مشاهدة النتائج 1 الى 2 من 2
  1. #1

    رائع قصة(فارس أحلامي)الأبطال:علي ومنال الجزء 19

    فهد : انت شكوووو هد قميصي اقول لك ........



    علي : هاي منال فااهم اذا قربت منها ما تلوم الا نفسك.......



    فهد : شسوي في زوجتك انا شعرفني ثانيا كييييييييييفي انت مالك دخل...و اذا برقمها كيفي و اذا بسوي فيها أي شي كيييييييييفي و هي قليلة ادب بروحها في المجمعات.....



    علي عصب و الشرار طار من عينه ما يرضى على منال...



    و بدوا يتشاجرون و يضربوون بعض و السكيورتي و الشباب يفرقونهم و منال تبجي الازعاج انتشر و ناصر راح بسرعه و لما جاف نسيبه تدخل و لما عرف السالفة هو بعد بدى يتشاجرعلى الاء و محمد دخل في الضرابة و سعد تدخل لان فهد اخووه ........



    بعد ربع ساعة الكل اتنهد و لما كل شي انحل و صارت الساعة 9 ناصر دخل السيارة و منال و الاء و مريم كانوا بالسيارة ينطروون اما علي ما تكلم مع منال و لا احد راح سيارته و اختفى .......



    الهدوء كانت مركز في السيارة والتوتر .....



    ناصر كسر الهدووء : فشلتوني وعدتوني انكم ما بتتحركون و انا وعدت علي اني ما اهدكم و لا ثانية يعني اللحين بيحطون علي كل شي....



    منال تصيح : الاء مالها دخل كله انا انا قنعتها و ثانيا ناصر هو مو غلطك انت بعد و ثانيا سامحني بس ترى من الصبيان مو منا......



    الاء : بس صلوا بالرحمن الحمدالله ما صار شي........



    منال : اللحين تظنون علي عادي علي.......



    ناصر : و الله ما اعرف بس انا الاء و مارضيت يعني الله يعينه و يعينج لان لازم تصلحين السالفة لاني اظنه زعل علي رفيج خالد من سنوات و مليون مرة يا بيتنا بس و لا مرة جفته معصب جذي......



    منال : و الحل........



    ناصر : يصير خير اللحين انسوا الموضوع بنفتحه بعدين ..شنو تبون تاكلون اللحين..



    مريم: انا ابي بيتزا



    ناصر : و انتي الاء



    الاء : عادي أي شي..





    ناصر : منال



    منال : مو مشتهية...



    ناصر : متاكدة...



    منال : أي.....



    ناصر : كيفج.........يالله ننزل.......بطلب بيتزا انتوا نزلوا البيت .........



    و نزلوا تحت و منال راحت غرفتها يودت التلفون اتصلت لعلي و التلفون كان مغلق ..............

    نامت منال على سريرها من كثر ما صاحت خايفة ان علي يزعل منها وما يحبها او شي او ياخذ فكرة عنها اتصلت وايد و كله مغلق و اخذت تلفونها اللحين و اتصلت ماكو رد و بعد اتصلت ماكو رد ما يصير نايم ساعة 11 و هو في الشغل من 8 اتصلت 10 مرات الى ان فقدت الامل و نزلت تحت .....





    منال : السلام عليكم



    ريم و مريم و الاء : و عليح السلام ...



    منال : شتسووون



    الاء : و لا شي



    ريم : سمعت السالفة شصار مع علي اللحين



    منال بتردد : ما يشيل تلفونه..



    مريم : بس يعني ما يحبج بتقعديييييييييين معانا بالبيت ....



    الاء : عييييييب مريموو



    منال زهقت : اووووووووف ما بقعد هني و هو هناك زعلان علي



    ريم : يعني شنو بتسوين

    منال : امممممممم خالد وينه



    ريم : هو ماخذ اليوم اجازة و نايم مريض ......



    منال : اها اوكي اقوول انا برووح فووووووووق اجوف فيلم نادوني اذا ابووي يه ......



    ريم : اوكي...



    **************************************



    منال راحت فووق وفي راسها فكرة راحت لجناح خالد و ريم و جافت باب الغرفة شوي مفتوح دخلت راسها و جافت خالد نايم مثل البزارين في سابع نومه فدخلت على اصابع اريولها اخذت الموبايل و ركضت بره الغرفة و اول ما طلعت ضحكت ضحكه لانها ما تسوي هالحركات حست انها محققة او شي ........



    اتصلت لعلي لانه تلفون خالد و يمكن يرد عليها علباله خالد .....



    و مثل ما توقعت شال من ثاني رنة حست بشي قهر او زعل ....



    علي : الوووو



    منال : سلام



    علي تردد بس قال : و عليج السلام



    منال : يعني ما تشيل لي التلفون و انا اتصل لك من امس ليش يعني علي انا سووري ماكان لازم اطلع من المحل كان لازم اسمع كلام ناصر بس انا ما سويت شي غلط وايد يعيني ما يستاهل انك ما تكلمني...



    علي : امم منال انا اصلا ما شلت التلفون لان ما كنت اعرف شقول لج لاني كنت متفشل...


    منال مو فاهمة : من شنو

    علي : امممممم من تصرفي ما كان منه داعي اني اكبر السالفة او اضربه بس و الله لما قال عنج قليلة ادب ما قدرت ايود روحي عصبت بسرعة منال انا ما ارضى عليج بس كان فشيلة و حسيت اني فشلتج من جذي ما رديت عليج.......



    منال: قووووووووول و الله



    علي : و الله



    منال : هههههههههههههههههه فديتك و الله و انا علبالي زعلت او شي......



    علي : أي انا بعد زعلان منو قال لج انا مو زعلاان......



    منال : انزين شلوون اراضيك ما اعرف انا حق هالسوالف........



    علي : قربي العرس اسبوعين .....



    منال : بييييييه من صجك يعني بعد اسبوع تبينا نعرس..



    علي : اييييييييه



    منال: لا و الله ما اقدر قوول شي ثاني...



    علي : لا بس مو لازم اذا ما بتسوووين لي الشي اللي انا ابيه و بتخلني زعلان للعرس عادي..



    منال : اففففف انزين منو يقدر عليك بس خلاص صار



    علي : شنو صار



    منال : الاسبوع الياي بنتزوج



    علي : ههههههههههاي يس يس فديته و الله فهد لو مو هو و اللي سواها جان انتظر اسبوعين زود



    منال: الحمدالله و الشكر تتفداه .....!!



    علي : انزين سووري اتفداج انتي ........



    منال : هههههه المهم شحلك اللحين امس كان فيه جرح بيدك



    علي : شدراج لهالدرجة تتاملني...



    منال : في الاحلام ..



    علي : عاد احلام مرة وحدة.....



    خالد : ريمووو قاعدة تكلمين منو



    منال تخفض صوتها : وييييييييه خالد قام يالله باي



    و سكرت التلفون.........

    منال : هاي انا خالد اممم يت اسال عن حالك



    خالد طلع من الغرفة : الحمدالله اللحين بس شوي جسمي حار جووفي منالوو طلعت لي كرشة برووح الجيمب من زمان ما رحت جسمي صار مو حلوو.......



    منال : ههههههه أي تصدق توني الاحظ كرشتك لا تصير دب مثل ناصر صار دب اللحين ........



    خالد : حرام عليج انزين مع منو كنتي تتكلمين في موبايلي..



    منال : مع علي بس لان موبايلي ما فيه رصيد و بغيت اتصل له



    خالد : اها اوكي سمعت عن السالفة اللي صارت امس اللحين انتوا اوكي



    منال: أي بس العرس قدمناه اسبوعين .......



    خالد : ااه يالذيب سواها ها اففف...



    منال : ههههه شفيكم



    خالد : انا قلت انتي مستحيل تقدمين العرس اسبوعين و هو قال يقدر يحطج تقربينه اسبوعين........اللحين اهو اللي صح .......


    منال : تتكلموون عني هااااااه



    خالد : هههه أي انزين عندج فيلم شي ينجووفه متملل حدي



    منال: أي عندي خلنا نجووفه.........





    (بعد 2 ساعتين)



    منال : ياله خالد غدى تعال



    خالد : وراج انا



    نزلوا كلهم تحت و تجمعوا على الطاولة الحريم بطاولة و الريايل بطاولة ...



    مرة وحدة احد يتصل قامت وحدة الباشاكرة و شالت التلفوون..



    ميري : اللوو



    الخط الثاني : سلام بغيت ناصر احمد *******



    ميري : دقيقة



    بو خالد : منو هاي



    ميري : هازي اهد يبي ناصر اهمد *******



    ناصر عقد حوايبه : هاي انا دقيقة بس ...



    غسل يده و راح للتلفوون



    ناصر : و عليكم السلام....بخير و سهاله .........اي......بحاول...............صج........... ......انشالله.............ما تقصر.............لا لا عادي...................لا صدقني...........ما فيه مشكلة.......ساعة 5 و نص................تسلم......يالله بحفظ الرحمن ...





    ناصر : الاء الياهل جاهز من متى و امه الله يرحمها اول ما ولدته ماتت صحته ممتازة مافيه شي بس فيه مشكله لازم ناخذه اليوم الساعة 5 و نص و احان اغراضنا تقريبا جاهزة انا برووح اخذه و يقولون حلو بعد هههههه و شعره مثل شعري و عيونه عسلية و ناصر و هو يتكلم كان يدمع الاء قامت من الكرسي هي بعد كانت تدمع بغى يلمها بس فشيلة ابوه قاعد و اخوانه فسكت و راحت فووق الغرفة و ناصر راح وراها و الكل ساكت تحت...راحوا فوق و لمو بعض و قعدووا يبجون و يضحكوون و تحت مستانسين و الي يبجي مستانس و بو خالد قرر يسوي عزيمة كبيرة بنسبه الولد و كانه انولد و من اللحظة للي بعدها محد بيقول للولد انه متبني بيعاملونه مثل ولدهم و احسن................


    ناصر لبس و تعدل و تكشخ و اخذ اغراضة و اوراقه و طلع ....


    الاء قعدت على اعصابها و البقية مثلها خالد راح مع ناصر اخوه و ابو خالد بعد راح و علي بعد و عبدالله ...



    حنان و بنتها اسماء و منال و مريم و الاء و ريم و خالتهم عايشة ( ام الاء ) و اخوانها (فيصل. جاسم ) ..بس..



    فيصل و ام الاء طلعوا يييوبون اغراض للبيبي و رجعوا بعد 1 و 46 دقيقة ......



    (بعد 3 ساعات )



    مريم سمعت صوت سيارات ركضت للباب : و صلوااااااااا



    الكل وقف و دشوا علي و عبدالله ووقفوا بعيد شوي بعدين خالد و هو مبتسم و بعده بو خالد و ناصر اثنينهم ميودين الياهل خايفين عليه و الكل مستانس شكلهم حلوو بصراحة و بعضهم يصيحون و الاء تبي تركض تروح للياهل بي فيه رياييل و مستحية و واقفة و عيونها على الياهل و ناصر شوي و ما بتجوفهم سبة الدموع اللي غطت عينها ....



    بو خالد يصد لألاء : تعالي يبه يوديه ...يودي ولدج راشد.



    الاء مشت بطي و راحت للياهل و هو في حضن ناصر و ناصر مبتسم بس في دموع في عينه يحاول يمشهم قبل ما احد يلاحظهم بس لان الياهل في ايده فما قدر .......الاء مدت يدها تاخذ الياهل بس ناصر يخاف يعطيها لانها قاعدة ترتجف و هي تحاول تاخذه و ناصر يسحبه و الكل يضحك اخر شي يعطيها و هي تقعد تتامله كلهم قعدوا الريايل في ميلس و الحريم بميلس و راشد يتنقل من شخص الى ثاني .......



    عبدالله عنده ارهاق من الشغل فبوخالد قال له يروح و حنان و اسماء راحوا معاه ....



    فالاء بغت تعطي راشد لناصر ليحمله لانها تعرف انه قاعد على اعصابه يبيه فعطت منال توديه لانها الاقرب للي داخل لان ابوها و اخوانها و اولاد خالتها داخل بس .....



    فدخلت بطي و هي تطالع راشد الصغير و تجوف ملامحه اسمر و خشمه صغير و و شوي دب بس حلوو وايد و شعره اشقر ناعم و عيونه سودة ....بس اللي يشوفه عنده ملامح ناصر و شعر و عيون الاء يعني يروح عليهم ........



    دخلت و راحت صوب ناصر و علي قاعد عداله هي راحت و عطت ناصر البيبي و فيصل طلع قبل نص ساعة و ما قال وين بيروح اما جاسم فكان قاعد و كل نظراته على منال يراقب حركاتها و كلامها مع ناصر و علي لاحظ ان جاسم يجووف منال و الغيرة كانت تاكله لانه عرف ان هاي مو نظرات ولد خاله...



    ابو خالد : قعدي منال بسوالف معاج...



    منال ابتسمت : انشالله يبه و قعدت عدال ابوها....



    ابو خالد : شخبار الجامعة معاج ..



    منال : الحمدالله ....



    ابو خالد : زين زين



    جاسم : منال انا بعد درست مثل كورسج و اللحين باقي لي اخر سمستر و بطلع من الجامعة و من اللحين حصلت لي شغله ...



    منال : اووه زين ما كنت اعرف ......



    جاسم : اول سمستر وايد سهل بس الله يعينج من الثاني شلون و انتي متزوجة يعني ما بيكفيج انا اللي عازب غصب كنت احصل وقت ارتب كل اموري و لا بتنجحين فاذا اجلتي العرس احسن لج .....

    و صوت راشد يبجي قطع الهدوء .......


  2. ...

  3. #2
    مشكوره اختي على الموضوع الجميل

    شكرااااااااااااااااااااااااااااااااااااااااااااااا ااااااا

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter