مشاهدة النتائج 1 الى 2 من 2
  1. #1

    رائع قصة(فارس أحلامي)الأبطال:علي ومنال الجزء 14

    شسالفة الشلة شنو بيسوون...



    ناصر يخوون الاء و لا شنو و اذا يخونها مع مين..



    شنو الاحدااث اللي بتصير مع الايام الا بتغير كل شي..

    ريم ))





    قمت من النوم ساعة 5 الفير ما اعرف شفيني هاي الايام كله مصدعة و ارجع بس ما قلت لخالد ما ريده يخاف علي مو لازم ....





    ريم و هي ترتب هدومها حست انها بترجع ركضت الحمام بعدين نزلت تحت تساعد منال و الاء في الطبخ لان اليوم عزيمة علي و اهله بيون...هاي الايام كانت حلوة للكل مليئة بالحركة و الفرح و النشاط يعني كل شي كان حلوو البيت كان حلوو حتى خالد كان ما يطلع وايد من البيت اما ناصر فهو كان ما يدشه الا للنوم كلهم لاحظوا هاي الشي بالنسبة لناصر البيت صار هوتيل بس..و بعد الاء كانت حزينة كلهم لاحظوا ....





    الساعة ((2:30))..



    الاء : مريموو عطيني الفواكه و دله الشاي....

    مريم : دقيقة قاعدة اكلم ربيعتي ...

    الاء : اففف عليج ما تساعدين منال ودي الفواكه و الدله في الصالة..

    منال : لا غناتي جوفيني حالتي حالة برووح ابدل ملابسي و اتعدل..

    الاء : انزين اشتنطرين بسرعة روووحي..ريموو ودي..

    ريم قاطعتها : سمعتج اللحين بودي يالغلا..



    ريم ودت الاغراض في الصالة و بعد ربع ساعة خالد دش المطبخ...



    خالد : هااا شتسووون الريحة فنانة..

    الاء استحت لان وقفتها داخل غلط.. و طلعت من المطبخ من الباب الثاني..

    ريم ضربت خالد على كتفه : ليش تدش ما تشووف حريم هني..

    خالد : و حرمتي معاهم شسوي ؟!

    ريم : اففف عليك انزين خلنا نطلع عسب الاء تدش...

    خالد : اوكي يالله...



    خالد و ريم طلعوا و بعد 5 دقايق الاء دخلت المطبخ مرة ثانية..



    خالد قعد يتغزل بحرمته بعدين سمع صوت سيايير عرف ان العرب وصلوا..فطلع هو و ابوهم و ناصر يسلموون على العرب و جذي....



    منال نزلت و كانت لابسة كندوورة و شعرها مرفعته فوووق بس شكلها حلو...



    قعدوا الحريم بالميلس الخاص للحريم و تغدوا هناك اما الرياييل في ميلس الرياييل تغدوا و بعد ساعتين من الغدا ابو علي و حرمته ردوا البيت لانهم تعبوا و ابوخالد راح ينام اول ما راحوا و ناصر كان نايم لانه تعبان مشتغل نص دوام و الاء نايمه عداله و تراقب ملامحه بيأس و الدموع تنزل اربع اربع بس بدون صووت لانه طول اليوم ما قال الا السلام و مع السلامة و شلونج...



    خالد و ريم و منال و علي و مريم قاعدين بالصالة و شكلهم حلوو بس مريم الا كل ما قالوا كلمتين حب قعدت تمثل انها ترجع الكل يعرف ان مريم شيطوونة بس مافي احد معارض هاي الشي يحسوونه جزء من جاذبيتها...



    علي : عمري منال ليش ما تاكلين وايد..

    منال : منو قال لك اني ما اكل..

    علي : خالد..

    منال: خالد لييش تقوووول...

    علي : لا و الله انه مو زوجج مو حقي اني اعرف ان زوجتي ما تشتهي تاكل..

    منال تفشلت : أي

    علي : فديت روحج يالغلا...

    منال : ههههههه<<تضحك من الفشيلة..

    ريم و هي تساسر خالد : بروووح اشرب ماي تبون شي من المطبخ..

    منال : عندكم اسرار

    خالد : هههههاي أي اسرار الماي و البطيخ

    كلهم :ههههههه

    خالد : أي غناتي فديتج كووفي بالطريقة اللي احبها..

    ريم تساسره : من عيوني

    خالد : فديت عيونج انا...



    علي : منال حياتي خلنا نطلع بره اليوم..

    منال : مممم ما اعرف يمكن ابوووي او خالد ما يرضوون..

    خالد : عن الجذب منالووو ابرروحه ابوووي قال لج طلعي معاه مرة على الاقل مو كله تردين الريال...

    علي : قووولي و الله انتي ما تبيني افا ما هقيتها منج...

    منال : لا لا بس عشان اثبت ان خالد غلطان بيي وياك اليوم وين بنرووح..

    خالد : اهه و اللقافة..

    منال : اللحين هاي لقافة...

    علي : مو لقافة و لا شي من حقها تعرف..

    خالد : ويييه انقلبت ضدي و انا ربيعك كل هالسنوات مو قالوا ان النساء كيدهم عظيم..

    علي : ههههههه

    منال : انزين وين

    علي : مفاجاة

    خالد : ههههه زين سوى لج

    علي : لا صج مفاجاة (فالفترة اللي طافت منال و علي صاروا يعرفوون بعض وايد كل معلوومة كل سر صغير او كبير..)

    منال : ننتظر بفارغ الصبر

    خالد : و لا جنه ما بغت ترووح معاك

    كلهم : هههههه

    مريم : لا يكون اانا صنم تسوولفون و انا ساكتة

    خالد : ما في احد قال لج سكتي !!

    مريم : انشالله اخوي الحبيييييب

    خالد و هو رافع حياته : شتبين

    مريم توها بتتكلم الا : طرااااااااااااخ

    كلهم بخوووف صدوا لمصدر الصوت أي صح هاي ريم اغمى عليها و الكوفي اللي بيدها انسكب شوي منه عليها خالد قاام بخوووف و بدون تفكير حملها و طلع بره البيت السويج كان بمخباه و ما انتظر احد طااااااار فيها و كل=هم قاوا بسرعة و كانت الطيحة قوية لدرجة كل البشاكرة طلعوا من المطبخ و الغرف...

    علي يتكلم بسرعة و هو خايف على ربيعه من سرعته : منو يبي يرووح المستشفى...

    منال و هي خايفة على اخوها و ربيعتها : انا برووح ابدل و اقوم ابووي و ناصر و الاء و مريموو بدلي لا تقعدين بالبيت برووحج و ركضت منال فوووق و مريم وراها منال لبست عباتها ما بغت تتعدل و مريم قومت الاء و ناصر و ناصر قال لها لا تقووم ابوها هو بيقومه بالهدووء..

    علي و منال و مريم راحوا بسيارة...

    و ناصر و الاء و ابو خالد طلعوا وراهم بعد نص ساعة..



    الكل كان متجمع بالمستشفى قدام غرفة العمليات و خالد يدعي و ام ريم تصيح و ابوووه ريم يهداهم و اخوان ريم منزلين راسهم و علي يهدي منال اللي تبجي و تدعي تبجي و تدعي مريم قاعدة عدال ابوها و هو يقرا قراان و الاء تبجي على ريم بهدووء لانها صارت بالفترة الخيرة مثل اختها اما ناصرر يهداها من جذي الاء كانت ما تبي توقف الصياح كانت الدموووع دموووع حزن و فرح مشاعرها بالوسط...



    مرة و حدة الدكتور طلع و معظمهم وقفوا ....

    خالد مشى بخطوات شبيه بالركض و قال و عيونه كلها خووف : عسى ما شر شفيها ريم...



    دكتور و هو يبتسم : انت زوجها...

    خالد بدوون صبر : هييييييييه..

    دكتور : مرتك حامل .....

    خالد للحين مو مصدق : شنووووو

    دكتور : مثل ما سمعت بس هي كانت تشتغل فوووق طاقتها و في مثل الوقت ما كانت تاكل زين فلازم تعتني فيها طريقة خاصة بالذات لانها صغيرة للحين...

    خالد مو مصدق قعد على الكرسي حس ريووله ما تشيله و ابتسم و قال بصوت عالي: علوووووووووووووووووي



    علي ابتسم : امر خالد

    خالد وقف وحضن علي والكل واقف مستغرب وخالد يقووول : بصير ابووه و انشالله انت بعد واولادنا يلعبوون مع بعض ....علي صد لمنال و ابتسم منال ويها صار احمر و نزلته و الكل ضحك...



    ام ريم و ابو الريم الفرحة كانت ما تنوصف عندهم حتى ابو خالد لانه بيكون عنده حفيد ام ريم و ابوها عندهم حفيد من ولدهم بس ابوخالد ما عنده فكل كان يبارك للثاني اما خالد و منال في مثل الوقت راحوا للدكتور يبون يجووفون ريم بس خالد راح داخل اول .....



    خالد تقرب من ريم و كانت ساكة عيونها بس مخو نايمه ابتسم لها و قال بصوت حنون : ريم

    ريم فتحت عيونها : خالد


  2. ...

  3. #2
    مشكوره اختي على الموضوع الجميل

    شكرااااااااااااااااااااااااااااااااااااااااااااااا ااااااا

    وإلى الاْمام ^ـ^

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter