مشاهدة النتائج 1 الى 9 من 9
  1. #1

    رائع تخرّجنا ونبغا نعرس(ليله العمر)

    تخرّجنا ونبغا نعرس(ليله العمر)
    <--------- صاير حكواتى
    المهم خلصنا من المدرسه ومشاكلها ودخلنا الجامعه وطلعت للرجال شنبات (صار ولد وبشنب مايل بعد) وبغا العرس المهم ندخل بصلب الموضوع :
    كان يامكان فى قديم الزمان في يوم الثلاثاء ليلة الجمعة (<------- بدأ يرتبك من الحين ) اتجهت مع بعض الشباب الى صالة الافراح وكان اللي يسوق واحد من الشباب ويوم اقبلنا على القصر الا وأشوف ذا العالم اللي متجمهرين قدام البوابة ......
    قلت كل ذوللي الحين بيسلمون علي ( اول مره احس اني حلو )
    اول ما وقفنا السيارة الا ويجيني ذاك اللي يركض وراه بزارين غترهم اطول منهم وكل واحد ماسك مدخنه ( انا في حالكم الحين )
    وتجمع علي ذا البشرية وانوااااااع السلام وانوااااع السعابيل على خدي منهم واللي يقول مبروووك واللي يقول بالرفاء والبنين واللي يقول منك العيال ومنها البناات وانا اقول لهم يامال الثنكيو يامال الثنكيو
    المهم ويمسكني ابووي بيدي وينتشلني من امام هالجموع اللي يسلمون علي ( ما قلت لكم اني مهم ) ويوديني للمكان المخصص لي والناس يناظروني وكأنهم مو مصدقين اني معرس
    المهم صرت اشرب اي شي قداامي ( ترا ما ارتبكت مررره ) واي شي يمدونه لي اشربه يعني انسواا اني اقول لهم بس لدرجة اني اخذت فنجال قهوه كانوا بيعطونه لواحد جنبي
    المهم شوي الا وجاايني واحد من الشله
    يقول لي //// انت صاحي انت بكامل قواك العقلية ؟؟؟؟؟؟
    قلت ///// ليييييييش ترا انا مو ناقصك اخلص قل وش فيك ؟
    قال // فيه احد يجي لزواجه وهو لابس نعال الحمام
    انا اطالع تحت الا هي صحيح لا ولونها اخضر بعد والبشت لونه اسود يعني صرت كني بيدجانه

    قلطوا النااس للعشاء انا جااني البابا وقال يالله
    قلت // وين ؟؟؟
    قال // نبي ندخلك على زوجتك
    اناا // والعشاء
    قال // كل تبن وامش تعشى انت وزوجتك
    المهم مشيت انا وابوي وابو العروس ( عمي ) مع الباب الخلفي
    حتى وصلنا للغرفة ( اللي فيها المدام )
    اهاااااااااااااااااااااااااا وصلنا للجد الله الله على الجد والجد الله الله عليه
    دخلت الغرفة ومعي الابوين ولقيت المحروسه فالتها وجالسه على كنب احسن من اللي كنت انا جالس عليه
    المهم يوم دخلت ما اخبي عليكم وطيت على رجلها ( طبعا بدون قصد مني )
    وقلت للابوين يالله عاد افهموها وضفوا وجيهكم <==== قلت الخاتمه يوم تزوج
    طلعوااا وبقيت انا وياها بروحنااا
    بس ا حساااافه اشوووووووف فيه ناااس يطلطلووون من ورى الباب
    طلعوا الحريم اللي بصالة الحريم جو هنا (( يا شين اللزقات )))
    وخلا ثواني بس امتلات الغرفة بعشراات النساء والمبزرة اللي تبارك واللي تقز فيني ولا ذيك العجيز اللي ترقص قلت لها ترفقي يا فيفي ( يا قدمي ) وكل وحده منهم تبارك وتدعي الله يوفقكم الله يسعدكم وانا اقول لهم عز الله مقامكم المهم انهم بعد مفاوضات اقتنعتهم انهم يضفون برااا

    واخيرا صرت انا والمداام بروحناا
    احم احم
    استجمعت قووااي وتسلفت بعد من قوىى اخوااني ابي اكلمها
    قلت // ااااااااا السلام عليكم <===== بدري
    هي // .................. <==== برهه من الزمن
    هي // وعليكم السلام
    ............................................. <===== 10 دقايق ساكتين مدري وش اقول
    انا ( ولعت لمبه برااسي ) //// مبروك
    هي // الله يبارك فيك

    انا شلت ذا القماااش اللي على وجهها مدري وش يسمونه <==== امحق معرس
    وحطيت يدي على ناصية شعرها ابي اقول الدعاء المأثور
    ومن زود الارتباك قلت الدعااء ( سبحان الذي سخر لنا هذا وما كنا له مقرنين وإنا لربنا لراجعون )
    هي /// :mad
    انا /// (( ولا جبت خبر انه دعاء السفر )
    المهم عدى الموضوع على خير <==== اي خير

    المهم عاد خبركم انا الله يحرسني احب اطبق الادعية والسنن في ليلة العمر ( ايه هين ) سمعت عن الركعتين اللي تصلى في الليلة قلت لازم اصليها

    اناا// اللللللله اكبر (((( كنت متجه باتجاه الشمال الشرقي ))) يعني حايس ام القبلة واصلي باتجاه الكويت
    هي // القبله هنا جزاك الله خير
    اناا ///

    طلعنا من صالة الافرااح باتجاه المنزل كنت افكر وش اقول لها وكيف ابادرها بالكلام استجمعت بناات افكاري
    وقلت لها /// تعشيتي ؟؟
    قالت /// وهي تهز راسها لاا ما اتعشيت
    اناا// ولا يهمك اناا بعشيك وعلى حسااابي بعد
    وقفت عند المطعم وقلت عندك سندوتش بيض بالشطه <==== عزوبي مزمن
    المطعم /// لا والله ماعندنا سندوتش بيض بالشطه
    انااا /// طيب سندوتش فلافل
    المطعم /// ايوا موجود خيو
    انا /// طيب عطني اثنين سندوتش فلافل واثنين بيبسي
    المطعم /// اي تكرم عيونك
    اناا// بسرعه

    خذن الطلب ومشيناا <====== الله من زين هالطلب

    مشينا بعدها وأنا مازلت ابحث عن موضوع يكون سبباً لكسر حاجز الصمت بيننا

    سألتها // الا وش اسم اخوك خالد
    هي //
    انا /// خلاص اذا فيه احرااج لك ماله دااعي بس مصيري راح اعرف اسمه

    وصلنا البيت ونزلت من السيارة عشان افتح باب البيت بس هي ما نزلت بالسيارة قلت لها انزلي بس راده بالدعوى ولا نزلت تبيني افتح لها الباب
    قلت لها /// وأنا شغال عند ابوك ، أنا ألي دافع الفلوس وإلا أنت ، المفروض بعد أنك أنت ألي تفتحين لي الباب .. عضت على شفتها بقوة

    طلعنا البيت وتعشينا وخلصت انا قبلها قلت لها ترا الاخير هو اللي يغسل الصحون <==== ( من قوانين العزوبية )

    غسلنا ايدينا وفرشنا اسناننا بالفرشاتي والمعجون ( فرصة عشان اكذب عليكم واقول اني افرش سنوني )
    وجلسنا على الاريكة وقلت لها طيب وش رايك نتابع اقوال الصحف حقت بكرى .. كالعادة لم يعجبها كلامي عقدت حاجبيها ونظرات إلى الأسفل مع بعض من التذمر … ولكي ازيل الأنطباع السيئ عني والذي تكون لديها خلال السويعات الماضية قررت أن اراضيها واصالحها فقلت : يازوجتي العزيزة يأم أعيالي المستقبلية - صوت ناي حزين - تكفين لا تزعلين مني تراني ما كنت اقصد ، أنا مسكين .. ضعيف الحيلة ممكن تسلفيني 15 ريال .. اقصد ممكن تسامحيني وتخليننا نفتح صفحة بيضاء بالدفتر ألي لسى ماشترينهtongue
    اخر تعديل كان بواسطة » WaSiMoO في يوم » 05-09-2002 عند الساعة » 13:49


  2. ...

  3. #2

    سلامي للجميع .....

    chirolp_pupuchirolp_pupuchirolp_pupuchirolp_pupuchirolp_pupu

    [glow]هههههههههههههههههههههههههههههههههههههههههههههه[/glow]

    الله يقطع شياطينك قتلتني من الضحك ... chirolp_pokachirolp_pokachirolp_pokachirolp_poka

    انا اطالع تحت الا هي صحيح لا ولونها اخضر بعد والبشت لونه اسود يعني صرت كني بيدجانه

    لهاذي الدرجة تهورت ... biggrin


    ومن زود الارتباك قلت الدعااء ( سبحان الذي سخر لنا هذا وما كنا له مقرنين وإنا لربنا لراجعون )

    هان من جد قتلتني ضحك ... لوووووووووووووووووووووووووول ... wink

    سألتها // الا وش اسم اخوك خالد

    أحمد ...


    هههههههههههههههههههههه ... biggrin


    طلعنا البيت وتعشينا وخلصت انا قبلها قلت لها ترا الاخير هو اللي يغسل الصحون <==== ( من قوانين العزوبية )

    <<<<<<<<<<<<<<<<<< مزال يمارسها .... 3d

    مشكوووووووور على القصة الجميلة وإن شاء الله نشوف منها كثييييييييييير ... wink
    أنْتَمِي حَيْثُ ....

    لاَ أَتَّفِقُ مَعَالحُزنِ أَبَداً ..!!


  4. #3

  5. #4

  6. #5
    هههههههههههههها وسيموه والله طلعت رهيب بس بالله عيني عينك انت اللي كاتب القصه ؟؟؟
    بس بصراحه اعجبتني عزوبي مزمن خخخخخخخخخ .. مشكور عالموضوع الحلو
    دايم مواضيع اعضاء منظمتنا رهيبه

  7. #6
    الرسالة الأصلية كتبت بواسطة ZA7EF :
    انت اللي كاتب القصه ؟؟؟

    دايم مواضيع اعضاء منظمتنا رهيبه
    يصير خير كتبها هو

    تلاقيه لطشها من احد القروباتtongue


    معك حق زاحف
    دايم مواضيع اعضاء منظمتنا رهيبه

    gooood

  8. #7
    هههههههههههههههههه
    مشكووووورين على ردودكمbiggrin
    بس لازم في كل موضوع القى فيه رد زي الزفت
    صج لي قالوا الزين مايكملrolleyes

  9. #8
    هههههههههههههههههههههههههههه

    وسيم
    والله الحال من بعضه

    يعني انت كذا




    على الأقل فتحت فمك

    يعني ممكن تكلمها

    انا والله لو اقعد مبرطم ساعتين ما ادر وش اقول

    على العموم تسلم لي على هالئصه الزوق يا زوق <<<< سعودي متلبنن (( مسوي لبناني ))



    سلااام

  10. #9
    العفوووووووووووووو اساموووه
    مشكور على ردك
    اشوفك بالبطحاء شفت الصعيدي بياع النعال؟
    هذا واحد تعرفه زيييينrolleyes

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter