الصفحة رقم 1 من 3 123 الأخيرةالأخيرة
مشاهدة النتائج 1 الى 20 من 41
  1. #1

    غمزه ما هو تــ..... ليش ما تدخلن وتشوفن بنفسكن..

    السلام عليكم ورحمة الله وبركاته .. شحالكن يا حبوبات ... ان شاء الله بخير ..

    مدام السوق نايم ... قصدي المنتدى نايم ... حبيت اسألكن سؤال يمكن يلاقي تفاعل من بين العضوات ... أو الجميع تفضلوا ..

    هالشؤال كان يدور في بالي اليوم وقلت ليش ما انزله عالمنتدى و نقعد اندردش .. شو رايكن ... cool

    الشؤال: ما هو ترتيبك في العائلة؟ مميزات ترتيبك و ما هي عيوبه؟ وهل انتِ سعيدة بهذا الترتيب؟

    confused ...rolleyes ...هاه شو ريكن حلو الموضوع ولا روتيني و سخيف ؟؟

    أنا أول شي بأبدا بنفسي بس بعد ما اخلص واجباتي الحين انا مشغولة برجعلكم بعد لحظات .. ان شاء الله .. biggrin

    وان شاء الله يعجبكن الموضوع smile

    سأعود بعد قليل
    اخر تعديل كان بواسطة » اليـــــاقوتــة في يوم » 12-03-2006 عند الساعة » 19:11


  2. ...

  3. #2
    وعليكم السلام ورحمة الله وبركاته
    الحمد لله بخير وانتي شخبارك؟؟
    رايي يلا ندردشsmoker
    الصراحة
    أنا آخر العنقودnervous
    مميزاته
    اني انا دلوعة البيت wink
    طبعا مو اي شي ابيه يصير
    بس الصراحة احلى شي فيه الدلعcool
    عيوبه
    ان الكل يتامر عليي
    يا فلانه روحي جيبي ماي
    شاي ملابسي
    وما ادري شنو
    وكاني خدامة البيتtongue tongue
    خخخخخ
    الصراحة انا وايد سعيدة asian
    وفي نفس الوقت حزينهfrown
    لان في خاطري اتامر على اخواني مثل ما يتامرون علي
    بس بعد احسن لي اكون اخر العنقود

    الموضوع
    يهبلللللللللللللللل
    وعجييييب

    هههههههه
    الحين انا سبقتك biggrin
    ويسعدني اني اول وحدة ارد ع الموضوع

    مشكووووووورة حبيبتي
    وننتظر جديدك الاحلىgooood
    تحياتي
    اللؤلؤة

  4. #3
    مرحبا ..redface redface
    أنا ترتيبي البنت الأولى في العايلة بعد أخوي الكبير ...tongue tongue
    إذا بقول يدلعوني بكون أكذب .. شي أكثر من الدلع .. هذي معاملتهم لي ..wink wink
    الكل يحبني ويحترمني ...frown frown
    أخوي وأمي وأبوي وأخوي الاصغر مني شوي هم اللي يتأمرون علي ...rolleyes rolleyes
    أنا بطبعي بزاية وما في أمر أطلبه من أبوي ولا أمي ويرفضونه ....devious devious
    و طبعا أستغل هالشي وأطلب بلا حدود ( وايد وايد أطلب الله يعينهم عليه )3d 3d
    عموما . أنا فرحانه أني كنت في هذا الترتيب لأن أمي تعتبرني القدوة لأخواني وصديقتها ..cheeky cheeky
    مشكورة يالغاليه على السؤال بس أنتي ما رديتي ؟؟؟cool cool

  5. #4
    لقد عدت


    يا هلا و يا غلا باللؤلؤة الحلوة ... يحليلج هههه .. لعبين بج لعبة .. زين و الله اخر العنقود مثل ما يقولون سكر معقود biggrin مشكورة حبيبتي عمرورج و مشاركتج الحلوة مثلج ...wink

    يلا دوري .. استفتحنا ...

    ترتيبي :
    الأولى .. يعني الكبيرة .. لا اخر العنقود .. ولا سكر معقود .. ولا يحزنون .. ههههه tongue

    مميزاتي :
    كل شي يصير على كيف كيفي ... هذا أحلى شي .. biggrin لالا ... الحقيقة كوني الكبيرة لازم اهتم بخواتي خاصة اذا كانوا صغار لازم اهتم بكل شي اكل و شرب .. الخ ... وهذا في حال اذا كانت الماما غايبة يعني برى البيت .. لازم اهتم بكل التفاصيل المفصلة شو يريد الطباخ .. والخدامة محتشرة ... واختي تناديني تريد اني اساعدها ... واساعد خواتي في دراستهن .. الواجبات .. مشكلهن .. في المدرسة وغيره .... يعني كأني ام ثانية ..rolleyes
    أحلى شي بنسبة لي يوم اتجمع مع خواتي نقعد انسولف .. وطبعا انا المسيطرة عالوضع .. نتكلم عن المكياج نسوي ماسكات للوجه .. وغيرة من سوالف البنات .. انا ماعندي اخوان فما اقعد احاتي الازعاج وغيره ... و نقعد نشغل المسجل و مسويه ربشه في البيت .. هذا في حال كان لي مزاج واذا ما كان عندي مزاج الكل يلزم الهدوء و يلتهي بشغلة.cool

    عيوبي:
    حب السيطرة الشديد .. كوني الكبيرة كل شي بأمري وهذا معودني ان اسيطر ..وانا اكره هذا العادة لأن مع الوقت ما تريدين تسمعين لحد و تصيرين عنيدة ورأيج يمشي حتى ولو كان خطأ .. وهذا مش صح ..
    وبعد كوني الكبيرة وضعي يحتم علي ان اخدم و اقدم واضحي لخواتي او اهلي ... والاخ الاكبر او الاخت الكبرى يمرون بتجارب في حياتهم يحتاجون الى حد اكبر منهم يساعدهم و يوجههم .. ويخبرهم كيف يحلون مشاكلهم .. فانا ما عندي حد ..صدق مش حلو ..فصعب انج ما تحصلين حد جنبك ... احيانا اريد افضفض و اقول الي فخاطري ما احصل حد الله يخلي الماما دايما تخفف عني بس انا ما اريد اتعبها هي بالاساس عندها مسؤوليات ثانية ..الاخت حساسة..ايضاً في مسؤولية كبيرة تلقى من قبل الأهل .. بنسبة لي الماما علمتني عالمسؤولية بدري من يوم كنت صغير هي طبعا قصدها كل خير و مصلحتي و مصلحت خواتي .. بس الاهل ما يعرفون ان الطفل ما يعي هذه الكلمة المعقدة ..ويقعد يحاتي كانه يكبر قبل اوانه.. وكل اخت كبيرة اكيد بتفهم مشاعري .. بس اروع شي ان الكل يسمع كلامي وانا غالية عالكل وتقريبا كل طلاباتي مجابة .. يلا الحمدلله biggrin
    اقول للكل لا تلعوزون و تعذبون خواتكم ولا اخوانكم الكبار .. اوكي tongue

    انا الحمدلله سعيدة بوضعي smile ... واحيانا او نادرا ما اتمنى اني ما اكون الكبيرة بس في النهاية هذي الحقيقة .. asian

    eek ماشاء الله موشح ... طولت عليكن .. لا تكونن تملن مني ... biggrin
    اخر تعديل كان بواسطة » اليـــــاقوتــة في يوم » 12-03-2006 عند الساعة » 17:58

  6. #5
    مرحبااا

    يلا هلا بuaealss .. مشكورة عمشاركتج .. انا بعد الكبيرة افهم شو تقصدين ... انا بعد مسويني القدوة يعيني و الكل في الكل ... وبير الاسرار للكل.. لا تخبرون حد ... biggrin ..

    منورة وتسلمين ..smile سوري تاخرت قاعدة اكتبلكم كل التفاصيل لين ما تملن صدق .. من افتح فمي .. قصدي احط ايدي عالكي بورد ما اشلها biggrin
    اخر تعديل كان بواسطة » اليـــــاقوتــة في يوم » 12-03-2006 عند الساعة » 18:00

  7. #6
    انا الخامسه وععععععععع الكل يتامر
    لكن معليش
    وشكرا على موضوعك
    اختك

  8. #7
    السلام عليكم

    مشكورة عزيزتي الفراشة الملونة على المرور ..... و العفو هذا من ذوقج smile

  9. #8
    أهليييييييييييييييييييييين بكل البنات الحلوات
    مشكوره ياالياقوته على الموضوع الحلو الي مثلك
    اولا :انا الوسطيه بين البنات وحتى مع الأولاد
    ثانيا: مميزاته اني دلوعه شوي
    ووطلابتي تكون بحق المعروف المتداول في البيت
    واصلا ابوي الله يخليه ويبقيه والحمد لله على نعمة الوالدين انه حقاني في كل الأمور الواجبه عليه كأب
    وامي الله يخليها لنا ويطول في عمرها طيبه معنا كلنا وحنانها متساوي بيناتنا
    ثالثا : هو ما في مرحله من عمرنا الي ويكون فيها عيوب
    وحتى ترتيبنا بين اخوانا
    ما ادري وشو اقول عن عيوبه بس انا احس والحمد لله مافي عيوب كثيره في ترتيبي هذا
    بس يمكن مع المرحله الي أعيشها من عمري تكون فيها عيوب مختلطه مع ترتيبي
    وبلا شك اني اضايق من دلع اخوي الصغير ومن تأمر اختي الكبيره علي ومن ثقالت دم اخوي الأكبر
    الأخير:الحمد لله على كل شي في هذه الحياة الي ربي كتبها لي
    واصلا (الدنيا فانيه )

    ومشكوره على الموضوع الورعه


    مع حبي
    اخر تعديل كان بواسطة » Miss Someone في يوم » 12-03-2006 عند الساعة » 22:15
    {..
    All G00d Things C0mE T0 An EnD


    ..}

  10. #9
    السلام عليكم ...

    أهلييييين red rose ... مشكورة على المرورج ... والله انتي الاحلى ...wink

    الحمدلله ترانا كلنا في الهوى سوى ... واكيد مرحلة المراهقة مرحلة صعبة ...

    الله يكون في العووون .. biggrin

    تسلين smile

  11. #10
    و أنا رقم 3.....................

    عادي أكمل و .............لالالالالالالالالالالالالالالالالالال الالالالا..nervous
    تم حذف التوقيع لمخالفته القوانين .. smile ..

  12. #11
    انا ترتيبي في الوسط عندي اخت اكبر مني واخو اصغر مني



    انا اكيد عندي مزايا ميزتي هو اني انا الوحيده اللي ماعندها مزايا خخخخخخخخخخ


    بس اكيد يدلعوني بس انا واختي الكبيره دايما نتهاوش لوووووووووووول

  13. #12
    السلام عليكم ورحمة الله وبركاته ..


    راعي الكروزن ... cool مشكور أخي عالمرور .. هيه عادي كمل ... ليش ما كملت ..هههههه .. biggrin وتسلم smile



    واااي انتم .... مشكورة أختي على المرور .. و واااي انتي كيف ما عندج مزايا؟! tongue اكيد عندج مزايا .. ماحد ما عنده مزايا .. بس انتي ما تلاحظينهم الناس يقولولج شو هي ويعرفونها .... بالعادة الشخص نفسه ما يلاحظها .. صح ولا لا .. والهواشة شي عادي و طبيعي انا نفسي اتهاوش مع اصغر الصغار الي في البيت .. كاني ياهل .. هههههههه biggrin

    منورة والله وشكرا مرة ثانية .. smile

  14. #13
    ما هو ترتيبك في العائلة؟
    اخر العنقود احم احم

    مميزات ترتيبك
    الدلــــــــــــــــــع اكيد
    واطلب الي ابيه

    بس فيه حدود طبعا
    وانا اصغر وحده يعني الكتكوته >>>>>> مصدقه عمرها

    و ما هي عيوبه؟
    نفس ما قالت لولو

    بس انا بعض الاحيان يصير العكس احم احم
    ايبون لي الاشياء احم احم

    وهل انتِ سعيدة بهذا الترتيب؟
    اي الصراحه وااايد خخخخخخخخخ

    ...هاه شو ريكن حلو الموضوع ولا روتيني و سخيف ؟؟
    روووووعه


    مشكوره حبيبتي على الموضوع

    _______________
    عاشقة قطر

  15. #14
    الاسلام عليكم

    ياهلا بعشوقة ... عاشقة قطر ... من زمان ما شفناج ؟؟ عالمنتدى طبعاً .. ههههه ...tongue .. واشحالج واخبارج ؟؟

    تسلمين على مشاركتج الحلوة ... و الكتكوته مثلج .... biggrin

    ما هو ترتيبك في العائلة؟
    اخر العنقود احم احم
    اخر العنقود سكر معقود ... يا سكر wink
    مميزات ترتيبك
    الدلــــــــــــــــــع اكيد
    واطلب الي ابيه
    بس فيه حدود طبعا
    وانا اصغر وحده يعني الكتكوته >>>>>> مصدقه عمرها
    يـــــــــــــــــــــــــــــا حظج ...انا بعد يعطوني الي اريده ... الله يخلي اهالينا و يطول بعمرهم .. ويجيبولنا الي نريده biggrin
    و ما هي عيوبه؟
    نفس ما قالت لولو
    بس انا بعض الاحيان يصير العكس احم احم
    ايبون لي الاشياء احم احم
    يلا قولي الحمدلله ... ترى محد كامل ... ومش كل حد يريد الشي يحصله ... cool .. اتفلسف ..ههههه
    وهل انتِ سعيدة بهذا الترتيب؟
    اي الصراحه وااايد خخخخخخخخخ
    اكيد مش اخر العقود .... هههههههه....tongue
    ...هاه شو ريكن حلو الموضوع ولا روتيني و سخيف ؟؟
    روووووعه
    مشكوره حبيبتي على الموضوع
    والله انتي الروعة ... هذا من ذوقجsmile

  16. #15
    مشكوووووووووووووووووره عالموضوع الحلو والروعه


    أنا ترتيبي في الوسطgooood
    المزايا الحلوه انه أنا أتأمر على اخواتي الصغارtongue والكبار يتأمرون عليfrown

    المزايا السيئة ان يوم اخواتي الضغار يسوووووووون شي ماما تقول: كل منج انتي معلمتنه ..مثلا يطالعون تلفزيون وما يذاكرووووووووون biggrin
    والله أنا ما ضربتهم على ايديهم وقلتلهم ايلسوا معااااااااي rolleyes همممممممم يمكن لازم أضربهم عشان ما يلسون معاي tongue tongue biggrin biggrin smile smile (أمزح)

    يلا تحياتي للبنوتات الحلوااااااااااات

    (الموضوع حلو مره وفي انتظار الجديد منج يالحلوه gooood )
    take me by my hand ....take me some where mew ...I dont know who you are
    but Iam with you

    attachment
    ثانكس jeenifer عالتوقيعgooood

  17. #16
    السلام عليكم ...

    وأقول ليش الموضوع منور ... ثرج انتي هنيه ... cute avril عندنا يا مرحبا يا مرحبا .. نورك غطى على نور الكهربا .. هههههههه ..biggrin

    مشكورة على مشاركتج المميزة ... وحضورك الحلو مثلك ...
    مشكوووووووووووووووووره عالموضوع الحلو والروعه
    تسلمين هذا من ذوقج .... اصلا موضوعي مايسوى شي من غير مشاركاتكن الجنااااان wink
    أنا ترتيبي في الوسط
    المزايا الحلوه انه أنا أتأمر على اخواتي الصغار والكبار يتأمرون علي
    الوسط ... والنعم .... هيه مثل ما يقولون من حفر حفرة لأخيه وقع فيها ... ههههههههه ... biggrin
    المزايا السيئة ان يوم اخواتي الضغار يسوووووووون شي ماما تقول: كل منج انتي معلمتنه ..مثلا يطالعون تلفزيون وما يذاكرووووووووون
    والله أنا ما ضربتهم على ايديهم وقلتلهم ايلسوا معااااااااي همممممممم يمكن لازم أضربهم عشان ما يلسون معاي (أمزح)
    أحسن ...منو قالج تعلمينهم هالعادات السيئة مش انتي قدوتهم وختهم الكبيرة ..eek . هههههههbiggrin .. لا امزح وياج .. اصلا شو ما بتسوين بيقعدون يقلدون ... نصحيهم .. وادعي ربج انهم يفهمون .... ولا ضربيهم عندج اياهم عشان تفتكين من الحشرة ... لالالا امزح .. انا ضد الضرب ... وحليلهم لا تضربينهم واذا ضربتيهم ... smoker بطرشلج فيروس يخرب كمبيوترج ..ههههههههه biggrin
    مش تصدقين هههههههه tongue
    تسلمين عالمرور ... smile

  18. #17
    مشكووووووووووره عالسوءال الحلوى

    انا ترتيبي اللي قبل الاخيره هوا حلوا وما حلوفي نفس الوقت

    في نظري ما فيله شي مميز

    عيوبه الكريها
    هوا انى اخوي الصغير كل مايسوى شي يرده علي وانا يحليلي
    في عالم ثاني خبر خير......
    مب جيه بس ايبلهم الدلائل وكل شي علشان
    اظهر انا وعاد هو اخر العنقود لازم يصدقوه
    وفنفس الوقت يعيبني

    وارجوا انى ما طولت عليكم
    ومره ثانيه مشكوره فظفظت عن عمري

  19. #18
    هلا ... يا هلا بصدى الهجران ... شحالج ؟؟

    انا ترتيبي اللي قبل الاخيره هوا حلوا وما حلوفي نفس الوقت
    ونعم .. ليش مش حلو ؟؟ مادام انتي قبل الاخيره أكيد حلو و نص .. wink

    في نظري ما فيله شي مميز
    rolleyes .. اكيد ... ما اعتقد ... الحلوين مثلج دايما مميزين biggrin

    عيوبه الكريها
    هوا انى اخوي الصغير كل مايسوى شي يرده علي وانا يحليلي
    في عالم ثاني خبر خير......
    مب جيه بس ايبلهم الدلائل وكل شي علشان
    اظهر انا وعاد هو اخر العنقود لازم يصدقوه
    وفنفس الوقت يعيبني
    أخوج يباله ضرب ... هههههههه ..... هو ديايه يخاف يهاوشونه .... ههههههه biggrin .... ما عليج منه بينتصر الحق في النهاية .... زين والله يوم هو يعجبج .. هذا اهم شي gooood

    وارجوا انى ما طولت عليكم
    ومره ثانيه مشكوره فظفظت عن عمري
    لا بالعكس مرورك مثل العسل عقلبي .... فظفظي مثل ما تبين يا عمري .. انا دايما هنيه cool

    مشكورة عزيزتي عمشاركتك الحلوة smile

  20. #19
    ما هو ترتيبك في العائلة؟
    انا البنت رقم 3 بين 5 بنات وولد
    مميزات ترتيبك
    احلى شي التأمر ومافي مسؤوليه كثيره لانها اكثر شي على اخواتي الثنتين الاكبر مني وطبعا انا مستغله الوصع تمااااام خخخخخخخخخخخخخخخ
    و ما هي عيوبه؟
    عيووبه انه احيانا مايعطونا وجه واكون المسؤله عن البيت رقم 3 خخخخخخخ
    وهل انتِ سعيدة بهذا الترتيب؟
    يب يب يب فوور شوور اكيد سعيده انا بالوسط لااني كبيره مع اخواتي الكبار ولا اني صغيره مع الصغار الله رهيب المكان موقع استراتيجي بحححححححححححححت خخخخخخخخخخخخخخخخخخخخخ

    على فكره دائما الاخوان او الاخوات اللي ترتيبهم رقم واحد مثل ياقوته يحبون السيطره والمسؤوليه طبعا لانهم الاكبر يب بس حلو عشان ماتصير المسؤوليه على اللي بعدهم بس لازم اللي بعدهم يتعلموون المسؤوليه

  21. #20
    مرحبا ... شحالج؟؟

    زمرد ... سعيدة جدا بمشاركتك ... asian

    ما هو ترتيبك في العائلة؟
    انا البنت رقم 3 بين 5 بنات وولد
    ونعم .. بالثالثة .. هههههه

    مميزات ترتيبك
    احلى شي التأمر ومافي مسؤوليه كثيره لانها اكثر شي على اخواتي الثنتين الاكبر مني وطبعا انا مستغله الوصع تمااااام خخخخخخخخخخخخخخخ
    يعني عايشة حياتج ... اكل ومرعى و قلة ........ ههههههههه biggrin

    و ما هي عيوبه؟
    عيووبه انه احيانا مايعطونا وجه واكون المسؤله عن البيت رقم 3 خخخخخخخ
    يلا ... الطريق طويل قدامج .... بالتوفيق ههههههه cool

    وهل انتِ سعيدة بهذا الترتيب؟
    يب يب يب فوور شوور اكيد سعيده انا بالوسط لااني كبيره مع اخواتي الكبار ولا اني صغيره مع الصغار الله رهيب المكان موقع استراتيجي بحححححححححححححت خخخخخخخخخخخخخخخخخخخخخ
    صح .. موقعج مئة بالمئة استراتيجي ... tongue

    على فكره دائما الاخوان او الاخوات اللي ترتيبهم رقم واحد مثل ياقوته يحبون السيطره والمسؤوليه طبعا لانهم الاكبر يب بس حلو عشان ماتصير المسؤوليه على اللي بعدهم بس لازم اللي بعدهم يتعلموون المسؤوليه
    شو قصدتج .. أنا شريرة .. اهاهاهاهاهاcry ... biggrin biggrin .. امزاج معاج..هيه صح لازم تتعلمون عيل نحن نتعب و الباقي نيمين على ودانهم ... هههههههههه .. لا بعدكم صغار لعبوا وستانسوا ولاحقين عالمسؤولية ..biggrin

    تسلمين على المرور smile

الصفحة رقم 1 من 3 123 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter