حبيت احكي لكم عن احد افضل الأفلام اللي شفتها
فلم أذكر مشاهده كثييير .. وراسخ في ذهني اكثر من مشهد
فلم صحت فيه صيــــــــاح
فيلم ابـــــــدع فيه كل الممثلين والمخرج اللي ما اخرج الا هالفيلم وكم برنامج تلفزيوني
يبدأ فيلم American History X
بدخول داني لغرفة اخوه وهو ينادي عليــــه
الحق سيارتك بتنسرق
يطلع ديريك (الأخ الأكبر) معه مسدس وناوي على اللي بيسرقونه
ويحصل شلة سمر جايين ناوين على سيارته ويمسك واحد منهم ويضربه ويطلق عليه
ويحط اسنانه ع الرصيف وبكل قوووه يهشم راس الاسمر
وتجي الشرطة وتشوف الجريمه وتآآخذ ديريك (ادوارد نورتن) للسجن
في السجن .. يبقى ديريك دائما صامت ... ويحاول يتعرف على شلة البيض العنصريين في السجن
كانو يلعبون اثقال ويشربون سقاير ولهم قوة في السجن
شوي شوي عطوه وجهه
في هذه الاوقات كان عليه تسفيط الشراشف والغسيل في السجن وكان يساعده اسمر
دائماً يسولف (مايسكت ) وقال له ايش قضيتك وهذاك مصنّم مايرد يكره السمر
فـ حكى له انه سرق تلفزيون و عدد سنوات سجنه اكثر منك انت ياديريك القاتل
عنصريـــــه حتى في الأحكــــــــام
مره من المرات في السجن اغتصبته الشله البيضاء وصار يكررره البيض ويمقتهم ولايحب يشوفهم
وعرف انه كان على غلط وكان ظلمة تعسفي (بعد تعسفي اختنقت )
وصار صاحب الاسمر .. وشوي شوي انتمى للشلة السمر
وانتهت مدة محاكمته وطلع غيـــــر بالمره عن مادخل
معه اخوه داني وامه واخته
عرف ديريك ان اخوه يمشي على نفس خطواته السابقة ويحتقر السمر حالــق شعره وعامل له تاتو ومعبي غرفته صور لصليب النازيه
فــ انقهر على اخوه وراح لزعيم العصابة السابق وتخانق معه وكفخه
يقول له ان ما خليت اخوي يكرهكم ما اكون ديريك ولد ام ديرك
صورة ديريك مع صديقته في الفيلم
وكان يروح لامه ويكسر خاطرها ويقول لها اتركي السيقاره مارح تفيدك لانها كانت مريضه
<< حبي له تغير جد
حاول يقنع اخوه اكثر من مره ولكـــن !
وصار على داني بحث .. واخوه جلس يشجعه ويقنعه انه يسويه ..
ولمّا جاء الصباح حتى يروح داني للمدرسه ..
طلع مع اخوه واشترو فطور سوى ,, وتمشو شوي قبل لايروح لمدرسه بس قال له داني خلاص ديريك لاتكمل الطريق معي
روح لشغلك ..
وراح داني لمدرسته ... ودخل تكرمون للحمام وفجأه .............
وو بس ... نهاية الفيلم مااحب احرقها عليكم .. (اسلوب تشويق )
الفيلم من أخذ 8.4 من 10 في IMDB
وA- من النقاد حسب معلومات الـ YAHoo
وحسب تقييمي أخذ 10/10
تمثيل المبدع الخرافي Edward Norton
و Edward Furlong
واخراج Tony Kaye
اتمنى يعجبكم الفيلم .. وتشترونه لأنه اكيــد مايباع في السعوديه لاسباب فنيه...
تحياتي،،،















اضافة رد مع اقتباس






u know I like his he's soo cool 

المفضلات