مشاهدة النتائج 1 الى 2 من 2
  1. #1

    رائع قصة(فارس أحلامي)الأبطال:علي ومنال الجزء 6

    منال و هي تدق عالباب.........

    خالد : منوووه

    منال : انا منال

    خالد : دشي

    منال :معاي ريم



    خالد سيدة نش من الشبرية و قعد يشوف روحه في المنظرة و لما عرف ان شكله حلو راح و فتح الباب و كان لابس كندورة نوم رصاصية: تفضلوا

    ريم و منال : زاد فضلك

    خالد قعد ييشوفهم ينتضر احد يرمس عن سبب ييتهم بس محد رمس...

    خالد : اقدر اساعدكم

    منال : ريم تبيك تساعدها

    ريم و هي منزله راسها : ابي كمبيوترك

    خالد : امرري بشتري لج 7 بس ما فهمت لج هههه

    منال : هههههههه تكلمي عدل

    ريم : اوه سوري بغيت الكمبيوتر عسب........و قالت له السالفة....

    خالد : تقضلي بس دقيقة اكتب الباسسورد.....

    خالد فتح الكمبيوتر و قعد على كرسي عدالها يتاملها و هي تفتح ايميلها و تكتب الباسسورد و حفظ ايميلها و قرر يضيفها بس بعديين لاحظ ان هي متوترة و قرر يروح تحت يسولف مع ابوه عسب تاخذ راحتها طلع من غرفته و هو يتذكر احداث اليوم كل شي مثالي بس شي واحد سالم هاي لييش يتصل بالريم ما عنده حق و قرر يسال الريم بعدين اذا خلصت البحث و يكلم ابوه عن موضوع الخطبه باجر لان اللحين الوفت متاخر و راح تحت و قعد يسولف مع ابوه عن مواضيع الشركة.............

    خالد راح غرفته عقب ساعتين توقع ان الريم خلصت و ريم كانت توها بتطلع و الا خالد يدش فتتراجع اما منال فهي راحت المطبخ تسوي وجبة خفيفة فخالد راح و قعد على الشبرية و ريم واقفة تبي تطلع بس ما تدري شلون....

    خالد : اقوول ريم

    ريم : قوول

    خالد : قبل ما اقوول نسيت اقوولج شكلج كان جنان قبل لما شفتج في الغرفة.......و ابتسم

    ريم نزلت راسها اللي غادي لونه احمر من المستحى : .........

    خالد : يا ويل حالي من المستحى المهم ريم منو ذي سالم

    ريم : استاذي في الجامعة......بيدرسني 2 كورسس في السنة بس.......

    خالد : اها جم عمره

    ريم و هي مستغربة من اسالة خالد : ممم ما اعرف بس شكله صغير يعني ما يطوف الثلاثين.......

    خالد : اها من وين له رقمج

    ريم : في وايد طلاب مسجليين ارقامهم في المكتب عسب اذا صار شي مهم يخبرونا فييه مثل اليوم.....

    خالد : هاا ريم انا بسكت عنج اليوم بس باجر لما تصيرين خطيبتي براويج...

    ريم : هاااااا

    وطلع خالد من الغرفة و هو متضايق اما عن الريم فهي طلعت من الغرفه بعده و هي مستغربة من خالد بس لما راحت غرفة منال نامت و هي تبتسم مع الاحداث اللي صارت اليوم............



    اما عن سالم فهو عمره 26 شكله عادي ميسور الحال و يشتغل استاذ مثل ما تعرفون و سالم معجب بالريم من زمان و اليوم قرر يكلم امه عنها....!!!!.....



    يا ترى شنو بيصير.......

    نهاية الجزء السادس........





    الجزء السابع...............



    نش خالد من الشبرية و هو يبتسم تسبح و تعدل يعني لبس ثوبه و الشماغ و كل شي و نزل تحت شاف ابوه قاعد يقرا جريدة فاستغل الفرصة.........

    خالد : السلام عليك

    ابو خالد : هلا والله بولدي الغالي شحالك ولدي.......

    خالد تقرب من ابوه و باسه على راسه و قال : يسرك الحال يبه انته شحالك....

    ابو خالد : بخيير يمشي الحال يالله انا استاذن بروح الشركة

    خالد : لا يبة بغيتك دقيقة في موضوع مهم.....

    ابو خالد : عسى ما شر

    خالد : ما شر بس بغيت اكمل نص ديني

    ابو خالد : هاي الساعة المباركة بس يا بوك تعرف اني ما اقدر ادور لك حرمة قول لخالتك هاي شغل الحريم

    ............

    خالد و هو مستحي : لا يبه انا عندي وحده في بالي

    ابو خالد و هو يبتسم : ما هقيتها منك

    خالد : افا يبه تشك فيني هههههه لا انا ابي ريم

    ابو خالد : رفيجة منال

    خالد : علييك نوور

    ابو خالد : خووش بنت باجر بروح اخطبها لك رسمي

    خالد : لا اليوم ابوي

    ابو خالد : هااااااه اعيالي كلهم مو جايفين خير انت و ناصر......

    خالد تفشل : بس باجر عيل.........



    في مثل الوقت............................................. ......



    سالم : السلام عليكم

    ابو سالم و امه : و عليكم السلام

    سالم : ها يمه شالسالفة امس كلمتج اشصار في الموضوع

    ابو سالم : بنروح اليوم بنخطبها رسمي ابو محمد كان بيرجع بعد شهرين بس الشغل اجلوه و اليوم رجع..........بنروح الساعة ست المغرب..

    سالم : اها مشكوريين

    ابو سالم : ما سوينا غير الواجب....

    و قعدوا يسولفون عن اموور ثانية...........

    في مثل الوقت ريم ردت البيت و ساعة ست المغرب العرب ياو (عائلة سالم) و خطبوا الريم و راحو بعد العشا و ابو الريم قرر يكلم الريم في الموضوع بعد ما يسالون عن سالم و ابو الريم سال وايد ناس و بعد ساعتين راح فوق يخبر الريم و يقوول لها كل شي........



    ابو الريم:السلام عليج

    ريم : و عليك السلام قوة يبة و حبته على راسه...

    ابو ريم:الله يقويج حبيبتي ريم

    ريم : لبيه

    ابو ريم : العرب اللي يو اليوم ياو يخطبونج

    ريم و هي مستانسهة عبالها انة خالد : صج يبة

    ابو ريم : أي شفيج حبيبتي مو مصدقة..سالم ريال ما ينعاب....

    ريم و اختفت ابتسامتها : سالم

    ابو ريم : أي سالم هو اللي خبطبج هو استاذ في جامعتج..

    ريم عينها انملت بالدموع..و ابو الريم استغرب من ردة فعلها بس قال يمكن متفاجاة...

    ابو الريم : تعرفين حياتي اني ما بغصبج بس سالم ريال ما ينعاب بعطيج اسبوع فكري و ردي علي و حبها على خدها و طلع......

    ريم ما مسكت دموعها و يودت موبايلها كانت بتتصل لمنال بس منال ما تقدر تساعدها و ريم ما تريد ترد ابوها....فاتصلت لخااااااالد الرقم كان موجود لان منال اتصلت فيه اليوم عسب يوديها السوق فتسجل الرقم عند ريم.....

    ريم و عينها ميلانة دموع و ما تحس بالي تسويه:الوو

    خالد فتح عيونة هاي ريم و لا انا اتخيل : رييييم

    ريم : ايي

    خالد : بلاج ريم زيغتيني ليش تصيحين....!!؟؟

    ريم و صوتها متقطع من الصياح : خط..بو..ني..

    خالد و هو معصب : منوووووه

    ريم :سالم

    خالد و الشرار يطير من عينه:انا قلت هاي الانسان.....

    ريم : هههههه ليش تسبه هو خطبوني ما قتلوني

    خالد : انزين انت ليش خايفة قوولي لاء

    ريم: بس شنو السبب

    خالد بمزح : قولي انج تحبيني

    ريم : مينون انت تبيني اقوول لابوي اني احبك

    خالد : صاااااااااااااادووه يعني انتي تحبيني

    ريم : اوهوووو اكيد انت ما عندك سالفة

    خالد : حبيبتي انا باجر بخطبج لا تحاتين

    ريم : شنوو

    خالد : سمعيني اليوم و باجر لا تجاوبين بعدين قوولي لابوج انج صليتي استخارة و ما ارتحتي و فكرتي وايد.....

    ريم : ممم تظن يكفي

    خالد : اممم و قولي ان انتي ما تقدريين توافقيين لانج تعتبرينه مثل اخووج عسب لما ايي اخطبج لا يقولون اشمعنة وافقتي علي هههه لول ........

    ريم : ههههه يمكن لا اوكي يالله باي

    خالد : ههههههاي شنو لا و تعالي شنو بااي وين تروحين ما صدقت اني سمعت صوتج......

    ريم : عيييييييييييييب....و

    طوووووووووووووووووووووووووووووووووووووط

    خالد و هو مستغرب : قووووووووية

    سلمان (رفيج خالد ) : شنووو

    خالد : ولا شي

    سلمان و هو يبتسم بخبث : انزين منووو ريم

    خالد و هو معصب : انت شكوو هي خطيبتي

    سلمان : اوه اوه مبرووك

    خالد : الله يبارك في حياتك




    ريم قالت اللي خالد قال لها تقووله و نجح الحمدالله و خالد بعد ثلاثة ايام خطبها و ريم وافقت و الكل فرح لهم و قرروا الملجة تكون بعد شهر و العرس بعد 3 اشهر....





    بعد اسبوعين.....................



    خالد كان ماخذ منال يبي يوصلها بيت ريم و هو مستانس لان بينزل ياخذ اخو الريم معاه و مع علي المول نزل خالد و هو متعدل لان اليوم يوم عيد ميلاد الريم و ريم بتسوي حفلة بسيطة بين رفيجاتنها و طبعا منال اولهم......



    خالد اشترى للريم هدية بصفته خطيبها و الهدية عبارة عن طقم الماس غالي و خفيف بس جنان و حطاه في علبة و العلبة داخل جيس اسود صغير.......



    ************



    خالد : هوووووووووود

    ام الريم : هاااد اجرب ولدي ماكو احد غريب

    منال و خالد : السلام عليكم

    ريم و امها : و عليكم السلام

    ام الريم : شحالك خالد ما تيي تسلم علينا انا بمثابة امكم

    خالد : الحمدالله السمووحة على التقصيير


  2. ...

  3. #2
    مشكوره اختي على الموضوع الجميل

    شكرااااااااااااااااااااااااااااااااااااااااااااااا ااااااا

    وإلى الاْمام ^ـ^

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter