اولا وقبل كل شي ترى علمن يجيكم ويتعدااكم <<<< ياللة فاتحة خير من اولها نزرة خليني بس اشوف واحدن او وحدة شاكين في نوعية جنسيتي واللة ترى ابمحط بالدليل الدامغ ولا عندي في شعور هالتماسيح <<< ماودي ترى اصرح بة وتكفون لاتحدوني اني اقولة
ترااااااااااااة يرفع الضغط وقد اعذر من انذر
ثاانيا اقطعو الاتصااااااال تراااة اطول شين كتبتة
واليكم مافي جعبتي <<الا عاد من صدق ماتحسون اني قوية عقب هالكلمة
كنت جالسة في صندقتي كالعادة لان الوالد والوالدة متنهريني اني ماطلع منها الا في الحالات الضرورية واما غيرة فمعصي قال اييش اني فالن شين عليهم وعلى البشرية عامة يقول اذا طلعتي خطرن يصير في البلد انقلاب والا يموت احد
وكنت منسدحة على طرف دوشقي ايييية دوشقي ماعندي سرير مقاطعة المنتجات البوشية لانبيهم ولا نبي سرايرهم <<< عاش مصرف
وكنت قاعدة مغير اتلص واناضر بهالنجوم لان صندقتي وللة الحمد مافيها سقف يقولون منتيب كفو خسارة مصاريف كهرب عشان نركب لتس مكيف وهل فية ازين من براد ربي تالي هاليل واذا جاء الشتاء ركبو لي شراع عشان المطر
وسبب تتليصي كل يوم للهالنجوم هو اني كل يوم اعدهن اياهم اكثر هم والا اخواني .... واللة ياجسمي ماعاد فية مغز ابرة الا وفية ثالوث وكلة من عد هالنجوم
فامي اللة يعافيها مهنتها من خذت ابوي وهي تفريخن بهالعيال كل سنة اذا ماجابت فيها اربعة فالاكيد تجيب ثلاثة واذا ماجابت ثلاثة فهي الاكيد متاومة اما الواحد فهي ابد مهيب تعرفةواستمرت على هالمنوال لمدة خمسة وعشرين سنة اثمرت خلالها 77 فرخ مختلطين من ولد وبنت <<< ولللللللو يهبووو من مشروع دواجن
وطبعا انا كان ترتيبي من بينهم العشرين يعني فوقي شلقة اوادم وتحتي شلقووووونة اوادم وكل هالشلقات وللة الحمد اعرسو الا هالعااااهة الي هي انا طايحتن في سبد ودهم على قولة ابوها<<< يقولون غاثتنا وحابلتن (يعني رابطة )حريتنا لانقدر نروح منا ولا منا مفشلتنا قدام خلق اللة<<<طيب عادي روحو وخذوني معكم منيب اخالف
المهم وانا في عز غرقتي اهوجس واتلص بغما هالسماء مادريت الا وباب صندقتي يرعد ويهتز حول مايطيح مهيب بالعادة احد يقرب صندقتي ولاااا يطق علي بعد الباب واللة غريبة وش القصة واجيك طامرة ابي افتح الباب وانا ازاعق طيب اصبرو من بعدي
ارفقو لاتطيح هالصندقة مارفدها الا ليحانن مهترية وقدورن مجمعة
وافتح وواللة القاها شغالة جيرانا الهندية كاندي جت ودرعمت ولاا من زود الميانة والكبر ماسلمت <<حتى الشغالت شايفين انفسهم علي
المهم قالت لي .....((طبعن انا ابي اتكلم بحتسي ابي اقصر السالفة عشان مانضيع الوقت بالترجمة))
قالت لي انتي مافية لاشغل ولا مشغلة ولا عرس ولا همب يحزنون قلت دارية اخلصي خير <<<جالسة انفض برجلي ويدي على خصري
قالت شوفي انا اخوي توة جاي من بنقلاديش <<<اخوها بنقلاديشي بس هي هندية يعني هو احسن منها شوي
قالت هو لسة في يجي ويدور على شغل لاكن كل شغل يقولون لة لازم يبغى كفيل وهو مايحصل كفيل وهو يجي حق ابو انتي ويعيي هو انة يكفلة قلت لها وياااااحضي مالقيتي احد يكفلة الا انا لا اااارجيتي خير أي نوع بس تبين كفالة سياحي افقي قالت لي انطمي وعلى شحم
انا لولا الحاجة واللة ماعتبت عتبت بابكم بس الشكوى للة اذا صارت حاجتك عند اللي ماتسوى زيتس ومثلتس قولولة ياسيدي قلت تسلمين واللة << احسبها تمدحني
وتقعد تتحلطم هالشغالة ساعة مدري وش علمها
المهم قالت لي شوفي ترى واللة ماحدني عليتس الا المر والشوك انا ابي اخطبتس لاخوي هاذا وتراه مهوب للة كلة بس عشان ابوتس هالعلة يكفل اخوي واذا كفلة ذيك الحزة فيها فك وفلك
هلااااااااااااا واللـــــــــة ومحرررحررررحبا <<< من الفرحة اختبصت
ورى ماعلمتيني من اول ان السالفة فيها خطبة
قالت انثبري اللة ياخذتس ويمحاتس عن وجة الارض <<<<< احووول وراها معصبة
لا يكثر هو بكرة ترى بيجي عشان يشوفتس بعد صلاة العصر <<حتىهم لازم يشوفون
قلت طيب وراة بكرة العصر ورى مايصير الليلة بكرة بعيد وخير البر عاجلة <<<اللة من الطفاقة
وهي الي تخمني بطراق بس على قلبي مثل العسل ميخااالف العمة تمون
قالت تدرين هونت وخري عني ابي اروح قلت اما عاد تهونين خير دعاوي بزران هي ياللة بس عاد تعوذي من ابليس واهجدي ماصار الا كل خير بكرة بكرة يانحستس عاد وقالت ياللة طيب وخري عن وجهي ياوجة العنز ابروح وعلمي اهلتس عشان بكرة قلت اببشري وانا الي اطمر واحب على راسها وهي الي تقوم ووتتفل بوجهي تقول من زين هالبراطم يومنتس تنجسيني بهن <<<< وانا مفهههههية ومبسوطة منيب حولها افكر واللة ببكرة وبعدين عادي هماها ان شاءاللة تبي تصير العمة ميخالف لو بغت تذبحني تمون
وانزل لم امي وابوي طبعا مانزلت مع الدرج لا طابتن من فوق على تحت على طول اسرع لي واجي والقاهم يتقهون <<< ياكثر مايتقهوون
وهو واللة الي يناضرني ابو الشباب وعلى طول ...لععععععععنة وش منزلتس ياللة ياللة لابوتس لابو من انتي نسلة فارزي عن وجهي واطالعة وانا اتحكحك من الحياء <<<بلى واللة من زود الطمالة:rolleye:
قلت لة عندي سالفة شفتو الشغالة كاندي حقت جيرانا الي تو نزلت من عندي ومن الحقران لي مهوب يردون علي قلت اكيد شفتوها هاذة تو خطبتني لاخوها مردخان وهو تراة بيجيكم بكرة بعد العصر وهو الي يقحص من مكانة ولأووووول مرة في تاريخي البشري يمسك ابوي كتفي من غير نية ضرب
ويخضني خض تقولينة صادقة قلت اية واللة وهو الي يطمر ويحب راس امي وقال لها تكفين وصلي ذي للكاندي وقولي لها اللة لايخليني منتس ياراعية الفزعات وتقحص امي وتحب راس ابوي وقالت وتكف انت وصل ذي مني للمردخان قلة اللة يخلف عليك شبابك ويعوض عليك
وانا متشققققققة من الفرحة يوم شفت اهلي فرحانين فيني واللة ان يديني طالن وصارن يحكن في الارض واذاني بعد طالت ووالخشة والفنخرة انفرشو وخذو راحتهم <<< من حينهن وهن ماخذتن راحتهن صارو واللة مهوب يكذبون يومنهم ماينادوني الا بوجة العنز
ثمين عاد ناضرني وقال ياللة عاد قومي انقلعي وزلفعي على صندقتس كنتس ماصدقتي عشان تقعدين وتتطولين لاعاد اشوفتس الا بكرة العصر قلت لة الا على طاري العصر وراك مابعد جبت العصير وش تحتري ياللة قم جبة وهو الي يرجفني مادريت الا وانا في وسط صندقتي بس ميخالف ماعورني شي هماي بس بكرة ابعرس
وماش ماطاع الوقت يمضي مدري وش طاعونة ياطولة طولاه وكل شوي مناضرتن الساعة اخاف يجي العصر واخرتها تونا الساعة حدعش باليل ويوم اذن الفجر ماش ماقويت اصبر نزلت وصبيت العصير في الكيسان اسرع لي بكرة عشان مايعوقني صبة اشيلة وادخل على طول
التكمله في الرد المقبل
المفضلات