متى كرتون للصغار ومتى للكبار

[SON-GOKU]

متى يعتبر الكرتون للصغار ومتى يعتبر الكرتون للكبار

اعني ماهو التصنيف هل بحسب الرسم او تعقيد القصه او العنف او صغر الاعمار او ايه

فيه حدا خبير في الاشياء ذي

[فرح جوهر]

والله
ما ادري بس
الانمي للصغير والكبير وماكو فرق
بس في مثل تلتبيز وبارني اكيييد حق اليهالو
اما اللي فيه عنف ولااشياء اكيد خلوه حق اللي اعمارهم 8 وفوق
ومو معقوله واحد عمره 3سنين يقعد يجوف يوغي او السايبورغ مع ان هلاايام يحبون اليهال بعد هالنوع من الانمي

[^Heart Beating^]

السلام عليكم..

أحب أشكرك على الموضوع الجميل اللي لفت نظري صراحه..

وأنا من وجهة نظري الشخصية.. وعلى حسب مقارنته مع نفسي يوم كنت صغيرة تقريبا تحت من 11 وتحت كان يعجبني مسلسلات الانمي الآكشن واللي فيه جو من الضحك والطفولة مثل (بسيط - أطفال أبطال - كابتن ماجد وهو صغير -أليس في بلاد العجائب - لبنى السريعة -حكايات علمية(إلى الآن )-سنان-توم وجيري ...الخ)

وبعدين على ال12 إلى14 تقريبا صرت أحب المسلسلات اللي فيها مغامرة..مثل (حنين-رحلة عنابة- طمطوم-كابتن رابح- التوأمان-ساندي بل-ليدي-بوكيمون)

ومن 15 فما فوق (يعني الحد الآن )

صرت أميل للأنميات اللي فيها رومانسية أكثر وخصوصا الانميات الآكشن+رومانسي <<روعة ..
مثل (Full metal panic - D.N.Angel- Tsubasa chronicle...etc) والآكشن الرائع طبعا أحبه(كونان-ناروتو ...الخ)

هذا تصنيفي الخاص ... وأغلب الاحيان عمر الشخصية كلما صار مقارب لعمر المشاهد يستمتع أكثر ..وأعتقد أغلب اللي مثلي كذا ..

وشكرا أخي مرة ثانية ..


سلام

[SON-GOKU]

ما ادري بس
الانمي للصغير والكبير وماكو فرق
بس في مثل تلتبيز وبارني اكيييد حق اليهالو
اما اللي فيه عنف ولااشياء اكيد خلوه حق اللي اعمارهم 8 وفوق

حلو لو سووا عنف لليهال بس مايلبق عليه
والشركات اللي تسوي الكرتون يمكن تحط مقاييس خاصه فمامعقول الكرتون صالح للصغار والكبار واذكر اني قد شفت كرتون للصغار بس فيه عنف ييسلمووو على الرد

يوم كنت صغيرة تقريبا تحت من 11 وتحت كان يعجبني مسلسلات الانمي الآكشن واللي فيه جو من الضحك والطفولة مثل (بسيط - أطفال أبطال - كابتن ماجد وهو صغير -أليس في بلاد العجائب - لبنى السريعة -حكايات علمية(إلى الآن )-سنان-توم وجيري ...الخ)

وااااااااو اغلب هذي الرسوم اشكال ابطالها صغينونين هذا يعني ان شكل الرسم له دور في الانجذاب بس حتى اللي اشكالهم صغيره يمكن يعجبون الكبار والعكس يعني اللي اشكالهم كبيره يمكن يعجبوا الصغار

وأغلب الاحيان عمر الشخصية كلما صار مقارب لعمر المشاهد يستمتع أكثر

ياسلااااام على ذي النقطه جبتيها ومكشووره على المشاركه الحلوه

[The Emperor]

سلام عليكم !!!

الفرق في جملتين --->

لما الأنيمي مليء بالأبطال الصغار و التركيز عليهم يكون للصغار

لما الانيمي ملي بالشخصيات الكبيرة من ناحية العمر و التركيز عليهم يكون للكبار ^^

في أسهل من هالشرح !!!

بتسألوني ناروتو !؟

بقول الحلقات الاولى نوعا ما يعني وسط أما الأواخر للصغار !!!

بتسألوني ون بيس

بقول للكبار و شوي للصغار لان المصخرة اللي فيها ما يفهمها الصغير ^^

بتقولوني ساينت سيا بطلهم صغير بقول التركيز على الكبار

بس طبعا فرضيتي يمكن أتكون خاطئة أحيانا ^^

سلام

[عنان السماء]

والله مدري
ههههههههه

[طيف الربيع]

القناص وكونان وناروتو للكبار اما توم جيري بابار بارني للصغار اما اطفال اليوم يشاهدون ماهو للكبار مثل القناص كونان ***اما الاعمار التي يجب ان تشاهد القناص 14 فما فوق لكن الاطفال اعمارهم 6 سنوات او4 سنوات ايضا يشاهدون القناص وكونان وغير ذلك[/IMG]

[الفارس المغامر]

اتوقع المسألة فيها فرق

تختلف من شخص لآخر

لكن اي انمي فيه عنف وقتال اعتقد هذا بيكون للكبار

اما الصغار يحبون الكرتون اللي مثل توم وجيري

وبعدين فيه ملاحظة

اهم شيء ان تتابع مع الطفل خصوصا اي كرتون يتابعه

لأن فيه أشياء ما تصلح للطفل انه يشوفها