بسم الله الرحمن الرحيم
احم احم
اكيد وحشتكم طبعا من دون اي شك و عارفة ان المنتدى مايسوى شي من غيري
اليوم انا محضرتلكم مفاجأة..اكيد كلنا نعرف العضو الطموح جدا..الي هو صديقي العزيز سكوال
الموضوع اليوم عن سكوال
اكيد تتسائلو ايش هو
طيب بلاش مقدمات
نخش في الموضوع على طول
اصلو سكوال ساير عصبي دي الايام و مايحب اللف و الدوران..شفتو كيف؟اول ما سار مشرف رمى اصدقائه..شرير سكوال سار متكبر
المهم انا اقلكم القصة
يوم فرح سكوال ب المدام زليخة..كنت انا حاضرة بصفتي اخته..المهم و فنص الفرح جاله الخبر انه سار مشرف
الاخ ساب فرحه و جري على بيتنا الي هوا بيت بابا و ماما طبعا...ساب زليخة المسكينة لحالها..المهم و دخل المنتدى و سار يعطي الاوامر
جيت انا و شفته قلت له:
يا اخي العزيز سكوال ما الامر؟
و ما القى غير كف على وجهي!!
ليش كف!!
شرير سكوال
قال ببساطة:
انا مشرف و من حقي اسوي الي ابغاه من بعد اليوم الكل يعاملني باحترام فاهمة؟
رخيت رأسي ببراءة و قلت بضعف شديد:
لكنني اختك
صرخ:
قلت تحترميني و لا ترفعي عينك عليا
قلت بانكسار بعد ان جرح مشاعري:
حاضر
قال:
و لا تقولي اي كلمة غير لما اسمحلك تتكلمي
طبعا يا حرام بدأت ابكي طردني من الغرفة و راح يكتب في المنتدى بفجعة كإنو عمره ماشاف منتدى يكتب فيه!!
المهم مين الي سمع؟
كان عندنا واحد اسمه زينو في البيت
كان وقتها بيمسح سيارة الاخ او السيد سكوال الظالم
كان بيتنصت من الطاقة كعادته..اقصد النافذة..سوري على اللغة
المهم
لما رحت جا زين و قال:
ايش سار؟
لالا
قال:
ش السالفة؟
قلت له:
ش السالفة؟؟؟؟؟قول ايش فين راحت الالف و الياء؟
قال:
من جد ايش سار
لاااااااااااااا
قال:
بجد خبريني ميرنا وش السالفة
(لاحظو انني اجيد تقليد لهجة زينو و ذلك لانني دقيقة جدا في القصة)
المهم
قلت له بكل ضعف و انكسار(انا بدأت اتعاطف مع نفسي تر دموعي تسيل على الكيبورد)
ولا شي بس اخي العزيز الغالي جدا سكوال تولى الاشراف في مكسات
قال لي زين و الشرر يتطاير من عينيه:
نو وي!!!!!!!!!!!!!!!
قلت له شوفو كيف رغم الي سواه سكوال انا لسا طيبة
قلت له:
لا يا زين مايسير تغار هادا سكوالووو و لووووو هو مرة طيب و يستاهل(عشني طيبة بعد كل الي سواه لساتي اصيله)
صرخ بتكبر:
بس انا اولى منه!!
قلت له:
كيف تتجرا و تقول كدة؟؟تر زيي زيك
خرج سكوال و قال بغطرسة:
وش السالفة؟
قلت له و انا اطالع في الارض زيما امرني:
لا بس...
قاطعني:
اسكتي لم اسمح لك بالتحدث
سكتت على طول يا حرام
الظاهر ان الاخ زينو عجبته الفكره..اقصد حكاية انه يسير مشرف و يتكبر على الكل..
قال زينو:
سكوال مبروووووك يا اخي الغالي..سرت مشرف..
قال سكوال بتكبر:
طبعا اكيد انا استاهل
قال زين:
ولو سكوال انت الاهم هنا بالبيت
(شوفو المصلحة يا لطيف)..
قال سكوال:
طيب و المطلوب؟
زين:
احم..خلي ميرنا تحترمني
سكوال بتكبر و غرور:
طبعا اكيد طيب
زين بفرح و بفجعة:
خلاص اقدر ابتدي بالاوامر عليها؟..
قال سكوال:
طبعا
زين بتملق:
احم..ميرنا روحي نظفي السيارة
طالع فيا سكوال و قال:
انتي مين؟
قلت له:
انا اختك ميرنا!!
قال:
لالا منتي اختي انا ما اعرفك..تعرفها يا زين؟
زين:
لا طبعا ما اعرفها!!
و هاكزا..قضت المسكينة ميرنا حياتها ..
توتا توتا خلست الحدوتة و اتمنى من غير زعل زين و سكوال اعز اصدقائي..و انا فعلا فخورة بيهم
سكوال
عمري ما شفت احد فوفائه..بشهادة الكل..فعلا شخص متفهم..و عمري محا انساه ابدا..دمه خفيف في نفس الوقت شخصيته القيادية اعطته شعبية اكتر..جاد وقت الجد و مزوحي وقت المزح..يعز اصدقائه و ماينساهم ابدا..رغم الوقت الي غبت فيه و الي حاغيب فيه انا واثقة ان سكوال عمره محا يتغير ابدا و انه حيضل سكوال الي نعرفه اليوم و بكرة و على طول..موجود دائما لمساعدة اصدقائه عمره مانسي اي واحد منهم ابدا و مايحتاج اعدد محاسنه الكل عارفها..الكل عارف سكوال مين هو..
زين..
انسان بسيط و عفوي جدا لا يحب التكلف يحب ان الناس تعامله زيما هو و ما يحب احد يعطيه اكبر من قدره..متواضح و يسامح كتييييييييييييير..يقدر الاخوة و الصداقة و مستعد يسوي المستحيل الا انه يخسر اعز اصدقائه..طيبته تخليني احس بالذنب كتير..يعترف بخطأه مايتعمد يئذي احد..هزلي احيانا لكن مشاعره مرهفة انسان حساس و يعتمد عليه..يتظاهر ب عدم المعرفه او با اللا مبالاه مع انه انسان عميق جدا..يخجل من المدح..ما يهتم ابدا بالمظاهر يحاول يفهم الي قدامه و يجيبله اعذار دائما..
اضافة رد مع اقتباس
صراحه بكلامج اللطيف
المفضلات