مشاهدة النتائج 1 الى 2 من 2
  1. #1

    رائع قصة(فارس أحلامي)الأبطال:علي ومنال الجزء 21

    5 ايام مروا و باقي يومين على العرس و كلهم جاهزين ...



    الساعة :10 و نص الصبح...



    المكان : بيت ابو علي...



    **************************



    علي نزل من فووق و هو مسكر عيوونه...: يمه حرام عليج تعبااان..



    ام علي : منو قال لك تسهر الى ساعة 3 الفير...هاا



    علي : حرام عليج يمه كنت اشتغل الى ساعة وحدة تعشيت مع ربعي الى ساعة 1 و نص الى ما اوصل البيت ساعة 3 الا ربع بدلت و تجهزت للنوم ساعة 3 و ربع حطيت راسي و نمت وين اسهر......



    ام علي : اوووف عليك كل يوم مثل العذر اصلا ابوك ما يرضى انك تقعد الى ساعة 1 منوو قال لك تسوي شي ما يرضى عليه..؟.!



    علي : انشالله يمه اخر مرة ..بس انتي قبل ما كنتي تسووين لي جذي ليش اللحين مشددة علي ...



    ام علي : يمه ابي اعودك على حياة الزواج ما بقى الا يومين و بتتزوج و لازم تتعود ان الزوجه كله بتسالك من وين ياي و وين بترووح...



    علي : اهااااا قوولي جذي من البداية لا تخافين يمه زوجتي على عيني و راسي لا توصين حريص....



    ام علي : انت لييش وايد متمسك فيها احس انه بس اعجاب بشكلها..



    علي : ليش يمه انا مو جايف خير اصلا بنت خالي ((شجون)) احلى منها و لما ابوي قال لي اني اخطبها رفضت...



    ام علي : انا كان علباللي رفضت لانها مو متحجبه بس لو متحجبه بتاخذها..



    علي : لا ما اظن اصلا ماكو امل بيني و بينها المهم يمه انا وايد يوعان..

    ام علي : قوول للطباخ يطبخ لك لاني بصراحه ظهري يعورني و ابوك بيوديني العياده اليوم..



    علي : ما تشووفين شر يمه تبيبني اوديج..



    ام علي : لا حبيبي ما تقصر انا برووح مع ابوك احسن..



    علي : براحتج ..(و نش من الكرسي...)



    ام علي : على وين..



    علي : برووح للطباخ يطبخ لي شي الصراحة تعبت من اكل الطباخين ..خالد يقول اكل منال روووعه ..



    ام علي : مسكين ولدي على نياته......



    علي : هههههههههه ....دقيقه يمه صوت مسج...



    ام علي : و انتوا و هالتلفونات و الله حاله....



    علي فتح المسج و جاف انه من منال يقول..: : ترى الأشواق بي زادت وهمس الروح لك نادت متى صوتك يوافيني أنا مقدر على بعادك



    علي ستانس و ابتسم و راح فووق..



    امه : عليييييي على وين..



    علي : فووووووووووووووق..يمه..



    امه : و الاكل..



    علي: شبعت.....



    امه : لا حول و لا قوة بلله شصار فيه...؟!

    علي راح فووق و انسدح على سريره و اخذ تلفونه و دور على مسجات يطرشها ما حصل اخر شي حصل وحده عجبته و طرشها لها : أحبك وأحب طبعك..وحتى حروف أسمك وأحس بشيء يربطنا أظن أنه دفا قلبك..



    انتظر ربع ساعه و اتصل......



    علي : هلا و الله..



    منال للحين مستحيه من المسج اللي الاء طرشته لعلي : هلا...



    علي : فديييييتج منالووو اول مرة تقولين لي شي حلوو من قلب .......



    منال كانت بتقووله ان الاء طرشته بس حست انه بيتفشل : هههههههه تسلم على المسج..



    علي : صج انا ما كتبته بس و الله من قلب احس اني اعرفج ......



    منال : ممم اهاا..



    علي : انا متصل وقت غلط...



    منال : ههههههه لا مو عشان جذي بس انا اجرب الفستان لان سويت فيه تعديلات لانه كان وايد واسع و كان يطيح علي و اللحين جربته طلع ضيج...من جذي فييني احباط اتصلت للخياطه و قالت ما بيجهز الا بعد 3 ايام لان خياطته صعبه ماكو فايده لان العرس بعد يومين شسوي..



    علي : اوووووه مسكينه فديتج انا جاهز ممممم جووفي تقدرين تلبسينه و تتنفسين فيه..



    منال : أي..



    علي : بس عيل..



    منال : جووف ذي..



    علي : منالوو ما ابي ااجل العرس..



    منال : اووف انزين ...بس اللي قاهرني الخياطه تقدر تسويه بس عندها فستانين غيره و كل الخياطات اللي بقايا اخااف يخربوونه...



    علي : انزين اناا بتصرف..



    منال : شلون..



    علي : اعرف خياط رووعه يسوي للبنات ثياب عرس متخصص و اخذي مقاسج عطيه لخالد و عطيه الفستان و انا بعطيه اسم الشخص و محله و بتصرف ويا الريال يخلصه لج اليوم و تحصلينه اليوم في الليل ...



    منال : علي تقدر و لا بس تبي تسكتني..



    علي :هههههههه شفيج اسكتج ليش كنتي تصيحين..



    منال : واي ما اقدر اسكت....



    علي : منالوو ابيج تصيرين جاده شنو تصيحين عشان ثياب العرس يعيني اكيد بترووحين العرس و عندج ثياب شهالذكاء..صج دلووعه انتي هههه.......



    منال : ليش ماكو احد قال انك دلووع بعد...



    علي: انا دلووع...



    منال : ايييييييه حشى تدلع كل ثانيه...



    علي : افا. ما هقيتها منج...



    منال: انت بديت..



    علي : جووفوني انا تزوجت ياهله هههههه حرام عليج منالوو ...



    منال : ما عليه ما عليه بنشووف منو بيي العرس يوم الخميس...

    صكرت التلفون على ويهه..

    علي تم يضحك و ميت من الضحك مو مصدق انها تسوي جذي يحس انه يتتخيل ....

    بعد 10 دقايق ...



    اخذ التلفوون يتصل لخالد : هلا و الله خلوود الحقني..



    خالد : هلااو الله بالمعرس شفيك...



    علي: اختك منالوو يينينتي تقول اني دلووع و صكرت التلفون بويهي و تقول ما بتيي العرس هههه......



    خالد : يالله عاد قالت لي منالوو السالفه الصراحة تبي انت دلوع و اهيا دلووعه و انت ياهل واهيا ياهلة و الله انكم تضحكوون اهيا سيده يت لي و انت اتصلت ..



    علي: خووش ربيع انت ..



    خالد : اعرف هههههه مو قالوا ان الرفيج لازم يقول الصج لرفيجه و انا اقوول لك..



    علي : يمكن انا دلوع بس اهيه بعد..



    خالد : اعرف الله يعين لما تييب يهال منالوو احس اهي بتصيح معاهم ..



    علي : ههههههه تسويها بعد قلبي منالوو الخبله...



    خالد : شفيك...



    علي : قاهرتني ابي اتصل فيها اعرف ما بتشيل بس انا براويها بالعرس...



    خالد : ههههه اييه احس انكم لعبه مو ويهه زواج..



    علي : يالله عااااد انزين اقوول خالد بطرش لك مسج اسم الخياط و محله عسب تودي فستان اختك اوكي..



    خالد : اعرف قالت لي منال انزين يالله باي بقوووم اتغدى يوعان ..



    علي : انا بعد عاد انا بتريق أي غدى من صباحه الله خير..



    خالد : عادي وقتي مخترب انا...

    علي : هههههههه انا بعد انزين يالله بالعافيه..



    ناصر : هههههههههه شهالاسامي ......
    0


  2. ...

  3. #2
    مشكوره اختي على الموضوع الجميل

    شكرااااااااااااااااااااااااااااااااااااااااااااااا ااااااا
    0

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter