مساء العوده :)

[Endless tears]

اندليس تيرز تمسيكم بالخير ..و يا مساء العوده للمدارس و الكليات !! و يا مساء الواجبات و البروجكتات ..التي لا تحصى و لا تعد !!......

يا ويلي انا !! بس على الكلام الي قالته المدرسة للطلبة المساكين ..اسمعوا بس.
( مهما تصد عني او تباعدني ..... وراك انا والله مالك مفر مني ..
تفكر تنساني ..تلقاني تلقاني ...راحت لعبتك وياك لين ما تهواني
ما يفيدك اسلوبك ..لو تبعد دروبك ... لازم ايجي لك يوم .و اصير محبوبك ..
حتى في نومك ..تلقاني في حلومك .. بتشوفني ياما ياما في ايامك
ولو زت في عتابك تشكي لي لصحابك ...لو يطول غيابك اجيبك اجيبك ..)

حشا مب مدرسة ! .......


ننتقل الى جهه ثانيه ..بعد تتعلق بالكليات و الجامعه !! .و " المستجـــــــــــــــــــــــــــــدات"
يا عيني عليهم .. همهم الاكبر و الاعظم .. " الكشخه " ..أما الدراسة ....ولا على البال !
والله امسات استغربت من وحده !! كل يوم شكل .. الشي الي تلبسة ما تكرره ابدا ... شطنه حلوه و تنوره روعه و قميص فتان !! يا سلام شي جميل !! نحب الانيقات ! ......يوم تشوفها تقول يا زينها زيناه !! بس عقلها ما يستوعب غير هذي الاشياء !! اوكي يا حبوبه شو عن الدراسه !! تضحك و تقول """"" وليش اضيع وقتي معاها ؟!"""""""
.......والله في خاطريه ارد و اقول .. " حبيبتي مكانج مب الحرم الجامعي .. مكانج قاعة لعرض الازياء !!""
..... المشكله مب في انها تبغي تكون انيقة ..المشكله في غيرتها الي بتضيعها .!

"ليش فلانه تلبس احلى ..هي مب احسن مني .." و تشوفها ركض على السوق ! كل يوم ... من محل الى محل .. بس علشان تطلع احسن من ربيعتها ؟! وتستمر على هذا الحال الى اخر السنه ..و بعدين تحصل على واحد من الاثنين ..طرد اكاديمي او انذار للطرد !! ((((((( ليش)))))) ......... لان درجاتها تبدء من
D, F,
وان فلحت في شي !! بتيب
C-
وان الاستاذ طيب ..بيعطيها
C
...............................عالم عجيب !!
مقوله

اوكي نشوف شو قالوا عن غيرة المرأة .........المرأة اذ أحبت كانت ملاكا كريما و اذا دبت الغيرة في قلبها تبدلت شيطانا رجيما " .........يا زينها يوم هي ملاك ..و يا شينها يوم هي شيطان ..

بالمناسبة ..هل انتم غيورين ؟؟ شو الي يثير غيرتكم اكثر شي؟ اوكي عن اندليس تيرز فانا غيروه ..ساعات اغار ان كانت وحده سوت تصميم احلى عن الي اسويه ! وهذا يخليني اشتغل اكثر .. أما الغيرة على الحبيب فأكيد ! اقل شي ممكن اسويه اغتاله ^__^ ........ ارهابية ها !
..........بس نصيحه !......"اشرب مر واكل المر و لا تعاشر لك مر ..كل شي بقلبك و بلوعتك ما يشعر "

اوكي ما بطول عليكم .. هذا مساء متواضع
تحياتي
اندليس تيرز
[

[OceanBreeze]

السلام عليكم،

هلا والله بـ Endless tears

كيف الحال .. وشو اخبار الدراسه!!

ماشاء الله بديتوا في البروجكتات من الحين :مذاكرة: :مذاكرة: :مذاكرة:

المهم ... سألتي أسئله خطيرة .. الغيرة!!

انا ما اغار من المظاهر ... يعني ما يهمني شو فلانه لبست وشو فلانه سوت!! غريبة صح .. بس انا جذيه يمكن ازعل شوي من اللي يتفوقون على دراسيا، بس ما أحسدهم لأني لا أحب أحسد ولا أنحسد :محتار2: يعني على طول اقول ماشاء الله

[audiodie]

[shadow]هلا ومرحبا بـ Endless tears .. [/shadow]

[shadow]اشتقنا للامسيات الحلوة [/shadow]

[shadow] "حتى في نومك ..تلقاني في حلومك .. بتشوفني ياما ياما في ايامك ":محتار2: وصات لهادي الدرجة [/shadow]

[shadow] "المرأة اذ أحبت كانت ملاكا كريما و اذا دبت الغيرة في قلبها تبدلت شيطانا رجيما " .. كل هادا تسويه الغيرة :محتار2: [/shadow]

[shadow] وبالنسبة للغيرة فالانسان بطبعه لازم يغار .. بس أهم شي أن الغيرة تكون في حدود المعقول يعني ما تزيد عن حدها .. والواحد لازم يقول ماشاءالله إذا شاف حاجة عجبته [/shadow]

[shadow] شكرا لكِ على هذا الساء الرائع [/shadow]

[shadow] تحياتي ، [/shadow]

[فتاة الرياضيات]

السلام عليكم ...

اهلين اختنا الكبيرة على قولتج

صراحة اليوم السهرة عجيبه ومواضيعج حلووة واحنا اشتقنالج .....

بالنسبه للجامعه والي حاصل من بنات الجامعه معج حق في كل الي قلتيه والله الجامعه صايره كأنها عرض ازياء ...بس شنقول الله يهديهم

وبالنسبه للغيره والله انا مب غيورة من ناحية اللبس لان هالشياء ما تهمني لكن من ناحية الدراسه يمكن اغار من تفوق زميلتي اصلا" انا وصديقاتي الي بالجامعه دايما" في حالة تنافس بينا وهذا الي يحمس الواحد للدراسه ..

سلام

[~NOARAH~]

هلا وغلا باندليس نجمة السهره
انا معاك بكل كلمه قلتيها..وفعلا البنات صار همها اكثر شي الشكل والمظهر
انا صح ماانكر اني اهتم بمظهري بس بحدود وبالشكل المناسب للمكان والزمان
اما بالنسبه للغيره فانا اتفق معك ..انا مااغير على اي شي تافه مثلا بالملابس والشكل..لا ابدا وحتى بالدراسه مااغار واحسدبالعكس احب اتعاون مع الكل واعطي اوراقي ومذكراتي صديقاتي وكل من يطلبني..انا اكره الغيره والحسد بالدراسه من جد لدرجه ماتتصورونها..اصلا المفروض الواحد مايجرب يستخدم هالاسلوب بهالمجال لانه مو مناسب والواحد يقاس بقدراته وعقله.. مو بالغيره والحسد وغيره.. (يمكن طولت بهذي النقطه لاني صار لي مواقف مع ناس كذا غيوره وحقوده دراسيا فتكلمت كثيرا بس صدقوني والله ربي يمهل ولايهمل)
اما الغيره بالحب فانا مجنووووووووووووووونة غيره مووت غيوره واحب التملك
ثانكس عيوني اندليس عالسهرات المميزه
اشوفك على خير

[مجنونة alx&luna]

يا هلا وغلا باندليييييييييس حبيبت الكل

ما شاء الله موضوعك كدة

بالنسبة للبنات اكره ما علية اشوف وحدة معايا مدللللللعة

واكره الحسد

لكن بالنسبة للغيرة في بعض الاحيان

بس اذا شفت صاحبتي سوت شي احسن مني لازم لازم اسوي احسن منها

ولا ما ارتاح بس ادعيلها بان ربي يوفقها هذي ميزتي اذا شفت شي عند غيري

والمشكلة ان في بعض البنات مررررة غيرتهم والله شي من جد تصير شيطان

حتى ما اعرف افرق بينها وبين الشيطان هذا النوع الله يعينهم ما عندي غير اقول كدة

وما ادري اذا كنت عبرت عن الفكرة اللي بداخلي صح

وشوووووووووكرا اختي على الموضوع

[كاسح]

انا ما قريت الموضوع كله بس قريت الجزء حق الدراسة والغيرة..

اندليس والله صاير لك برنامج كل يوم تكتبي امسيه هاااا؟؟

بس والله انتي كذا

[Endless tears]

تحياتي الى الجميع ..ومساء العوده

هلا باختي اوشن ..
عن البروجكتات ..فانا اعاني منها يا حبيبتي ..في احد المساقات الي اخذها سلمت البروجكت الاول ..ويوم الاحد بسلم البروجكت الثاني و ببدء بالبروجكت الثالث !! شفتي كيف "مس هذر " ما ترحم !!! اف منها !! وبسببها اتأخر في الجامعه و اتم هناك بعد انتهاء الدوام !! ساعات اشك اني في جامعه!! احس وكأني في معسكر تعذيبي ؟!؟! .........شو نقول غير ..الله كريم

وعن المظاهر ..طبعا مب الكل يهتم ^_^ او يتأثر !! وزين انج ما تتأثرين !

اهلا باخويه audiodie
...والله انا الي اشتقت لكم
وعن الغيرة ,,كلامك صحيح اخويه ..احيانا الغيرة ..تكون السبب الرئيسي لتقدم الانسان و تطوره ! فالواحد ان شاف ربيعه متفوق في شي معين ..يحاول يبذل مجهوده علشان يطلع احسن منه ..وبهذا ينجح ^_^ ولان الانسان غيور يبغي يحسن كل شي فيه ..فتلقاه يبدع و يثبت انه الاحسن ..بس طبعا الشي ان زاد عن حده انقلب ضده !! فممكن ان الانسان يبالغ بغيرته و يكون حسود ..يحسد صاحبه و يحقد عليه بسبب غيرته !!


نوره يا نوره ! دائما اقول انج رومانسيه
خلينا من غيرت الحب ..فهذي ممكن تدمح الحب احيانا !!
اصلا الغيرة مطلوبه !! بس بعتدال ...يعني ما نوصل غيرتنا الى خراب البيوت و انهيار الحب بين الطرفين ..بس لازم الواحد يبين غيرته للطرف الثاني علشان يعرف كم نحن نحبه او نهتم فيه .......... و بالنسبة للدراسه ..فعتقد ان المعادله نفسها .نغار بحيث نسعى و ندرس .. ولا نغار بحيث نحقد و نحسد !!


حيا الله المجنونه !
والله ضحكتيني يوم قلتي ان الوحده تصير شيطان !!!
........مادري ليش ..بس خليتيني اتذكر وحده !!صدق تكرهني الى ابعد الحدود !!
القصه بيني و بينها طوووووووووووويله ..ولو انها خاليه من اي حوار !! غريبه صح !! ......^_^
الله يبعد عنا هذي النوعيه من البشر !

انظرووووووووووووووووووا من هنا !! الكاسح
معقووووووووووول ..من متى وانته عضو في ميجا يا بطل؟
.......ان ما خانتني الذاكره فانته كنت مشارك بمنتدى ثاني ؟! صح

زين يا حلو ليش ما تتكرم و تقرأ الموضوع كله ؟!

::غضب شديد ... لا تخليني اعاقبك !؟!

اوكي ..اودعكم الحين
وان شاء الله نلتقي قي امسيات احلى و احلى
اندليس تيرز

[Endless tears]

اوه!!!!!!!!!!!! سوري يا فتاة الرياضيات !!
الصراحه ما شفت ردج ..سامحيني

بس بالنسبه لغيرتج انتي و صديقاتج ..شكل الغيره ايجابيه ..مب مبالغ فيها
وان شاء الله يكون التنافس بينكم شريف
اتمنى لكي التوفيق

[كاسح]

اندليس انا مسجل من قبلك شوفي رقم عضويتي بس انا قررت ارجع للمنتدى

[Endless tears]

والله مسجل قبلي !
يمكن !! بس انا ما امشي على رقم العضويه هذا ..
لاني دخلت المنتدى و بعدين ا امسحت اسماء الاعضاء


تحياتي
اندليس تيرز

[SERENA]

مساااااااااااااء راااااااااائع كالعاده يا أندليس تيرز
والمدرسه المعفنه بتعدي زي ماعدت السنين الي فاتت

والغيرره صرحه انا لااحبذها لان الغيره مرض قاتل يعجل بموت صاحبه::فكرة::

بس مارح اعلق اكثر من كدا لان الاعضاء وفوا وكفوا ماشاء الله عليهم

وآآآآآآآآآآسفه على التاخير في الرد حبيبتي اندليس تيرز:خجلان:

مشكووووووووووره كثير على هذا المساء وبإنتظار اخر

[Endless tears]

حيا الله الحب
شحال قمرنا سيرينا

لا تقولين عن المدرسه معفنه !! بس قولي عذاااااااااااااااااااااااااااااااب

وعن الغيره .ممكن تكون مرض نفسي !!


تحياتي حبي
وان شاء الله نلتقي في مواضيع ثانيه

اندليس تيرز

[ZelDa]

يا هلا بج مرة ثانية اشتقنا لامسياتج الروع ..
بصراحه بالنسبة للغيرة هيه صوب و انا صوب ثاني .. الاغلب يصفني بالبرود و الهدوء الدائم ..الان لا شي يؤثر فيني ..مهما حصل ولكن الذي حقا يثير غيرتي هو عندما ارى شخص متقربا إلى الله اكثر مني و خاصه انني اشعر بالنقص ..::محتار::

[Endless tears]

تشتاق لك العافية يا زلدا

حمدالله انك عايش مرتاح لا غيره و غيرها ^_^
وعسى الله يهديك
وان شاء الله تتوفق في كل خطوه تخطيها

تحياتي
اندليس تيرز