السلام عليكم ورحمة الله وبركاته
لو كتبنا ما كتبنا لن نستطيع التعبير عما يجيش بداخلنا من حزن
لذلك اقدم لكم هذه القصيدة
تحصلون القصيدة في المرفقات
وهذا نص القصيدة
الا ياعيـن عليـج الله صيحـي *** وجـودي بالدمـوع ولا تملـي
وخلي الدمع همالـه نضيحـي *** على خد ٍ تجعد من حـزن لـي
طوانا الهـم والغـم الكسيحـي *** وحزن ٍ حل بي مـا يضمحلـي
الا وا كامل الوصف الفصيحـي *** الا وا غيـم ع ديـاره يهـلـي
الا وا راعي اللفظ الصحيحـي *** الا وا من سكن في ضامر ٍ لي
الا وا زايـد الفـذ الرجيحـي *** الا وا راعي المعـروف ياللـي
صدى ذكره ملى الكون الفسيحي *** شرات البـدر نـوره يستهلـي
كريم ٍ والزمن صاير شحيحـي *** الا يا كـم مـن فيضـه نعلـي
ويوم اللال م الضحضاح ضيحي *** سقانـا زايـد وبـه نستظـلـي
قراح الماي من عقبـه مليحـي *** وليس الزاد عقبه سايـح ٍ لـي
وعقبه لاهب الحسـرة لفيحـي *** وعقـب لا سعـادة ولا تسلـي
حريمٍ م الخدر تظهر تصيحـي *** تشق الجيـب وتنـوح وتولـي
وشيـاب ٍ لحاهـم يستبيـحـي *** غزير الدمـع خرسهـا يهلـي
مصاب ٍ مدلهـم ٍ لـو يليحـي *** على صم الصخر أمسى موّلـي
وذكـره لا يـزول ولا يميحـي *** غرس حبه ابويه في حشاً لـي
الا يـارب يعلـه مستريـحـي *** وفي الفردوس تكتب له محلـي
السلام عليكم
المفضلات