مشاهدة النتائج 1 الى 2 من 2
  1. #1

    رائع قصة(فارس أحلامي)الأبطال:علي ومنال الجزء 13

    تذكرت منال الهدية و اخذتها و قعدت تشوف الطقم تهبلت عليه بعدين جافت ربعها قاعدين ييون يمها صكت العلبة و ابتسمت لهم ..



    هدى : هلا منال شخبارج اللحين

    منال ابتسمت و هي ترفع راسها تحاول تجووف ريم لانها ما تحب هالشلة و في روحها قاعدة تفكر منو عزمهم : اممم هلا و الله الحمدالله انا اوكي انتوا شحالكم عساكم بخير..

    هدى و سارة و مها و دلال : اوكي دووم مو بس يوم

    دلال : جفت زووجج اياا عليه يهبل ..

    مها : انا بعد جفته واااااي شحلاته مو انسان..

    سارة و تشوف منال من فووق خشمها : أي شعليج تلهثين ورى الخير..

    منال كانت معصبة عليهم سبب هم يتغرلون بعلي بس انتبهت لسارة و قالت باستغرااب : شتقصديين

    سارة : يعني مدام منال انت ماخذته و بكل صرااحة عشان شكله و ورثه..

    منال وقفت : ابد منو قال اصلا انا ما اهتم ..

    الشلة وقفت معاها و قالت هدى : الحق ينقال بس ترى ما بتعيشين بخيير لمدة طوييلة بتندمين اخذي شخص عادي احسن لج لان بتندمين ع هاليوم

    منال و هي خايفة : شبتسوين يعني

    مها : ههههاي قولي شنو ما بتسوي انتي شنو سويتي عشان تحصلينه احنا بنسوي و احنا بدال الوحدة اربع..

    منال و هي تقوول باشمئزاز : انا ما سويت شي

    هدى : ما سويتي شي و حصلتيه ههه جذبي ع غيري و رفعت حاجب واحد : بتندمين انسحبي من البداية..

    منال بنرفزة و علت ع صوتها : شنوو انسحب هي حرب

    حنان و ريم انتبهوا و قاموا يروحون لمنال لان لاحضوا الشلة متيمعة عليها..

    دلال : اعصابج سنيوريتا لا تنسين احنا حلويين بعد يعني نحصله بسرعة يالله بباي..

    كلهم : شااااو

    منال للحين واقفة منصدمة اول ما مشوا بعيد دموعها نزلوا اربع اربع..

    حنان : شفيج منالوو شبلاج

    ريم : ردي شنو سوو فيج هالشله منو عزمهم اصلا ..

    منال و هي تمسك رووحها عشان ما تجذب الناس لها : و لا شي و ركضت للميلس التحتي الصغير..



    قعدت منال ع الكرسي في الميلس و هي تبجي و تقوول في روحها هاي الملجة و انا جذي عيل اللي بيي شنوو!!



    علي كان في الحمام يغسل يده لانه توه خلص اكله و برووح اللحين مع رفيجه حمد اللي ينطره بره..



    علي طلع و جاف منال تصيح راح بخووف يمها بخطى كبيرة و بصوت حنون : منال شبلاج ليش تصيحين

    منال ما اخترعت لما سمعت صووته لانه نوعا ما تعودت ع هاي المفاجات رفعت راسها : ما فيني شي

    علي : شنو سويت قوولي لي بسحبه ..سامحني منال اذا..

    منال تقاطعه و بصوت متقطع : انت.....ما سويت شي..

    علي : انا زوجج قوولي لي..

    ممنال و هي تدعي انها تعرفه اللحين وايد لانها تبي تلمه و تشتكي له : علي انا مو طمعانة بفلوسك و لا شكلك

    علي انصدم : منال اان اعرف و الله اعرف منو اصلا قال انج طمعانة..!؟؟
    منال : ربعي

    علي : ربعج يقوولون جذي

    منال : هم مو ربعي معاي بالمدرسة اعرف ان ما وراهم الا المشاكل ما اعرف منو عزمهم يااو و قالوا اني الهث ورى الخير و..

    علي قاطعها : انتي لا تهتمين لهم انا المهم و انا اعرف انج مو جذي و كل الناس اللي يعرفوونج يعرفوون انج مو جذي

    منال : بس هم بيسون شي

    علي : شبسووون يعني

    منال : ما اعرف بس اعرف انهم يقدروون يسوون أي شي ما يخافون من الله

    علي رفع حياته : و انا شكو فيهم منال هاي ملجتنا انسي حبيبتي انا براويهم بعدين..

    منال خافت : شنو بتسوي

    علي : ايااااا عليج يعني شنو بسوي هم جم بنية يغاارون منج..و هددوج من الغيرة حبيبتي..

    منال انتبهت ان علي قرييب منها وايد فابتعدت و ويها احمر لانها بس تسمع اسم حبيبتي ترتجف..

    علي وقف : انا قلت ما بدووم اللحظة انا اللحين برووح منال و اذا سوو أي شي لج انا براويهم بس اتصلي فيني تامرين ع شي..

    منال و هي مستحية : شيئين

    علي استانس : تدللي

    منال : اهمم انا ما اقدر اتصل استحي فبعطيك رقمي و انت اتصل..

    علي : ههههههههه صاار و الشي الثاني

    منال و هي مستحية حييل : سلامتك

    علي : يا ويل حالي من المستحى اللحين كل هاي عشان سلامتك ههههههه

    منال : ههههه

    اسماء دشت من الباب و هي تحبي...

    علي بسرعة راح لها : هلا و الله باسماء ما اقدر اقوول نورتي المكان لانه منور..راح شلها و قعد يفرها بالهوا و منال خايفة ع اسماء اما اسماء فهي مستانسة حييل ..هدها ع الارض و صد صوب منال و اخذ الرقم : يالله مع السلامة

    منال : في حفظ الرحمن..

    طلع علي من باب و دشوا حنان و ريم من باب..

    حنان : الله الله عالحب..

    منال : أي حب ماما

    ريم : علينا احنا بعد انجووف الشرار حشى عااد مو من الملجة ..

    منال ابتسمت..

    حنان : انزين منال شقالوا لج هالبنات..

    منال : بس مو لازم مو سالفة عوودة كلمت علي عنها..المهم انهم عبالعهم انا طمعانة بشكله و فلووسه..

    حنان :وييييه عاد احنا مثلهم مو جايفين خير الشكل الحمدالله قمر انتي و الفلووس ما يبخل ابونا شنبي اكثر الحمدالله و الشكر..

    ريم : الا يغاروون قوولي

    منال : أي علي قال جذي..اهم شي هو يعرف اني مو جذي..

    حنان : أي صح كلامج انزين نفرفش شوي عن هالسوالف منال حملي اسماء تعالوا ورانا..

    منال : ويين

    حنان : الصالة اووه دقيقة عبدالله يتصل..

    حنان : الوووه

    عبدالله : هلا و الله اقوول حنان تعالي عمري بره حر بسرعة انا في السيارة

    حنان : ويي اللحين بنرووح

    عبدالله : أي حياتي راسي يعورني و غلاتي عندج لا تطولين

    حنان : انزين خلاص 5 دقايق بس

    عبدالله : انطرج بااي

    حنان : بااي ياغالي.



    خالد دخل الصالة : اووه متيمعين هني يالله ريم مشينا

    ريم : لا توه الناس

    حنان : أي انا بعد برووح

    منال : لا و الله بتهدووني بروحي

    خالد : شفيج منالوو احنا ما عندنا بيت بروحنا الا جناح فوووق يعني اذا بتيين حياج الله بس انا ابي انام و ابي ريموو يمي

    منال : انزين انزين رووحوا

    حنان و ريم و خالد : بااي مع السلامة

    منال : مع السلامة حنان و اسماء ما تبينها

    حنان : وييييييه نسيت عمري تعال حياة ماما..





    الاء راحت غرفتها و هناك قعدت تنتظر ناصر ع اعصابها و دش بعد دقايق..

    الاء : ناصر حياتي

    ناصر : همم امري

    الاء و هي متضايقة : الوكالة ما ردت للحين

    ناصر : احنا نبي ياهل و الام توها متوفية و هو يتيم ما عنده احد و لا اهل يعني بيتصلون ع ما اظن سلمان قاال بعد 2 شهرين...قررت اسميه راشد

    الاء : رشووودي يااي

    ناصر ابتسم بدوون نفس..

    مرة وحدة رن تلفوون ناصر جاف الرقم و تنرفز و رد و قال : هلا و غلا و طلع من الحجرة..



    الاء تمت تصيح و تصيح : انا متاكدة انه يخووني تغير علي وايد حراام عليه انا شنو ذنبي شنو سويت له هااي من رب العالمين ليش ناصر يعاملني جذي و نعم بالله مستحييل ينسى انا عرفت بيتزووج علي او بيطلقني ليش يبيني اصلا و تمت تصيح و تصيح و بعد 40 دقيقة حست ان ناصر يا و تظاهرت بالنوم ..........



    ***********************************


  2. ...

  3. #2
    مشكوره اختي على الموضوع الجميل

    شكرااااااااااااااااااااااااااااااااااااااااااااااا ااااااا

    وإلى الاْمام ^ـ^

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter