني نش خالد لما حس فيها : ها حياتي
ريم و هي تبتسم : صباح النور اليوم احنا ناشين متاخر الساعة 11 ههههههه
خالد : عادي انا بالبيت انش الساعة2
ريم : اممم خالد
خالد : عيووونه
ريم : تسلم لي عيوونك نسييت اقوول لك شي
خالد : شنو حياتي
ريم : جسمك حلوو و احبك
خالد : حبتج القراادة
ريم اخذت المخدة و فرتها على خالد
خالد : ههههههههه امزح معاج حياتي عسى الله لا يحرمني منج و هم انا احبج بس احب انرفزج
ريم : انا ما احب احد ينرفزني بعدين ابتسمت بس بشوي استثنااء
خالد : اقوول قومي بدلي خلينا نحووط تعبت من الفندق
ريم : فالك طيب نص ساعة و انا جاهزة
خالد : اوكي انا بعد........
في هاي الاثناء علي كان متوله على منال بالذات لما سمع امة توصف منال لبنت خالة علي و هو بالغلط تنصت عليهم و لما دشوا سالفة غيير راح علي يحسب الايام و الاسابيع و الدقايق و الساعات على وقت ملجتهم للمعلومات الملجة بعد 3 اسابيع...و هو يبي يرووح بيتهم بس فشييلو خالد محد و ناصر مو ربيعه واايد اوووه على طاري خالد قال : هاي ما اتصل الله يهنيه بس بتصل شوي و اخرب الجو شووي.....
علي : هلا و الله بالناس الهايمين بشهر العسل شحالك
خالد : هلا و غلا بالنسيب الحمدالله شحالك
علي : اللحين تسال عن حالي و انت ما تعرف انا اللحين شفيني وويييييييين
خالد خااف على ربيعه و نسيبه خااف انه بالمستشفى : ليييييش عسى ما شر وينك
علي بمرح : فووق النخل فووووق
خالد : اقووول باي باي
علي : ههههههههههههههاي لا لا انطر لييش ما تتصل
خالد : السموحة الغالي انشغلت
علي : و تنسى اهلك و طواايفك افا
خالد : يوووم انت و منال في شهر العسل من شوف منو انت بتتذكر
علي : ههههههههاي صح كلامك انا ما بتذكر احد حتى نفسي غيير الغالية و الحبيبة منال بعد هلي و عمري و ......
خالد قاطعه : جب لا حول ولا قوة عيييب يا ولد الحلال عييب و انا اخووك
علي : انزين انزين المهم شلونك مع الريم
خالد : عال العال
علي : انزين انا ما بضاايقك اكثر يالله بااي
خالد : بااي مع السلامة
علي : في حفظ الرحمن
طووووووووووووووووووووووووووووووووووووووط
علي : انزين انزين اعصاابك ما يسوى علي و اخذ السويج و قعد يحوط دوور بيت منال بدوون حاسية منه........
بعد2ساعتين و علي للحين واقف يم باب البيت........
في مثل الوقت منال راحت غرفة اخوها ناصر و الاء عسب اتنادي الاء تتغدى و في ثلاث اشهر منال صاارت وااااااااايد قريبة من الاء و صداقتهم قوووووووية مثل الخواات و دووم يقوولون اسرارهم لبعض.......... المهم ناصر مسافر العين عنده شغل و بيرد بعد يومين......و منال طقت الباب و دشت بدوون ما تسمع الرد.............
منال : الاء الغدى..........و تيبست منال جافت الاء طايحة على الارض و مخبية ويهها بيدها و قاعدة تصييييييييح بقهر و الم و تبجي و تبجي و شكلها يكسر الخاطر....
منال : الاوووه اشفيييييييج ردي ترااج زيغتيني...
الاء و صوتها متقطع من الصيااح : و..لا ..شي ما فيني شي
منال : شفيييييييييج و انا اختج قووولي لي
الاء حضنت منال و منال قعدت على الارض الاء اللاء الحين بعد5 دقايق مرت كالساعات الاء رمست : منال انا انا
منال : انتي شفييج
الاء و هي تاخذ نفس: صار لنا وقت طوييل تقريبا انا و ناصر و للحين انا ما حملت وو
منال قاطعتها : حياتي عاادي وايد نااس جي ينطروون سنين و
الاء قاطعتها و هي تصيح : لا لا يامنال انت ما تفهميين انا امس رحت المستشفي و اليوم النتايج طلعت و عرفت اني عقييييمة
يا منال انا ما اقدر اييب عيال ناصر بيطلقني ....
و بدت تصيييح...
منال صاحت ويها ما تروم تشوووف ربيعتها جذي وما تصيح: ما عليج حياتي يحلها الف حلال...متاكدة ناصر بيتفهم
الاء : لا لا بيطلقني انا ما بيه يطلقني انا احبه و الله العظييم احبه و امووت فيه بدووونه انا..
منال قاطعتها: تفالو بالخير تجدوووه
بس الاء ردت تصيييييييح و هالمرة منال صااحت معاها و قلبوها منااحة لانهم يعرفوون ان اللحين أي شي بيصير بيكون من ورى نااصر كل اللي يسونه اللحين يدعوون و يتمنون رد فعل نااصر ما تكوون قووووووووووية و يصير واحد من اكبر مخاوف الاء و هي الطلااق............
نهاية الفصل الاول من الجزء التاسع
منال طلعت من غرفة الاء و هي تمسح دموعها و في طريجها لغرفتها لاحظت سيارة علي بره.......
المفضلات