الصفحة رقم 1 من 4 123 ... الأخيرةالأخيرة
مشاهدة النتائج 1 الى 20 من 69
  1. #1

    Talking تخيلوا البنات يخطبون الاولاد ........لا يفوتكم

    تخيلوا البنات يخطبون الاولاد ... لا يفوتكم


    اليكم الموضوع :
    يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السيسي الابيض..
    الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
    ترد انت بكل خوف : خير يمه؟ ....
    تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ ....
    ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....
    الراي رايك والشور شورك يايمه..
    تقول امك: انا بصراحة ما اشوف في البنت شي. .

    ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
    ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
    تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
    تقول امك: هي شافتك و انت نازل من باص المدرسة (الله واكبر يالروز رايز)...

    بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
    و تراها هي و امها جايين يوم الخميس علشان يشوفونك..
    تسال انت: طيب يا يمه ابوي وش رايه؟
    تقول امك: ابوك ما يدري خليه حايس في المطبخ الله يعينه..
    تقول انت :اللي تشوفينه يمه. .وتطلع امك من الغرفة
    وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

    و تقول : اه اخيرا حسَت و خطبتني. ( لا لا لا والله ما يصير بس بكمل)
    و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

    وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة
    ويقولك ابوك : يالله دخل العصير على خطيبتك ترى امك ذبحتنا تسال عنك
    تقول انت بكل خجل: واي واي يا يبه انا استحي

    ابوك يقولك وهو يطق على كتفك و يضحك يا ولد روح لعروسك إهئ إهئ
    تقول انت: يا يبه دايما تحرجني انت واي واي
    و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
    ترد هي بعد ما وقفت و عليكم السلام ( و هي تناظر فيك و في كل قطعة فيك) ...
    و تقولها تفضلي....
    تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
    تقول انت: كله حلو
    تقول هي: اكيد كله حلو لانك انت اللي مسويه

    ثم تحط الصينية بسرعة و يدك على فمك و تضحك و تروح داخل بسرعة
    ياربييييييييييييييه
    الا اخوانك يستنونك و يقولون: ها وشلون شكلها

    تقول انت: واي واي تهبل تهبل حلوة و دمها خفيف و ذوق اهههههااي
    الا ابوك من المطبخ يلولش (يزغرط بالمصري)

    لللللللوووولللللوووووشششششششش مبروك يا ولدي

    الا بدخلة اختك العربجية من بره و حاطه عبايتها على كتفها و تقول : خير وش فيه !!
    يقوله ابوك : قصري صوتك في وحده داخل خطبت اخوك ..
    تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي شباب آخر زمن
    < والله وصرتم يالبنات تقولونها
    الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

    و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
    و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
    وشوي الا العفسة قايمة : ترى العروس جايه
    و ينطون الرجال و الشباب كلن يلبس شماغه و يتلطم ..
    و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر

    ثم تلف وجهك وانت مستحي
    و يتم الزواج و بعد تسعة شهور الا انت تصرخ في الليل فيك الطلق
    و يودونك المستشفى و تولد و تجيب توأم

    وتطلع من المستشفى الى بيت اهلك علشان النفاس <....حركات
    و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

    و ترجع لبيتك تربي عيالك و تطبخ الغدا لزوجتك

    وتتخانقون ساعات و تنام و دمعتك على شنبك

    ويزيد حدة الخلاف و تاخذ شماغك و عيالك و تروح لبيت اهلك

    و تصلح امك ما بينكم و ترجع الحياة مثل اول


  2. ...

  3. #2
    ههههههههههه
    موضوع غريب
    7898f48f8edb8c1985f09ed637a8c694

    يمكنكم إيجادي هنا
    ASK
    FACEBOOK

  4. #3

  5. #4
    ههههههههه موضوع حلو يذكرني بحلقه من حلقات طاش ما طاش

    وسلااااااااااااام

  6. #5
    مشكور اخوي على التعليق وصح نفس السالفة حصلت بحلقة من حلقات طاش ما طاش فضيعة الحلقة
    ويا جماعة نسيت اخبركم انه الموضوع منقول

  7. #6
    وينكم يا اعضاء منتدى مكسات بانتظار ردودكم smile وينكم نايمين؟؟؟؟؟؟؟؟؟؟؟؟؟؟؟؟

  8. #7
    مشكورة أختي غدير ... على الموضوع الحلو .. صراحة ونـــــــاسه كان يصير ...
    ياسلام ... والله الفكرة كفاية الله يعين الرجال علينا راح نطلع تعب الايام ...
    مشكورة ... من الحين الروح اكون نفسي .. واختار ولد الحلال .. راح يصير هالكلام بس كمان كم سنه ............
    سلمت يداك ِ

  9. #8

  10. #9

  11. #10
    والله طلعت عيوني من وجهي وانقطع حلقي من كثر الضحك
    لو يصير كذا كان انتحرت احسن ما انتضر بنت الحلال تجي وتاخذني من عند ابوي هههههههههههههههههههههههههههههههههههههههههههههههههه هههه
    بصراحه اتخيلت هذا كله تقولين كنه فيلم رعب
    مبدعه ياأخت غدير وتسلمي على موضوعك الرائع المرعب
    وانتظر جديدك يالمملوحه
    #داعش من الألف إلى الياء .. بالأسماء والصور والوثائق ..
    انشرها لعلك تكون سبب هداية

    http://justpaste.it/iwff

    عجبت ..
    https://www.youtube.com/watch?v=_aIeuZizr9Q

  12. #11
    هه هه هه هه هه هه هه هه هه هه هه هه هه هه هه ههه ههه ههه خلاااااااااااص مني قادرة أوق ضحك
    مرة حلو الموضوع ويضحك ههههههههههه
    تسلمي أختي
    مع تحيات :رورو الصغيرة
    attachment

    wink يمر اسمك على سمعي وأغرق في بحر دمعي ولو الوقت فرقنا اذوب وينطفي شمعيwink

    my Love is (Enzan ijuin)ooo

  13. #12
    تسلمين اختي ع الموضوع
    والله رحنا فيها لو كان هذا صج
    سبحـآن الله وبحمـده ,,, سبحـآن الله العظيــم
    إن كنت صاحبي علمني ..وش سر المقاهي ..
    والكراسي .. اللي تبقى لا حنا سرينا !
    تجمع أطراف "الحزن" ..اللي حكينا
    وتبيعه لنا .. دخان وقهاوي !

  14. #13
    ههاي موضوع فلة بس الاهانة كلها علينا خخخخخخخ

    تحيـــــــــــاتي

  15. #14

  16. #15

  17. #16
    مشكورين على الردود الجميلة مشكورة كبمارو واخي مجيدي اشكرك للتعليق على مواضيعي وشكرا اخواني وحداني غامض ودلوع جدة ومشكورين البنات رورو الصغيرة وسوسو

  18. #17
    ههههههههههههههههههههههههههههه لا تعليق

  19. #18
    ههههههههههههههههههههههههههههههههههههههههه موضوع يعني ههههههههههههههههههه

    شكرا للموضوع بس مستحيل اتصورها بالعكس هههههههههههههههههههههه

    ما بتزبط هههههههههههههههههههههههه

    ثانكس على الموضوع المهضوم ^^"

    لا اله الا الله محمد رسول الله
    594c82625d66b573ce5fd79b76f8fa96
    30f9cc6a7ba79999644abf027b1a043e

  20. #19

  21. #20
    هههه ..مشكوووره على الموضوع ....بس كشــخه كل وحده تختـــار اللي تـــبي ...ياحي الاولاد ..
    ...كل واحد فيهم يختار فارســه احلامــــه
    attachment
    ،،تسلـــمــ اخويــ ولد الظاهريـــ ع التوقيـــعـ الغاويــ،،

الصفحة رقم 1 من 4 123 ... الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter