بسم الله الرحمن الرحيم
اهلا ومرحبا بكم اعزائي المشاهدين في برنامج (( لو حصلك كذا .. وش بتسوي )) ..
(( وش هالبرنامج اللي اسمه اطول من الموضوع ))
كثير منا يتمتع بعصبية مفرطه تصل إلى
درجة غليان الرأس ليصبح كأنه شواية على البخار
ومن هذا المبدأ ينطلق برنامجنا الشعبي (( لو حصلك كذا وش بتسوي ))
وهو عبارة عن مجموعة مواقف نطرحها عبر هذا الموضوع
وننتظر ردودكم التي ستحمل طرق تعاملكم مع تلك المواقف
وسوف يكون هناك افضل ردة فعل والتي سيختارها الجمهور
بالتصويت عليها
< نبدى بالشباب >
لو حصلك كذا (( 1 ))
تخيل انك نايم وعندك في البيت اخو بثر كل وجهه ضروس
يجيك وانت في غرقت نومك ويكب على شعرك عسل ويتلزق
والا يخبطك بقشرة جحه وينحاش ..
وش بتسوي .. لو مسكته ..
نبي وصف لا يتجاوز ثلاثة سطور
لو حصلك كذا (( 2 ))
تخيل لو رحت لدكتور اسنان بتصلح تقويم لسنونك
اللي متلازقه كنها صعايدة متزاحمين على خباز
وحط لك الدكتور الجبص في فمك وخلاه اكثر من مدته
وجاء بيطلعه واكتشف انه نشف ومعد طلع
ومع المعمعة اكتشفت ان الدكتور توه مبتدأ
وفمك خدران وينزل منه انواع السعابيل
والحديدة اللي فيها الجبص داخل فمك
وش شعورك وكيف بتكون ردت فعلك
لما تشوف المستوصف كله تجمع على خشتك
لو حصلك كذا (( 3 ))
تخيل انك ماشي مالك ولا عليك (( تقشم حب وتلوث البيئة بالقشام )) mdr
وشفت فيه شباب يتضاربون ووقفت تتفرج واكتشفت انهم سحبوك
معهم في المشكلة واضطريت تفك بينهم وجاك بقس من واحد منهم لابس خاتم
فرقع ضروسك مثل ما يفرقع المضراب حبوب الكيرم
هل تغير نضريت الفك بينهم وتكون طرف في هذه المضاربه
وان دخلت وش بتسوي اوصف لنا حالتك وكيف بتسوي مع الشخص اللي ضربك
<< هذه الفقرة خاصه بالبنات >>
7
7
لو حصلك كذا (( 1 ))
تخيلي رحتي لكوفيرة .. تبين تسوين فرد وخصلات
ورحتي وطلبتي خصلات بيج .. وحطت لك اللي تبين وخلتك الين ياخذ لون
واكتشفتي ان الخصلات طلعت بيدجاني وانتفش شعرك (( حرقته الصبغة ))
وقالت بنخفف اللون
هل تخلينها وان خليتيها هل تفرط اعصابك وان فرطت اعصابك
وش بتسوين لهم
لو حصلك كذا (( 2 ))
جتك وحده من خوياتك نصحتك بكريم جسم وانه يوخر الحبوب
المنتشره في جسمك اللي طالعه كنها رشه امريكيه في جدار مدرسة
وشريتي هالكريم وحطيتيه .. وكان عندكم حفلة ورحتي للحفلة
واكتشفتي ان هالكريم بدى يتفاعل مع بشرتك ويسبب لك حكه
في ظهرك عند الناس وش بتسوين
طبعا مستحيل تقولين ابحك ظهري في الباب
وش بتسوين ووش راح تكون ردة فعلك في الحفل ومع خويتك
لو حصلك كذا (( 3 ))
لو كنت مبليه بعائلة عصبية همها على بطنها وانت اللي تسوين
الغداء وجاء يوم واحترق الغداء نتيجة اهمال والا متابعة مسلسل الظهرية
وكانت الحلقة الاخيرة وانشغلتي مع احداث المسلسل ونسيتي الغداء
وش راح يكون تبريرك لهم
ووش راح تسوين ووش بيسوون هم لك
* * * *
هذي المواقف لو حصلت لكل واحد منكم ماذا سوف تكون ردة فعله
اتمنى من كل عضو أن يشارك ويتكلم بطريقة ساخرة ويحكي بأسلوب كوميدي
عن الذي سوف يحدث له
وسوف يفوز افضل ردة فعل بعد تصويت الجمهور له
وسينتقل معنا للمرحلة الثانية
ومن لم يحالفهم الحظ سوف يخرجون من المسابقة
بعد ان يتم السلام عليهم من قبل النجمة باسكال مشعلاني
<< طلع استار اكاديمي مهوب تعليقات
ننتظر ردات فعلكم الخنفشاريه وانا اترقب الفاكس والردود
وننتظر التنافس القوي اللي بيكون بينكم
مع خالص شكري
المفضلات