مرااحب يامرااحب وانته للقلب صاحب <...يعنني مصرقع
والله زماااااان عن الترفيهي والصرقعه والفرقعه والفرفشه >>>
المهم انا ودي اتكلم عن موضوع محرج للبعض ان لم نقل الجميع..
اذا كنت رايح لعزيمة عند اخوياك وجاك واحد من ذا الملاقيف اللي يتميلحون وجاب اخوه الصغير معه..يعنني انا بار باخواني بفسحهم(استراحة كلها تراااب ..يرجع فيه ربو بخخخخخ
طبعاً اول سؤال بتساله وش اسمك ياشاااطر
بيجاااوب اذا كان ساكن بحي ملعون ابوه بالسلق (( سلق مأخوذه من كلمة سلقه والسلقه هذا كلب صيد ))>> شكراً عن التوضيح
بيقول : وش دخل ابووووك
واذا كان ساكن بحي راقي مثلي بيقول استحي.. لا امزح بيقول خالد >> احسه نظيف
طبعاً السوعااال الثاني وش بيكون ..اكيد تعرفونه...
وش اسم أمك
لالالالا لا تعلمه.. والله مااشتريلك توفي لك<...ولد فقر توفي لك بنص وبنص اسكريم ننجا
انا ودي اتكلم عن هالسؤال المحرج لكل سعودي بذات
يعني خلني اعرض وجهة نظري..انا اقووول انه شىء عاادي لو قلت اسمهااا..يعني وش المشكلة مادام ماراح تخسر ولاريال<..خريج اقتصاد
انااا عارف ان اسامي امهاتنا تفشل من اول..حصة و نوره هيا والبنة وعلوا
بس ترى الوضع ايزي ونحن في القرن الحادي والعشرين وبتنزل خدمة الجيل الثالث بعد كم شهر وبعدهاا اكتتاب جبل عمر ...وبعدهااا بينزل الدي اس ال <.... معليش ياشباب كاتب الموضوع قبل ثلاث سنين وتوي انشره
ونحن دخلنا على منظمة التجارة العالمية .. والشركات الصغيرة لازم تتحد وتتشارك مع بعض ولا بتخسر(ياكرهي لحقين قناة العربية لي تفلسفون.. يوم نزل المؤشر ماعد شفنا احد وقبلها مرتزين تشوفهم ثلاث مرات باليوم ..طالعين وجبات موب آوادم!! <...قام يخبص
نرجع لموضوعنا.. يعني اسم امك وش بيضرك لو عرفه غيرك.. عااادي.. يعني بيعرك ياولد منيرة..ولا ولد نورة ..خلهاا يتكلم انا افتخر بامي وباسمهااا..
والله موب ناقص فيني شعرة..لكن المجتمع عندنا هنا فيه تخلوووووووف.. يعني الملك عبدالعزيز كان يفتخر باخته ..أخو نورة..
وهو نفتخر فاااارس العروووبة
المهم خلينا نعرف ارائكم..وكل واحد يكتب اسم امه..لأننا مقبلين على بطاقات احوال وقيادة المرأو<...علماني الأخ
اسم امي نوره >> صريح
اضافة رد مع اقتباس
المفضلات