مشاهدة النتائج 1 الى 2 من 2
  1. #1

    غمزه قصة(فارس أحلامي)الأبطال:علي ومنال الجزء 5

    خالد دش البيت قبلهم و سلم على ابوه و بعدين راح حمام غرفته يتسبح

    في مثل الوقت منال و ريم دشو البيت شافوا بو خالد في الصالة.....

    منال:هلا يبه

    بو خالد : هلا و الله ببنيتي منو الشيخة اللي يمج؟

    ريم : السلام عليكم عمي شحالك

    بو خالد : الحمدالله شلونج شلون اهلج شخباركم شعلومكم

    ريم : الحمدالله

    منال : يالله يبا نحن نستاذن

    بو خالد : اذنكم معاكم

    *********************



    ركبوا ريم و منال الدري و لما وصلوا فوق..منال ركضت الى حمام الصالة و قالت :دشي غرفتي .......و راحت الحمام......

    ريم و هي تضحك : اوكي



    ريم طبعا ما كانت تعرف ان منال و خالد بدلوا غرفهم لان غرفة منال كانت فخمة و كبيرة حجمها اكبر من شخصين فمن جذي بو خالد قرر يعطيها لخالد عسب انه بيتزوج و مرته بتعيش معاه المهم ريم دشت بسرعة و ما لاحضت الاثاث متغير و لا الديكور علقت عباتها و شيلتها بسرعة بعدين رفعت راسها و شافت الديكور و شهقت : الله عجيبة الغرفة منالوو الغبية ما قالت لي انها غيرت ديكورها...



    و قعدت ريم على الشبرية و طبعا اهي كانت متعدلة بما انها ياية من ملجة و كانت لابسة فستان وردي فوشي بدون اكتاف و طويل بس فتحته للركبه و كعب مثل لون الفستان و مسوية شعرها الطويل مموج و رافعته بطريقة فنانة و شكلها كاان رووووعة و كانت مكحلة عيونها و لما قعدت على الشبرية حطت لها غلوس احمر على وردي و كانت عاطة ظهرها لباب الحمام و كانت تقرا مجلة بس تشوفها لام المجلة مجلة سيارات و مرة وحدة انفتح باب الحمام بهدوء و خالد انصدم للشخص اللي ماخذ راحته على شبريته خالد عرف انها ريم لان منال شكلها غير و جسمها بعد و خالد اخذ نفس خفيف خاف انها تهرب لما تسمع حسه بس خالد انسان رزين و عاقل و يعرف ان هاي الشي غلط فقال باستهبال : مييين

    ريم نقزت و اوراق المجلة تناثرت و قالت بدون حاسية : ماما

    خالد فقع من الضحك من ردة فعل الريم و هو كان متسند على الباب و الشيلة و العباية بالكرسي اللي عداله و ريم بغت تتستر و قالت بتوتر : خالد

    خالد كان في عالم الاحلام بس رد : عيونه

    ريم بلعت ريجها: تسلم لي عيونك يصير تبتعد عن الباب باخذ الشيلة و العباية عسب اتستر.......

    خالد : اكيييد

    ريم كانت تدمع بدون صوت

    خالد انتبه و قال : لا تخافين ما باكلج انا مو من ذاك النوع من الرياييل.

    ريم و هي تمسح دموعها : اعرف

    و اخذت شيلتها و عباتها و لبستهم و توها ياية بتطلع بس خالد قال لها



    خالد: ابيج اتقوولين لابويه شي بالطريج

    ريم : نعم

    خالد : ابيج تقولين لابوي يوديني المستشفى

    ريم خافت و دمعت : ليش عسى ما شر سلامتك

    خالد و هو يبتسم : قلبي

    ريم : شفيييييييييييييييييه

    خالد : يحبج موووووووووووووووت

    ريم ضربته على صدره بس بسرعة شالتها لانها حست بشي غريب و حتى خالد حس فيه.......

    خالد : اذا خطبتج بتوافقيينن

    ريم : .......................

    خالد : السكوت علامة الرضا

    ريم : .....................

    خالد : ههههههههه

    طلعت ريم من الغرفة لما انتبهت ان خالد بس حاط فوطة حول خصره وويها كان احمر خالد راح وراها لانه كان مستغرب ليش شردت...

    خالد و هو يمشي وراها : اشفيج ما قلتي بااي و لا شي

    ريم وقفت و هي مستحية : روح البس هدومك

    خالد انتبه و تفشل و ويهه صار وردي و قال : ليش جسمي كريه

    ريم : لا

    خالد : يعني حلو

    ريم : لا

    خالد : ليش لا

    ريم : خالد اذا بجاوب ما بجاوب اللحين

    خالد : انا ما بنطر اللحين ببدل و بروح اخطبج اللحين اللحين تعرفين ليش

    ريم بغرور : لانك تبيني

    خالد : هههههههه لا لان ابي اعرف اذا جسمي حلووو

    ريم : لا تعب روحك مو حلو مو حلو

    خالد : بنشوف جوابج باجر بااي خطيبتي

    ريم : احترم حدودك

    خالد : هههه اوكي خلاص بروح ابدل شكلنا جذي مو حلو بااي


    ريم : بااااي

    ريم دشت غرفة منال اليديدة و هي تبتسم....

    منال شافتها و قالت:وينج؟؟

    ريم:الجنة

    منال :مالت عليج من صجي انا

    ريم تذكرت كل شي:يالحمارة ما قلتي لي ان خالد اخذ غرفتج و حطيتيني في موقف حرج.......

    منال :اووه ويي سوري نسيت

    ريم:بايخة وحدة متفيجة

    منال: هيي تعالي خالد كان في غرفته

    ريم:هيي

    منال:قعدي, قعدي كلميني شنو صار

    ريم بغت تتسترعلى الفضايح: و لا شي اول ما دخلت شفته ركضت بره و تحجبت.....

    منال:اها يعني ما كنت لابسة الشيلة

    ريم و هي مستحية ما تبي تجذب على رفيجتها العزيزة:لا ما كنت لابسة الشيلة او العباية

    منال شهقت : هاااا يعني اخوي شنو صار فيه

    ريم : شنو بيصير فيه انا مو شينة القمر ماخذ من حلاتي

    منال : وي وي أي قمر أي حلاة مالت عليج اقوول خلصي خلصي....

    ريم:بس شنو اخلص هاي السالفة كلها

    منال : اوهوووووو كيفج

    ريم :ههههههههه

    منال : علقي عباتج

    ريم : دقيقة اول اشرب ماي عطيني كوب ماي

    منال : اوكي بس ترا تلفونج قاعد يرن

    ريم: اووووه دقيقة بشيلة

    منال خذي راحتج........





    ريم : الووه

    استاذ سالم : السلام عليج شحالج ريم

    ريم : و عليكم السلام الحمدالله انت شحالك

    استاد سالم : يسرج الحال

    ريم : من وين لك رقمي استاذ سالم

    استاذ سالم : ناديني سالم ريم

    ريم : لا عادي

    استاذ سالم : بكيفج المهم انا اخذت رقمج من المكتب بس عسب اتاكد ان البروجيكت البحثي مالج خلصتيه لان باجر الساعة 7 موعد التسليم....

    ريم : هاه نعم استاذ بس انا كان علبالي ان يوم الاثنين بيكون الموعد...

    سالم : انزين انسة ريم باجر يوم الاثنين

    ريم : لا انا ضنيت ان الاثنين الياي

    سالم : مسامحة انسة ريم بس اتوقع ان البحث يكون على مكتبي الساعة 7 بالضبط يالله انا استاذن الوقت متاخر بس انتي دووم تنسين بحووثج و انا كنت خايف اذا نسيتي هالمرة درجاتج راحت عليها المهم يالله في حفظ الرحمن.......

    ريم بصوت كئييب : مع السلامة

    00000000000000000000000



    منال : شوفيج يالريم منو هاي

    ريم : موعد تسليم البروجيكت اللي كلمتج عنه اول امس بيكون باجر و انا علبالي الاثنين الياي و اللي اتصل هو استاذ سالم اللي كلمتج عنه و عن شرحه الحلوو......

    منال : شنوووو بتسوين اللحين...؟؟؟

    ريم : ممممممممم عندي فكرة بتصل لاخوي محمد المريض و بقوول له ان يقعد اون لاين يطرش لي بحثي و انا البحث سويته نصه و اليوم بخلصه في بيتكم على الكمبيوتر ...........

    منال و هي تلاحظ الامل ع ويهه ريم : الله الفكرة رووعة بس في مشكلة

    ريم : اوهوووووووووو شنو بعد....

    منال و هي اتلاحظ اثار الخيبة ع ويها: هههههههه كمبيوتري مافي نت انا و ابوي انقطعت الخدمة عنا و مريموو متى كمبيوترها كان في نت و ناصر الكمبيوتر ههههههه ماريد اتكلم بس مستحييل يحطج علييه يقوول فيه امور خاصه ما بقى الا خالد........

    ريم : لاء

    منال : شنو لاء

    ريم : ماريد اروح مرة ثانية و الله فشيلة

    منال: صج متفيجة يالله يالله جدامي

    ريم : شنو اذا ما رضى فشييلة

    منال: خالدوو يقوول لاء حقج هاهاهاهاي سابع المستحيلات

    ريم : يالله شنو نسوي توكلنا لله اففففف

    منال : ههههههههههههه


  2. ...

  3. #2
    مشكوره اختي على الموضوع الجميل

    شكرااااااااااااااااااااااااااااااااااااااااااااااا ااااااا

    وإلى الاْمام ^ـ^

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter